تهادوا تحابوا .....!

[غلاي البندري]

السلام عليكم
شخباركم كويتيات
بغيتكم تساعدوني بشتري هديه لرفيجتي "الروح بالروح"
وبصراحه محتاره مدري شنو اشتري بلييز اقترحوا علي!
وبعدين انا مابي شي معتاد (عطر او جنطه) ابي شي جديد وحلو وتستخدمه دايم
واكون شاكره للي ترد

 

[بنوته جامعية]

ساعة
جنطة ماركة

 

[asteroid]

وعليكم السلام
انتي الادرى بذوقها وشنو تحب والانسب لها
وتفضلي الافكار:
شيلة
قميص مرسوم عليه بذوقها
بدلة او قميص يكون لش ولها نفس الشيء يعني تشترين واحد لها وواحد لش يكون نفسه
علبة من صنع يدش وتشتري الهدية وتحطيها بداخلها بحيث تستفيد من العلبة أيضا

أحس اذا كان شيء حلو من صنع يدش بيكون مميز لانش تعبتي عليه واشتغلتي عليه من قلب وبحب لها هي فقط وبيكون شيء مميز
بالتوفيق

 

[راعية الطويلة]

صندوق مقسم بأرفف لحفظ المجوهرات أو الأكسسوار و الساعات

 

[ديمي 12]

اذا اهي من محبين الكاكاو اخذي صدوق حلو او صطل وعبيه باالكاكاو واذا كان عندها سياره عطيها شي يخص السياره مثل مداليه واذا كات من محبين المكياج اخذيلها مكياج بس اهم شي التغليف اتمى اني افدتج

 

[الكونـتـيـسـه]

اشتريلها كاميرا او موبايل او حتى جهاز آي باد ​

 

[غلاي البندري]

شكرا‏" يالغاليات
عالرد واكيد استفدت منكم