توني حامل... حدي غشيمة تعالوا شوفوا سالفتي و نصحوني .. لا حرمت منكم ^*

[Lulu_Perla]

السلام عليكم..

شلونكم حبيباتي..



انا كان فيني تكيس بالمبيض.. و كنت اعالج منه و اخذ حبوب منشطة و ابرة تفجيرية عشان تساعدني احمل.. لان دكتورتي كانت تقولي ان الحمل راح يخلي التكيس يروح بروحه..

اما اذا ما حملت خلال 6 شهور كانت بتسويلي منظار..

المهم..
خذيت هالحبوب لمدة شهرين.. و الحمدلله ربي رزقني و حملت..


بس وزني زاد وايد من هالحبوب.. زدت بشهرين 8 كيلو تقريبا..
مع اني خلال هالشهرين مسوين ريجيم.. و كل يوم عدا الويك اند غداي شوربة و سلطة و ريوقي خفيف و ماكو عشا.. بس كنت ازيد ما انزل و لا نص كيلو..!!!!



الحين ودي اسوي ريجيم يضعفني.. لان من غير شي انا زايدة و الحمل بيخليني ازيد وايد..

يصير اسوي ريجيم..؟؟؟
و للعلم انا توني محللة.. يعني توه ما كملت شهر تقريبا



انصحووووووووووووووووووووني
و قولولي شسوي..
ممكن اسوي ريجيم و انزل شوي..؟؟
ولا انسى انزل هال8 كيلو اللي على قلبي..؟؟؟ :krkrkr:



ناطرتكم حبيباتي..

 

[sweeta77]

حبيبتي الف مبروك
انا في حملي هذا الدكتوره خايفه من السكر
مع اني ما فيني
بس من التحاليل اعلى شي بالطبيعي
فآكل اكل صحي (طبعا يملل)
بدون عيش بدون خبز بدون حلويات
اكثر من الخضار والسلطات
والشوربه لانها تشبع
والبروتين طبعا

 

[إستبرق]

اول شي ربي يثبت لج حملج ويسهل عليج
وبعدين تقدرين تروحين دكتور تغذيه واحسن واحد للحوامل محمد ربيعه يعطيج نظام صحي واكله زين وتنزلين بنت خالتي حامل وراجعت عنده وكانت بالاسبوعين تنزل ٥
والله يهون عليج

 

[أم عبود 2011]

ربي يتمم عليج
خلي كلج صحي وكثري سلطات وابتعدي عن الكاكاو والدهنيات والمقالي والبيبسي وإخوانه
في وايد أخصائيين تغذية يعطون الحامل برنامج غذائي يفيدها وما يخلي الوزن يزيد عن المعقول وبنفس الوقت يغذي البيبي مع إن تغذية الجنين من جسم الأم نفسها يعني حتى لو قعدتي يومين بدون أكل الجنين راح يتغذى بس المشكلة الأم راح تتعب وايد لأن الجنين ياخذ من فيتامينات ومعادن جسمها فعلشان جذي لازم تتغذى عدل علشان تعوض

 

[really cat]

الله يعينج
أكل الحامل مأساة

انا من أول حملي كنت شحلاتنى اكلى كله صحى
الحين انا بشهر الرابع ومن نص الثالث خلااااااااااااااااااااااص زهقت من أكل البيت وألاكل الصحي أصلاا معدتى ما قامت أتقبل الأكل الصحى هههههههههههه
اتعرفين كويتيه لااازم اخوره بالاكل ولا ما ارتاح


انا أقول استشيرى دكتور تغذيه أحسلج اذا ناويه اسوين رجيم
يعنى دكتور التغذيه يضبطلج الأكل المناسب للحامل من فيتامينات وأكل صحي

أسفه هذرت عليج

 

[* ملكني الخوف *]

مبروك حبيبتي ع الحمال المشكله ان الحمال لازم تاكل واتغذى لان الجنين ياخذ منج الكالسيوم والحديد وغيره فلازم تاكلين اصلاً لازم وزن الحامل الطبيعي يزيد بين ١٠-١٢ كيلو غصبن علينا جنه ٣ حق الجنين ٢ حق المشيمه والباقي وزنج الطبيعي يعني تزيدين ٥ كيلو تقريباً وانتي بالشهر الثالث ضاعفه ضاعفه من اللوعه والترجيع واذا ان شالله ولدتي بالسلامه سوي رجيم على كيفج حرام خلي الجنين يتغذى وانتي بعد تغذي

 

[Q.8.h.2]

السلام عليكم..

شلونكم حبيباتي..



انا كان فيني تكيس بالمبيض.. و كنت اعالج منه و اخذ حبوب منشطة و ابرة تفجيرية عشان تساعدني احمل.. لان دكتورتي كانت تقولي ان الحمل راح يخلي التكيس يروح بروحه..

اما اذا ما حملت خلال 6 شهور كانت بتسويلي منظار..

المهم..
خذيت هالحبوب لمدة شهرين.. و الحمدلله ربي رزقني و حملت..


بس وزني زاد وايد من هالحبوب.. زدت بشهرين 8 كيلو تقريبا..
مع اني خلال هالشهرين مسوين ريجيم.. و كل يوم عدا الويك اند غداي شوربة و سلطة و ريوقي خفيف و ماكو عشا.. بس كنت ازيد ما انزل و لا نص كيلو..!!!!



الحين ودي اسوي ريجيم يضعفني.. لان من غير شي انا زايدة و الحمل بيخليني ازيد وايد..

يصير اسوي ريجيم..؟؟؟
و للعلم انا توني محللة.. يعني توه ما كملت شهر تقريبا



انصحووووووووووووووووووووني
و قولولي شسوي..
ممكن اسوي ريجيم و انزل شوي..؟؟
ولا انسى انزل هال8 كيلو اللي على قلبي..؟؟؟ :krkrkr:



ناطرتكم حبيباتي..

لاتحرمين نفسج بس اكلي اكل صحي
يعني ريوقج حبتين توست اسمر مع قطعة جبن حليب قليل الدسم ولاتخربطين بالاكل واذا حسيتي باليوع تمشي وبايدج خيار او اي شي من الاشياء اللي ماتمتن ومفيده والغدا حطيلج كوب عيش مع قطعه لحم او دياي وجذي يعني لاتكثرين وحيلج بالسلطه والبيض يكون مفيوح مو بالزيت وجذي يعني كلما قللتي من الاشياء اللي فيها زيت ونشا افضل

بدلي كل شي طحينه ابيض بالاسمر من خبز وصمون وتوست افضل
اول ماحملت ياااازين اكلي والحين ضايق خلقي مو قادره امسك نفسي :eh_s(16):

 

[Tom ♥ Jerry]

.




لاااااااااااااااااااااااء :eh_s(1): !

لا تسوين رجيم و انتي حآمل حرآم البيبي يبي يآكل يتغذى منج !
لا تحرمينه من الاكل الزين !
آكلي كل شي مفيد و لا تقولين مو زين ؛@ !
الرجيم انسيه لمآ تولدين سوي الي تبين تسوينه ..
رجيم + حمل = مو زين يا قلبي ..
آنتي الحين اصلا المفروض تاكلين عن 2 !
تكثرين من الأكل مو تقللين منه .. نصيحه لا تسوين رجيم
و عليج بالحليب شربي حليب قد مآ تقدرين (=

.

 

[Lulu_Perla]

حبيباتي.. مشكورين عالرد تبردون القلب..


بس اللي قالولي مو زين الريجيم..
انا مابي ريجيم قاسي.. بس انا من غير شي وزني زايد.. مابي مع الحمال اطوف الـ 100 كيلو

ابي اخفف بس ماعرف شلون..
و وايد اسمع عن ريجيم الحوامل.. بس مادري.. هل هو يضعف او بس يحافظ عالوزن..؟؟؟

 

[انا حبه للابد]

الله يتمم عليج حمالج يا رب ولاتسمعين كلام البنات اللي يقولون لاتسوين رجيم ترى بتصيرين نفسي صرت فيلوالسبه البلعه وقت الحمل لاتقسين على روحج ولاتهدين نفسج عالاكل ولابد يزيد وزنج بس بالمعقول

 

[Lulu_Perla]

حبيبتي و الله
و هذا اللي انا ابيه..
اخاف اهد نفسي انتفخ.. ال 1000 كيلو اللي بزيدهم شينزلهم بعدين..؟؟
انا جسمي صاير ما ينزل بسرعه


عشان جذي ودي بدكتور تغذية

مشكووورة حبيبتي
بدورلي دكتور او دكتورة..

سامعين عن سارة الشطي او دشتي..؟؟
مو متأكدة من اسمها بس وايد يمدحونها

 

[n00_00ry]

حبيبتي انا اخصائيه تغذيه وأقولج مايصير اتسوين رجيم وانتي حامل بس تقدرين اتزيدين حركتج بالنصف الثاني من الحمل يعني الشهر 6و7و8

وبالنسبه اكلي ل2 هذي غلط ..شوفي ياقلبي اول 3 شهوور اكلي اكل صحي عادي نفس كميتج الطبيعيه وثاني ثلاث شهور اتزيدين شي بسيط 30كالوري بس يعني بس زيدي شويييه ونفس الشي لباقي الحمل جسمج بالنصف الاول يجمع دهون لاتحاتين زياده الوزن اكلي اللي تحتاجينه بس موتكثرين وبالنصف الثاني يكسر هالدهن يستخدمه طاقه لج وطاقه الياهل ياخذها من الكربوهيدرات اللي تاكلينها

سوري كثرت عليج بس ماحبيت اطلع ومافيدج... وبالتوفيق

 

[noo7a]

مبروك الحمال حبيبتي
اول الاشهر لا تسوين في بنات وايد مع النساة ينزل وزنهم
فيمكن تنزلين هال٨ كيلوات
و اذا بتبلشين رجيم من الخامس احسن و طبعا يفضل مع متابعه طبيب
و في وحده من البنات نك نيمها جنه ام خدود ورديه او شي جذي منزله رجيم حوامل

 

[ام خدود ورديه]

حياتي الف مبروك الحمال انا رحت حق دكتور محمد ربيع وخذيت منه ريجيم الحوامل
اخذي الرابط تحت توقيعي وحياج

 

[مواصله]

البنات ماقصرو

وانا اقولج لاتحاتين هال8كيلو بيروحون مع النساة الله يعيينج ويعيينا

 

[نـور الكويت]

الف مبروووك ياقلبي والله يتمم عليييييج وتفرحيين بشوفته

بس صدقيني الوحاام بينزل وزنج حيييييييييييل .. بس اهم شي ترقدي على عمررج

ارتاحي واكلي اكل صحي ولا تصعدين ولا تنزلييين ارتااااحي ولا تفكرين برجيم اهم شي اكلي اكل صحييي

وعسى الله يرزقج ويتمم عليج ويفرحج يارب العالمين

 

[مزاااج]

اضافه بسيطه ع كلام الخوات
اكبر غلط تاكلين عن شخصين

وبالعكس سوي نظام غذائي صحي
لأنه ماله داعي الوزن الزايد يأذيج مايفيدج


خففي
وزعي الوجبات خلال اليوم
قللي السعرات الحراريه
تحركي حركه بسيطه
وكثري سوائل
وحليبج يكون نصف دسم كي دي دي>>> لذيذ

والله يقومج بالسلامه

​

 

[Om -TOota]

حبيبتي خلي اكلج صحي وانشا الله يثبت وزنج ومايزيد

 

[Lulu_Perla]

حبيبتي انا اخصائيه تغذيه وأقولج مايصير اتسوين رجيم وانتي حامل بس تقدرين اتزيدين حركتج بالنصف الثاني من الحمل يعني الشهر 6و7و8

وبالنسبه اكلي ل2 هذي غلط ..شوفي ياقلبي اول 3 شهوور اكلي اكل صحي عادي نفس كميتج الطبيعيه وثاني ثلاث شهور اتزيدين شي بسيط 30كالوري بس يعني بس زيدي شويييه ونفس الشي لباقي الحمل جسمج بالنصف الاول يجمع دهون لاتحاتين زياده الوزن اكلي اللي تحتاجينه بس موتكثرين وبالنصف الثاني يكسر هالدهن يستخدمه طاقه لج وطاقه الياهل ياخذها من الكربوهيدرات اللي تاكلينها

سوري كثرت عليج بس ماحبيت اطلع ومافيدج... وبالتوفيق

مشكوووورة يا قلبي
و ما تقصرين

يا رب بس ينزل هالوزن و يريحني.. اول مرة انتفخ جذي..!!
كله من هالهرمونات :krkrkr:

مبروك الحمال حبيبتي

اول الاشهر لا تسوين في بنات وايد مع النساة ينزل وزنهم
فيمكن تنزلين هال٨ كيلوات
و اذا بتبلشين رجيم من الخامس احسن و طبعا يفضل مع متابعه طبيب
و في وحده من البنات نك نيمها جنه ام خدود ورديه او شي جذي منزله رجيم حوامل

امين الله يسمع منج,,
اي شفت ريجيمها جزاها الله خير الصراحة
مشكورة عزيزتي :eh_s(7):

حياتي الف مبروك الحمال انا رحت حق دكتور محمد ربيع وخذيت منه ريجيم الحوامل

اخذي الرابط تحت توقيعي وحياج

انتي نزلتيلي من السما ..!!
فديت خدودج الوردية :eh_s(7):
متابعة ريجيمج.. و نسخته.. و بادية فيه من اليوم ان شالله
ربي يسهل

البنات ماقصرو

وانا اقولج لاتحاتين هال8كيلو بيروحون مع النساة الله يعيينج ويعيينا

امين الله يسمع منج مواصلة فديتج..
ليلحين مابدت النساه.. بس حدي خايفة منها..
انا كلشي و لا اللوعة ما اتحملها افرفررر اموت :eh_s(2):
الله يسهل بس

 

[Lulu_Perla]

الف مبروووك ياقلبي والله يتمم عليييييج وتفرحيين بشوفته

بس صدقيني الوحاام بينزل وزنج حيييييييييييل .. بس اهم شي ترقدي على عمررج

ارتاحي واكلي اكل صحي ولا تصعدين ولا تنزلييين ارتااااحي ولا تفكرين برجيم اهم شي اكلي اكل صحييي

وعسى الله يرزقج ويتمم عليج ويفرحج يارب العالمين

الله يبارك فيج و يخليج
ياليت و الله ينزل وزني منه.. مع اني خايفة منه من الحين هههههههههه
هذا اللي احاول اسويه الحين..
انا مابي ريجيم تجويع..
بس ابي انظم اكلي.. و اعرف شنو اكل و شنو ما اكل

امين يا رب العالمين فديتج و فديت دعواتج الحلوة حبيبتي و الله ردج ونسني
يسلملي قلبج غلا :eh_s(7):

اضافه بسيطه ع كلام الخوات
اكبر غلط تاكلين عن شخصين​

وبالعكس سوي نظام غذائي صحي
لأنه ماله داعي الوزن الزايد يأذيج مايفيدج​

خففي
وزعي الوجبات خلال اليوم
قللي السعرات الحراريه
تحركي حركه بسيطه
وكثري سوائل
وحليبج يكون نصف دسم كي دي دي>>> لذيذ​

والله يقومج بالسلامه​

اي على قولتج.. اكل اكل 2 عشان ايي البيبي راسه عود يشلع قلبي و انا انتفخ و ابتلش بعمري.. و اقعد افرفر عشان انزل 30 كيلو
:krkrkr:

تسلمين لي غلا و ماقصرتي عالنصايح..
امين يا ربي.. الله يقومنا كلنا بالسلامة و تقر عيونا بعيالنا :yaaaaaarb:

حبيبتي خلي اكلج صحي وانشا الله يثبت وزنج ومايزيد

الله يسمع منج
مشكورة حبيبتي