تلفون زوجي حاطله رقم سري!!!!

[miss swan]

بنات كل رياييلكم حطين رقم سري ولا بس انا
ليش حاط رقم سري:bbbiu:
خاصتا انه مر من قبل بنزوه وكان عنده علاقه ؟؟
وانا متفقه معاه اذا تبيني اسامحك وارجع لك.. اي حزه راح اطل بتلفونك
شلون اوثق فيه الحين احس تلفونه فيه بلوه
ولما اقوله ابيك تشيله يقولي مالج شغل في تلفوني​

 

[zaina alotibi]

ما انصحج بالتفتيش بتلفون زوجج سواء من وراه ولا جدامه ... تعب اعصاب لج وبس وبتفتح عليج وعليه باب للمشاكل والنكد

لازم تكووون في ثقة بينكم ... التلفووون مو مقياس لسلوك الزوووج شيلي الوساويس من راسج لاتخلينها تخرب علاقتكم

 

[بقلبي انت]

ياختي لايلعب الشيطان براسج لاتفكرين تتعبثين بتلفونه كل الرجاجيل نفسه رقم سري جنه فيه معلومات سريه
عيشي حياتج ولا توسوسين وبيني له انج واثقه فيه عشان يفكر الف مره قبل لا يخونج او يخربط

والله يصلحكم ويخليكم لبعض

 

[درة أهل الطولات]

ما ادري شقولج يعتمد على شخصية زوجج

 

[ام كوثر2007]

لا اتييبون الطلايب حق ارواحكم ..


هذى خصوصيه من خصوصياااته


واذا اكتشفتي يعني انه يخونج . ؟؟ بتهدمين بيتج مثلا عشان بنات الحرام والشوارع ؟؟؟؟؟؟؟؟؟



غضي النظر وخلي امورج تمشي وتسنعي معااه وخلي عنج تلفونه وهالخرابيط ... عشان ما تفتحين بيبان مسكره

 

[أ.بيشو]

معاااهم ..

حبيبتي لا تعورين راسج وتقعدين تنبشين وتفتشين محد بيتعب غيرج

وترى مو حلوه بحقه ان يحس انج مو واثقه فيه وتدورين وراه وتصيدين عليه

ومثل ماقالو البنات التلفون مو مقياس يقدر يشتري بدال التلفون عشر ويخشهم باماكن ما تخطر فبالج

عاادي ويخليلج هذا 24 ساعه عندج ..

تعوذي من بليس لاتخربين بيتج

 

[Moim]

انا ريلي تلفونه فيه رقم سري مو شرط عشان يخوني لا يمكن في صور صورنا شي لاني دايما ادزله صوري .. وانا ما اعرف الباسوورد
بس ترى الحين كل العالم تلفوناتهم فيها باسوورد حتى اليهال يحطون باسوورد عشان البوقات

 

[tbola]

مممم والله مادري بس تفائلي بالخير لا تشائمين يمكن حاط الرقم السري عشان ربعه بدوام ولا بدوانيه لا يتعبثون اب فوون

 

[! بــدويه وآآيــد !]

،


وووي عادي اغلبهم جذي
انا زوجي آي فون والنغمات وهالسوالف 24 ساعه شغاله مافكر اتعبث فيه كلش ولا ادش واتعب روحي مابي افتح على روحي باب مسكر
لان مره عطاني فونه اكلم امي وتعبثت بس شفت البرامج صكت فيني الدنيا وهذا وانا مادشيت عليهم :/
فـ مريحه عمري ولا ابي اعرف تليفونه شفيه

طااف حبيبتي لاتتعبثين

 

[مشتاقة الى الله]

والله ما انصحج يا روحي تفتشين تلفون ريلج

دامج يا الغالية واثقة من ربج ومفوضة امرج الى الله

فخليه على الله

وان كان يخونج والعياذ بالله فطبعا كل شيء راح يبان والله يسهل عليج

بس صدقيني اذا بتفتشي جهاز ريلج والله راح تتعبين

انتي ادعي وعسى الله يسخره لج ان شاء الله

 

[ابرار11]

لاتخربين بيتج بيدج

 

[رحيل المرافيء]

مافيها شي يمكن خايف يضيع ولاشي
وايد ناس رقم سري بالتلفون واللاب تووب وايفون وكل شي مو شرط عندهم خرابيط
بس حرصا من انه يضيع او شي
لاتفتشين وراااااااااه حتى لو عنده علاقة مسيره بيمل ويتركهااااااا

 

[دلولي]

راي من راي البنات لاتدورين وراه ياقلبي

 

[•Brown•Sugar•]

امم
مادري والله انا اشوفها شي عادي
زوجي طول عمره يقفل التلفون بس ما اشك فيه
ومره ضاع تلفوني وزفني زف لاني مو حاطتله رقم سري
بس الحين حطيت :d

 

[اخت خالتهم]

الشـك اهو يهدم القلب
إنسي تلفونه والله انـا عنده فيس بوك و تويتر و ايميل
ولا ادري عنهم ولا سألت عنهم .. مااابي عـوار راس و اقعد اشـك وحالتي حاله
حتى مرات يتصلون عليه أرقام بدون اسم ما اقول منو والا شنو
وهالشي مخليه اهو يثق فيني
حتى قام يقولي عن سوالفه بتويتر والفيس بوك و شيكتب و شيسوي من غير ما اسأل و قام بروحه اذا سكر التلفون يقول منو متصل و شقالو
و قام يطول على الصوت عشان لما يتكلم اسمع ان ريـال
بروحه
خلج واااثقه فيه

وبعدين انا ريلي مو حاط باسوورد
وانا حاطه لا و عندي خطين بلاك بيري وايفون
واهو بس ايفون ههههههههههه
ما عندي خرابيط هههههههه بس احب اقفلهم
فـ احسني الضن

 

[انجبر قلبي]

لو كان خالي وماعنده سالفه من وراج جان خلاج تعرفين الرقم السري

مو شرط اللي يقفل تلفونه عنده بلاوي انا تلفوني ما اعرف لازم قفل .. بس والله ماعندي شي ولا ادري عن تلفوني

الاحتياط واجب

بس انه حاط قفل و مايبيج تدرين لا و يقولج بعد مالج شغل!!!!!!!!!!!!!!!!!!

انا زوجي حاط بس اعرف رقمه السري

 

[طيــــــــــــف]

نصيحه خليه لاتفتشين وراه وتتعبين نفسيتك

 

[ضاع الود]

لاتعبين نفسج اختي وتفتشين وراه

خليه براحته واذا عنده خرابيط في ذمته

ولاتفتحين على نفسج ابواب مسكره

وحتى لو يكلم غيرج نزوه وتروح

 

[جادل سبيع]

مو حلو ايحط لتليفونه رقم سري هالشيء ايشكك..

انتي بعد فتره طنشي وحطي لتلفونك رقم سري واتركيه حتى عيالك لا تخلينهم يفتحونه واذا اهو مصكر تليفونه من خراب وبلاوي بيشك فيك واكيد بعد فتره بيقول فتحيه او شنو رقمك مثلي انك مرتبكه وقوليله عادي لكل انسان حريه وخصوصيه مااحد يتعداها وعقب بتعرفين اذا عنده او لا ؟؟؟

حطي تليفونك بايده وخذي تلفونه وكل واحد ايقول للثاني ساعتها اذا عنده شيءبيتوهق هههههههههههه

""تكفين طنشي واتركي المشاكل مو شرط ايكون عنده بلاوي ممكن يبي يثير غيرتك ""
تقبلي مروري وبالتوفيق.

 

[أم أنور]

مادري شقوولج بس على قولتج عنده ماضي لو انا منج راح اشك
وان شاءالله ماكو الا العافيه