تولدين على حسبة السونار والا الدورة ؟ تعالو شاركو

[اخت خالتهم]

السلام عليكم ورحمة الله وبركاته


بنات بغيت اسال
انتو تولدون بموعد الدورة والا السونار ؟
يعني اذا جدمكم صج تولدون قبل موعدكم

و اذا اخركم تولدون حده حده ؟


ناطرتكم

 

[تبطي عظم!]

انا ولدت مو على موعد السونار ولا الدوره لوووول ولدت قبلهم ب ١٢ يوم

 

[قـــمـــرهم]

وعليكم السلام والرحمه

اخت خالتهم عليج اسئله ههههههه


انا بچر ف ما اعرف

بس مافهمت اخر جمله!

يعني شنو اذا جدمكم واذا اخركم ؟ شلون يعني؟

 

[وهج السعودية]

الدورة اضمن في التوقيت
السونار في الغالب يأخر موعد الولادة لأن حسبته على حسب حجم الجنين والله أعلم

 

[اخت خالتهم]

يعني السونار اذا جدم الموعد خلاه قبل الموعد مال الدورة ههههههه فهمتي قمرهم


تبطي لووول بس السونار كان معطيج قبل موعد الدورة ؟ ونسيني وقولي اي هههه

 

[shayto0oNa]

والله حتى انا بجريه ماعرف بس خواتي اثنينهم يولدون على حسبتهم لا حسبة السونار ولا حسبة الدوره ههههه

لان اهم يعرفون متى صار الحمل يعني اي ليله


وانا سبحان الله نفسهم اعرف متى صار الحمل لان ماكان في جماع الا هاليوم وسبحان الله حملت ولما قلت للدكتوره قالت اوكي بس احنا نحسب عالدوره خخخخ

 

[دلال و غلا]

اذكر كانت الدكتوره معطيتني الموعد بالسونار ٢٢ و الدوره ١٨
وانا ولدت ١٥ الشهر

 

[المتفائله1]

انا ماسبق ودققت بس هالمره بحملتي كنت اصلا احسب بالضبط موعد التبويض بالجهاز واعرف متى صار الجماع يعني مستحيل يكون قبل هالفتره ولا بعدها انا بتحليلي ان هاذا ادق من اي حساب ثاني ودايم اساال محد يعطيني اجابه دقيقه

 

[الزيـــــ^^ـــــن]

سؤالج عجيب وبوقته

انا موعد الدوره معطيني ١٩ والسونار ١٥

عاد بشوف متى اولد اي وقت

ادعولي

 

[قـــمـــرهم]

هههههه فهمت قصدج

تدرين انا ماسالت دكتورتي عن الموعد اللي بالسونار
بس اشوف بورقة السونار نفس موعد الدوره


بس اتوقع ماله شغل لا بهذا ولا بهذا

اللي اسمعه مجرد ماتدشين التاسع توقعي الولاده بأي وقت



انا احسس دشيت عرض وماعندي خبره هههههههه


يالله ننطر البنات الخبره واللي جربوا الولاده

 

[قـــمـــرهم]

شيطوووونه

خواتج شلون يعرفون اي يوم صار الحمل بالضبط!!!!

 

[اخت خالتهم]

حياكم الله بنات


قمرهم بالورقه يحطون موعد الدورة
بس السونار يبين لما يسوونلج بالارقام اللي بوقت السونار نفسه

 

[shayto0oNa]

قمرهم نفسي

يعني انا بالشهر اللي حملت فيه كانت امي تعبانه ونايمه عندها ف اتذكر طول الشهر ماصار جماع الا يومين ورا بعض وذاكره التاريخ



فهمتي علي

 

[bto0olah]

اول ولاده مشت على مساجي لاسونار ولا دوره وثاني حمال انا الحين وقالوا احنا نمشي عالسونار مو الدوره وجدموني وناطره

 

[امـ خــزامـى]

ماادري مااجربت

والزين ياقلبي جيتي على بالي من كم يوم توقعت ولدتي

الله يهون عليك وعلى كل حامل وتشوفون بيبياتكم كاملين سالمين

 

[سماء الاحساء]

مافي فرق كثير بين حساب السونار والدورة بس عاده انا أولد قبل وان شالله هالمره أولد قبل

 

[Mrs.H]

انا للحين بالرابع فما ادري عن سالفة موعد السونار.. لكن الدكتورة حاسبتلي موعد الولادة بالدورة وامي قالتلي حولي التاريخ للهجري لانه اضبط.. فلما حولته ولا يطلع قبل موعد الدكتورة ب15 يوم

طريقة الهجري: نزلي برنامج تقويم هجري ميلادي (اللي يكتبولج فيه التاريخ بالهجري والميلادي بنفس الوقت) وحسبي من موعد الدورة 9 شهور كااملة وشوفي متى يطلع يوم ولادتج

 

[حرمه المصون]

انا قبل ولدت اخر الثامن اللي يستر عالمره

 

[كوكولالا]

انا دايما اطوف الموعدييين بس هالمره في فرق عندي بالسونار عن الدوره
ع موعد الدوره ١٩
وع موعد السونار ٢٤

 

[تبطي عظم!]

اخت خالتهم لا موعد السونار كان 26 وموعد الدوره 20 وانا ولدت 9


الله يرزقج الولاده الطبيعيه السهله بس انا على فكره كان معاي طلق من الثامن وعطوني تحاميل توقف الطلق لان حجم البيبي كان اقل من كيلوين صغير حيل