تلفون زوجي حاطله رقم سري!!!!

[دلال86]

راي من راي البنات

لا تفتشين وتعبين روحج

حتى أنا زوجي باسبورد

بس ماافكر افتش لأن ماابي اعور قلبي

 

[بنوته كيكه]

عادي اختي والله ياكثر البنات والشباب يحط رقم سري حتي انا واخوي
وانتي واثقه ممنهم لا تخلين الشيطان يلعب فيج
وانا كم مرا ابطل تلفون اخوي ماكو شي بس صوري
انا وياه علشان كله ادز له صوري اهو يدز اصوره ايام اطلعه

 

[دلال86]

يابعد عمري انتو والله ماقصرتوا

بنات ماابي افتش كثر ماابي الامان وراحت البال
لاني احسه غامض
ومهما يقولي كلام حب ويعوضني مااقدر استمتع ولا اذوق طعم الوناسه معاه
فقدت كل شي دايما الشك ومخرب علي الشك
وانا اسوي روحي مرتاحه ومستانسه معاه كله تمثيل عشان ابي انسى

معنه مومقصر ويبي رضاي ​

ليش تشكين

لا تخلين الشيطان يلعب براسج

قولي له ابي اشوف تلفونك وريحي بالج

دام يسوي لج كل شي شتبين

توكلي على الله وبيني له انج واثقه فيه

وانتي لا تقصرين وريحي بالج

وكل مايطري عليج الشك تعوذي من الشيطان

 

[بولندية]

والله بصراحة استغرب من تفكير بعض البنات و لاتزعلين مني صاحبة الموضوع تبون ريال كامل والكامل الله

اذا ريلج زين معاج ومو مقصر بحق بيته خلاص واذا حط رقم سري اهم شي مو شايفه شي عليه انتي قلتيها نزوة ان شاءالله

انا ريلي ادري ان اعنده ايميل ثاني وماعرف الباسوورد اعرف باسوورد ايميله القديم اللي الكل يعرفه صج انقهرت اول شي بس كيفه اذا اهو زين معاي ومو مقصر بحقي و لا بحق بيته و يحبني و يصلي و يخاف ربه و يوجب اهلي واصلا يفكر بأهلي قبل لا انا افكر فيهم وعايشة ببيته معززة مكرمة خلاص اللهم لك الحمد

 

[المصيبة]

زين أوكي واجهيه قوليه أنا مو عاجبني انك حاط رقم سري ليش في شي قولي الي بخاطرج

 

[HamBaKwt]

العفو

بس ليش تفتشين ؟؟؟؟ اهو ريلج مو احد من عيالج
مايصير لا تتعودون على هالطبع لان هالطبع "ردي" يدمر ويهدم وحتى لو كان الشخص قد الثقة
انتي بتصرفج هذا تخلينه يتمادى معاج

مايصير تفتشون وتتجسسون خلو كل شي الله يكشفه لكم
استغرب من هالطبع والله لو ريلي تلفونه بحضني ما ابطله ولا افتشه اصلا "عيب"

 

[الزهرة الخضراء]

بصراحة انا عندى تعليق على رائى البنات .... مافية مراة تعيش مرتاحة اذا شكت بزوجها ... او شافت عندة نزوة قديمة ... المراة من طبعها الغيرة والخوف على زوجها ..... وبصراحة انا عن نفسى ماحب اعيش مع شخص على البركة ... او بس بسكت عنة بس عشان اعيش لبيتى .... بصراحة المراة عندها كرامة مو تسكت كلة على حساب اعصابها وصحتها واهوا يعيش من نزوة لنزوة لا لا لا والف لاااااا حريمتة واللة لو اشوف زوجى عندة رقم سرى وماعرفة اهدم الدنيا علية .. مافية خصوصية بين الزوجين .... يا سلام المراة تجابل عيالها وبيتها والريال يسرح ويمرح ولا بعد عندة رقم سرى ,,, بصراحة انا ماحب اللى تعيش مغفلة او مدمغة ... وتقص على نفسها انها مرتاحة وقدام زوجها ماتبين لة ... الاسلام حط حقوق للمراة .. الريال لبغى يتزوج يقول لزوجتة من حقها الزوجة تعرف .. مو تعيش مدمغة ... مو يلعب ويعاشر بنات الشوارع ويجيبلها الامراض ..... لا تقولون ان الريال لعرف وحدة بس يكلمها بتلفون لا بيعاشرها ويشبع منها .... فانا ماحب اعيش مغفلة واسكت مع احترامى لج واللة يعينج ويقوى اعصابج