تنصحوبي بالتجميل عند النومس

[فيروزه كويتيه]

المشكله هني بالمنتدي لما الواحد يصير طيب وكريم بالمعلومات ويحط لكم التجربه بالتفصيل قلتووو دعايه ولما يصير بخيل بالمعلومات قلتو نحيس المهم نيتي صافيه والله يعلم ان كنت مورمه وحالتي حاله اول ايام العمليه من ثاني يوم وانا اكتب لكم اقول خل يستفيدون انا ياما استفدت منهم واحط صور وحالتي حاله ومشتطه وبالاخر يقولون دعايه مثل الاخت تقول انا شايله الدكتور من بالي بعدها تروح موضوعي وتطلب صور يديده يعني ليش بتشوفين مو انتي مو عاجبج الدكتور والله الله شاهد علي ان يوم كتبت لامدحت ولاذميت مجرد كتبت رأي وشنو صارلي والنتيجه

 

[مريومه الرشيدي]

حبيبتي فيروزة كويتية الله يعطيج العافيه ع طرح تجربتج بالعكس لاتضايقين من اللي سويتيه انتي نفعتي ناس محتاجة تعرف نتيجه التجربه نفسي واللي ريحني اكثر الصور اللي حطيتيهم كان هدفج العظمه تنشال وما شاءالله تبارك الرحمن صار سيده ومرتب هذي وجهة نظري بس بسألج انتي قلتيله يصغر من الارنبه وصوب الفتحات والا بس يبرد العظمة البارزه

 

[فيروزه كويتيه]

هلا مريومه اي والله نرفزتني الي فوق تقول شايله الدكتور من بالها وبنفس الوقت تدش موضوعي تطلب صور زين انتي تقولين دعايه شحقه تبين تشوفين ...الارنبه صغرها لي كانت نازله ومدوره بعدين الفتحات اول مره رحت له حطلي القلم من بداية عيني لي صوب الفتحات يشوف طالعين عن بداية عيني لقي انهم صغار فقالي ماراح يجيسهم وقلت اوكي

 

[m'3rOoOra]

فيروزه لا تلومينها تري انا اختي انخدعت بايلي غاريوس وحده تمدحه وتحلف والله مااجذب تخيلي نحت خشمها وماجاس الارنبه خلها متفوخه طالع من فوق صغير ومن تحت كبير انا لو منها ابي اتاكد اكثر من مره عشان اشوف ومريومه اللي يوفقج ويارب يطلع خشمج احسن من اللي انتي تفكرين فيه يارب ومريومه حياتي لاتنسين تكتبين تجربتج او دزيلي علي الخاص عفيه وابي صور قبل وبعد عفيه لان اختي بتسوي عنده اما انا بروح مع ريلي لايران

 

[STILL G L A M ~]

فيروز حبيبتي في بنتين اهني يدشون خاص علي يقولون سوي عنده وفلم كامل لدرجه اتدز لعنوان والمكان تخيلي
!!

 

[مريومه الرشيدي]

مغروره
مشكوره حبيبتي ع الدعوة الحلوة ان شاء الله اشوف النتيجه وابلغكم والله يسهل​

 

[bottle pop]

حبيبااااتي ...
مالكم إلا دكتور عبدالمحسن جعفر اهوا توب حالياا
وعن تجربه لان انا مسوية عنده
اما دكتور حمود النومس ما عرفه بس موجود في هليث كير كلينك مع دكتور منذر العجمي

 

[فيروزه كويتيه]

اي اعرفهم البنات ؤحده بداية اسمها ام صح والثانيه اسمها من اسماء الفواكه ههههه بس انا مالي شغل بمدح او ذم انا رحت عنده شفت الشغل وارتحت

 

[اريج الكويتية]

فيروز حبيبتي في بنتين اهني يدشون خاص علي يقولون سوي عنده وفلم كامل لدرجه اتدز لعنوان والمكان تخيلي
!!

ياريت حياتي تقولينا شنو نيكاتهم عشان البنات يعرفون منو قاعدة تسوي دعاية

 

[اريج الكويتية]

اي اعرفهم البنات ؤحده بداية اسمها ام صح والثانيه اسمها من اسماء الفواكه ههههه بس انا مالي شغل بمدح او ذم انا رحت عنده شفت الشغل وارتحت

نفس الشي لج فيروزة ياريت توضحين منو تقصدين

 

[حبة_الكرز]

اععتقد الأخت فيروزة كانت تقصدني لما قالت وحدة من اسماء الفواكة شوفي حياتي مع احترامي لج ترى ما كو احد قاعد يعطيني فلوس عشان اسويله دعاية اذا علقت على موضوع فهي شهادة اتحاسب عليها عند الرحمن وانا اتحدى اي وحدة بالمنتدى تقول انا دزيت لها عالخاص واذا صار خليها تصور رسالتي وتنزلها وهم اتحداج اذا اساسا لقيتي اكثر من 4 تعليقات على موضوع د.حمود لي لإني اساسا ما ادش وايد واعتقد الكل يعرف شلون يسوي بحث .

 

[مريومه الرشيدي]

الحمد لله بعد الاستخاره سويتها عنده واليوم صارلي اسبوع واول يوم بدون الجبيره صج منتفخ بس الارنبه نفس اللي ابي وضعفلي الغضروف ولا احد ينتبه انه تجميل لانه طبيعي جدا وبدون اي دغرز خارجيه مع انه قالي بحطلح ثلاث غرز تحت الارنبه لان انا ارنبتي شوي كبيره والشغل كله عليها اليوم ولله الحمد صار التنفس اشوه بعد ماشال البلاستيك اللي داخل خشمي اللي يقولون روحو برا وماعندنا دكاتره شاطرين اقولهم عن تجربة النومس نعمه من الله عندنا والله لو لقدر احط صور حطيت بس خصوصيه بحتفظ فيها لانه محد يدري عن الموضوع الا اختي وطول اسبوع الجبيره حاكرة روحي بغرفتي واقول للناس الاسبوع الاول تعبانه لا احد يمر الا الاسبوع الثاني ههههههه وفعلا ولله الحمد ماشفت احد واللي بيشوفوني ما انزلهم كلش بحجة اني تعبانه وفعلا كنت تعبانه حلجي 24 ساعه مبطل وناشف

 

[STILL G L A M ~]

الحمدلله ع سلاامهه

ومبروووك الانف اليديد ان شاء لله طالع مثل ماتبين واحلى بوايد

 

[m'3rOoOra]

حبيبتي حمدالله ع سلامتج ومبروك المنخار اليديد واللوك اليديد تتهنين فيه ويارب يتمم عليج ويطلع احلي من اللي انتي متوقعته وتكونين راضيه

 

[مريومه الرشيدي]

ستايلمغروره
الله يبرك فيكم ويسلمووووووو

 

[مريومه الرشيدي]

سوري ع الغلط الله يبارك فييييييييكم

 

[ChiLi GiRL]

بصراحه انا مفكره اسوي عنده

وموعدي الاربعاء ان شالله

لان دكتور علي السبتي رئيس قسم جراحه الاسنان بالاميري اهو مدحلي اياه

وعلى قولته اكثر المرضى الي يمرون عليه ويعرفهم مسوين خشومهم عنده و الدكتور حمود النومس يعطيج الاحتماليات قبل لا يسوي لج العمليه اذا راح يطلع بيرفكت والا عادي واذا يقدر يعدل خشمج او لا

 

[مريومه الرشيدي]

بالتوفيق حبيبتي وان شاء الله يطلع نفس اللي ببالج
وفعلاً يقولج قبل العملية يحتاج او لا ويشرح لج شنو اللي راح يسوي واللي ماراح يجيسه​

 

[choclate-_-q8]

الحمدلله على السلامه عقبال ما اتشجع واسويها انا اخاف من العمليه والبنج العام ممكن تحطين لنا شكل خشمج قبل وبعد العمليه وجم كلفتج

 

[$نرجس$]

عبد المحسن جعفر لحد يقرب صووبه نصييحه عفس خشم رفيجتي والله