توني اكتشف هالشي بزوجي بعد 10 سنوات زواج

[حرم_الغلا]

حبيبتي

عاادي كل الريايل جذي بينهم طلاسم ومن هالكلام اللي قريتيه

دام انه مايتلفظ عليج بهالافاظ خليه مع ربعه مو بس زوجج حتى زوجي
مره كان معاي فون ولد عمه ودشيت ع المحادثه الا كلام موووصج عاادي ولد عمه عمره 17 يعني عادي


اهم شي محترمني
وهلالفاظ مو لج

 

[AmoOona_29]

أنا معاج ، صراحه ما أتحمل قلة الأدب حتى لو كان زين معاي

أنا أخوي لو أصيده يغازل أو كلامه مع ربعه وصخ ، وربي ما أسكت وهو أخوي
شحال لو زوجي ! يممممه

 

[لطيفــة]

عادي الشباب مع بعض يتلفضون بألفاض بالنسبه لنا قذره
وهم عادي عندهم انتي مالج شغل فيه .. دامه حاشمج ومحترمج

 

[امـ خــزامـى]

حبيبتي انت شكلك مصدووومه منه ومااتعرفين عالم الرجل كيف


انا نفس حالتك كنت مااعرف وقريت كلااامهم لبعض قلت بس هذولا شاااذين

صرت اشك فيه واراقبه

بالاخير يوم سولفت مع البنات ضحكوا علي قالوا للاسف هذا كلامهم عاادي مافيهم شي طبيعين ترى
بس يحبون يتكلمون كلام وسخ

ويوم صارحته قال مجنونه تشكين بهالشي هذا كلامنا مع بعض مزحنا ثقييييييييييييييييييل
بس الحمدالله الحق ينقال زوووجي نفس طريقة زوجك مااايرد ومااايقول مثل كلامهم
والحمدالله عذرني لاني جاهله تمام بعالم الرجل لان ماعندي اخووان الا واحد وصغير


ارتاااحي حبيبتي ولا يضيق صدررررك


تطمني وربي يسخرلك ويسعدك

 

[floragucci]

امم بنات في جانب مخفي بالموضوع قاعده تقولكم يسبون ريلها سب قوي ومو قاعد يرد يتبوسم ؟ اذا مو قاعد يرد ليش عاجبه الوضع جذي ؟ شوفي انا مر علي خاطب يقولي انا احب زوجتي تسبني جدام اهلي وتمصخرني وحتى ابيها تطقني خطيبي كان دكتور مو واحد صايع اتوقع هذا مرض نفسي بس دامه مو مأثر ع حياتكم الزوجيه شيلي السالفه من راسج الله يهديه

 

[Laidy n3ooma]

عادي هذي الفاظهم بالميالس حتى البنات احيانا لهم نكت والفاظ ومحادثات بس مو معناتها تخووون

 

[ام الحلوااات]

هـــــو وربـــعــــه بــاالــطـــقــااااق اللـــي يــطــقــهــــم
انـــتـــــي وش عـــلــيـــج مــنــهــــم بــحـــرررريـــقـــــه مــع بـعـضـهـم
اهـــم شــــي عـــاازج وراازج وحـــاااشـــمــج وش تـــبــيــن بــعـــد ؟؟​

 

[Zinab BH]

مثل ماانتي وربعج كيفج اهو وربعه كيفه يتصافقون حبيبتي اهم شي الريال زين وياج وسيدة وماعنده خرابيط حمدي ربج ,, الله يسخره لج و تركي عنج المشاكل ولا كانه شي صاير

 

[i'm so happy]

ماعندي تعليق ولا حبيت اطلع بدون رد
بس مني له دعاء ان ربي يهديه ياااارب

وانتي ادعي ان ربي يهديه ولا تفتحين معاه هالموضوع

 

[i'm so happy]

ماعندي تعليق ولا حبيت اطلع بدون رد
بس مني له دعاء ان ربي يهديه ياااارب

وانتي ادعي ان ربي يهديه ولا تفتحين معاه هالموضوع مالج الا الدعاء اختي العزيزه ..

:yaaaaaarb:

 

[Um Tuki]

غشمرة الشباب ثقيلة

 

[M!ss CoLoRz]

عالم الرياييل كريه لا اكثر ولا اقل وتصرفي كأنج ما جفتي شي ولا تعيدينها مرة ثانية

 

[yam_yam]

حتى احنا الحريم لا سولفنا بينا و بين بعض كل شي نقول لوووووووووووووووول
و اكيد في اشياء عيب تنقال جدام الريال او مو حلو يسمعها

و مدام ماقالها جدامج معناته لج كل احترام و تقدير و تقولين عشر سنوات
يعني الحمدلله حياتج حلوة و مرتاحه
لاتفتحين على عمرج باب حبيبتي

 

[Pinky -cat]

دام الريال زين وياج شلج بعوار الراس تنيشين وتشوفين دامه طيب ومراعي بيته ومو مقصر كيفه خل يكون مثل ما يبي
ويا ربعه واول وتالي هاذا مجرد كلام .

انسي وقطي ورا ضهرج .

 

[mrs.abk]

بصراحة شفته من يفتح جواله يتبوسم شكيت بالسالفه جاني فضول اشوف وش اللي يضحكه

ااااه ما ادري شقول لكم

خليه يتونس .. ترا الرياييل جيه يقولون لبعض . .

طنشي .. عالم الرياييل غريب عجيب

 

[pusy cat]

كلهم جذي مع ربعهم

لاتنبشين مره ثانيه كل اللي نبشو عورتهم قلوبهم

وديري بالج تقولينله ربعك يقولونلك جذي وجذي ترى انتي الغلطانه

 

[pusy cat]

آسفه حبيبتي بس ترى ماعندج سالفه قولي الحمدلله ترى همچ صغير

في ناس تلقى صور وفيديوات وصخه ومكالمات وارقام بنات وهم هالشي صار طبيعي للاسف

وسالفة انه مايرد عليهم معناته انه رجال محترم وماعنده قلة ادب

 

[مذهلة2013]

حبيبتي المهم مايخون

كيفه مع ربعه

 

[الهما]

عزيزتي للاسف قاموس الكلمات النابية عادي عند فئة الشباب
كلمات يعف اللسان عن ذكرها ... و بعضها يطعن بعرضه
الله يهديهم
و نصيحه لا تفتحين معاه الموضوع
تقدرين تلمحين ان اللعن و الطعن بالعرض كبيره و اثمها عظيم و هكذا
يعني مثلا تقوليها كسالفه .... رحت الجمعية و سمعت واحد يقول لرفيجه كذا تخيل و يضحكون شلون يسمح لرجولته يقوله جذيه مايدري انها كبيره عند رب العالمين ... و هكذا​

 

[Killer^Girl]

كل الرياييل بينهم وبين بعض جذي