تنصحوني بشنو؟؟؟؟؟؟؟؟؟؟؟؟؟؟

[غلاي عزوزي]

السلام عليكم






اكتشف انه ريلي يكلم وحده والظاهر توه متعرف عليها يوم كنت بالاربعين



المهم خذيت رقمها


وطلعت بياناتها


الا دومامها ماعرف وين لانه ودي لاشوف رقعة ويها شلون صايره الي بداها علي



انا ليما الحين ساكته واتجسس من بعيد


ادري حرام بس الي بتحافظ علي بيتها تسوي جذي



شرايكم شسوي؟ اسكت والا اواجهه والا ادق اهددها تتركه؟​

 

[الحلا^^مبتليني]

دشي على ناعمه الهاشمي شوفي استراتيجيات التعامل مع الزوج الخائن واااااااااااااااااايد راح يفيدج

 

[ام الدرر]

شوفي ياعمري العلة في زوجج االمفروض تحلين الموضوع معاه
البنت ذا كلمتيها ووخرت عنه
في غيرها وايد
اولا شي اذا زوجج مو مال هالسوالف وتحسين انها زلة فاتحين بالموضوع
واخذي موقف يعني زعلي بس لاتهدييييييييييييييييييييييين بيتج
اما اذا كان له سوابق فمالج الا رب العالمين
ادعي ربج يسخره لج ويبعده عن طريج الحرام ​

 

[مس لوتس]

الله يعينج

 

[hneen2]

بعد قلبي والله صج هالريايل لهم سوالف تقهر مالج الا انج تواجهينه وقد ماتقدرين ديري بالج علي بيتج وربي يهدي سركم يارب

 

[عاشقه رويشد]

واجهيه او قطي عليه نغزه يعني قوليله رفيجتي توها جذي جذي شوفي شنو ردت فعله وقوليله ابي رايك شرايك بريلها

بس خلج طبيعيه معاه ولا تبينن انه في شي

 

[afesa]

لازم تكلمينه وتتفاهمين معاه ..ليش حاطه بقلبك وساكته ؟؟؟؟كوني حازمه معاه وخليه يبطل هالسوالف ...لا باجر يتعود ويصير عنده عاادي وبس ما عليك منها اهي شنو لانه فيه منها وايد وتركيها عنك وعليك من ريلك بس والله وياك

 

[ريماس77]

شوفي كثري صادت ريلها ماكو بس الحل انج اتكلمين واتفاهمين معاه وتحطين حد حق هالموضوع

 

[طير يحب سجانه]

الله يعينج

 

[@ام ضاري@]

والله بتعبين روحج وانتي توج طالعه من انفاس

وراح اتضايقين ع الفاضي

ادعي لرجلج الله يهديه

وعطيها مسجات اللي ماتخاف من الله وتهديد محترم وسكري ع الموضوع

لامن شاف ولامن دار

 

[شقرديـه عالطل]

تفاهمي معااه وشوفي شنو عذره
بس قوليله انت راح اتاذي البنت يعني قطي نغزات خوفيه قوليله لان اعرف هالبنت

 

[cat_women]

امممم انا عندي تواجهينه بالموضوع و تتفاهمين معاه

 

[!الجادل الصعب!]

الله يعينج .. شوفي اذا قآدره عالمواجهه وآجهيه .. بس اذا تعرفين نفسج ماتقدرين عليه ويقدر يسكتج ويطلع روحه نفس الشعره من العجين ..استخدمي على قولتهم دهآء المرآه .. ودقي عليها شرشحيها وقولي لها آنا اعرف من انتي وبدق على آبوج وأفضحج ..
وقولي لها تبتعد عنه من غير لا تقوله انج دآقه .. وشوفي شراح يصير .. يمكن هبه ويتوب .. عساة بس مايكون تعلق فيها ..!

 

[Gourges]

واجهيه بس باسلوب قوي يعني لاتشكلين على كلمة لييييييييييش وليييييييييش واه ياقلبي وصراخ لا

قعدي معاه قعده مريحه ... هدوووء واذا عندكم عيال خليهم نايمين .. وقوليله .. فلان انا قصرت معاك بشي؟
بيقولج ليش شطاري قولي جاوبني اول شي وابتسمي نفس هلابتسامه لانها تعطي غموض وشخصيه هههه والله صج ..
بيقولج لا طبعا >> الا اذا كان عوب بيقول اي بجذي وجذي >> المهم بعدين قولي انا ما استاهل اللي تسويه فيني ...
تخوني !! لادافع عن نفسك انا واثقه وعندي مليون دليل واشياء والله ماتدري اني اعرفها اعرفها ... بيدافع قوليله لحظه خل اكمل كلامي بعدين قول الي تقوله ... وخليه يسكت وكملي .. " لازم تبيننين انج تعرفين اشياء وايد يعني زيدي انج تعرفين اشياء وايد علشان يخترع " خلج واثقه وابتسامتج بسيطه .. وقولي انتا خنتني بوقت انا قاعده اتعب وحامل بولدك او بنتك ... وجذي جزاتي؟ .. المهم انا ساكته لاني احب بيتي بس كنت وايد اشوفك شي والحين صرت بنظري شي ثاني .. حسافه عليك والله .. وخلي جم دمعه تنزل .. وقومي وبعدها لاتكلمينه ... وتغيري شوي .. لمن اهوا ايحل الموضوع لادقين على البنت ولا شي خليه يحس انه طاح من عينج وان مصيبه قاعده تصير الهدوووء ترى ايخلي الي جدامج يهابج الصراخ مايفيد بشي والله ..


انشالله تقولين لنا شيصير معاج بس صدقيني نصيحتي بتضبط معاج باذن الله

 

[رفاعيه]

انا مع ام ضاري لاتعورين قلبج

 

[بنت عطا]

اقسم بالله صكتني كأبه من هالرجاجيل ان ماكلم غيرج بالاربعين طالع افلام

وربي تعبنا معاهم

 

[جوري 2007]

لاتواجهينه

الحين اهوة هايم بدباديبها وماراح يهمه شي

شي يديد بحياته ومستانس عليه ، خلج ذكيه وكسبيه صوبج

اذا حاصلتلج فرصة سفر سافري وياه راح يكون اغلب الوقت معاج

اذا موسفر حجزوا منتجع او جم ليلة فندق

فنتقي باشياء ماكنتي تسوينها

لبس غريب_جم حركة جنسية يديدة_دلعيه بالكلام وبالاسلوب

سوي اشياء يديدة عشان يحس بالشوق واللهفة والتغيير

حطيها منافسة لج وبدعي وياه

لا تتحبطين بالعكس صيري قوية

اذا قالج مالي خلق اسافر قوليله اشدعوة مااستاهل ، ودي اغير جو، ابيك مشتاقتلك على جم دمعة

اذا قالج اشهالحركات لاتتضايقين بالعكس طنشيه وخلج واثقة من نفسج

الله يهديه ويصلحة ويردلج وينسى بنت ابليس

 

[G!RLooNa]

همممم رد gourges عين العقل

و الله يعين على هالرياييل اللي ما يترس عينهم غير التراب :/

 

[غلاي عزوزي]

تسلمون بنات وماقصروتو والله الوحده تحتار بعمرها شتسوي وشتخلي اجابل ريل والا بيت والا يهال والا تدريس والا خدم والا تكشخ والا والا والا والا



عالعموم الرسول احسن قدوه لنا وقال بحديثه عن هالازمن الي عايشين فيه انه الماسك نفسه عن الحرام نفس الي ماسك جمره



يعني تخيلو



المتفصخين بكل مكان



تلفزيون
نت
مجمعات

جمعيات


صيدليه

مستوصف


حتي لادشيت معاه بالاصنصير اشوف الي جدامه صدرها طالع لي بره شوي ويطيح بحضنه


صج دنيا الله يستر منها

 

[Princess^Mom]

شنو هاالرياييل المره تتعب وتجيب له يهال واهو بالنفاس يستغل الفرصة صج الريال لو تشبين اصابعج شموع له ما يعجبه....
حلي مشكلتج بالأول مع ريلج لأن اكيد قاص على البنية وقايل لها انه ولد ولازم تحطين حد عشان هالشي ما يتكرر لأن اصعب شي الخيانة