توكلت على الله / عمليه خشمي

[همي ذبحني]

السلام عليكم ورحمه الله وبركاته

















شلونكم يا بنات احلى منتدى :eh_s(17):



بنات انا وحده ملامحي زينه وحلوه بس عيبي خشمي اهو فيه كسره جنه سنام عرفتوا

وريلي ينني ينني كله يحن يا فلانه انتي حلوه بس عيبج هالسنام ويتطنز ويجرحني وانا

اسوي نفسي عادي !

بس خلاص توكلت على الله وبسوي تجميل عند د. منذر العجمي قريت وايد تجارب

بنات عنده والاكثريه يمدحه بس محتاره للحين عفيه علموني شسوي ؛ وانا سمعت

ان الحين اكو عمليه بالليزر عنده يعني ابره وخيط ومادري شنو خلاااص ماكو :eh_s(2):


بنات وين عيادته بالضبط وابي رقمها واذا كنت بحجز عنده موعد للعمليه صج

احصل موعد بعد 6 او 7 شهور من الزحمه عنده ؟؟؟؟؟؟


عفيه لا تطنشوني وعطوني رد شااافي لاني محتاجه لكم من صج ؛ خصوصا ريلي

الحين في لندن يكمل دراسته وانا قاعده عند امي ابي افاجأه لا رد لأنه من قبل يحن

سوي تجميل بس انا خايفه ...

والحين مصممه اسويها .. بس ساااعدوني شرايكم في د. منذر خياري سليم ؟

انطرررررررررررررررررررررررررركم :eh_s(17):

 

[همي ذبحني]

بنات صج نسيت شي لو سويت العمليه خشمي راح تطلع له خنافر يعني

يصير مفرووووش؟؟؟؟

لانه راح يبرد لي العظمه ؟؟

 

[اثير الدلع]

نصيييحه وخري عن منذر نصااااب وخرب خشووووم بنات وايد وانا بغى يشوه شفتي بس ربي ستر

 

[همي ذبحني]

من صجج حطمتيني ليش بالعكس وايد اسمع يمدحونه ؟؟؟

امبيه انا ما اقدر اطلع برا الكويت عشان جذي ابي دكتور سنع بالكويت

واهو مدحوه لي واااايد وانتي تقولين خرب شفايفج ؟ يمكن الخشم غير

امبيه صدمتيني

بنااات ردوووا علي عفيه منو سوا عنده للخشم ؟؟؟

 

[vogue grl]

لا ديري بالج لاتسرعين تره وايد يذمون منذر العجمي انتي اقري تجارب البنات وسألي موتروحين وبس اله الخشم اذ اخترب بعد بتندمين
انا خشمي جذي نفسج بس سويته بلبنان
انصحج تعيدين نظر بدكتور منذر ولا تتسرعين كلش ماايد تسوين عنده وانا نصحتج

 

[همي ذبحني]

انزين وين اسويها عيل ؛ مقدر اطلع من الكويت كلش ؛

وابي دكتور زين يا الله صج احترت وصكت فيني الدنيا

 

[قطوووة]

استخيري ،

 

[همي ذبحني]

بستخير .. مع اني قريت كذا موضوع حق بنات مسويين عنده وانصدمت امبيه فعلا

فيه من يذمه

شهالاحباااااط وين ارووووح يعني

 

[همي ذبحني]

up

up

 

[MiSs SwEeTNeSS]

حبيبتي روحي عند نيشو يضبط العمليات 90 % ومايبين ان عمليه يسوي الخشم شكله طبيعي انا اعرف 3 بنات مسويين عنده وعجيب

انا سويتها بسوريا عند بشار رباح وسوا خشمي مخنفر وشفت خشم جم بنيه هم مسوينها عنده اهمه وايد عاجبهم بس انا لمه شفتهم انصدمت حده خايس @@ مادري عن باجي البنات اللي يمدحونه بس لا تسوين الا عند واحد انتي شايفه شغله بعيونج لاتسمعين القيل والقال

 

[اثير الدلع]

امممم انا نصحتج وكيفج بس بقولج ع شغله والله يشهد علي رفيجتي خشمها ماكان حلو وسوته عند خالد الصبيح بصراحه اينن وانا ان شاء الرحمن راح اسويها عنده بالصيف لان داوم وجذي وصعبه أخذ اجازه وانتي استخيري والله يكتب اللي فيه الخير لج ياقلبي

 

[!^! كازاويه !^!]

انا مو كويتيه بس رفيجتي كويتيه مسويه خشمها
برويال حياه عند دكتور امريكي وخشمها عجيبببببببببب طالع
ما شاء الله مرسوم رسم ومشكلتها نفس مشكلتج بالظبط
خشمها قبل كان فيه مثل السنام كسره لها ونحته
طالعه تهبل ,, افكر اجي الكويت اسوي عنده ..

 

[ريسان]

لا لا لا تروحين عند نيشو خرب خشمي و ما يفهم و لا منذر

روحي حق خالد الصبيح و انتي لا تسوين عملية على طول استشيري كذا دكتور الي ترتاحينله سوي عنده

و ترا الخشم راح يفرش لما يشيل العظمة فالدكتور الشاطر اهو الي يعرف شلون يتصرف

 

[راديو]

رد : توكلت على الله / عمليه خشمي

حبيبتي نصيحه لج انتى حلوه بس مشكله السنام بسيطه لاتخربين نفسسج ويلعبون فيج بالعمليات وتصيرين تخرعين وترجعين تعدلين فيه ثلاث اربع مرات .. زوجج يحبج ويحب روحج ف لا تندمين بعدها نفسس الاغلب اللي سووو العمليه للخششم خصوصا
خلج واثقه من نفسسج انتي جميله ومشكلتج بسسيطه والله يهديج

 

[sosa2004]

اذا انتي خشمج عاجبح ماعليج من ريلج قبل لا ياخذج اتوقع شافج فماله عذر
بس اذا مو عاجبج هذا شي ثاني

 

[سمااى]

الله يوفقج يارب

استخسرى أول حبيبتى ...وشوفى اول الموضوع من الناحية النفسية والشرعية ...

وراجعى الدكتور نفسة ...سواء الدكتور منذر أو الصبيح أو نيشو ...تلقين هناك بنات الدنيا وتجارب حية جدامج

وبعدها قررى ...

آنا مرة كنت بعيادة الدكتور منذر ...كانت فى وحدة اسم الله عليها قطعة من الجمال بس خشمها دمار وخراب ومتشوة حدة

وياية عندة يصلحه لها

وكانت مسوية عمليتها فى بور صادق ...تقول احنا اختين عند نفس الدكتور ...اختى سوى خشمها يينن وحدة حلو

وآنا خرب خشمى ...ليش الله العالم

فالتوافيق بالاول والاخير بيد الله سبحانة

وربى يوفقج

 

[همي ذبحني]

مشكورين بنات عالردود من كل قلبي

انا فكرت وايد شكلي بروح لدكتور خالد الصبيح شفت تجربه كذا بنت ؛

عفيه اللي تمر عالموضوع وتعرف شي زياده عن هالدكتور تطمني

شرايكم اتوكل على الله اسويها عنده

 

[همي ذبحني]

اذا انتي خشمج عاجبح ماعليج من ريلج قبل لا ياخذج اتوقع شافج فماله عذر
بس اذا مو عاجبج هذا شي ثاني

اهو صج شافني بس عقب الزواج لما طق الميانه قام يعلق انتي حلوه
بس ياليتج تسوين تجميل تعدلين فيه هالسنام

لاعت جبدي من تعليقاته وادري المفروض اكون واثقه من نفسي بس

مانقدر ننكر ان الريال كل همه الشكل الخارجي مابيه يلقى فيني عيب واحد :eh_s(2):

 

[همي ذبحني]

بنات منو تعرف وين عيادة دكتور خالد الصبيح او رقمه ..

ابي احجز موعد !!

 

[ريسان]

عيادته يم مستشفى الاميري اسمها المركز الطبي الكندي اذا انا مو غلطانه

و رقم العيادة 22967770

و طبعا مواعيدهم بعيدة و بالتوفيق