تهاوشنا على عيش ام يوسف :@

[تنـــاســـانــي]

اي يا لوووووووووول لي الحين ., احنا نتهاوش بعد على عيش ييرانا .,~

واخواني الكبار لووول بو 27 و31 يوقفون عند باب المطبخ واي خدامه اتيي يايبه نقصه يقولون وصل وصل لووووووووول وعيونهم على الاكل من واهيا تمششي من بعيد بالحوش لين اتحط الاكل واهما يبحلقون بالصينيه ومن تطلع الخدامه من المطبخ طيرااااااان على الصحون يشوفون شنو فيها وربي اموووت عليهم ضحك جنهم يهاال .,~

والحين فاقدين مرت ييرانا رايحه عمره وكل يوم يقولون لامي دقي شوفيها مارجعت كااااااااااك .,~
ويتناقشون بطبخ فلانه وعلانه لا هذي طبخها مووو صج اي اي هذا لقيماتها اتينن وعليها تشريبه مو طبيعيه كااااااااك وربي مو صااحين قعدي وضحكي عليهم .,~
طبعا هذا كله قبل الفطور اليوع ومايسسوي ياوخيتي

وهالحجي بسس برمضان انا اهقى عشان اليوع يصير لها طعم لووول

اي والله الشباب مادري ليش جذي مايعجبهم العجب ،، اول امس اخوي يقول ليش ماتسوون نفس عيش ام يوسف ،، و كيكه الفراوله اللي تسويها شحلوها عاد والله امي و خواتي مايقصرون اشكال و الوان يسوون بس مايعجبهم العجب ،،

ام يوسف صارت مشهوره بالفريج الكل يحب عيشها

 

[$الـــحـــلاوه$]

رد : تهاوشنا على عيش ام يوسف

هههههههههههههه موضوعج عجيب
انا ماحب اكل الا من اكل بيتنا مادري ليش
ومن بعد بيتنا بيت خالتي

والله يعطيهم العافيه جيرانه

 

[درة أهل الطولات]

رد : تهاوشنا على عيش ام يوسف

لا والله انا ساكنه بشقة ولا مرة جيراني ودوا لي شي

واستحي اودي لهم

بس شكلي بجرب

 

[Freakya]

والله ياني مشتاقة حق هالعادة ..

صار لنا تقريبا أكثر من 10 سنين ما نتنقص حق جيراننا ..

الله يسلمكم اللي على يميننا الله يهديهم اهما و حديقة الحيوانات اللي عندهم و اللي على يسارنا هنود كشخة عشتو..

أول كننا نتنقص حق اللي بالقطعة اللي يمنا .. كانت رفيجة امي يا حليلها هههههههههههههههههه ..

ما عندي الا أهلي اتنقص لهم ..

 

[لي مشاعر]

يا حلوكم

ويا حلو هالعادات الجميله

بصراحه اندثرت عندنا بالرياض

وما عاد احد يرسل للجيران

من فطوره

ما شاء الله عليكم

الله يديمها عليكم

ويبارك لكم

همسه <<<<<<<لاحد يشوفك ههههههه

ما عرفت وش تقصدون من نقيصه << طبختكم
ولا العيش << الرز
وادز << ارسل

ويا حلوكم ويا حلو سوالفكم

على قلبي مثل العسل

 

[تنـــاســـانــي]

حرااام لي جذي ،، الرسول عليه الصلاة و السلام وصى بسابع جااار

حلوه هالعاده و اكل الييران وايد حلو كل الناس يهم خير و بركه

لي مشاعر و يحلوج انتي بعد

يسلمووووووووووو ع المرور

 

[لي مشاعر]

حرااام لي جذي ،، الرسول عليه الصلاة و السلام وصى بسابع جااار

حلوه هالعاده و اكل الييران وايد حلو كل الناس يهم خير و بركه

لي مشاعر و يحلوج انتي بعد

يسلمووووووووووو ع المرور

يا حبي لك تهبلين

اي والله حرام

بس ما تعودنا الله المستعان

امي ترسلي من الجريش او مرقوق وقرصانها عجيبه

اما انا <<<< على حسب الشغاله ,, اذا طبخها زين ابشري بحرمه

اما الجيران

ما فيه احد يسوي كذا

الله يديم عليكم هالتواصل والمحبه عساها دووم ان شاء الله

على فكره جيراني من الكويت<< توهم جايين من سنتين

ما شاء الله عليهم من سكنوا عندنا

واحنا ويا هم مثل الاهل

الله يحفظهم واياكم

ويعطيك العافيه على الموضوع الحلو

 

[تنـــاســـانــي]

^^^^^^^^^^^^^^

حبيبتي تسلمين من طيب اصلج ،، كلنا عيال حوا

يعافيج حبوبه من ذوقج

 

[Loutes]

رد : تهاوشنا على عيش ام يوسف

لا ما نسويها
بس بنجرب

 

[تنـــاســـانــي]

^^^^^^^^^

جربي و قوليلنه شلون اكلهم

 

[فرفوقه]

هههههه موضوعج يونس
للحين نتنقص حق جيرانااا
بس ما حب اكل من اكلهم

 

[غالية زمانها]

انا من تزوجت وانقطعت عني هالعاده ماددري ليش
طحت بجيراني .. مايحبون يتنقصون لج .. كنت كل ابادر ..
وتعبت من هالشي .. محد يرد لي بشي ...
والحين انا ساكنه بشقه يديده .. انا اللي بادرت وبعدها على طول طرشت لي ..
حتى قلت بنطر بعد تبدي اتبادر .. طلعت للاسف ماتحب كلششش
مادري ليش حظي جذي !!!!!!!!!!!

 

[بناتي زينة حياتي]

ايه الحمدلله مازالت هالعادة الطيبة موجودة ,,, طباخ خالتي لايعلى عليه ونتهاوش على صحن واحد اذا طرشوه لنا جنهم مطرشين علينا كنز ؟؟؟





تدرون شنووو ,,؟؟؟





صب القفشة من جارتنا ام مشاري كلمة روعه شويه عليه ,,, وباقي جيرانا طبخهم عادي جدا

عسى الله يديم النعمه ويحفظها من الزوال يارب

 

[تنـــاســـانــي]

فرفووقه : يسلموو ع المرور حبوبه و جربي اكلهم مو خسرانه شي

غالية زمانها : شفيهم الناس !! تلاقينهم عيزانين يتنقصون حق بعض

بناتي زينه حياتي ،، عاد انا مو ربع مع صب القفشه بس احب القيمات ،، دايمه جيرتكم ان شاء الله والله يحفظ هالنعمه ان شاء الله

 

[تاجي أخلاقي]

تناساني ... يعطيج الف عاااافية على اجمل موضوع ... وعسى ربي يديم هالنعمة عليكم ..


امممم ايه احاول ارسل لجاراتي <هذا يعتمد على القعدة مبجر من النوم والنفس المفتوحة للطبخ لوووووووول


وهم اهما يرسلون لي .. وكنت احب آكل من اكلهم ... بس ريلي للأسف ما ياكل .. ومرة عن مرة صرت ما احب اكلهم ...

مع ان عندي جارة سورية الله يحفظها ترسل الذ الاكلات عندهم شيش برك .. مقلوبة .. ورق عنب .. فريكة ... بس شسوي ريلي خلاني اوسوس مثله في اكلهم ... وما ادري شلون اقول لها كافي الله يجزاج خير ..

المهم هاذي عادة طيبة عساها ما تنقطع .. كافي ان احتسبنا ما نقدمه فسيكون بأجر تفطير صائم .. و(من فطر صائما كان له مثل اجره )

اشكرج كل الشكر ,,,

 

[تنـــاســـانــي]

^^^^^^^^^^^^^^^^

حبيبتي والله يعافيج ربي ،، مالج شغل بريلج تعوذي من الشيطان و طبي بأكلهم دام عاجبج

 

[(دنيتي)]

هالعاده موجوده برمضان وبغير رمضان

بيت ييراننا اثنين نتنقص لهم ويتنقصون لنا واكلهم حلوووووووو

بس الحلوياااااااااااااات عليهم عجيبه ونتهاااااااااااوش مثلكم بس مو على العيش على

الحلوياااااااااااااات يمي يمي لوووووووووول

تحياتي لج اختي تناساني

اختج دنيتي

 

[ام جسوم@@]

رد : تهاوشنا على عيش ام يوسف

الحمدالله هلعاده موجوده عندنا ييرانا دياما يبون لنا
الصراحه طبخ امي عجيب بس نفس الحاله لازم نتهاوش ونقولها اكل ام فلان احلا
مسكينه واهيه تعصب
الله يديم هلعاده علينا ان شاء الله

 

[@ الرسامة @]

رد : تهاوشنا على عيش ام يوسف

انا توني ساكنة يديدة في بيتي


اتصدقين المفروض ان الييران يبدون ويطرشون بس محد طرش لي


قمت وانا تنقصت لهم بجم اكله


وردوها لي

بس اللي يحز بالخاطر اني انا الصغيرة بالفريج واليديدة المفروض يطرشون لي ويبادرون

 

[0ام الحلا0]

هريس ام حسين الله يشفيهاااااااااا كل خميس