توقيع بنت صدمني !!!

[أم أحلى البنات.]

وبما انج جبتي طاري التواقيع
انا بصراحه حيل حيل متضايقه من عدم اهتمام المراقبات في سالفه التواقيع والاعلانات
يعني في بنات الله يهديهم تحط صوره رجال يبوس رجل وحده والا صور عارضات لقمصان النوم لا وعلى بو انها مظلله الصوره تحط اللون البيج على الرسمه الجسم بالضبط والاباقي وااااضح وفي كثير تواقيع من نفس الاستايل
بصراحه كذا مايجوز

أنا معاك بكل كلمه ...

خصوصا قمصان النوم ,, صراحه شفت وحده الله يهديها كنها حاطه صور خلاعيه ..

استغرب ان الرقابه مو موجوده صراحه ... :eh_s(2):

 

[حسآويه]

رد : توقيع بنت صدمني !!!

اي شي !! اصلي بنعااالي ..

استغفر الله من متى الصلاه فيهم تجوز ؟؟؟

الصلااه لها احترامها وتقديرها و خشوعها ... انا قبالي ما اخلي نعال هالدووور البسهم و اصلي فيهم وين الأحترام لله عز و جل؟؟!!

 

[بنت الأصايل]

طبعا هو يجوز في حالات معينه

تكونين ماسحة على الجوتي وانتي بكرامه ولابسته على طهارة
بهذه الحالة يجوز تصلين بالجوتي
بس مومعناته أي مكان اروح له اصلي بالجوتي لا

الا اذا كان مكان عام يعني مااقدر افصخ فيه الجوتي .

 

[المهفة]

جزاج اللة خير اختى انا اول مرة اسمع بهالفتوى

 

[قطيووه^_^]

رد : توقيع بنت صدمني !!!

يجوز الصلاة بالنعلين منو قال ما يجوز ؟؟؟؟

 

[Maryomah_q8]

رد : توقيع بنت صدمني !!!

معلومه جديده
يعطيج العاافيه

 

[CHEESE CAKE1]

ما حكم الصلاة بالحذاء؟

المفتي: محمد بن صالح العثيمين الإجابة:

الصلاة في الحذاء من السنة، لأن النبي صلى الله عليه وسلم كان يصلي في نعليه، كما ثبت ذلك في الحديث الصحيح عن أنس بن مالك رضي الله عنه أن النبي صلى الله عليه وسلم كان يصلي في نعليه [أخرجه البخاري: كتاب الصلاة / باب الصلاة في النعال، ومسلم: كتاب المساجد / باب جواز الصلاة في النعال]، كما أنه أمر الناس أن يصلوا في نعالهم[أخرجه أبو داود: كتاب الصلاة / باب الصلاة في النعل، والحاكم وصححه ووافقه الذهبي 1/280]، ولكن لا يصلي المرء فيهما إلا بعد التأكد من نظافتهما، فينظر فيهما فإن رأي فيهما أذى حكهما بالتراب حتى يزول ثم يصلي فيهما.

ــــــــــــــــــــــــــــــــــــــــ

مجموع فتاوى و رسائل الشيخ محمد صالح العثيمين المجلد الثاني عشر - باب اجتناب النجاسة.

 

[كويتية فاصله]

إي نعم يجووووووووز والله عادي آنا بعض المرات إذا كان جوتي نضيف مثلا حق العيد وتوني ماطلعت فيه وكنت مستعيله أصلي فيه ياناس خل نحيي سنة حبيبنا محمد صلى الله عليه وسلم بأبي أنت وأمي يارسول الله اللهم إجعلنا من المتمسكين بسنة النبي صلى الله عليه وسلم وحرام ظلمتوا المنتخب تلقين قاعد يصلون من صج والبعض يقول يصلون لله ولا الكاميرا الله يهدي الجميع

 

[كويتية فاصله]

رد: رد : توقيع بنت صدمني !!!

اي شي !! اصلي بنعااالي ..

استغفر الله من متى الصلاه فيهم تجوز ؟؟؟

الصلااه لها احترامها وتقديرها و خشوعها ... انا قبالي ما اخلي نعال هالدووور البسهم و اصلي فيهم وين الأحترام لله عز و جل؟؟!!

حبيبتي شنو من متى إذا إنتي ماتبين تتبعين سنة المصطفى كيفج إذا إنتي من متى إبتتبعينها كيفج وآنا أقولج من متى ؟؟ من أيام الرسول صلى الله عليه وسلم والدليل إقري ردود البنات وأقوال بن عثمين وقول أنس بن مالك أتوقع أنس بن مالك عايش مع الرسول وأهوا أدرى فيه والصلاة لها تقديرها نعم أكيد لها تقديرها إحنا ما قلنا صلي بحذاء نجس لا حبيبتي إحنا قلنا طاهر وسؤالج وين الإحترام هذا الأمر الرسول إفعلاه فإنتي تقصدين أتقولين حق منو وين الإحترام تخيلي الرسول صلى بحذائه تقولين حق الرسول وين الإحترام ؟؟؟ أعوذ بالله ياناس هذا جهل لا تقولين من متى أهوا من أيام الرسول بس إنتي وينج عن دينج إنتي ما درستي كل شي عن الرسول إنتي ما طلبتي العلم الشرعي وبس خذيتي مادة تربية إسلاميه وتقولين من متى ؟؟؟ عفوا عفوا اطلبي العلم الشرعي وسترين يسر الدين وسنة الرسول العلماء والفقهاء والذين طلبوا الدين يعلمون بأن الرسول صلى بحذائه بس إنتي لاتعلمين وإن شاء الله اللحين تعلمتي ؟؟ تقبلي ردي بصدر رحب

 

[دلوعة الفرولة]

رد : توقيع بنت صدمني !!!

الله يهديهم

 

[غلاي غير]

مدام فيه فتوى
يعني يجوز موزين نفتي ونقول مايصير خلاص قطها بظهر عالم واطلع سالم

 

[دلوعة الحلوين]

:roadrunner:

مرحبا بنات

وانا افتر بالمنتدى ومن بين المواضيع شفت توقيع بنت اللي هي احساس المطر على ما أظن جذي اسمها

حاطه توقيعها صورة المنتخب الكويتي وهو يصلي


المشكله

















ان في بعضهم لابسين جواتيهم الله يكرمكم @@

ما ادري انا اشوفهم بالصوره يصلون !! شلون صلاه ولابسين جواتيهم !!!!

هذي الصوره

الله يهديهم يا رب

حبيبتي الصلاة بالانعال يجوز وما فيه شي وعطيج معلومة الناس على وقت الرسول كانوا يصلون بنعالهم عدا مره حضر احد الصحابة لصلاة وكان دايس على فضلات احد الحيوانات فامرة الرسول بخلع الحذاء لانه عليه نجاسة ومن بعده صاروا الناس تنزل لنعال تكرمين عشان انتي ما تدرين انتي على شنو دايسه

 

[توته شيطونه]

:roadrunner:

مرحبا بنات

وانا افتر بالمنتدى ومن بين المواضيع شفت توقيع بنت اللي هي احساس المطر على ما أظن جذي اسمها

حاطه توقيعها صورة المنتخب الكويتي وهو يصلي


المشكله

















ان في بعضهم لابسين جواتيهم الله يكرمكم @@

ما ادري انا اشوفهم بالصوره يصلون !! شلون صلاه ولابسين جواتيهم !!!!

هذي الصوره

الله يهديهم يا رب

منو قالج انه ما يصير الصلاه بجوتي حبوبه الصلاه بجوتي جايز وسئلي اي شيخ حبوبه

وانا دارسه معهد ديني وعطونا هالشي انه حلال

 

[ام شريفه]

الحين خلي هذا شوفي المفاصيخ الي قاعدين يحطونهم البنات بالتواقيع ابصراحه عيب

 

[Japanese]

يعطيكم العافيه ع التنوير صراحه

بس احين الفتوى تقول جايز بس بشرط ان الجوتي حاشاكم يكون نظيف

احين وين فيه جوتي نظيف بالله!!!! هاللي ابي افهمه

الجوتي ندوس عليه بكل مكان! وخوفي يقصدون بخف شي ثاني يعني مثل الدلاقات او الشبشب مال البييت

مادري والله :/ بس عن نفسي مادري احس غلط اصلي بجوتيي حتى لو انه نظيف!!

تعودت ياناس ع اني افصخ الجوتي واغسل اريولي كامله الين اللوزه وادوس ع السجاده بريولي مب بشوز

مادري شي يفر الراس صراحه

 

[لوكي 22]

يجوز حبيبتي اذكر ماخذينها باسلاميه

 

[ذوق بوتيك]

الدين يسر

 

[Stay alive]

لا تنتقدون وتقولون يمثلون ما يصلون حرام تحطون بذمتكم ..

وبالنسبه للجوتي يجوز انا صليت بالحج عند الجمرات بالجوتي وانتوا بكرامه .. لما شفت ابوي والرياجيل يصلون الجماعه بجواتيهم لان كنا على ارض مو مفروشه .. ومغبره ..

لو ما يجوز ما صلوا ...

 

[سنـــابل]

البعض سواها تمثيل ودشوا بالنيات وبالاخير طلع يجوز

الله يهديكم

 

[وزيره الخارجيه]

يسلموووو