تهتمين بنفسك وقت الدوره؟ادخلي علمينآ وش تسوين!!

[المحبـــه ارض~]

السلآم عليكم يآبنآت



بصرآحه انآ انسآنه اهتم بصحتي مره واخآف على نفسي وآكل واشرب اشيآء صحيه


لكن!!!



عندي مشكله :

وقت الدوره مآ اعرف وش اسوي ولآوش اشرب ووش اترك ..

وانآ من النوع اللي يجيني ألم احس اني اشوف الموت ..واضطر غآلبآ اروح المستشفى ..



بنآت انآ الحين ابغآكم كل وحده تدخل تكتب نظآمهآ وطرقهآ للإهتمآم قبل الدوره وبعدهآ ..

خلونآ كلنآ نستفيد فديتكم الله يسعدكم يآآآرب ^^​

 

[*عزة نفس*]

هلا اختي..
بعطيك كم نصيحة ان شاء الله تفيدك..

1-معروف ان الم الدورة يجي قبل يومها تقريبا يومين قبل فاشربي بنادول مو مشكلة بس لا تكثري..من تجربة ان الألم يجي أخف بواجد ممكن انها تجيبني بس ماحس بألم على طول..

*-ابتعدي تماما عن المشروبات الباردة والغازية والمثلجات والمأكولات اللزجة(باميا-مانجا)لأن كل هالأشياء تعيق نزول الدم..

حطي لك كمادات ماي ساخنة..

3-عليك بالأشياء الساخنة حتى لو الأن الجو حار والدورة تخليك تغلي من داخل بس مايخالف تحملي كلها كم يوم..

4-ابتعدي عن الماي البارد لأن ممكن تستغني عن المشروبات الثانية بس الماي لا..كثري منه ولا يكون بارد ولا حار قريب للبرودة بس مو بارد..

5-الاستحمام..انا اخذت معتقد ان مو زين ان اغسل شعري اول يوم وعلى أساسه ماغسله اما قبل أو بعد أول يوم..بس اليوم اللي تجي فيه لا..
المنطقة الحساسة أبد لاتستخدمي لها صابون عادي أو معطر..أو أي شي قلوي..عندك غسول كيرفري بالصبار أو سيباميد ..
وقبلها تكوني ازلتي الشعر من المنطقة لأن تتراكم فيها البكتيريا..

6-التدفئة وعدم المشي مباشرة على السيراميك وتجنب حمل الأثقال والجهد الزايد كلها تزود الدم خصوصا أول الايام ولها أضرار حتى على العمود الفقري وغير انها تسبب هبوط في الرحم(الاثقال)..

7-خلي لك ملابس داخلية خاصة بأيام الدورة ولا تنسي نفسيتك تكون حلوة..دلعي نفسك واطلعي وتنفسي وباديكير ومنكير..

يعطيك العافية..

 

[المحبـــه ارض~]

الله يعآآآآآآآآآآآآآآفيييك


نصآآآيحك تهبل ..


من جد مررره شكرآآآآ ^^


الله يسعدك نورتي وشرفتي وبجد افدتي :*

 

[تبيني آرضى عليك]

آآآآب

 

[baby lotion]

حبيبتي نصيحه اذا ماعندج مشاكل مثل الهوا والافرازات واللالتهابات وروايح والخ ابتعدي عن الاعشاب والخزعبلات

خليج على المشروبات الدافيـــــه فقط مثل قهوه حليب قرفه .حليب زنجبيل. حليب حلبه الدوافي توخر لج اللالم بشكل فضيع وانتبهي حليب حلبه في اول 3 ايام ولاتنسين التمر وتقدرين تحطين ربع قفشه كمون على قهوتج زينه للغازات والشمر ممتاز بعد

والماي اللي تشربينه خليه دافي افضل

ابتعدي عن اي شي بارد ولزج وحامض عشان ينزل الدم وانتي بكرامه وتدفي عدلل لاتطولين في الحمام والصوابين لا تستخدمينهم استخدمي غسول خفيف من فوق فقط


ذاتس ات

 

[غآب نورك ~]

أنا وقت الدوررة

اول شي لازم اتدفى بلبس قططن ودافي ودلاغات مب زين تمشين حافيه عالسراميك

ابتعد عن الغازات نهائيا والمشروبات البارده كلش ماشرب , اللبن الحليب الفرش الروب ممنوع حتى اني احاول ماكل اشيا فيها بهارات وسبايسي كلش

شربي كله حارر + اهم شي حبيبتي ماتجوعين نفسج ترا غلط غلط انج ماتاكلين لازم تغذين نفسج وابد ماتحسين بالجوع فترة الدورة الحسو وايد زين وينظف يغنيج عن الاعشاب والخرابيط

عن نفسي ماحب سوالف اعشاب لانه تلوع جبدي ممكن اشرب قهوه عربية مالت بيتنا وبـس

 

[*كنـدا*]

مشكووورين بنات مررررة استفدت ..

 

[أم*سلمان]

آب

آب


لعيونج

 

[المحبـــه ارض~]

baby lotion ا يعطيك الف عآفيه يآقلبي رآح امشي على نصآيحك ان شآء الله ..


غآب نورك ~ حبيبتي مشكوووره ايه اتآ الحمدلله اتدفى زين بس المشكله اني مآ آكل وقت الدوره يعطيك العآفيه حبيبتي

 

[<miss botamba>]

ما اسوي ولا شي اللهم الدارسين ومو دايما (ماي الدارسين)

واذا باكل بيضه او شوربه احط فلفل اسود وهم مو دايما


وقريت معلومه ان لازم وقت الدوره و النفاس المرا لازم تكثر ماي لان يمنع التكيسات


ونفس ماقالوا بعض البنات انا احس سوالف الاعشاب و الحسو والاشياء الي على قولتهم تنظف وتنشف الرحم خزعبلات

 

[المحبـــه ارض~]

مس بوتمبآ ^^


يعطيك العآفيه حبيبتي .. بس مآي الدآرسين هذآ وين الآقيه ؟

 

[قاهره عذالي]

بالدوره ممنوع الاشياء الحامضه واللزجه والمخلله
لانها تحبس الدم بالرحم وحتى الميراميه توقف الدم خلال الدوره وتحبسه لانها عشبه قابضه ما تنشرب الا بعد الدوره وبايام التبويض للي يبون تنشيط مبايض


اذا حسيتي بعوار اشربي كوب بابونج يهدي العوار ويريحج يخليج تنامين بعد

انا جربت الدارسين كنت انقعه واشربه وجربت الزنجبيل مع الحليب زينين

بس ما شفت مثل الزعتر

اسويه مطاره او بكوب واشرب منه

انا العاده على 3 يوم او الرابع ينتفخ بطني واحس الدم محتبس

من اشرب الزعتر بعد نص ساعه الى نزل الدم اللي كان محتبس ويعورني

اللبن ممنوع والروب
الملوخيه - الموز - العصاير سواء كرتون او طبيعيه
المعكرونه والاسباغيتي والاندومي والباميه او مرق باميه
الطماط بعد لان فيه نسبة حموضه
اي شي حامض ترا يحبس دم الدوره ويجمدها بالرحم
عشان جذي يصير العوار
حتى الجوع بعد وقت الدوره يسوي عوار
والماي اشربيه فاتر
مو بارد ومثلج
وطبعا البيبسي وربعه ممنوع

التمر اعجنيه بدون الفصم مع سمن غنم او زبده
وحطيه بصحن له غطا واكلي منه وقت الدوره
حطي معاه ملعقه صغيره من : فلفل اسود - حبة حلوه - حبة سمره - سمسم - رشاد - كمون مطحون - حلبه مطحونه

واعجنيهم مع التمره اللي بالزبده

واكلي منه

خاصه انه وقت الدوره تحسين بلوعه ومالج خلق تاكلين

هذي التمره تهدي اللوعه

والشوربه او اي اكل تاكلينه ضيفي عليه فلفل اسود او ابيض

والتدفيه مهمه

سروال طويل ودلاغات ولا تدوسين السيراميك حافيه
لان البروده اللي بقاع الرجل تحسينها توصل الرحم مباشره وتحسين بعوار
وهم لا تعرضين نفسج لتيارات الهوا البارده مثل الثلاجات اللي بالجمعيه
انا مره رحت الثلاجات اللي بالجمعيه باخذ اغراض حسيت الهوا البارد اللي يطلع منها حاش بطني
وحسيت بعوار قمت ارجف من عوار الدوره

يعني اكلي اشياء دافيه وبعدي عن اي شي بارد مثل الايس كريم والعصاير نفس ما ذكرت

 

[المحبـــه ارض~]

قآهره عذآلي ..


صدق صدق كلآمك مهمم كله كتبته بملآحظه بجوآلي


يعطيك الف عآآآآآآآآآآىفيه فديت قلبك ^^

 

[متجر جنات عدن]

مشكوررين

 

[egyptiangirl]

هلا اختي..
بعطيك كم نصيحة ان شاء الله تفيدك..

1-معروف ان الم الدورة يجي قبل يومها تقريبا يومين قبل فاشربي بنادول مو مشكلة بس لا تكثري..من تجربة ان الألم يجي أخف بواجد ممكن انها تجيبني بس ماحس بألم على طول..

*-ابتعدي تماما عن المشروبات الباردة والغازية والمثلجات والمأكولات اللزجة(باميا-مانجا)لأن كل هالأشياء تعيق نزول الدم..

حطي لك كمادات ماي ساخنة..

3-عليك بالأشياء الساخنة حتى لو الأن الجو حار والدورة تخليك تغلي من داخل بس مايخالف تحملي كلها كم يوم..

4-ابتعدي عن الماي البارد لأن ممكن تستغني عن المشروبات الثانية بس الماي لا..كثري منه ولا يكون بارد ولا حار قريب للبرودة بس مو بارد..

5-الاستحمام..انا اخذت معتقد ان مو زين ان اغسل شعري اول يوم وعلى أساسه ماغسله اما قبل أو بعد أول يوم..بس اليوم اللي تجي فيه لا..
المنطقة الحساسة أبد لاتستخدمي لها صابون عادي أو معطر..أو أي شي قلوي..عندك غسول كيرفري بالصبار أو سيباميد ..
وقبلها تكوني ازلتي الشعر من المنطقة لأن تتراكم فيها البكتيريا..

6-التدفئة وعدم المشي مباشرة على السيراميك وتجنب حمل الأثقال والجهد الزايد كلها تزود الدم خصوصا أول الايام ولها أضرار حتى على العمود الفقري وغير انها تسبب هبوط في الرحم(الاثقال)..

7-خلي لك ملابس داخلية خاصة بأيام الدورة ولا تنسي نفسيتك تكون حلوة..دلعي نفسك واطلعي وتنفسي وباديكير ومنكير..

يعطيك العافية..

معلوماتك رائعة بس سمعت ان الاستحمام اثناء الدورة غلط لانه بيكسر الدم البيضاء و الحمراء و الله أعلم

 

[&موناليزا&]

عزيزتي رفع لعيوووووووووووونج

 

[ديما الكويت]

وزيادة على كلامي البنات انا ادهن بطني وريولي(رجولي) بدهان ابوالفأس تلاقونه عند الحواي
مع مطارة الماري الحار اول ماتنزل ، والبس الدلاقات القطن وبيجااما وروب للبيت عشان ما يحوشني بردددد
وبالنسبة للأكل الدافي شوربات وزعتر ودارسين وحليبه مع فلفل اسود وابتعد تماما عن المخللات والروب واللبن كلها مضرة وقت الدورة .و











اطبق برنامج النفاس ...اتلاقونه بقوقل كتبي جدولي وقت النفاس
أي نعم من ناحية التدفئة واللبس والأكل والشرب لانه الدورة نفس النفاس تحتاج راحة

 

[المحبـــه ارض~]

مونآليزآ فديت عيونك حبيبتي



ديمآ الكويت : حبيبتي يآحلو نصآيحك مشكووووره ربي يعطيك على قد نيتك :*