توقفين نصيبها و الا لا؟

[أنثى اليمامة]

لازم تقولين اذا البنت مو زينه ، وشايفين عليها شي لازم تبلغين لانه حرام تسكتين وهذي بتصير ام عياله .. وانتي تقولين شايفين عليها وايد اشياء وانتي تفضلين ما تذكرينها ، وهذا دليل على ان الشيء كبير مو هين ، لذا بلغي امج وهي تتصرف بطريقتها ..

 

[تاجي أخلاقي]

أخوج من حقه يعرف كل شيء عنها ويقرر ويحكم ...

أما غير اخوج .. ولد خالج خالتج عمج عمتج .. لو طلبوا مشورتج ورآيج قولي لهم اللي تعرفينه بكل ذمة وضمير حتى لو ذلك فيه فضيحة لبنت الناس ... لأنهم سألوج وجوابج شهيد عليج يوم القيامة ....

سالفة انو البنات يغلطون ويسوون خرابيط .. من متى صارت عادي ..؟! .. العيب عيب ... < هذا رأيي ,,

تحياتي لج ..وموفقين يارب ...

 

[Leann]

لازم تقولين اذا البنت مو زينه ، وشايفين عليها شي لازم تبلغين لانه حرام تسكتين وهذي بتصير ام عياله .. وانتي تقولين شايفين عليها وايد اشياء وانتي تفضلين ما تذكرينها ، وهذا دليل على ان الشيء كبير مو هين ، لذا بلغي امج وهي تتصرف بطريقتها ..

بالضبط حبيبتي اهو شي كبير مو هين و انا ما حبيت اقوله .. بس يمكن تتوب عنه لا تزوجت يعني يمكن أظلمها اذا تكلمت و بننفس الوقت يمكن ما تتوب و تظل تسويه !! جذي أظلم أخوي !

 

[ام _سلطان]

اذا شايفه شي يمس شرفها لاتغشين اخوك هذي ذمه فاذا كانت امراه لعوب نصيحه قولي لاخوك كل شي من شب على شي شاب عليه والزواج قسمه ونصيب

 

[يالبيه 17]

الله يهديها ياررررب


نصيب اذا الله كاتبلهم نصيب مع بعض بياخذونه لو ماكان احد راضي

 

[يالبيه 17]

اذا لها علاقات محرمه مع شباب لاتقولين حق اخوج بس قولي بنت ماتصلح لك

لانها مسؤوليه اذا انتو بتخطبونها

اذا راضي ويبيها كيفه بس اهم شي تقولون له

 

[> Miss M6ereiah <]

لو بمكانج اكيد بقول لامي وهي تتصرف مع اخوي
هذي باجر بتصير ام عياله وشنو اللي يضمن لي انها ماترد لسوالفها بعد فترة من زواجها ؟
صراحة شي مو مضمون

 

[مولاي الفرج]

لازم تقولين شنو مشكلتها عشان نعرف شلون ننصحج

يعني احس البنيه الموزينه يبين عليها بسرعه

بس الرياييل يخوشون على بعض فان كان موزين نقول موزين عشان لاتبتلش بنت الناس وياه

اما البنيه اذا اشياء عاديه خصوصا فترة المراهقه لاعادي شي وطاف

 

[{ الـزيـن }]

ياقلبي يمكن الله هداها وستر عليها فليش تقطعين رزقها

ماتدرين يمكن ذاك كان ماضيها وهي تابت وربج هداها

هذا والله اعلم

 

[الزين 85]

اذا امور عاديه وأقدر استر عليها استر الله يحب الستر وحرام القذف يابنات قذف المحصنات لازم شهود رجلان وأمرأه يعني هل شايفتها بعينج مسويه زنااا؟؟؟؟؟؟؟؟؟؟؟؟؟؟

ذيج الساعه قولي الله يستر عليها بس لاتقولين الفعل اللي سوته يابنات انتوا بنات ونصكم على وجه زواج حرام الظلم والله ظلمات وباجر وراكم بنات واكيد بيوم من الايام بتزوجوووونهم يعني لا تقطون كلام من غير وجههه حق لازم تكونين متأكده وشايفه بعينج فعلتهااااا

 

[Leann]

اذا امور عاديه وأقدر استر عليها استر الله يحب الستر وحرام القذف يابنات قذف المحصنات لازم شهود رجلان وأمرأه يعني هل شايفتها بعينج مسويه زنااا؟؟؟؟؟؟؟؟؟؟؟؟؟؟

ذيج الساعه قولي الله يستر عليها بس لاتقولين الفعل اللي سوته يابنات انتوا بنات ونصكم على وجه زواج حرام الظلم والله ظلمات وباجر وراكم بنات واكيد بيوم من الايام بتزوجوووونهم يعني لا تقطون كلام من غير وجههه حق لازم تكونين متأكده وشايفه بعينج فعلتهااااا

حبيبتي انا ما قلت زنا الله يهداج !! وين قذف و ين مادري شنو انا ما تكلمت عن افعالها و لا شي بس قلت لها سوالف انا و اختي ندري فيهم !! و لا ما كنت ادري و مو متأكدة جان ما تحجيت و كتبت موضوع بالمنتدى و حايسة و مادري شسوي !!

عالعموم انا قررت ماقووله .. لان فترة الخطوبة و الملجة راح تكون طويلة و اذا اهي للحين على طبايعها القديمة شي اكيد اخوي راح يلاحظ عليها خلال هالفترة .. و اذا تابت و ما قامت تسوي اللي سوته الله يوفقهم مع بعض ...

 

[مارياq8]

اذا اخووي اكيد يهمني امره اما غيره مالي شغل

اذا البنت ما تناسبه اكيد راح اقول ملاحظاتها وكيفه اهو اذا رضا فيها

 

[aṕriliå]

اكيد بتكلم

حرام يدقر عمره مع وحدة مو حاب تصرفاتها

وهم حرااام اسكت ويمكن يطلقها لو ماعجبته

 

[منو انت]

مااتخييييييييل نفسي بيوم من الايام اتكلم عن احد والله لو مو ملج عليها لو بينهم 10 عيال مالي شغل بس ادعي لها بالهدايه