تلبيس الكفر ؟؟ ابي تجاربكم بليز

[غلا غلاتى]

روحي ذ ون موجود بالمارينا تلبيس الكفرات عندة وايد حلوة وكد ومد00000أنا عميلة عندة

 

[noty]

مشكوورة حبيبتي ما قصرتي

 

[rettah]

انا دايما اشتري من شركه الأتحاد .... قطن وشكلهم حلو

 

[جاكليت]

حبيبتي الكفر أنا ماخذته من ايكيا خوش نوع

 

[**سهام**]

انا اعرف وحده ممكن انتي تسوين مثلها اذا عجبتج الفكرة
راحت وشرت شراشف اثنين على ذوقها وخيطتهم مع بعض فصاروا تلبيس للكفر
وممكن تشترين نفس اللون شرشف بو سير او عادي معاهم فيصير عندج طقم كامل

 

[ملكة بيتها]

مثل ما قالوا البنات صفاة الغانم وبعد عندج دبنهامز عنده وايد شغلات حلوة وناعمة وكد ومد وبعد bhs عده شغلات حلوة بس لازم تعرفين شغلة إن مقاس حشوة الكفر تختلف من محل لمحل يعني لازم تشترين التلبيس والحشوة من نفس المحل علشان المقاس

 

[noty]

تسلمووووون و منكم نستفييد

ما انحرم منكم

 

[الكبر لله]

الكفر الوردي خوش شي
ومشكورة ،،،

 

[الداعية]

التلبيس هوم سنتر وصفاة الغانم

 

[سرقت النوم]

بنات ...

سيرز اللي بالضجيج ...

فيه حشوات ريش ... تهبل .... كفرات عجيبه ..
و التلبيس تلقين سوالف خرافيه من كلوي .. كلفن كلاين و ماركات وايد ب نص السعر...
الريش اللي تلقونهم بالفنادق الراقيه على 6 ...

و تلقين مخدات الكنج يعني الحجم الملكي ..
و التلبيسات من 8 دنانير لي 100 دينار و تحف فنيه ..
غير تلبيس المخدات .. على شمواه و حرير و ستان و شيفون ...

أصلا آنا طحت على كنز ... حتى ملابس الأطفال كله ماركات لا يطوفكم ...

و اللي تروح يعجبها شي تدعيلي ...
و اللي ما يعجبها شي هم تدعيلي بالهدايه ...


و غير هالشي مخدات

 

[سرقت النوم]

مخداتهم ...
شي يهبل .. كل الأحجام و الأشكال ..
و الكوشيات .. كل الأشكال و الالوان والأسعار و الخامات ..
والله و الله والله شي حلو و أرخص من الغانم و ذي ون .. و إيكيا ..
و هم تلقين أول ما تدخلين فساتين سهره .. و الله مثل اللي بأنور ملابس سهره تصلح قمصان نوم و لا سهره للزوج .. و هم في شغلات عجيبه تصلح للحفلات ..
و بالطابق الثاني اللي فيه جواتي و إنتو بكرامه .. تلقون جواتي على 60 و 50 دينار و 30 و أسعار غاليه بس لمن تشوفين الأشكال و الماركات و السعر الاصلي تعرفين ليش السعر خيالي ...
و ألعاب الأطفال حلوه و أطقم الطاولات و المفارش هم وايد حلو...
تحياتي ...
و إنتو روحو و ما راح تندمون ...

 

[بنت بنوت]

اي صوب صاير سيرز ؟