توافقين عليه ولا لا؟

[Diana *]

إذا كان الولد بهالمواصفات ومتأكده إن أهله ناس طيبين بغض النظر عن إنهم وافدين أو لأ
أكيد إيه​

 

[شقـــرديه]

حبيبتي سوي استخاره وانا برايي توافقين اذا الريال مايعيبه شي توكلي على الله مالج شغل بالمظاهر المهم استقرار

 

[[ نور عيني ]]

فديتكم بنات انتوا ركزتوا على سالفة امه وانا قلت انها مو قضية قضية

انا المشكلة عندي الحين بسالفة العايلة وقبيلي وهالامور

ادري ماكو فرق امبينا كلنا عبيد الله بس يعني انتوا تهتمون لسالفة الاصل والفصل واسم الريال واسم عايلته ولا بس المهم عندكم الريال نفسه اذا يناسبكم ولا؟

انتي اهلج شرايهم من ناحيه الاصل والفصل ؟

 

[دلوعه ماما سارة]

اختي اهم شي الشخص والله من بين الشوك يطلعلك ورد

 

[!witcha!]

وشفيها يعني اذا امه وافده؟ مو بشر؟؟؟ الحمدلله والشكر؟ اهم شي الاخلاق !
الي تبي تتزوج تبي السر مو الاصل والفصل !!! شالتفكير !!! تبين تتزوجينه ولاتتزوجين اهل امه؟؟ بعدين الحين بالكويت يعتبرون الي عمرها 27 عانس ..

 

[Only One]

انتي اهلج شرايهم من ناحيه الاصل والفصل ؟

والله اهلي عادي عندهم يعني لا شجعوني ولا حبطوني من جذي انا محتارة مادري

 

[Only One]

بنات حبايبي انتوا شوي شوي علي ماقلت شي ومو قصدي شي والله بس قلت اشوف اراؤكم واذا يمكن وحدة مرت بنفس الموقف تقول لي عن تجربتها لا اكثر ولا اقل

واصلا اصلا اللي خلاني افكر بموضوع امه انه اهم نفسهم لمن تقدموا كانوا مترددين لانه امهم وافدة معناته انه في ناس تهتم لهالموضوع ويمكن كانوا قبل متقدمين لبنات ومارضوا فيهم عشان هالموضوع انا هذا اللي فهمته

وارد اقول السالفة الحين سالفة عايلة يعني انتوا تاخذون من اي عوايل ثانية عادي ولا بس من عوايل محددة بالنسبة لعايلتكم تحسون انهم يناسبونكم اكثر هذا اللي قصدي

بليز بنات لا تهجمون علي

 

[قمر كويتي]

حبيبتي اذا الريال زين وماكو منه وعايلته حتى لو وافدين وطيبين وخوش ناس يعني مو ان يفشلون وعندهم حركات توكلي صلي استخاره والي تقول اهل الريال مومهمين خل نتكلم بالواقع الاهل مهمين 50% اذا مو اكثر لان بالنهايه هذا ولدهم واحتمال انج تعيشين معاهم 24 ساعه ف الاهل والزوج يكونون الحياة الزوجية والله يوفقج يارب يعني عادي وايد بنات ماياخذون مثلا اذا امه من ...... يقولون وي امه من هني
وفي ناس يقولون يحلو امه من ............ تهبل كل شخص غير
وبالنهاية القرار لج قعدي معاهم شوفيهم يا قلبي وبعدها قرري

 

[القصيدة]

السلام عليكم و رحمة الله و بركاته

لازم تصلين صلاة الاستخارة غلاتي لأن طبيعة حياة الناس تختلف حتى لو تشابهت ظروفهم و خلفيتهم الاجتماعية

أنا بالنسبة لي لو كنت مكانك راح أوافق لو كان فيه توافق فكري و عاطفي و نفسي بيني و بينه بغض النظر عن أهله

و أكيد إذا قبلت راح أتحمل مسئولية قراري و أحترم أهله و أتعايش معهم لأنهم راح يكونوا أهل عيالي

موفقــــــــــــة الغاليـــــــــة :eh_s(17):​

 

[حسينه حلوه]

انتي تقولين كل هل المواصفات الزينه فيه معناتها امه اللي ربته هم نفسه توكلي علي الله اللي ربت ريال بهل الاخلاق هي بعد اخلاقها حلوه الله يوفقج حبيبتي*

 

[دلع العتبان]

استخيري ووافقي العمر يمشي والرجال زين اهم شي الحين الرجال شنو اهوه اهله مصيرهم يروحون بعد عمر ويبقى اهوه الله يوفقج ويرزقج الزوج الصالح ​

 

[Pinky -cat]

الحين موقفة الموضوع على سالفة امه شكو بالله من امتا الجنسية تحدد اخلاق الناس وما فيها شى اذا امه وافده

توكلي على اللله ترا العمر يركض

 

[*الهنوف*]

لا ماوافق ابدن
انتي من البدايه واضح لج العائق قلتي ادري ماراح اتاقلم معاهم
وحلات العايله اصل وفصل اسئليني انا ياشين العايله اذا صار فيها عرج عربي

 

[Only One]

تسلمون بنات على ردودكم

زين شنو بالنسبة للعايلة هل انتوا تختارون من عوايل معينة ولا ما تعطون لاسم العايلة اي اهتمام؟

 

[" ام حمود "]

أول شيء استخيري ..
والله يكتب فيه الخير

 

[Only One]

ايه انا اكيد مستخير بس قاعدة استشيركم

 

[قلبي يتبعك]

ربي يجدم لج اللي فيه الخيير