تنصحووني بشنو ي بنات ماليزيا او النمسا؟

[حبيبه فايز22]

مرحبا ياحلووووات:aha:

ابي رايكم بليزز:gathering:



ي بنات بسافر مع زوجي واهو قالي اختاري ياماليزيا يا النمسا وانا محتاره :den

وتكفين اللي راحت لهدولتين ايهم احلا وجوو احلا وسياحه.وسوق ومطاعم وكل شي ايهم احلاااا:gathering:


**
تكفوون ي بنات ردوووووووووو:edbf4317b9:

ابي ردددددد سرررررريع*:wqedqw:

 

[حبيبه فايز22]

ابي ردووود تكفوون

 

[عزاااه]

مصجج والله لو منج النمسا سيده شنو ماليزيا انا رايحتلها موت جوها النمسا بدون مقارنه قولي النمسا ولا تفكرين بماليزيا

 

[كوكه]

حبيبتي أنا رائحه للثنتين أكيد النمسا احلي جو و سياحه و طبييييييعه و لازم تروحين زلمسي و ماليزيا حلو بس حااااره تقدرين ترحيلها اي وقت و أهي مؤ غاليه حيل
و سلاااامتج

 

[كوكه]

سوري عالبدليه. رائحه ::رايحه

 

[red dream]

اكيد النمسا ماليزيا حلوز وشرحه ورخيصه بس جوها عذاب حر ورطوبه اما النمسا يالله من فضلك جو وطبيعه روعه

 

[وضح النقآ]

أنا رايحه الثنتين

اﻻولى النمسا حلو جوها حيل وطبيعه بس

الثانيه ماليزيا تسوق حلو. فيها مغامره ؤؤؤؤؤؤؤؤعندج فلل صن وي ﻻغون قمه الرومانسيه اخذيلج يومين بالكثير
وﻻتنسين السبا مالهم مو طبيعي يودونج عالم ثاني

 

[عيون مبارك]

الثنتين حلوين وكل وحدها لها جوها

 

[حـلا و ذوق]

انا رحت الثنتين ..

ماليزيا حلوة ونظيفة بس الجو رطب ومو بارد ومافكر اروح لها مرة ثانية يعني ديرة عادية ..

النمسا وبالاخص زل ام سي روووووووووووووووووعة رووووووووووعه اتينن جو اينن براد و بليل براد براد و طبيعه وشعبها طيب .. ورحت يمها منطقة سالزبورج بعد داخل النمسا حلوة وراقيه وفيها سوق .. بس فينا ماشفتها صراحة .. وهالديرة افكر اروح لها مرة ثانية و ثالثه ورابعه

 

[om saloomys]

أشهد أن لا إله إلا الله وأشهد أن محمدا رسول الله
الله يوفقكم أجمعيين

 

[دانه الكوويت]

روحي النمسااااا احلى

 

[عواشه القرقاشه]

الثنتين من احلى الدول اللي رحت لهم

كل وحد لها جوها ..

تبين وناسه و وسوق و تمشي ماليزيا
تبين رومانس و طبيعه النمسا

 

[البرنسيسه77]

انا رحت للدولتين صراحه النمسا روعه وجو وهدوء وراحه نفسيه لكن علي شرط لازم تروحين المانيا ميونخ للتسوق ومنها تاخذين تاكسي تروحين النمسا تبعد عنها ساعه ونفس الفيزا والطريج مو طبيعي طول ما تمشين تقولين سبحان الله اقعدي اسبوع المانيا واسبوع النمسا لكن ماليزيا اعتقد تصلح للاطفال اكثر وان بغيتي اي معلومات انا حاضره

 

[al3solh]

انا رحت النمسا بصراحة روعه ماشاء الله

اصلا من صجك انتي تقارنين دول اسيا بدول اوروبيه هههههه مافي وجه مقارنة اصلا

بالتوفيق