تهقون هالشي عيب وفشلة ؟؟ تعالوا نتناقش

[اميره بكلمتي]

والله انا وحده عادي عندي حييييل سواء تقليد او ماركه المهم الشي اللي انا أشوفه حلو سواء بعد رخيص او غالي اشتريه المهم بالنهاية يعجبني بالطقاق بكلام الناس

 

[محلى حياتك]

إذا ماركه يعني بتطول عمرج ولا بتقصره
يبه ماركه وماركه واخرتها بالزباله ( تكرمون)

اشتري اي شئ يعجبج واذاا بتمشين وتشترين بهذي الماركات عشان الناس تقول هذي هاي هاي ما راح تعيشن

 

[فتوشه كويتيه]

صح كلام البنات عجبني كلامهم وتفكيرهم .. اصلا مرات تلقين بالمحلات العاديه قطع وايد احلى من الماركات تدشين وما يعجبج شي

 

[ام القمرات]

للاسف اغلب تربية بناتنا بهذا الشكل , وعدم الثقه بالنفس لها دور كبير بهالموضوع ,انا لاتعليق لدي سوى جملتين فقط ,اولا :قال الرسول صلى الله عليه وسلم (لاتزول قدماعبديوم القيامه حتى يسأل:عن عمره فيماأفناه,وعن علمه فيم فعل به,وعن ماله من اين اكتسبه وفيماأنفقه, وعن جسمه فيما ابلاه)رواه الترمذي , ثانيا: انظروا للصومال , لسوريا ,للعراق وانظروا كيف هي حياتهم وماذا تصنعون انتم بالمال, ااتقوااااا الله ياعباد الله والله لتسألن عن كل فلس

 

[Tom ♥ Jerry]

.

ما فيها شي و كل وحده تلبس الي تبيه دام اهيه مقتنعه فيه

 

[ثلج احمر]

المهم البنت تلبس اللي يعجبها و بعدين التقليد ساعات يكون احلى من الماركة او حتى الثياب او الشنط الرخيصة تكون احلى و المهم تليق على البنت
و انا ما اهتم بكلام احد و ما تفرق لا تقليد و لا ماركات المهم ارتاح باللبس و اعجب نفسي و اكييد بعجب الناس اذا كنت راضية عن نفسي
و انا بصرااحة اشفق على هالفئة لان في الاخر تبذيير و حركاات و غرور على الفاضي و انا اعرف بناات ماشاء الله ما احسدهم بس جدا راقيين البنت تكوون انثى راقية باللبس و هو رخييص لان ذوقها عالي
و الانيقة انيقة حتى باللبس الرخيص و العكس
يا بنات البسواا المناسب حتى لو رخيص

 

[آنسه نوفه]

انا مع ان كل شخص يمد ريله على قد لحافه !

يعني ماروح اكلف ع نفسي واشتري كل شيء ماركه مثل ماقلتي واقعد انا اخر الشهر مفلسه ! شحادني

عن نفسي تستهويني الماركات وايد بس مب دوم اشتري .. على حسب

يعني اذا ساعه اشتري وحده تكون اسم معروف وسعرها معقول يعني 3000 ريال مثلا او اغلى شوي .. لان مب كل يوم بشتري ساعه انا !

نفس الشي عن باقي الاغراض

شوزات مستحيل ماركه احس حسافه هههههه وشنط على حسب

القناعه حلوه ترى

والقالب عادة غالب .. في ناس لبسهم بالالاف وتحسينه خلاقين ! وناس من ارخص الاماكن وتحبينه عليهم

-​

 

[زوجة حياتي]

المبذروون اخوان الشياطين في ناس ميتة من الجوع وناس تشتري جنطة بسعر مرتفع علشان لا ينقال عنها تقليد

 

[المحاميه ن]

والله احسن شئ القناعه هي الي تعطي ثقه بالنفس
كل شي بتنسيق وترتيب يكون احلى
باجر لما اموت اشرط عليهم كفن ماركه علينا ان نتقي الله في ديينا
كل واحد حسب مقدرته

 

[نـعـومـه]

شوفي اقولج رايي بسالفه الماركه تقليد او ماركه

انا ماايد البس تقليد ماركه ليش ؟؟؟

احس جنه شي غالي ميته عليه وماقدرت عليه اشتري تقليد

يعني مولازم اشتري تقليد ماركه اشتري ماركه اصليه بس موغاليه وايد ماركات موغاليه او اشتري جناط مثلا ساده مالها ماركه معينه !!

بس عجبتني جمله اهم شي نهايه الشهر بجيبي شي موعلى ابو اشتري شي ماركه ويظل جيبي فاضي

 

[انسام الكويت]

والله أنا اشتري اللي يعجبني اشتريه لكن أني اشتري ماركه قيمتها 100 و200 لا والله ماني راعية تشيحط وسوالف هياط

آخر همي الماركات وراي ناس بلبسي وغيره يعني مثلا جناطي موماركه طقت الاميه وغيره يعني من سنتر بوينت من h&m


يعني جذي وهم ماجذب عليج شفتي السوقه الشعبية إذا عجبني شي شريته ما عندي نظام وييع تقليد ومن هالحجي واحاتي

نظرة الناس اهم شئ عاجبني والوحدة ما تبذر على ماركات ماتسوا حرام بأجر الله يحاسبنا على كل فلس قطينها بشي مايسوا مجرد حق تشيحط


عموووما يقولج وزير التجاره الفرنسي انه الماركات هي أكبر كذبه تسويقيه صنعها الأذكياء لسرقة الأغنياء فصدقها الفقراء

 

[Japanese]

ماخبر حطيت رد بهالموضوع بس خل اقول رآيي

الموضوع مايرضيني ليش انه الماركه هاذي لها شخص هو اللي آسسها وسواها وقاعد يشتغل عليها ،، ف وين الحق والعدل ف شخص

آخر ياخذ credit المصمم! هاي جنها سرقه ؟

ومن طرف ثاني ، لما شخص يروح ويشتري من " هاللي بايق افكار شخص ثاني " هاي جنه راضي عن الموضوع؟ ولو تصير فيه

بعد المفروض انه يكون الوضع عادي؟ جنه تشجيع ع التمادي بسرقه الحقوق

تخيلت لو انه حد يبوق فكره من افكاري بمشروع مب بعد بشغل انا سويته وتعب فيه ش راح احس فيه

يعطيكم العافيه ان شاء الله ،،​

 

[*الهنوف*]

كلامج ميه ميه

 

[أميرة السعادة]

حبيت أشارككم في هذي الفتوى من موقع إسلام ويب

السؤال
هل يجوز شراء الملابس التي تحتوي على ماركات مقلدة إذا كان الشراء ليس من أجل الماركة؟ وما حكم الصلاة فيها إذا كانت ساترة للعورة؟.


الإجابــة
الحمد لله والصلاة والسلام على رسول الله وعلى آله وصحبه، أما بعـد:

فقد بينا في الفتوى رقم: 76793، أنه لا يجوز الاعتداء على العلامة التجارية أو الاسم التجاري الخاص بتلك الماركات بغير إذن من أصحابها، وإلا فهو تزوير واضح واعتداء بين، وهو حرام شرعاً، لأنه تعد على حق الشركات في العلامة والاسم التجاريين، وهما حقان ماليان معتبران، وللشركة صاحبة العلامة التجارية متابعة ومقاضاة من يقلدون شعارها إن لم تكن أذنت لهم في ذلك.

وبناء عليه، فلا يجوز شراء الملابس أو غيرها إن كانت تحمل تلك الماركات المزورة، لئلا يكون المشتري شريكاً لأصحابها في الإثم وعوناً لهم على الباطل، إلا إذا علم إذن صاحب الماركة للشركة المنتجة للملابس أو غلب على ظنه حصول الإذن منها بذلك فيجوز له حينئذ، وإلا فلا، لما نص عليه أهل العلم من أن الآخذ من الغاصب أو السارق أو المعتدي مثلهم ما دام يعلم أنهم قد اعتدوا على حق غيرهم.

وأما الصلاة فيها: فصحيحة مع الإثم إذا اشتراها وهو يعلم أنها ذات ماركات مقلدة، وأن شراءها محرم .

والله أعلم.

 

[روحي تحبك...]

ااااااب

 

[قموووره]

انا اشوف ان الذوق مو بس بالماركات انا عن نفسي ما اخذ تقليد اما
يكون عندي سعر الاصلي او اسبدله باي شي عادي او ماركه على قدي ولا اعرض نفسي للاحراج

 

[الهام الراشدي]

انا من رايي الي تاخذ ماركات انسانة حالها حالكم بس الله معطنها زود

 

[M!ss CoLoRz]

انا من رايي الي تاخذ ماركات انسانة حالها حالكم بس الله معطنها زود

طبعا كلامج صح .. بس الأخت صاحبة الموضوع تتكلم عن اللي تطالع الناس كأنهم ولا شي إذا ما لبسوا "ماركات"

 

[فّقدّ]

فهلآ أصبح مجتمعاتنا مكلفة , وحديثنا هو الموضه والماركآت ,
أنا ن وجهة نظري مافيهآ شي طبعآ بالعكس أنا مع هالشي
واذا الله كان مرهي علي الحمدلله نحمده ونشكرة ونشتري الشي اللي يرضي دواخلنا قبل الناس
الناس عايشه لنفسها وانا بعيش لنفسي , وآخر الدنيا كفن , والحياة حياة الآخره


,



الحمدلله حتى الرضآ وبعد الرضآ ,



مشكورة حبيبتي على الطرح , جميل

 

[أم خشم]

اهل الماركات قالوا , خلقنا الماركات لنسرق و نخدع بها الاغنياء فوقع ضحيتها الفقراء ,,
الانسان دائما يتباهى بافضل شي عنده ,, ان كان علم او شخصية او مال او نسب ,, فاللي يتباهي بماركات و المصروفات العالية فهذا انسان فارغ تماما و راس ماله هالفلوس و اذا خلصت ما عاد له قمية حتى اللي يصادقه فمن باب المصالح الا النادر لان الناس العالية الهمة و القدر ترفض هذا المعيار باختيار الصديق .
و من واقع تجربة اغلب اللي موجود في الاسواق تقليد يباع بصفة الاصلي و الناس تشتري و اهي تظن انها فاهمة بالموضة من باب جهل و هالشي يشمل كل شي العطور و الملابس و الجلديات و كلها صناعة الصين و هالشي متاكدة منه مليون 100% .
و بعدين اكثر اللي يصرفون بهالطريقة يكونون حديثي نعمة و الا اعيال الفلوس ابا عن جد ما يهمهم هالشي حتى انا اذا بغيت اعرف مستوى شخص اعرفه من ملابسه و طريقة صرفه اذا يصرف بالمعقول و بدراسة فهذا انسان راعي خير و تعبان بفلوسه اما اللي يقط على الفاضي و المليان فهذا عايش على الراتب و اخر الشهر يدور السلف من هذا و ذاك ,,
اخيرا عمره ما كان البذخ او الماركات دليل رقي او غنى و الا جان شفنا المصممين و العارضات يلبسونها في حياتهم العادية ,, تلاقينهم بالجنز و التي شيرت لان يعرفون ان مو هذا المهم .

و عيب اللي يعلق على الناس و طريقة لبسهم اولا شرعا منهي عن هالشي ثانيا هذا نوع من قلة الادب و الذوق و مخالف للايتيكيت .
و شكرا