تهقون بتذكر ولا ينساني .... والله تفشلت من خواتي بسبته الله يهديه

[روحي تحبه غصب]

كل عام وانتي بخير وعادي يقلبي تصير باحسن العائلات

بس حرام لاتلومينه الريال من كثر مشاغله وانه مومتعوده على هالسوالف

جان ذكرتيه قبل جم انه عيد ميلادج بعد جم يوم عشان تذكرينه وعلى حاسه انه ناسي ومو في باله

 

[Spanish Princess]

رد : تهقون بتذكر ولا ينساني .... والله تفشلت من خواتي بسبته الله يهديه

لووول

اتوقع كل الرياييل جذي


ما الومج شي يقهر صراحه


بس نصيحه لا تقارنين نفسج بخواتج راح تتعبين

 

[Spanish Princess]

رد : تهقون بتذكر ولا ينساني .... والله تفشلت من خواتي بسبته الله يهديه

وهابي بيرثدي تو يووو

 

[حبـ admant ـك]

رد : تهقون بتذكر ولا ينساني .... والله تفشلت من خواتي بسبته الله يهديه

كل سنه وانتي طيبه
انتي تدرين ان زوجج ينسى المفروض تسوين طريقه تخلينه يتذكر
عشان ما تزعلين

 

[g76aniya]

موضروري يذكر عيد ميلادج كثر ماهو صروري يذكرج بين فترة وفترة بهدية او كلمة حب ..
لاتتكدرين اذا ماذكرج .. لان احلى شي بالريال ان يفاجئج بهدية بدون مناسبة .. والاحلى لما يكون خاطرج بالهديه : ) ...

وكل عام وانتي بمليوووووووووون خير .. وعقبال التخرج

 

[haya20]

كل عام وانتي بخير وانشاء الله يذكرج

 

[كويتيه مذهله 87]

ان شالله هالمره ماراح ينسااج

حتي لو سمح الله يسناج تري بعض الريااييل مايهتمون بهالشي كافي يحبج وبس

 

[الغفلة]

رد : تهقون بتذكر ولا ينساني .... والله تفشلت من خواتي بسبته الله يهديه

هابي برثدي وبلقينا شصار معاج في انتظارج

 

[الشهد كله]

كل عام وانتي بألف خير :lolo::lolo::lolo:

حبيبتي ترى عادي الريال دايماً ينسى مناسبات زوجته بس ما ينسى مناسباته كل هذا عشان :jbdwjbd:


آنا السنوات الأولي منها يتذكر ومنها أذكره بعيد ميلادي

بس الحين عيالي قاعدين له قعدة بابا عيد ميلاد ماما بعد أسبوع لا تنسى

أما نوع الهدية راجع له ما أتشرط فيها

وآخر هدية يابها لي برمضان كنا راجعين من العمرة وناطرين طيارتنا في مطار جدة

واختفى وين راح ما أدري :bbbiu: أثاريه رايح يشتري لي هدية عيد ميلادي:fun::fun:

انتي سوي له جذيه دام إنه ينسى ذكريه عشان الفشلة بس:rgewrg:جدام خواتج ​

 

[.،:"$الـعـوبــــة$":،.]

رد : تهقون بتذكر ولا ينساني .... والله تفشلت من خواتي بسبته الله يهديه

هااااااااااااااابي بييييييييييييييرزدي توووووووووو يووووووووووووو ،،:happybday:
جا جا جا ،،:lolo:
انجليزي باللهجة المصرية !!
ماعليك ، حتى لو نسى ، انا اللي عندي مايذكر عيدميلاده ! تبينه يذكر عيدميلادي ! وكل سنة اجيب له شي يملا العين على قولتهم ، بس والله ادري انه ماراح يتذكر عيدميلادي !
عيشي حياتك حبوبة ، واذا تبين سوي نفسي ، قولي ترى عيدميلادي اليوم وفي خاطري الشغلة الفلانية ، يايعطيك فلوسها ياتروحون مع بعض تشترونها !
وعاااااااااااااااااااااااااااااااديييييييييييي جا جا جا ! << شاشت !!​

 

[قطوووة]

متابعة
ها بشررررررررري

 

[قطوووة]

او دزيله مسج زوجي الحبيب انت معزوم على عيد ميلادي الساعة الفلانية

لاتتأخر عشان نقص شريط الحفلة مع بعض هههههههههههههه

 

[نبض السعاده]

رد : تهقون بتذكر ولا ينساني .... والله تفشلت من خواتي بسبته الله يهديه

كل عام انتي بخير


ان شاء الله ما ينساج
طوووووول عمره

 

[Ms.PinK]

كل عاااام وانتي بخير ياقلبي .. وانشالللللله ماينسى

عاد بشريناا :>

 

[أط أط]

حبيبتي كل عام وأنتي بخير ..

تبين يتذكر هاليوم عدل ..

خلي خواتج يحتفلون بعيد ميلادج ويعطونج هدايا ..

وكيكة .. وطلعي معاهم تمشوا وتعشوا ..

وخلي يحس أن هالمناسبة حلاتها معاه مو مع خواتج ..

وسولفيله شكثر استانستي والله يخليهم لي خواتي ما قصروا ونسوني ..

بيغار حده وتلاقينه بيسويلج .. اللي تبينه ..

والله يوفقج ..

 

[Om Haya]

حبيبتي عادي الاغلبية الرياييل جذي
مو متعمد يكشت فيج بس يكونون لاهين بامور الحياة
انا 8 سنين ينساني وازعل واقطط نقزات
هذي اول سنه يشتري لي هديه
تخيلي شفتها على سريري اتخرعت على بالي مو لي دقيت سالته الهديه اللي على فراشنا مالت منو ههههههههههههههه
الحمدلله اهم شي ربي يخليهم لنا

 

[شفووق]

رد : رد: تهقون بتذكر ولا ينساني .... والله تفشلت من خواتي بسبته الله يهديه

كل عام وانتى بخير حبووبه بشرينا نسااج ولالا

انا مرة ماياب لي شي عوضني يعني طلعني من الصبح لي بلليل اخرتها وداني مسرحيه طارق العلي

ان شاء الله يارب ابشركم
وراضيه لو يوديني مسرحيه نعمه

 

[^noonaa^]

لوووووول

اول شي كل عام وانتي بخير

و والله الريااييل ماا منهم فاايده

مالت علينا احنا نشتري وانيييب بمناسباتهم واحنا ياحظي علينا من اتصير لنا مناسبه ننطر نتشفق واخر شي معطينا طاف

 

[شفووق]

رد : تهقون بتذكر ولا ينساني .... والله تفشلت من خواتي بسبته الله يهديه

للحين ماكو شي
قاعد عندي يتغدى ومندمج على ام بي سي 2
وانا احش فيه اهنيه لووووووووووووول
ننطر ونشوف يمكن عنده حرام نحتفل بنفس اليوم يمكن باجر او اللي بعده ........مكسينه عندي امل

 

[جروح خالده]

رد : تهقون بتذكر ولا ينساني .... والله تفشلت من خواتي بسبته الله يهديه

كل عام وانتي بخير