تهاوشت مع زوجي بسبت معاش الوظيفه !!

[miamasa]

ما يملى عين الانسان الا التراب... يعني بس تبين تكسبين منه وخلاص ..شنو هالعقلية؟؟ الظاهر انتي عينك فارغة وما تشبعين... واعذريني هذا هو الواقع

 

[*مطبخ الذواقة*]

لا حبيبتي بالدين معاشج مؤ حق مصروف البيت والمايقدر يصرف لا يتزوج ولا تزعلين مني رياييل هالايام مرته اذا طلبت تصير مادية لو كانت صاحبته جان صرف

:eh_s(15):



:eh_s(15):


:eh_s(15):


هو قال لك لا تحطين فلس بالبيت يعني ماراح تصرفين إلا على نفسك

وراتبك لك

الحمدلله أنت في غنى عن الخمسين أو الستين اللي تطلبينها منه

بالعكس أنا دايم أقول الله يغنيني عنه

الفلوس تروح وترد

مصاريف البيت والعيال عليه ...

ولا تشغلين نفسك بموضوع الفلوس ترا راح تتعبين .. وكثير من حالات الطلاق

سببها الماده بين الزوجين

مووفقه




====(( صدقتي

 

[ام اريج 22]

حبيبتي اخذي منه لو 50 قوليله انا ماستغني عنك انت الريال وانت القوي
لايغرج عندج معاش باجر لو صار اي شي ماراح يساعدج لانج عودتيه طول عمره مايصرف عليج لو فلس
والريال يحب المرة اللي يصرف عليها ان ماصرف عليج يصرف على غيرج
بيقولونلج عاونيه لا حبيبتي مو شغلج تعاونينه شغلج بس تشيلين كمالياتج
وترى هذا الشرع لا تتخلين عن حقج
بس سالفة هواش انسيييييييها في مليون طريقة تقنعين فيها ريلج تدلعي تكشخي سويله اكشن
وكل شهر او جم شهر اشتريله هدايا غرقيييه هدايا عشان يغرقج وانويها لله وربي يقط عليج دبلاتهم بس انويها لله
وصيري شاطرة حقج لاتتنازلين عنه ولاتنسينه من معاشج بالدلع خلج واضحة من الحين باجر تتعبين وتقولين ياليت

معاها:rerrerek:

 

[سور المدينه]

انا اقول دام شايل كل شيء عليه مافيها شيء لو صرفتي على نفسج
وعشان مايتعود بين فترة وفترة قولي له محتاجة هالشغله وراتبي خلص
وبكذا مابتكلفين عليه ومراح يعود مايقط عليج شيء

 

[!الجادل الصعب!]

ماقصر و رايته بيضا بس ديرباااالج تقطين فلوسج وتشيلين عنه

وهالخمسين الي تبينها تاخذينها بطريقة او باخرى .. خلي له مجال يعزمج ويطلعج واكيد
بيحاسب ماراح يخليج ..

زين منه ماقط الخدامة عليج .. الاسعار طايره هم الزوج
له حق يتمتع بمعاشه

رايي ان مااااقصر و الله يغنيج عنه

 

[ملح الكون]

مشكورين ع الردود .....
وترى عندي بنت وحده حق اللي قالت مصاريف العيال... وساكنين عند اهله.. ومعاشه رااهي ماشاء الله بس عليه قرض ويبي يخلصه على قولته ... واللي مايملي عيني شي وماشبع .. هذا حقي بالشرع حبيبتي والحمدلله بنت عز وشايفه خير .. وعلى رجلي ولا عدوي حبيبتي حقي .. معاشي مبروك ان شاء الله ..
ورجلج على ماعودتيه جمله دايما ترددها امي الله يخليها لي.. وبعوده يمشي لي معاش دامه حقي ..

 

[ام الدرر]

ههههههههه
والله استغرب من هالتفكير !!

اهوا ريلج ولاعدوج؟؟؟

اذا ولد الحلال موقايل لج تساعدينه بولاااادينار بعد ليش تطالبينه فوق طاقته
البيت والخدامه والاقساد ومصرف اليهال والتزاماته الخاصه كلها منه

ومناشبته وانتي عندج معاشج اللي تلعبين فيه !!!

لاتطيرين بركة معاشج بتصرفاتج اللي ربج مايرضاها وخليه براحته

معاها​

 

[انسام الكويت]

ماقصر ريلج شايل كل شئ والحمدلله معاشج لج وأكيد اذا نقص من معاشج بتاخذين منه للضروره

لاتصيرين انانيه الحياة مشتركه ومثل ماقال معاشج لج غيرهم الله وكيلج مناشبين الوحده بمعاشها

وغيرج ريلها بخيل واهي تصرف وتقط فحمدي ربج ولاتزعلين ريلج على 50 دينار لانه لو احتجتي ييعطيج ومراح يقصر

وانتي اخذيه بالمسايس

 

[تبطي عظم!]

جزاه الله خيير الي قالج شيلي مصروفج بس

عنده قرض واقساط سياره ومعاش خادمه وماجلة بيت وهم تبين منه مصروف !!!!!!!!!

اكيد بيقولج مو مقدره الحياه الزوجيه مو بس ماده ترا الحياه الزوجيه تعاون هو اكيد مثلج

له احتياجات يبي يقط مع الربع يبي يطلع يلبس سينما قهاوي ومواجييب ماتحسيين انها انانيه منج اذا خذيتي منه وانتي موظفه !!!!

واكيد لا نقصج شيء ماراح يقصر زوجج وانتي ادرى فيه


الله يهديج كلش ماحبيت تفكييرج انا موظفه ومعاشي لي من تزوجت والحمد لله هو يصرف ع البيت والخادمه ومصروف ولدي مل شهر يعطيني اياه

بعد شنو ابي اكثر الطمع مو زييين

 

[نبضي لك]

لا تخلين الفلوس تلعب بنفوسكم حبيبتي

صحيح هو حق من حقوقك
بس دامه شايل كل شئ
وإذا كان مؤ مقصر معاك قبل الوظيفة
فخليه اللي عليه كافيه
إلا إذا كان راتبه زين
او ممكن الشهر اللي يكون مرتاح فيه ماديا يعطيك

 

[!الجادل الصعب!]

صح كلامج ملزوم يصرف على بنته

معاج بموضوع عوديه.. بس خليج واقعيه .. هو معاند يعطيج بتقولين عطني بس لمجرد
عطني ممكن تكون عكسيه عليج
بس بنتج و مصرفها عليييييه علييييه.. الله يسخره لج

 

[ترف بابا]

اهم شي تحسسينه انه معاشج خط احمر لج انتي فقط -وباقي الامور هو يشيلها
ولو تساعدينه من طيبج عادي بس لا يتعود

 

[نونه المنكوشه]

شدعوه عليج ليش جذي ماديه تري الحياه مشاركه بصراحه الله يعينه

 

[Pinky -cat]

في امور من الصعب الواحد يتكلم ويتفاهم فيها اهيا سالفة الفلوس لان هالموضوع فيه حساسيه شوي انتي حبيبتي خليها
مع الايام شوي شوي اخذي منه ، قولي نقصني للحين ما نزل الراتب ، وانتي طالعه وياه ابي هاذي اكيد مارح يخليج
تدفعين يعني شي طبيعي اذا كان طالع وياج ، فا في امور مافي داعي توقفين عندها ، طوفي ودامه مو مقصر ببيته
عيل لا تكبرين السالفة.

 

[زوجة حياتي]

كلام ريلج هو الصح بدل ماتريحينه تعبينه الله يسخركم لبعض

 

[اناظرك وكلي حزن]

اهو ملزوم يصرف عليج هاذي حقج ...

 

[ReD&FoSHia]

,الله زوجج مومقصر بس الله يهداج زودتيها .. عينج على خمسين دينار .. الرجال شايل البيت و مستلزماته و معاش الخدامة و عليه قرض
ندري انه لنا حقوق بس همن احنا لازم انقدر ..

 

[عـيّــآره]

الفلوس تغير النفوس وتخرب علاقات وتهدم بيوت اذا كانت لها قيمة كبيره بعين ​

الانسان​

انتو مو موظفين بشركه عشان اخر الشهر لازم واجباري شخص يدفع والثاني يستلم​

هاذي حياة والحياه تصير حلوه بالتعاون​

اذا هو مو مقصر بالبيت ومعاشه على قده لازم تراعينه​

تركو عنكم سوالف بوهباش ​

 

[Huda alotaibi]

سوء الفهم : عدم مصارحة قلت حوار
التسرع بالقرار صفة الانانيه
مشكلات تكبر الفجوة وتحدث شرخ بسيط
إذا ما تفاقم
كوني مستمعه لأوامرة ابدئي بالرأي الآخر معه
ان تقدر الوضع ابقي هادئة حتى يصلح الله الحال
الرجل قلبه كبير ويرجع للمسامحة فترة وجيزة من الزعل وسوء الفهم
الانانيه العاطفيه مشكله يجب ان تنتهي حتى نصل لنقطه الفهم وموافقه الراي
العناد جميل على حساب ذاتك فقط ليس على حساب الاخرين وخاصة الشريك ❤
تحرري من القيود الاجتماعيه التي ما تجلب لك الكثير من المتاهات
تنازل وتضحيه امر لا انصح فيه الا إذا كان الاخرين "ًالشريك " راضي عنه
وشكرا ..........

 

[متوترة]

شوفي حياه الاجانب وتعلمي ..
بكل شيء يساعدون بعض بس عشان تستمر حياتهم
وانتي شتبين منه دام عندج مصروفج خلاص الحمدلله كل شي عليه
شتبين بعد؟؟ سوا راتبه راهي او لا دام كل شي عليه وانتي راتبج معج شتبي؟؟