تنصحوني زوجي يدش معاي الولادة

[أم شيــ@وخة]

اشلونكم خواتي كويتيات
أنا الحين بالشهر السابع وكل ماتقرب المدة أخاف أكثر وأكثر لانه أول مرة أدش غرفة عمليات وتخدير وغيرة
هذا أول مرة حقي لاني بجر .
تنصحوني أخلي ريلي يدش معاي لاني خايفة وايد وايد :denya:
وغير هذا أنا ما ابي اي احد يكون معاي من أهلي لانه أمي بولادات خواتي تتعب وايد وخواتي كل وحدة لاهيه بعيالها
وخالتي أم زوجي ما أفكر كلش لانه احس فشله واكثر شخص ارتاحله ريلي
فبرايكم يدش معاي ولا لأ وغير هذا أنا دكتور إلي بولدني مو دكتورة ؟

 

[jawaa]

الله يسهل عليج حبيبتي انشالله مافيها شي اذا دش معاج دام انشالله علاقتكم زينه بس هاااا خلي يجابلج صوب راسج ويعطي ظهره حق الدكتوووووور يعني لاااا يشوووووووف لان في رياييل ماتحمل وتلوع جبدها فديري بالج حبيبتي

 

[جذابه بنت ذيابه]

رد : تنصحوني زوجي يدش معاي الولادة

الله يسهل عليج من صجج


لا لا لا تخلينه يدش

انا كانت معاي امي وهو


بس امي طلعته .. برا لوووول


احسن الصراحه

 

[جوانا2010]

رد : تنصحوني زوجي يدش معاي الولادة

لالالالالالا والله حبيبتي لاتخلينه يدخل ابدا ولا تفكرين في زوجك يدخل معاك

اصلا حياتي مو لازم احد يدخل حتى انا توني والده بطفلي الاول

ودخلت لوحدي غرفة العمليات المهم اول ماتطلعين يكونون جنبك

بس وقت العمليه موضروري احد معاك توكلي على الله واستودعي الله نفسك وطفلك وادخلي...

والله يقومك بسلامه انتي والبيبي..........

 

[أم عبداللطيف]

الله يهون علي وعليج وعلى جميع الحوامل يارب

بس بسأل شنو سبب العمليه ؟ لانج انتي اول طفل لج ؟

شوفي بخصوص الولادة انا انصحج لاتدخلينه معاج بغرفه الولادة اوكي يكون معااج ويمسح عليج لاكن بوقت الصجه وطلعت البيبي خليه يطلع احسن لج لانه وااايد راياييل يكشون من حريمهم عقب ذاك اليوم

وبخصوص العمليه ما يخلون احد يدخل معااج يادوب عند الباب وعقبها بس يسكرون الباب وانتي توكي على الله واقري الايات وخلييج هاديه ولاتحاتيييين شئ

 

[أم حمودي**MALL**]

لا طبعا لا يدخل معاج
توكلي على الله ودخلي بروحج

 

[++The DuchesS++]

لا تفكرين يدخل حزت الولاده
اذا حزت الطلق اووكي
بس انج تولدين وتتعصرين جدامه لااااا

 

[الأميرة جوري]

رد : تنصحوني زوجي يدش معاي الولادة

لااااااااا نصيحه .

 

[الصعيريه]

رد : تنصحوني زوجي يدش معاي الولادة

الاحسن مايدخل معاااج
والله يسهل عليج إن شاءالله

 

[mooma]

رد : تنصحوني زوجي يدش معاي الولادة

امبي ترى انا حالتي مثل حالتج بجريه
و امي اصلن الدكتوره تطردها لانها تبجي و تخرع الواحد
و استحي ام زوجي تدش معاي
اخاف اخربط ولا اقط خيط و خيط ولا شي استحي يعنيي
فعشان جذي متهياه نفسيا ان زوجي يدش معااي بس الكل يقوول لا
يعني ما سمعت سبب مقنع ان ما يدش معااي !!
احس ان عاادي المفرووض بعد يدش ماادري

 

[KOKO_284I]

رد : تنصحوني زوجي يدش معاي الولادة

حبوبه انا دش معاي ووقف فوق راسي بس السسترات يغطونج بالكامل

بس والله ريلي حس فيني ولي يومج هذا يقولي كنت خايف عليج اتموتين من كثر ما شاف تعبي بالولاده ويومها ظل قاعد فوق راسي لين قعدت من البنج ونام عندي قال حق امي روحي انا بنام . لان شاف تعبي والله تره الرياييل يقدرون خلي ريلج يشوف عشان يحن عليج ويساعدج

 

[KOKO_284I]

رد : تنصحوني زوجي يدش معاي الولادة

وتره سوالف يدتي ريلج يكش منج وتلوع جبده هذي مالج شغل فيها لان اهو ما يشوف اهو واقف فوق راسج وانتي يغطونج

والله احنا عايلتنا الاغلب رياييلنا معانا . بعدين اشوف الاجانب ما عافوا حريمهم واهمه اكثر ناس يشوفون

مالج شغل وقفيه خلي يعرف قدرج

 

[ام ميسم]

رد : تنصحوني زوجي يدش معاي الولادة

لا لا لا لا لا حبيبتي ديري بالج صدقيني ماينفعج غير رب العالمين اقري ادعيه تسهيل الولاده واستغفري قد ماتقدرين وانشاالله ربي بيهون عليج واذا على الزوج اذا هو ماحبج من نفسه ماراح ياثر فيه تالمين اولا واسال الله العظيم انج تقومين بالسلامه

 

[(أم نونو)]

رد : تنصحوني زوجي يدش معاي الولادة

انا في ولادتي تمنيته يكون عندي بس كان مسافر وفي عز امتحاناته كنت متوقعه لما يرجع اولد لكن سبحان الله عقب ما دخلت شهري ب5 ايام ولدت على طول وكان معاي بالتلفون يكلمني يوسمع صوت الجاهل وانشالله اذا ربي كتب وحملت راح يدخل معاي الولادة

 

[كويتيه مذهله 87]

لألألأ

خصوصا اذا دكتور بولدج احس فشششششششله وريلج يمج
,,,

 

[Mednight Rain]

رد : تنصحوني زوجي يدش معاي الولادة

انا اقنعة يدخل معاااي نفس هالاجانب شفرقنا عنهم .. بس اهو رافض ..

 

[حلوه العسل]

انا ريلي قعد معاي طول الوقت بس حزت طلعت البيبي طلع بره

 

[modern]

رد : تنصحوني زوجي يدش معاي الولادة

انا زوجي دش معاي الغرفة و كان دكتور يولدني و شاف كل شي حتى وقت البيبي
و للصراحة حسيت ان دخلته كان لها جانبين :سيء و ايجابي
السيء انه ضل متأثر حوالي ال 3 شهور ما يقرب علي بعد الولادة لان العملية اثرت فيه حيل.
والايجابي انه صار وايد حنون علي و على البيبي حتى انه بكى خلال العملية و ضل شهر يساعدني و هو يخدمني بذاته لانه شعر بتعبي

 

[*فدك*]

مادري انا بجر مو مفكره يكون معاي ماادري خل يكون معااي طول الوقت بس حزت الواده وطلعة البيبي افضل يطلع احس احسن

 

[أم@الحلوين]

لا لا تخلينه يدش دخلي بروحج
والله يسهل عليج يارب