تمت عمليتي عند بور صادق والحمد لله

[هند رستم مطير]

الحمدالله على سلامتج حبيبتي​

 

[اشلون يعني &]

عصيتي ربج بعد مسويه موضوع علشان البنات يقلدونج
حرااااااام عليج
وجهك بأجر بياكله الدود مايبقى غير عملك
شوفي عملك تكبرتي على الله وغيرتي خلقته لج
استغفري ولا تعاودينها

 

[am-abood]

ان شاء الله بنات لاخف الورم احط الصور

اشلون يعني ثانكس عالنصيحة:eh_s(9):

 

[Diana *]

الحمد لله على سلامتك يارب تكون النتيجه أحلى من إلي تتمنينها

 

[$نرجس$]

الحمدالله على سلاامتج والف مبرووك

 

[حلم الطموح]

بنات انا بعد العيد بسويها عند بور صادق بس خفت من سالفه المترجمين
اللي عندها صوره الدكتور تحطه او موقعه على الاقل نعرف شكله لا ينصب علي المترجم وشكرا

وعليك بالعافيه عالنوز الجديد

 

[M!Ss Smart]

عليج بالعافييييه حبيبتي وحمدالله على سلامتج واي انا رحت سياحه حق شمال ايران وشفت بناتهم يهبلوووووووون جمال جمال واقلبهم عمليه تجميل خشم بس صج روعه الحمدالله خشمي مافي شي وصغنون والله لو في شي اسوي عندهم وانا مقمضه لان صج يضبطوووونه

 

[غزلان المها]

للحمدلله ع سلامتج =)
بس جم كلفتج العمليه ؟

 

[LaMaR al q8]

الحمدلله ع السلامه

 

[ريم تواق]

أختي ممكن تخرينا عن تجربتج .. يعني الفنادق والطريق والمترجم.. والعيادات مالت التجميل قريبه من بعض مال بور صادص ولطفي زاده... وهل يوجد سكن قريب من العياده

 

[zqertya]

حمدالله على سلامتج واللي تقول انج عصيتي ربج اقولها ان الله جميل يحب الجمال

حطي لنا الصور انا ودي اشوف شغله بعد محد بالمنتدى هني حطلنا تجربته مع هالدكتور

 

[رَوْنَـق ْ]

الحمدالله على السلامه وانا بعد كان خاطري اشوف الصور بس الله يسعدك

 

[am-abood]

تسلمو انا حاطة الصور بموضوع ثااني

 

[zqertya]

اي حبيبتي بس قبل مو واضحين ؟ حطي هني بعد زيادة الخير خيرين

 

[سميره مملوحه]

حبيبتي ناويه اسوي العمليه بس خايفه انه يخترب ويهي عن قبل
انا الحمدالله خشمي زين بس على جنب شكلي معقدني واااايد في عضمه بسيطه طالعه من النص

تتوقعين راح يسويه عدل وحلو خايفه دكتور بور صادق يخرب ويهي