تورني متزوجة وريلي ..

[ريماس ~]

السلام عليكم بنات

انا عضوه يديده بالمنتدى وهذا اول موضوع لي وانشالله اكون عند حسن ظنكم

المهم

بنات انا صارلي تقريبا 3 شهور متزوجه والحمدلله ريلي اخلاق وادب وطيبه

بس المشكله


صارله اسبوووع يطلع من البيت بليل على الساعه 9 او عشر ومايرجع البيت الا الصبح :eh_s(2):

يقولي يرووح الديوانية واخووي يرووح معاااه

وقلت حق اخووي متى يطلع ريلي من الديوانية قالي ع الساعه 2 او 3 بسسسسس انا ريلي يرجع الساعه 6 او 7 البيت :lkmnkl:

قلت حق امي قالتلي تفاهمي معاه وقعدي كلميه

ولما قلتله عصب علي :lkmnkl:

احنا تونه متزوجين مايصير يعصب علي بدووون سبب :eh_s(2):

حتى صار مايقولي كلام حلو ولاجني زوجته .. شنو اسوي بنااااااااااات الله يخليكم ساعدووني مادري شنو الي غيره علي فجأه حتى ماعرف وين يرووووح ​

 

[دلع العتبان]

اخاف انتي مسويتلة شي ولا منكدة علية خوو الريال يبي الزلة سيدة يدور على وحدة ثانية

شوفي نفسج ياخيتي شمسوية

 

[Zen&7ala]

رد : تورني متزوجة وريلي ..

حبيبتي لا تصيرين جذي و لا تحاتين

انشالله ماكو الا العافية

يمكن يطلع يروح دوانية ثانية !! شدعوه يعني انشالله ما يتزوج او يروح يخربط اول اشهر ما اعتقد

صفي النية يا روحي انتي


و بالعكس خلج عااااادي معاه حبوبه و شوفي شنو يبي انتي لازم تخلينه يجي البيت من نفسه !!

 

[(سعودية كويتية)]

رد : تورني متزوجة وريلي ..

يعني مو لازم تحكرينه وخلي ظنك طيب وعطيه مساحه يتحرك وللحين الموضوع عادي صبري شوي يتعود علي وضع الزواج والمسوليه والرجعه بدري

 

[ريماس ~]

رد : تورني متزوجة وريلي ..

والله انا مو مقصره معاااه بس مايصير يخليني برووحي بالبيت بعد والله ضايق خلقي والله تغير 180 درجة ):

 

[shaikhat elbnat]

يرد البيت الصبح ؟!! اشهالحجي
انتي لج حق .. شنو يعني كل ليله و ترك اتنام بروحج ؟!!
شكله ما ودع حياة العزوبيه

دامج بأول الطريج لازم ما تسكتين علشان لا يتمادى
ديري بالج .. شوفيه وين يروح لما يطلع من دوانية اخوج
و حتى لو يروح دوانية ثانيه .. مــــــــــــــــــــــــــــــا يصير .. شنو يعني ما يرد الا الصبح
هذا و انتي بس صارلج 3 شهور
هذا مؤشر خطر خلج جديه و صارمه

و انا خبري حتى الي عنده سوالف بأول السنين يعامل مرته عدل

الله يعينج و يسخره لج يارب

 

[ريماس ~]

رد : تورني متزوجة وريلي ..

يعني شنو اسوي الحين .. اقوول حق اخووي يلحقه ؟؟؟

 

[نور الكوثر]

حبيبتي سهري ودزيله مسجات حب صدقيني يردلج طاير اخذيه بسلوب حلو

 

[{{لورا}}]

يمكن عباله انتي تشكين فيه وتراقبينه وتسألين من وراه علشان جذي مشين النفس يعني بعاقبج

انتي حاولي تبنيله انج كنتي عند اهلج وامج قاعده تقول حق اخوج ليش يتأخر وانتي قلتي حتى ريلي معاه جان اهو يقول لي ال 2 - 3 يعني متأخر عندج

فأنتي استغربتي و سألتيه من باب الاستغراااااب

وقوليله اذا انت قاعد تسوي جذي تعاقبني انا ما سألت عنك ولا نبشت من وراك صار الموضوع صدفه وبحكم اني زوجتك وشريكة حياتك جيت سألتك

وان شاء الله يتفهم

 

[ريماس ~]

رد : تورني متزوجة وريلي ..

حبيبتي سهري ودزيله مسجات حب صدقيني يردلج طاير اخذيه بسلوب حلو

والله سويتها مانفعت ولما ادق عليه مايشيله

يمكن عباله انتي تشكين فيه وتراقبينه وتسألين من وراه علشان جذي مشين النفس يعني بعاقبج

انتي حاولي تبنيله انج كنتي عند اهلج وامج قاعده تقول حق اخوج ليش يتأخر وانتي قلتي حتى ريلي معاه جان اهو يقول لي ال 2 - 3 يعني متأخر عندج

فأنتي استغربتي و سألتيه من باب الاستغراااااب

وقوليله اذا انت قاعد تسوي جذي تعاقبني انا ما سألت عنك ولا نبشت من وراك صار الموضوع صدفه وبحكم اني زوجتك وشريكة حياتك جيت سألتك

وان شاء الله يتفهم

مادري والله انشالله يتفهم .. انا رفيجتي تقوولي قعدي عند اهلج وتزيعلي جدامه وشوفي شنو يسوي !!!
اروح عند اهلي يعني ..؟؟ بس خوفي ابوووي يشك ويعصب ..

والله مادري شسوي

 

[ريماس ~]

رد : تورني متزوجة وريلي ..

بنات انا بكلمه اليوم وببجي جدامه يمكن اكسر خاطره ويقعد معاااي وادعييله انشالله اذا مانفع ابي ارووح عند اهلي والي يصير يصير .. شرايكم ؟

 

[{{لورا}}]

رد: رد : تورني متزوجة وريلي ..

والله سويتها مانفعت ولما ادق عليه مايشيله



مادري والله انشالله يتفهم .. انا رفيجتي تقوولي قعدي عند اهلج وتزيعلي جدامه وشوفي شنو يسوي !!!
اروح عند اهلي يعني ..؟؟ بس خوفي ابوووي يشك ويعصب ..

والله مادري شسوي

لا لا لا لاتروحين بيت اهلج ماتعرفين سوالف الرياييل بعدين بقول اهي بروحها راحت وانا ما زعلتها واهي شكاكه وفيها ومافيها .. وبعدين انتي دازتله مسجات حب يعني مو زعلانه اهو الزعلان انتي ليش بتروحين بحس انج ماعندج سالفه وماراح يراضيج

بس خلج ذكيه واذا رد بينيله سؤالي لك من خوفي عليك مو شاكه فيك وانا واثقه فيك وواثقه بنفسي يعني حاولي تخلينه يتحسف على اللي سواه

ويمكن يرقع ويقول انا اطلع من هالدوانيه اروح دوانيه ثانيه عادي يلقى 100000 طريقه يرقع فيها لانج مو صايده عليه شي

والله يهديه لج

 

[al-musk]

كل شي بالهدوء ينحل...الله يعينج

 

[awsha87]

رد : تورني متزوجة وريلي ..

نفس ماقالو البنات ماقصرو... انزين يمكن يبيله وقت على مايتعود على حياه يديده او تلقينه متعود يطلع بهالوقت المهم حبيبيتي لاتيضقين خلقج الحين قعدي وياه وتناقشي ولاتروحين بيت اهلج وبجذي راح تحاتين اكثر ولاتدرين وين رايح ووين ياي خلج ماسكه بيتج بيدج وادعي بصلاتج والله يثبتكم حق بعض قولي اميين

 

[awsha87]

رد : تورني متزوجة وريلي ..

وقولي هالدعاء اللهم وفق بيني وبين زوجي واجمع بيننا على خير اللهم اجعلني قره عين لزوجي واجعله قره عيني واجمع بيننا على خير اللهم اجعلني كما يحب واجعله لي كما احب واجعلنا لك كما تحب اللهم اميييين

 

[من يشابه ديرتي]

رد : تورني متزوجة وريلي ..

والحمدلله ريلي اخلاق وادب وطيبه

​

دامه زين وأخلاق وطيبه انا اقولج تحملي لاتروحين بيت أهلج
توج عروس وبداية الزواج تصير هالسوالف
شتقولين عن رفيجتي ثاني يوم عرسها سهران مع ربعه ومطنشها
لاتكبرينها يعني مو زعل وتروحين لأهلج
بس هم ما تسكتين عشان ماياخذ ع الوضع ويتعود من أولها
قوليله مو حلوه بحقي تسهر للصبح ولا جنه عندك مره
والله يهديه لج

 

[جذابه بنت ذيابه]

رد : تورني متزوجة وريلي ..

حبيبتي


عليج بالدعاء .. وان الله يحفظه لج يارب ولا تحاتين ولا تشكين فيه جذي
بتخلينه يكره ان يرد البيت يمكن يروح لربعه ..؟ شدراج انتي

وخلي ظنج حسن .. ولاتدزين مسجات له ولا تدقين خليه على راااحته

بس فتره وشوفي حتى هو راح يستغرب


والله يهديه يارب

 

[آجمل نسآء آلدنيآ]

رد : تورني متزوجة وريلي ..

آللـه يعيـنج بـس بســرآحـه آمــره عجيــب ..
قعـدي معـآه مـره ثــآنيــه ونـآقشيــه بهـدوء .. آللـه يهديــه
​

 

[خيشة شكر@]

رد : تورني متزوجة وريلي ..

حبيبتي ما ادري شنو هالديوانيه الي ليما الصبح بس ترى عادي الريال يمل ما يحب يقعد يمكن بالبيت وايد ويبي يغير خاصه بعد شهر العسل الحمدلله 3 شهوور زين يعني يبي يشوف ربعه يسهر معاهم يطلع البحر والا البر حسب هوااايته الي قبل عاادي عاادي يا قلبي بس هدي روحج ياما بجيينا وزعلنا قبل بس العبره في النهاية وحبيت اقولج اذا يتاخر قووليله انج خايفه وما تقدرين تقعدين بروحج وخايفه واوهييميه او صج لاتنامين الا اذا رجع وقولي انا عيني ما تغمض وانت مو اهني وما اقدر ارقد وعلميه ان هذا طبعج وسلامتج اتمنى اكون اقدر افيدج

 

[cramela]

حبوبه يروح الديوانيه احسن مما يروح مكان ثاني او يتعرف او يخربط صح وانا لو منج اقول حق اخوي يراقبه بس علشان يرتاح بالي وماجوره يا روحي