تمسحينه ؟ ولا تراقبين ؟ بصراااحه ما نبي مثاليات !!

[يارب دبرني]

شوفي طول ما رقمه موجود راح تظلين تراقبين .. فالاحسن تمسحينه عشان ترتاحين ومع الايام بتتعودين ويصير الوضع عادي

بس انتي قوي قلبج شوي و مسحي رقمه .. ونصيحه مني اذا اهو طلقج بدون مايعطيج مجال تتفاهمين وتتناقشين معاه فلا تدزين له مسج ولا تكلمينه خلاص

اي والله ما عطااااااني مجااال ولا خلاني اشرح موقفي
حسبي الله ونعم الوكييييييل ظالم وحسبي الله علي اهله اللي يشيشووونه

سالفه الرقم صدقيني امسحه وارد احطه
استغفرالله مو قادرة افججججج

ان شاء الله الايام تنسيني

 

[طريق السعاده]

حبيبتي صح الطلاق صعب لانه انفصال عن حياه لك عشتيها فتره نصيحتي تعدي هالمرحله وابدي التفتي لنفسك كلامي لك فوق لاني فهمت انك خالصه عدتك وصدقيني لو تواصلتي معه رح تنجرح كرامتك لو يبيك رجع لك قبل يعني بيتحسف ويحط يده ع خده !

لاتمشين ع عاطفتك يمكن كلامي قاسي ومو هالكلام الي تبين احد يرد عليك فيه بس والله اتكلم بالمنطق والعقل والي اشوفه واحسه افضل لك

لو هذا الانسان مكتوب لك لو تلف الدنيا رح يجي يوم وتلاقينه يطلب يدك من جديد

لكن هالانسان مو مكتوب لك حاليا والدليل انكم انفصلتو بغض النظر عن الاسباب هذا شيء مكتوب لك من كنتي ببطن امك

ف ارضي بقضاء الله وقوي ايمانك وقوي قلبك ادري الحب صعب وانتي مو مستوعبه للحين الي صار ولا متخيله ان هالشيء خلاص انتهى لكن لازم تصحين من هالوهم وتطلعينه من عقلك

بتقولين صعبه وانا اساسا ماراقبه طول الوقت

عارفه ماتراقبينه طول الوقت لانك طول اليوم لاهيه مع الناس وبمشاغل الدنيا بس وقت النوم تجيك هواجيس وتبدين تنفردين مع نفسك هني بس لازم تجاهدين نفسك وتشغلين مخك عنه

كل ماطرا لك غيري الموضوع

رقمه نصيحه احذفيه وعاهدي نفسك ماترجعينه عشان تلتزمين بالعهد

و استغفري اول مايطري ع بالك وادعي ربي انه يسهل لك نسيانه ويبرد ع قلبك واذا مقدرتي قومي اقري كتاب او صلي ركعتين او اكتبي خاطره دايم تذكري انه تركك وراحت عدتك وماسال ولا فكر يسال ! هذي حطيها حلقه باذنك انه تركك طول الفتره الي كنتي حلاله ولا حاول يسترجعك


انتي الحين ماتحلين له لين تتزوجين شخص ثاني اذا كان طلاق 3 طلقات او عطاك ورقتك واذا طلقه وماعطاك ورقتك اعتقد لازم عقد ومهر جديد يعني خلاص انسيه حاليا وحاولي تشوفين عيوبه واول عيب انه ضعيف شخصيه ماقدر يوفق بين اهله وزوجته ومن عيوبه انه تخلى عنك وماعطاك فرصه حتى تدافعين عن نفسك ولا حتى شاف اسبابك !
صدقيني كله عيوب بس انتي مكبره فكره انك تحبينه ومتغافله عن عيوبه


الله يهونها عليك ويصبرك وتعدين هالمرحله ع خير

 

[يارب دبرني]

^^^

ان شاء الله اسمع الكلام وفعلا كلامج ذهب اشكرج حبيبتي
وانا صايرة هالايام امشي ورا عاطفتي
والرقم ادري ما منه فااايده وبحاااااااول امسحه ان شاء الله


وان شاء الله انسي والله كريم

دعواتكم

 

[مولاي الفرج]

تدرين ليش لما تمسحين الرقم تردينه؟

مو بس عشان تحبينه

لانج ماسمعتي باذنج ان مايبيج ومايعتبرج اي شي غالي عنده

لو انج سمعتيها منه .. بس تردين رقمه ودج اتفلين بويهه صدقيني

ومادري شنو مشكلتج وياه الله يكتب لج اللي في الخير

 

[يارب دبرني]

^^^^^

صاجه والله
الله كريم

 

[همــ مطيريه ـس]

الله يصبرچ إن شاء الله
كل شي قسمه ونصيب

 

[الله يجازيك]

ياللله يارب ياكريم ان كان فيه خبره ان يردج يارب يردج اليوم قبل بكره يااااارب
ادري انج تحبينه ومتعلقه فيه بس انسسي والله حاسه بشعورج وحطيت نفسي مكانج
راح اسوي نفسج لاني متعلقه فيه
يارب يصبرج ويفرج همج ماعليه تصبري وادعي في كل صلاه
وقوليي يارب ان كان فيه خير يردني فردي له وان كان فيه شر لي فابعده عني
واستغفري
الله يهوونج عليج

 

[دلع الشرقية]

يخسي احتفظ برقمه حتى لو اموت عليه كرامتي اولى
العمر يمضي وانتي عايشه وهم اسمه طليقج واهو تلاقين اهله الحين قاعدين يدورونله على بنت يتزوجها وحتى لو يحبج بس يلقون البنت بينسااااج ولا كانج كنتي في يوم زوجته اصحي من النوم

 

[شهرزااد]

خلااااص تطلقتي منه ابتعدي عن حياته وابتعدي عن كل شي يذكرج فيه

وانهي علاقتج معاااه وخليه بالنسبه لج كأي شخص عادي ما يعني لج شي



يعني لو راقبتي توبكه ولا تويتره ولا انستقرااامه وراقبتي اخباره اذا خطب ولا ملج

خلاااص ما يفيد كل اللي تسوينه لان انتي قاع تحسسين نفسج بتأنيب الضمير او تحاولين تتذكرينه وهالشي يعذبج ما يخليج مرتاااحه
انتي اتخذتي قرار خليج قده وكل ما فكرتي ترجعين ذكرياته معاج حاولي تتذكرين الاشياء اللي كرهتج فيه والايام الشينه اللي عشتيها معاااه




انصح اتركيه وتمني له الخير والله بيعوضج اللي احسن منه

وعن تجربه اقولج هالكلااام

الحمدلله وماشالله الله انعم علي بالفرررج وعوضني خير ولله الحمد والمنهً

لان نيتي كانت طيبه معاه ومع اهله حتى بعد الانفصال لانه يقربي لي

 

[يارب دبرني]

ياللله يارب ياكريم ان كان فيه خبره ان يردج يارب يردج اليوم قبل بكره يااااارب
ادري انج تحبينه ومتعلقه فيه بس انسسي والله حاسه بشعورج وحطيت نفسي مكانج
راح اسوي نفسج لاني متعلقه فيه
يارب يصبرج ويفرج همج ماعليه تصبري وادعي في كل صلاه
وقوليي يارب ان كان فيه خير يردني فردي له وان كان فيه شر لي فابعده عني
واستغفري
الله يهوونج عليج

بعد قلبي مشكورة علي دعواتج ؛***

اميين يارب العالمين

 

[يارب دبرني]

الله يصبرچ إن شاء الله
كل شي قسمه ونصيب

والنعم بالله

 

[يارب دبرني]

يخسي احتفظ برقمه حتى لو اموت عليه كرامتي اولى
العمر يمضي وانتي عايشه وهم اسمه طليقج واهو تلاقين اهله الحين قاعدين يدورونله على بنت يتزوجها وحتى لو يحبج بس يلقون البنت بينسااااج ولا كانج كنتي في يوم زوجته اصحي من النوم

صاجه كلامج عين العقل ، مو بيدي يعني انا وضعي عاجبني ؟ يعني انا ابي الشقااااا حق عمري اكيد لا

الله يمسح علي قلبي

 

[جـــواهر]

لا ما أسيفه خلاص اللي بينا انتهاكا

 

[بيت التوت]

شي موبيدج غصبن عليج اتراقبين وتشوفين التوبك

خصوصا اذا أتحبون ـــــهـــ والعشرة ماتهون علي الواحد بيوم وليله

وبسراح ـــــهـــ من توبيكاته تقدرين أتعرفين شنو شعوره بعد الطلاق



ماااااااالومج واكيد اهوا يراقب بعد

 

[اذوب بكلامه]

الله لايقوله وافترق عن حبيبي بس اذا ربي قدر الشي هذا علي وصار خلاص شسوي بعد بحذف رقمه عشان اريح نفسي وما اراقبه

 

[Mzmz91]

امسحيه وقولي بينج وبين نفسج مايسوى ! نصيحه ترى رقمه عندج ماله داعي ولا بتقعدين تبجين لاشفتيًحتط توبك لوحده غيرج ؟؟؟؟ ولا درى عنج شبتسوين حزتها .. مسحي الرقم وخليها تجي منج .. وبيني وبينج الرياجيل مايهتمون متى دخلتي ومتى طلعتي وشنو كاتبه هذا اذا مامسح رقمج

 

[اميره^_^بحلآها]

من صجج !! ع شنو اراقبه وانا لايعه جبدي منه ؛/
وليش اصلا اغيير رقمي عشانه لوول بلوك وحطي الاستيتس اللي تبينه
واللي فات مات ،، حتى لو كنتي ضعيفه ماله داعي تبينين انكسارج حق الناس وحقه
عيشي حياتج ولا تلتفتين ورا واللي شاريج يدل دربج واللي مكتوبلج بالطول بالعرض بتاخذينه )

انا معاها اسهل شئ بلوك ع عينه :eh_s(15):

 

[يارب دبرني]

نتيجه التصويت تعاااااادل

 

[ضاق الكون]

الله يعينج ويعوضج خير يااااااااارب

 

[يارب دبرني]

أجمل رد برد خاطري

من جد اللي باعك شنو ابي فيه واطرد وراه واراقبه

خلاص امسح كل شي من حياتي وافتحه صفحه جديده مليئه بالتفاؤول :rerrerek::d

ان شاء الله
ربي يمسح علي قلبي ويعوضني خييييييير