رد: رد : تهاوشت مع زوجي الحين انقذوووني !!! بليز قبل يطوف الوقت
حبيبتي الله يهدي الامور بينكم ان شاءالله
قلبي انا مقدره ان الحامل وقت النساة والثقل مالها خلق حتى نفسها بس الريال هم له حق والحمدالله داام ريلج يطلب الاهتمام والحب منج احسن مايروح يدوره بره
حبي ان شاءالله الشغله سهله مو محتاجه تعب كل اللى يبيه الريال منج كلمه حلوه وتدلييع بيني له لهفتج عليه وعوديه انج ماتغبين عليه فتره طويله دقي مثلا الصبح ولا دزي مسج حلو وصبحي عليه والعصاري او بالليل نفس الشي دقي سالي عنه وبين السوالف قوالي له انج ولهانه عليه ولا فاقدته يعني من هالكلام
الضحاوي ردي شقتج واخذي معاج غدا حلو من بيت اهلج وفاجئيه لا رد من الدوام خليه يستانس شوي ويحس انج يمه
اجري لكم فليم او مسرحيه وسهروا عليها حتى لو ببيت اهلج خليه ايي ويسهر معاج شوي
والله يسخره لج ريلج ويسهل عليج ولادتج ان شاءالله
يابعد قلبي مشكوره ان شاء الله بسوي الي قلتي عيه فديتج حبوبه ..ربي يوفقج:eh_s(17):
عادي طنشي نفس الحال
اهو بيرضى من نفسه
ههههههه احيانا ينفع الحقران بس يمه منه عنيييييييييييييييد !!
مشكوره قلبي .:eh_s(17):
الله يعينج ويسهل امورج معاه
آمين وياج مشكوره قلبي ..
نصيحه للمستقبل
لاتجبين طاري اهلك شرو هذا ودوني هنا خذو لبيبي كذا
تررررى صعبه الوحده بدون ما تحس تحب تفخر باهلها وحبهم لها ولعيالها لو هم افقر الناس واقسى الناس تبي تبيت لزوجها واهله انها محبوبه وعزيزه...وهو عادي ترى بس فحالتك دام زوجك حساس وفيه فوارق لاااااااااا اقطع هالسوالف قطع تام حتى لو كلمه بسيطه ترى تشحنه على خفيف وانتي ما تحسين انا احس غيرته اكثر من اهلك ومكانتهم اكثر من غيرته منك انتي شخصيا بدليل انه قالك اصرفي على نفسك
وعلى فكره دايما بدايه الزواج تكون الحساسيه عاليه عل مختلفالمواضيع وتخف نسبتها مع الوقت كثير
وعلى فكره اذا قال انتي يوم زينه ويوم عصبيه هذا مو من الحمل قولي له ايه ...هذا دليل انه من الحمل لان الحمل يلعب بالهرمونات وتكون مو ثابته فتخلي مزاجي متقلب هذا طبيعي قولي له سامعه دكتور بالتلفزيون ...وترى صحيح الكلام
وزوجك يحب تكونين ضعيفه ومحتاجته باقولك اشياء بس لا تضحكين امثله يعني وانتي عاد فكري باشيا ء على غرارها
سوي نفسك خوافه من الظلام وانتي بالغرفه صحيتي وتنادين بخوف يجي ينتشلك للصاله يا حررررام
سوي نفسك تخافين تنامين لحالك ياربي مددري ليه لما احط راسي على المخده اقعد اتخيل احد بيدخل على ما ارتاح الا لما تكون معاي بنفس الغرفه احس اني انام فعلا نومه حقيقيه مو تفوقنها كلام سوي لها موقف وبعدين اشرحي معاناتك ..هههه
الاصانصير ياربي اخاف...واتعلقي بايده وانتي تنتفضين على خفيف
صرصور او قطوه تخبي وراه وقول له بعدها عني اللله يخليك
وغيرررررها كثير رغم تفاهت هالامور الا انها عند الرجال شي هههه يحس انك ضعيفه ومحتاجته وما تستغنين عنه
مو تسوينها فجاءة ورى بعض يشك واذا حس انك صايره متغيره قولي ايو والله الحمل غير نفسيتي
وبالنسبه لعصبيته ترى فلا الرجال يفكر بال بيبي الي جاي وشايل هم لان يعرف انه المفروض هو الي يصرف عليه
اضافه الى معليه سالفه (...) لا تنسين معرس جديد وكل يقوله ويلمح له يابختك رايخ للعروس ...ما درو انها تنزف هناك ببيت اهلها ههههههههه هذا فحد ذاته ضغط كبير عالرجال لا تقولين لازم يراعي ومو بيدك الي يصير ترى حتى هو مو بيده الرجال اساس حياته (..)من الله
وفي شغله اهو بلسانه قالك عليها.......الشكر على اتفه شي والتقدير على فكره اعرف واحد وكبير لو عايه ومبسوط مشاءالله دايما هذا طلبه من زوجته يقول وين لما اجيب شي الله يعطيك العافيه الله يكثر خير ما ننحرم من دخلتك علينا محمل ههههه لا تضحكين تعجبهم ويازين الموز الي جبته صراحه اول مره اذوق موز طعم مشاءالله كذا ..ووولا صراحه مقاضيك غير شكل ما ادري من وين تجيبها نقاوه وعاد تفنني فهالنوع من الجمل كل فتره علقلى على جملتين ثلاث ههه
اذا ضبطتي امورك من هالناحيه ال(...) قريبا وشكرتي وقطعتي اي سالفه عن اهلك وصرتي خوافه وتشعلقتي فيه هههههه اضمن امورك تصير
عال العال........اسفه على الاطاله
يابعد عمري ماقصرتي ,, بالعكس ودي انج تطولين .. مشكلتي سيده مااعرف الف وادور واسوي مواقف .. يعني بالعربي ابي احد نفسج يكتب لي شنو اسوي بالضبط الين اصر مدرسه بهالسوالف ,, فديت قلبج ,, الله يجزاج خير:eh_s(15):
آمين ..
السلام عليكم
أنا مرييييت بنفس ظرووووفج من ناحية الحمل والصرف فبداية زواجي وبعد سنه تداركت الموضوع مع القرايه وملاحظة تصرفاتي باختصار علمت نفسي بنفسي
شوفي حبي بقولج جم نصيحه و طبعًا كل شي راجعلج :
1- غيري نظرتج حقه ، بتقولين لي شلون؟
إذا إنت كاتبه إنج أحسن منه اقتصاديا واجتماعيا وتحسينه يغار عيل شلون تبينه يعاملج وانتي بينج وبين نفسج تشوفينه جذي ، ياقلبي ترى الإنسان موشرط يتكلم أو يتصرف بعض مرات عيونه تفضحه بدون لايحس ، فإللي أبيه دايما قولي حق نفسج (ريلي وتاج راسي والحين انا ماراح ينظرون لي الناس فلانه بنت فلان راعية الوظيفه الفلانيه إللي عندها خير من الله لأ راح يقولون مرت فلان وظيفة فلا ن ، فإللي بوصلج إياه عطي حق ريلج شان وتقدير عندج قبل لا يعطيج اهوه
2- خلييييج دوووم محتاجه حقه شلووون؟
يعني موشرط الحاجه بالفلوس ممكن بأشياء2 ، مثال : قاعد يمك ابتسمي وقوليها تسمح وحطي راسج على صدره وقوليله ممكن تلمني وحتى لوبتطنز او يقول شعندج ابتسمي وقوليله لمني ولما يلمج لميييه حيييل وقوليله محتاجتلك أكثر من أي شي بالدنيا أدفع حلي وحلالي عشان هاللمه شنو لمتك تريح وتنسيني اللوعه وتعب الحمل واذا وخرج بيقوم ابتسمي وقوليله لاتكفه الله يخليك ابي بعد جان زين الدنيا توقف عند هاللحظه( ركزي : تكفه ، الله يخليك ، عفيه ، بليز ..........كلمات يمووووووووت عليهم الريال من مرته ، لاتقولين لي أذل نفسي ماأذل نفسي حياتي ريلج واستمرار حياتج وراحة بالج ماتيي ابلاش
3-مو تقولين له اهلي يودوني بس ابيك انت غللللللللللللللللللللللللط ليش؟
لأن الريايييل مايحبون الكلام والهذره نفسنه إحنه الحريم يحبون الأفعااااااااااااااااااااااال
مثال لاحظينه احنا الحريم إذا تهاوشنا معاهم بالكلام يردونه سواء: بجلسة مصارحه ، أو كلام غزل ،أو تطيييب خاطر..................أما الريال لو مهما تتأسفين وتعتذرين ماراح يرضى بالساهل وفي بعض الحريم يستخدمون شي سحري اسمه الجنس تبتسم وتعطيه اللي يبي عقبها جنه ماصار شي وهذا دليل انه يبي تعبرين بفعلج، يعني مثلًا : بدال لاتقولين له أهلي بيودوني طلبي منه تطلعين مع أهلج ولبسي وكشخي وبعدين طلعي من البا وتمي دقيقه وردي وقعدي فرفري بالتلفزيون وقطي جنطتج على القنفه وتمددي بهدومج وفسخي حجابج اذا متحجبه ، وإذا سألج منتي رايحه قوليله ماأدري ماهان علي أطلع وإنت قاعد بالي راح يكون معاك والصراااحه ماراح استانس معاهم وايد ادري اهلي بس انت ريلي وقعدتي معاك بالبيت وسوالفنا وعشانا مع بعض تعادل طلعات مع غيرك يابعد عمري وابتسمي وقوليله عن اذنك ابدل واسوي شي نشربه ولا شنو مشتهي تتعشا (حتى لو توست)
4-اذا عزمج على شي او تنقصلج بشي او يابلج شي لاتحاتينه مفلس ولا لأ، ليييش؟
لأن الريال دايم مخه يشتغل وتأكدي مايسوي شي إلا حاسب حسابه فماله داعي تفكرين عنه مدامج ماطلبتي
5- دايمًا شكرررريييييييييييه حتى لو معطيج ورقة كلينكس :
مشكور قلبي
يعطيك العافيه
الله لايحرمني من هالحس
والله ماأدري شسوي من غيرك
فديييتك
يابعدعمري كلفت عليك
طبعًا هذا كله وإنتي مبتسمه
6- لاتنفسييين عليه بهالفتره لوشنو بتقولين لي عروس وتووني وهوه غلط ونفسيته ،
بقووووووووووووووووولج تحملي انتي توج متزوجه مدام ماياج ياهل تعتبرين عروووس ‘ والريال فبداية كل شي ماراح يقدر راح يقارن بربعه ويسمع ويشوف ، بتقولين لي تعبانه وارجع ونزيف بقولج والله حاسه فيج انا كنت بالمستشفى ومتنسيه بريلي و تلوع جبدي حتى من صوته ، بس يقبل أهلي وابتسم وادقدق وتكريم والله بس اسكره انعفس تكرمين ترجيع ولوعه وحاله مايعلم فيها غير ربي بس تحملت لأن بأول حمله سويت نفسج بالضبط وماجنييييت غير شي واااااحد تدريييين شنو ؟...................................
(((((( عواااااااااااااااااااااااااار القلب + ريلي بعد عني + نجره + تدخل العذاااااااااااااال ))))))))))))))
وسوووووووووووووري قرقت عليج واااايد
وراح اوقف لي اهني وإذا تبين أكمل من عيووووني
والله يتمم علييييييييييييج حملج وزواجج قلبي
تقبلي مروووووووووري
مشكوره يابعد قلبي فديتج والله .. اي محتاجه مثل هالدروس والله انا جاااااهله واميه باهالسوالف ,, ودي تتكملين لومافيهاااا كلافه قلبي.. مو علشان الهوشه الي بيننا الحين علشان ادبر راسي بالمستقبل معه,,
بعض النصايح مااقدر اسويها لاني عايشه بغرررررفه معه ببيت اهله !! هم ماني بديرتي :eh_s(11):
مشكوره الله لا يحرمج الاجر حبي.:eh_s(17):
كسر خاطري تصدقين!
مبين اهوا خوش زلمه وحنون وطيب
بس فيه عقدة الماده والشهاده وهالسوالف
الله يعين
اي والله هو خوش ريال بس الشكوى لله عنيد وراسه يابس !!
مشكوره قلبي :eh_s(17):
انا اشوف ادقين عليه ولا اقولج مسج احسن
قولي له ان ماهان علي تنام وانت زعلان وعلى الماي ماقصرت بس انت كسرت بخاطري كنت ابي اطلع معااك وماعبرتني
وانت راس المال مالي غنى عنك واهم رضاك من هالكلام ...
بس لا تقولين اسفه لانه ماغلطتي بس طيبي خاطره لا تعودينه تتأسفين على اتفه الامور
والله يسخره لج ويصلح بينكم يارب ..
صاجه بعد عمري .. خصوصا انه عنيد بتعود على راسي كل شوي اتاسف باجر مايرضى من كثر الاسف ..
مشكوره ياقلبي:eh_s(17):
حبيبتي ربي يتمم عليك ويقومك بالسلامة ويحفظ لك الي ببطنك
وكل شي بالطيب واللين يصير والبنات ما قصروا
ربي يسخر لك زوجك ويرزقه ويهنيكم مع بعض طول العمر
آمين ..مشكوره قلبي ماقصرتي :eh_s(17):
