تم افتتاح عيادة الدكتوره فوزيه الدريع

[masaa]

السلام عليكم ورحمه الله وبركاته مشكوره سارا حيل علي المعلومه
هذي اللي جد فرحتني من حبي للانسانه الواعيه اللي تتكلم عن دراسه فوزيه الدريع وياتوتا اللي ايده بالنار مو مثل اللي ايده بالماي الناس مليانه
مشاكل وهموم وساعات يتمني يلقي احد فاهم واعي يسمع وينصحه خصوصا بوقتنا هذا الكل لاهي 0مره ثانيه الف شكر ياسارا

 

[انا كويتية]

شكرا سارة على هذي المعلومة

 

[AL Aristocraticya]

يا حلوها فوزيه والله انسانه حكيمه فعلا تعجبني جداااااااا


و ياناس اشفيكم علي ال 40 دينار ترا ولا شي والله احنا اقطها علي خرابيط ما انقطها علي حلول مشاكلنا العويصه الله يبعد المشاكل عنا يارب و عن السامعين و المسلمين شالسالفه؟؟

وبعدين قبل يقولون النصيحه ابجمل الحين ابلاش مدام اب 40 ومن منو من انسانه حكيمه عاقله دارسه وواعيه استهدوا بالله بس

 

[سارا ديور]

السلام عليكم ورحمه الله وبركاته مشكوره سارا حيل علي المعلومه
هذي اللي جد فرحتني من حبي للانسانه الواعيه اللي تتكلم عن دراسه فوزيه الدريع وياتوتا اللي ايده بالنار مو مثل اللي ايده بالماي الناس مليانه
مشاكل وهموم وساعات يتمني يلقي احد فاهم واعي يسمع وينصحه خصوصا بوقتنا هذا الكل لاهي 0مره ثانيه الف شكر ياسارا

حياااااج الله حبيبتي إيه والله تهبل ولو قعدتي بعد وياها

تحبينها اكثر

شاكره لج مشاركتج حبيبتي :eh_s(17):

 

[سارا ديور]

شكرا سارة على هذي المعلومة

حياج الله حبيبتي وشاكره لج مشاركتج :eh_s(17):

 

[سارا ديور]

يا حلوها فوزيه والله انسانه حكيمه فعلا تعجبني جداااااااا


و ياناس اشفيكم علي ال 40 دينار ترا ولا شي والله احنا اقطها علي خرابيط ما انقطها علي حلول مشاكلنا العويصه الله يبعد المشاكل عنا يارب و عن السامعين و المسلمين شالسالفه؟؟

وبعدين قبل يقولون النصيحه ابجمل الحين ابلاش مدام اب 40 ومن منو من انسانه حكيمه عاقله دارسه وواعيه استهدوا بالله بس

حياج الله حبيبتي انا عن نفسي اقط 40 واقط ابوها بعد

مشكوره حبيبتي على المشاركه :eh_s(17):

 

[أميرة الورد]

ماقصرتي ياسارا يابنت ديور ان شاء الله يجعله في ميزان حسناتج لأان البنات راح يستفيدون منه

 

[سويتي الحلوه]

شكراً لكي اختي الكريمه على هذا المشاركة

 

[سارا ديور]

ماقصرتي ياسارا يابنت ديور ان شاء الله يجعله في ميزان حسناتج لأان البنات راح يستفيدون منه

حياج الله حبيبتي وانا عن نفسي رحت لها وما تتخيلين طلعت من عندها

وانا جدا مرتاحه فعلا انسانه واعيه ومقنعه وحلولها صحيحه 100%

شاكره مشاركتج حبيبتي :eh_s(17):

 

[سارا ديور]

شكراً لكي اختي الكريمه على هذا المشاركة

حياج الله حبيبتي :eh_s(17):

 

[barbya_q8]

تدرون ودي اروح لها بس مادري شقول :eh_s(10):

 

[Angel]

عدل كلامج وفعلا انا استشرتها بأشياء واااايد لقيت حلولها متعارضه جدا مع حلول

اهلي وصديقاتي فعلا تييلج من ناحية المنطق والعقل مو من ناحية البرستيج

والعاطفه والسمعه

شاكره لج حبيبتي مشاركتج

هلا ام خالد شلونج يا عمري

الصراحة خاطري استفسر عن شغلة بس خجلانة لأنه اعتقد هالشي شخصي بينج وبين الدكتورة .... بس ردج "اللي فوق" أثار فضولي وودي اعرف اشلون كان ردها منطقي وشلون كانت حلولها أفضل من أهلج وصديقاتج "خاصةًََََ انا نعرف قصتج مع خالتج الله يسامحها ويهديها "

لو مو حابة تجاوبين ... ترى على راحتج حبيبتي.

ومشكورة

 

[سارا ديور]

هلا ام خالد شلونج يا عمري

الصراحة خاطري استفسر عن شغلة بس خجلانة لأنه اعتقد هالشي شخصي بينج وبين الدكتورة .... بس ردج "اللي فوق" أثار فضولي وودي اعرف اشلون كان ردها منطقي وشلون كانت حلولها أفضل من أهلج وصديقاتج "خاصةًََََ انا نعرف قصتج مع خالتج الله يسامحها ويهديها "

لو مو حابة تجاوبين ... ترى على راحتج حبيبتي.

ومشكورة

والله حبوبه ماني مستحيه ولا هو عيب

انا استشرتها إذا ارجع لزوجي علشان خاطر عيالي ولا لا

طبعا لأن سالفة رجعي علشان عيالج حرام ومن هالحجي وايد يتعبني

طبعا قلت لها كل شي

وهي برايها ان انا إللي صح وقالت إذا ريلج ماعنده شخصيه واهله يتحكمون

بكل شي اعرفي ان حتى انتي ماراح تقدرين تربين عيالج بالطريقه إللي

إنتي تبينها وفعلا يت لي فتره حتى عيالي مو مسموح لي ألبسهم على ذوقي

تخيلي اقل شي اللبس خالتي كانت تدخل فيه أوكي وبعدين ابوهم ماكو شخصيه روح

روح تعال تعال

تتصورين حلو منظره باجر جدام عياله انه عديم الشخصيه ولا انا باجر

يرضيني انهم يدوسون على راس ابوهم ومايعدوله احساب

وهو ماراح يتغير إللي وصل عمره 36 سنه وهو متعود على شي صعب

إنج إتغيرينه خصوصا اني عطيته فرصه لما سكنه بشقه قلت له سبب مشاكلنا

كانت منك لأنكل كل إللي يصير بينا كنت تنقله لأمك والحين أي شي يصير داخل الشقه

لا يطلع من ورا الباب الأخ قام يقولهم حتى بغرفتنا شيصير لا لا هذا انسان مريض

الله يشفيه وامه إللي مرضته عودته ان مايخش عنها أي شي لأنها امه أكثر الناس

تحبه وهذا الحجي خوش منطق عندها

 

[رند]

مشكوووره عالمعلومه ياقلبي

 

[كتكوته كويتيه]

40 دينار ليش مستكثرينها على حل يريحكم والله نستاهل هالمره انا وايد احب كلامها و نصايحها و هالمبلغ اذا بدفعه علشان راحتي و استقراري

 

[سارا ديور]

الفاتنه الصغيره

كتكوته كويتيه حياكم الله حبيباتي

 

[محتارة]

اهي دكتورة مختصه مو بس تسمع مشاكل وتحل ... عبالكم عيادتها نفس برنامج !!!!!!!!! اكيد غير اهي دكتورة

 

[محتارة]

سارا اهي بس حق مشاكل الزواج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مايصير مشاكل ثانيه ؟؟؟؟ وماتفشلتي لما قعدتي وياها كونها اهي تطلع بالتلفزيون ههههههههههههه

 

[نطوووعه]

خوش خبر
و شلون الطريقه تنسدحين عالشيزلونغ نفس الافلام؟ والله من صجي .. و شلون اذا وحده تبي تروح بس ماتبي تحط اسمها الصجي؟

 

[DBDOB3 DES]

مشكوره حبيبتي على هلمشاركة