تهقـون قاصين عليـنآآ ؟

[مشتطـه]

صح بناااات اذا تفيد العظام والجسم
اصدق
بس سالفه تخربين اي والله صاجه شدعوه سيارة عاد

 

[كويتيه مذهله 87]

انا معاج لاني ماشربت ولا شي بنفااسي والحمدالله اموري تمام

بس تاخذين شغلات طارده للغازات لا اكثر ولا اقل

 

[مشتطـه]

كويتيه ماشاءالله عسى دوم تمام
شكرآ لمرورج

 

[المسكـ]

قلتي تبين كلام عن تجربة مو سوالف حريم

انا اعرف مرا يابت عشر بطون مااااخذت ولا شي بس تاكل لحم ودياي وتشرب مايهم وماتقط الدلاغات وماشالله مرا عودة وجنها صغيرة

وانا ماخذت ادوية ولاشي بس كنت اتدفى عدل واكل بروتين وخضار وطبعا ماشرب بارد ولا غازيات
والحمدلله وضعي تمام واختي نفسي يابت ست يهال وماخذت شيوماشالله ماتشتكي من شي الحمدلله

رفيجتي ذبحتني بالادوية وتعيب علي
اخرتها مسكينة قامت تعالج صار معاها التهاب وسوالف بالرحم

يعني شنو افهم من هذا؟؟!!
انا مو ضد الادوية العشبية بس ابي دليل علمي او ديني علئ صحة فايدتها للوالدة

وبالنسبة للهوا هذا دليل صحة المهبل لان بوضعيات معينة يشد ويرخي فيدش هوا ويطلع دليل ان العضلات تقوم بدورها على اكمل وجه

كلامج عين العقل :eh_s(15): معاج بكل كلمه :eh_s(15):

 

[جنى q8]

يزاكم الله خييير


طمنتوني
لان وحده قالت لي

تنفسي عدل واكلي وااايد ولاتهدين اعشابج
ولا تشربين ماي
ترا ريلج يطردج ويقولج روحي تنفسي عدل وبعدين تعالي!!!!
وانا مو مقتنعه بكلامها لاني مو فاهمه ليش اصلا قالت جذي
بس الحمدلله تطمنت و ارتحت بعد ماقريت ردودكم

 

[حب1985]

التمر وايد زين بعد الولادة لان فيه نفس الهرمونات الطبيعية اللي تشد الرحم وترجعه طبيعي
والماي والسوائل مهمين وغلط الوحده ماتشرب ماي بالنفاس
بس طبعا اهم شي عدم المبالغة لان كل شي زايد عن حده يضر ولا تشربون او تاكلون شي بارد

 

[الـــغـــلآ]

بالعكس اناا اعرف وحده كانت تقول تحس مثل الماي ينزل منها و تحس بهوا ☟تٌَحَـتْ☟ من مشت على نظام اعشاب و لهوم و هالسوالف من مرا كبيره هي اللي عطتها النظام

صارت نظيفه و ناشفه تقول فرق عن قبل

ٱ‏​نـِْ♡̨̐ـِْا عن نفسي اهتم تبارك الرحمن ف مو شايفه مشاكل و لله الحمد

 

[أإلع ـشق دلع ـهـأإ]

حبيبتي ترآ كلآم آجدآدنآ صح

ومهمآ تطور الطب النآس تروح ترجع لكلآم آجدآدن لآنهم يعرفون

وآذكر قبل قلنآ كله جذب والدكآته مآقآلوآ جدتي قالت الدكآتره مآيعرفون خخخخ 

صدقيني طبقي كلآمهم وشوفي النتيجه

يمكن اللي مجربت تقول محست بشي بس صدقيني خليهآ تجرب ورح تحس بفرق كبيييييييير

طبقي النظآم وصدقيني بتحسين بصحه ونظآفه ورحمج يكون نظيييييف وبويضااتج صحيه ومآفيج الآ العآفيه

 

[انسام الكويت]

كل وحده تنام عالجنب اللي يريحها اللي تقول ما اكلت ادويه واعشاب واعتمد عالاكل الصحي وغيره

ندري انه الاكل الصحي له دور يرد عافيتج بس الادويه والاعشاب تكمل هالشي يمكن البجر اللي ما كلت ادويه

وتقول شزيني ومافيني الا العافيه بس عقب ٣ ولادات واكثر بتشوفين الفرق وتقولين بجرب الادويه وهالسوالف

والادويه والاعشاب منها فايده ماتضرج ولا شي كلها عشر ٤٠ يومي التزمي وذيج الساعه قارني بين نفاسج اللي ما اكلتي ادويه واعشاب

وبين نفاس اللي اهتميتي فيه و اكلتي ادويه واعشاب واكل صحي واللي مو مقتنعه تمشي عالشي اللي يريحها لانه هالموضوع تكلمنا فيه وايد

وناس مقتنعه وناس ماتبي تقتنع اللي تبي العافيه والصحه والعظام الزينه تاكل ادويه واعشاب واكل صحي اما اللي مو مقتنعه بهالسوالف تسوي

اللي يريحها لانه امهاتنا هم ادرا بكل شي وسووا بحث بقوقل واقروا عن هالشي يمكن يفيدكم بشي

 

[مشتطـه]

والله يا انسام بالخليج كل موضوع حريمنا مكبرينه

كل المواضيييييييييييييع يعطونها فوق حجمها وزياده ويبالغون واساسا ماكو شي الا العافيه


اقري الردود عدل
ولو فيهم شي اللي ما استخدمووووهم جان ملت ازواجهم منهم
بس كل وحده تقول مافيني الا العافيه
لا هوا ولا وصخ ولا شي

وحملت وايد بعدها

انا مع الادوية بس شحقة طايحين تخررررع فينا


ذاك اليوم قطعة كاكاو صغيره بغت تلعن خيري خالتي اخت امي
لا تاكلييييييييييييييينهاااا دييري بالج

صلي عالنبي شوووفي كرشج بالاول

ويييع ما احب المبالغات

 

[FJ style]

هههههه روعة سالفة الكاكاوة وكرشها خخخخخخ

الاعشاب والادوية الحين يسمونها الطب البديل
يعني في طب وفي طب بديل
وانتي اختاري

انا عن نفسي وبعد اربع بطون
اهم شي الغذاااااااء الصحي والرياضه قبل الحمل وخلال الحمل تمارين معينة وبعد الولادة
وطبعا ضرووووري تجميل وتضيييق

وتصيرين عروس

اما اكلي شوربة دياي وتغطي تحت الشرشف وشمي ريحتها
اكسكيوووووز مييييي

او عفني بمكانج ولا تسبحين واهم شي لا تشربين ماي
وييييع
ويع الله يأرفكم

الله يعين هالزوج اللي ناطرج
والله اذكر مرة وانا صغيرة زرنا وحدة بنفاسها
ويييييييع ريحة البيت كانت ارف مادري ادوية والا دخونات وخرابيط
المهم بعدها تعقدت لين تزوجت وحملت وانا احاتي لا يكون لازم النفسا ريحتها جذي

بس الحمدلله
طلعت هالسوالف مالها داعي
وطبعا انتي وكيفج
والبنات وكيفهم
كل وحدة تنام عالجنب اللي يريحها على قولة الاخت اللي فوق

 

[ناتشوو]

والله يا انسام بالخليج كل موضوع حريمنا مكبرينه

كل المواضيييييييييييييع يعطونها فوق حجمها وزياده ويبالغون واساسا ماكو شي الا العافيه


اقري الردود عدل
ولو فيهم شي اللي ما استخدمووووهم جان ملت ازواجهم منهم
بس كل وحده تقول مافيني الا العافيه
لا هوا ولا وصخ ولا شي

وحملت وايد بعدها

انا مع الادوية بس شحقة طايحين تخررررع فينا


ذاك اليوم قطعة كاكاو صغيره بغت تلعن خيري خالتي اخت امي
لا تاكلييييييييييييييينهاااا دييري بالج

صلي عالنبي شوووفي كرشج بالاول

ويييع ما احب المبالغات

ههههه
انا امي
العكس
تهرب لي الكاكاو
والبيبسي بعد
اقول لها يمة
ليش زين تخشينهم انت امي خايفة من منو ؟
ياحياتي
وامي اللي تقول عن الغسولات خرابيط
خلوكم ع الطبي
بس والله
اللي احبه من الشغلات الشعبية ولها فايدة
المحلب
سواءا تاخذينه لهوم
او تحطينه ببطل ماي صحة صغير
وخليه
ماي الشرب لج خاصة الفترة الاخيرة من النفاس
والشغلة الثانية
التمر مع السمن والرشاد
مع القهوة العربية
هذي بعد حلوة

تقدرون تقولون
اللي تبي تحافظ عالمنطقة من التغيرتحرص ع الخياط التجميلي الزين بعد كل ولادة
واللي تبي وقف الافرازات المحلب مو طبيعي
وبس
واللي تحس بمشاكل ثانية هوا ماهوا
لها بعد علاج بالشعبي
اذا تأكدت ان مافي سبب طبي
تتبعه

 

[مشتطـه]

شكررررآ بنااات

إف جي
انا مرا رحت لوحده والده الطبيب وشميت فيها ريحه أمبي تعقدت

وقلت لابو الحريم لابو جلب خل ينقدون ولا اقعد بخياسي

عقب ولادتي
ولدت 9 بليل
الصبح تسبحت
وحطيت مسك صوب اذني
وكنت بتبخر وخفت عالخياط

والا اني اخيس عشان اصير سنعه وخرابيط !!!!!!!!!!!!!!! سالفة العطر يوسع الرحم

 

[You FOR Me Only]

ومنكم نستفيد

 

[مشتطـه]

حياج الله