تهقووون راح اييي يووم اقول انا حامل؟؟؟

[qa6waa]

بنات انا تزوجت من سنه من ثاني شهر اراجع للحمال لاني عمري 31 ودي اييب 3 او 4 قبل لا اوصل 36 وبعد لاني شايلة مبيض وعندي بس واحد شلته من كيس صارلي وعمري 19 ولله الحمد فعشان جذي رحت الطبيب مبجر احتياطا
ما توقعت الحالة تطول ياربي ماتخيلووون كل شهر من تيي الدوره ابجي
اكون متأمله ومتوهمه باعراض وناطره على اعصابي واتخيل اشلون بقول حق ريلي اني حامل ومتى اقوله
قمت اطالع اليهال وتدمع عيني انا كل شهر يفرق معاي صحيا والله قاعدة استغفر واتصدق والشهر اللي فات الحمدلله قريت البقره اسبوعين يارب ارزقني
بديت كلوميد بعدها ابر وابرة تفجيريه مافاد حتى شاي اخضر تبخرت لين مليت سويت 3 مرات تلقيح صناعي واشعة صبغة ماكو شي راح أين
المشكله ان ماكو شي بس سبحان الله
واااااي كل شهر ابر وبنفس الوقت كل يوم 10 ايام وانطر واحسب رايحه راده سونار فحص ابر
ولاعاد يوم التلقيييح احرااج حتى ريلي مل وانا افتشلت منه وطبعا الكل يسأل صرت اكره هالسؤااال
امي كانت تدعيلي بس الله يرحمها الحين( توفت من 3 شهور ) ماعندي غيركم خواتي تدعونلي من قلوبكم
يرزقني الله معاكم توأم اولاد صالحين اصحاء يارب يا اكرم الاكرمين
يارزاق ياوهااب يارحمن يارحييم

 

[زهرااا]

يا بعد قلبي والله
انشاءالله ليش ؟
ماكو شي مستحيل
بس انتي خلي عندج امل
و ان شاءالله ياااااارب اقرا موضوع انج حامل

 

[فراشة الكويت25]

ربي يرزقج
واتشوفينهم جدامج يارب
لا تيأسين من رحمة ربج
وربي قادر على كل شي

انشالله نسمع خبر حمالج عن قريب انا راح ادعيلج بكل قيام ليل ربي يرزقج
ربي لاتذرني فردا وانت خير الوراثين

 

[NiFeeSHa23]

ماكو شي بعيد علي ربج بس ايي وقته راح يصيير لا تحاتييين انشالله بيرزقج من غير حساب يااااااارب

 

[روعة خيال]

يا قلبي خلي املج بربج كبير

انا حماتي 3 سنين ما حملت و الحين اهي بالسادس و لله الحمد

المرأة بطبعها ولود فرب العالمين يبيج تدعين حب صوتج و انتي تدعينله يبيج تدعين مررة ثانية و صدقييييييييييييييني الاستغفاار عجيييييييييييييييييب عن تجربة

و يا رب ايي اليوم اللي تبشرينا فيه بحمالج

 

[مهرا احلى مهرا]

يارب الله يرزقج انشالله ونسمع خير حملج

 

[@قطعه سكر@]

ربي يرزقج بالذرية الصالحة ياقادر ياكريم ويفرح قلبج عاجل غير اجل ........

 

[$غــ(ز)ــل$]

باااااااااااااااااااااااااذن الله مافي شي بعيد عن ربي سبحاانه قادر على كل شي
الله يرزقج ان شاااءالله يوفرررررح قلبج

 

[غيـ الناس ـر]

ان شالله تحملين بس انتي لا تقعدين تفكرين وتحاتين .. ترى التفكير يلعب دور كبير في مسألة الحمل


الله يرزقج يااااااااااااارب وما يمر رمضان الا وانتي حامل

 

[نيبال الايمان]

ياعمرى انتى اول شى يا عسى الله يرزقج باللى يقر عينج ويترس حضنج عاجلا غير اجلا اللهم امين يارب اللهم امين يا ارحم الراحمين اللهم امين ياقادر على كل شى 000

ياعمرى يا عسى الله يرحم الحجية ويتغمدها بواسع رحمته ويجعلها من اهل الجنة اللهم امين يارب الف رحمة ونور تنزل على روحها 000

ياعمرى قولى لا اله ا الله توج ما صار لج سنة من تزوجتى والعمر جدامج وان شاء الله باذن واحد احد بتبشرينا عن قريب بخبر حمالج اللهم امين يارب 000
توكلى على الله وحاولى يوميا تقرين سورة البقرة ومريم بنية الحمل وتستغفرين بعدد كل صلاة قد ما تقدين بنية الحمل وصدقينى باذن الله ما يمر هالشهر الفضيل الا وانتىمبشرتنا بخبر حمالج امين يارب


وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[أم لطووف]

يابعد روحي مافي شي بعديد عن رب العالمين وترى موضوع الحمال عليه هين وهو القادر على كل شي
شوفي والله ياوخيتي إنه عندنا وحده من عيلتنا متزوجه من 3 سنين وداشه بالرابعه وتوهه تحمل بس تدرين وين العجب (ريلها عقييييييييييييم)أقسم بالله إني إنصدمت لمن عرفت الخبر شوفي رب العالمين ما يرد عبده لي دعاه وشكاله صدقيني ربي يحبج ويحبنا ويبي يسمع صوتنا بالدعاء له ويزيدنا أجر على صبرنا وحتسابنا (إن الله مع الصابرين) شنبي أحسن من جذي رب العالمين معنا والحمد لله على كل حال...

 

[qa6waa]

يالله ترزقكم كلكم يا حبيباتي والله انكم اطيب بنات

 

[مس ماس]

عسي ربي يرزقج ولا تمر عليج سنه الا وانتي حاااامل

حبيبتي ترا النفسيه لها دور كبير ... يعني ديري بالج ترا يصير فيج خمول في الغده لا سمح الله ...
بسبب نفسيتج ... صدقني وكلي امرج لله والله انه رزقج عند الله وراح تاخذينه لما يجي وقته ... لكن حنا ما فينا صبر...

ديري بالج علي نفسج وحاولي تريحين بالج ولا تفكرين بالحمل ... وانشاء الله تبشرينا بالعيد يا رب ...

 

[ريحانه33]

الله يرزقك بالذرية الصااالحة

 

[ريحة الحنه]

الله يرزقج بالذريه الصالحه المعافاه عاجلا غير اجلا

 

[miss_lymoona]

الله يرزقج يارب

 

[رايقة1980]

شوفي حبيبتي انا متزوجة من 6 سنوات وماحملت والله مو متضايقة لاني متاكدة ان ربي بيرزقني وهذي مقادير الله قدرها على ابن ادم

حتى بين فترة وفترة بالعلاج اخذ بريكات 3 شهور اوقف من كيفي امل من كثرة العلاج..





المهم

اللي باقوله لج

بنت عمي تزوجت عمرها 32

وخلال ست سنوات جابت 4 عيال وبنتين

ماشاء الله


اذا لج رزق بتاخذينها






وتذكري ان الله خير الرازقين

تدرين شنو معنى خير الرازقين

؟؟؟

يعني رزقج احسن رزق لج
ورزقي احسن رزق لي

الله كاتب لنا الخيرة واخر حملنا

سبحانه وتعالى..............
















الله يرزقج يارب هالشهر وتفرحينااا

 

[SaD FaCe]

الله يرزقج يارب ماكو شي مستحيل باييد رب العالمين

 

[دي حسن]

الله يرزقج ان شاء الله،، وتأكدي ووثقي انه بييي اليوم اللي تسمعين فيه مبروك انتي حامل ،، مو اكثر مني انا صارلي سنتين وشهر بالضبط وكاني الحمدالله الحين حامل لانه كنت متأكده وحاطه ببالي انه الله بيرزقني دايما كنت اسمع كلام يضايقني بس كنت اطنش وكنت اقول اللي زوقهم بيرزقنني ان شاء الله ،،، استغفري دايما واقري سورة البقره بنيه الحمل

 

[دي حسن]

رزقهم *