تهقون بتذكر ولا ينساني .... والله تفشلت من خواتي بسبته الله يهديه

[شفووق]

السلام عليكم
بنات انا اليوم عيد ميلادي
والسنه اللي طافت زوجي العزيز الغالي ناسي عيد ميلادي مع انه كان اول عيد ميلاد يمرعلي عنده
وانقهرت وتفشلت جدام خواتي لانه عيد ميلاده كام قبل عيد ميلادي عاد انا شيدت حيلي وخذيت خدامة اهلي زينت معاي الشقه وصارت خيال والله العظيم وسويت كيكه كبيره حيل على صوزرته وعليه عبارت حلوه وشريته نعال ماركه مع العلم اني كنت حامل بشهر السادس وتعبت من الزينه عاد خواتي قالو نشوف بعد الخبه اهو شسويلج عاد اهو نسى عيد ميلادي وزعلت عليه وقص علي بجم كلمه وراضاني وعيد ميلاده الثاني كان بشهر 5 اللي طاف جمعت اعاناتي وشريت له قلم اقنر ب70 دينار مع ساعه ب250 مع انه كان ناسي عيد ميلادي بس قلت خلني اكسر عينه عشان يسويلي شي وقبل فتره ماكان فيه مناسبه بس من عندي شريتله ولاعه ماركه جفنشي واستانس فيها حتى ربعه اسألوه عنها واهو المسكين طار من الوناسه وذاك اليوم اخوه قاله عندي ياه عندي مقابله مع الوزير بكشخ فيها وخذا قلمه اللي جبته له يعني كشخته عند اهله واهو يفشلني
عاد اليوم ماجاب طاري شي ولا قالي شي عاد انا خاااااايفه يكون ناسيه
ياويلي لو ناسيه والله اذبحه
بنات تكفون ادعولي يبيض يوجهي عند خواتي ويرح قلبي
عاد انا بنطر واقولكم شنو صار اذا تذكر وجايبلي هديه بجي اتشيحط عليكم واذا ماجابلي شي او ناسي بجي ابجي عندكم :bbbiu:

 

[nooooof]

كل عام وانت بخير حبيبتى ويوم ميلاد سعيد يارب

وان شاء الله هو ذاكر ومو ناسي يارب اتجين اتشيحطين بهالهديه طمنينى

 

[شفووق]

رد : رد: تهقون بتذكر ولا ينساني .... والله تفشلت من خواتي بسبته الله يهديه

كل عام وانت بخير حبيبتى ويوم ميلاد سعيد يارب

وان شاء الله هو ذاكر ومو ناسي يارب اتجين اتشيحطين بهالهديه طمنينى

وانتي بصحه وسلامه حبيبتي ماتقصرين فديتج
والله يسمع منج يااااااااارب

 

[عيمية^والقلب^كندري]

ههههه اول شي كل عام وانتي بخير حبيبتي وانشالله يارب يتذكرج وانا بنطرج اليوم ومعاي قوطي كلينكس اذا لا سمح الله طقيتيها بجية

 

[امواج الكويت]

ان شاء الله يذكر وتحطين لنا صورة الهديه

 

[a7la_7b]

كل عام وانتي بخير وان شاء الله ماينسى

 

[rehamq8]

والله ما دري شقولج
أولا كل عام وانتي بخير
انا صار لي متزوجه 9 سنوات وكل سنه ينسى عيد ميلادي وعيد زواجنا وأسويله مناحه وأزعل وأتحلطم وطاف
بس أنا دايم أشتط بعيد ميلاده وزواجنا بس السنتين إلي طافوا كشت فيه ولاعطيه وجه بس أقوله كل عام وانت بخير
بس هالسنه أهو من الخرعه شرالي هدية عيد ميلادي قبل شهر وعطاني إياها عشان ما ينساها
وأمس كان عيد ميلادي وطبعا نسى وتحلطمت وقلت لولدي الصغير يلا بنروح نشتري كيكه حق ماما جان أهو يطلع من البيت وراح شرا كيكه بس آنا ماعطيته وجه
يعني طاف وتعودي على النسيان

 

[L.a.v.e.n.d.e.r]

كل عام وانتي بخير

ان شاء الله ما ينسى هالسنه

تدرين يبيلج تحطين له منبه بتليفونه قبل عيد ميلادج بيوم يذكره كل سنه

هذا احسن حل

 

[L.a.v.e.n.d.e.r]

كل عام وانتي بخير

ان شاء الله ما ينسى هالسنه

تدرين يبيلج تحطين له منبه بتليفونه قبل عيد ميلادج بيوم يذكره كل سنه

هذا احسن حل

 

[شفووق]

رد : تهقون بتذكر ولا ينساني .... والله تفشلت من خواتي بسبته الله يهديه

لا لا لا ماراح اذكره ابيه اهو يتذكر مايصير جذي
والله رياجيل خواتي ماشاءالله عليهم عسى الله يهينهم ويبعد عنهم العيون كل سنه يجيب شي
وانا اتحسر ماعندي غير هالنغزات اللي ياخذ من اختي ساعتها اللي جابها رجلها بكشخ فيها واهو ولا هناا
بس هالمره صج ناويه عليه اذا نسى والله مايشوف مني شي
عاد انا ابي يصير بينا هدايا مابيهم ينقطعووون حسبي الله على عدو جانه بحدني

 

[FeShinGoOo]

رد : تهقون بتذكر ولا ينساني .... والله تفشلت من خواتي بسبته الله يهديه

وييييييييه ترى كل الريايييل ينسون اذا مو كلهم 98%
انا مادري شنو نمونة ريلي ينسى ولا لا .. لان دايما اذكره قبل عيدميلادي باسبوع اقوله مثلا ويي الاسبوع الياي بكمل ال 24 صرت عيوزه ..
اهو راح يتذكر ان عيدميلادج عرفتي .. ذكريه بطريقه مو مباشره

 

[شفووق]

رد : تهقون بتذكر ولا ينساني .... والله تفشلت من خواتي بسبته الله يهديه

امبيه بنات جني ناطره نتيجه امتحان او قبول لووووووووووول
بطني يعورني وخايفه
امبيه مابي ابجي ويضيق خلقي واتفشل لا ياربي

 

[noo7a]

كل عام و انتي بخير مقدما
عادي الرياييل مايهتمون حق هالشغلات
و اذا مسى لا يهمج تعالي المنتدى و احنا نسوي لج احلى عيد ميلاد
بس انشالله ما ينسى

انا ريلي يتذكر بس نوعه مايعرف اييب هدايا فقلت له اول الاسنين انا بعلمك عشان تتعود بروحك و تييب لي بعدين و تفاجاني فسوي نفسي انتي صارحيه بلي تبينه بدال الزعل و البجي

 

[شفووق]

رد : تهقون بتذكر ولا ينساني .... والله تفشلت من خواتي بسبته الله يهديه

انطروني ياا او

 

[DooLy88]

انشاء الله ماينسى وهابي بيرثدي

 

[wafa82]

رد : تهقون بتذكر ولا ينساني .... والله تفشلت من خواتي بسبته الله يهديه

انشالله ماينسى حبوبه والعمر كله

 

[miss mama]

بننطرج كل عام وانتي بخير

 

[ЗтhВňŸ 'ЗМơơDk]

الله يعينج ..

حتىى انا رجلي ما يدري عن عيد ميلادي ,, ونفسج ما ارضى اني اذكره ,, ابيه اهو يتذكر بنفسه <--- باسي قووي ..

بس اتوقع يجيبلي هديه ,, بس ما اعرف ذووقه لان توني متزوجه ..

عيد ميلادي طاف شريتلي عطرر واهو معاي ,, اجذب على نفسي اقووول هالعطر هدية عيد ميلادي

يس عيد ميلاده بعد شهرين بجيله هديه يستاهل ما قصر معاي ..

 

[ريتااجي]

رد : تهقون بتذكر ولا ينساني .... والله تفشلت من خواتي بسبته الله يهديه

كل عام وإنتي بألف خير

وإن شاء الله ماينسى

 

[meen_ana]

كل عام وانتى بخير حبووبه بشرينا نسااج ولالا

انا مرة ماياب لي شي عوضني يعني طلعني من الصبح لي بلليل اخرتها وداني مسرحيه طارق العلي