تكيس المبايض...ارجو المساعده

[Pissy Missy]

قوه حبايبي

قبل فتره رحت راجعت دكتورتي لام الدوره متأخره على وايد وما كنت حامل

سوتلي سونار وقالتلي انه عندج ضعف في و تكيس بالمبايض وعطتني حبوب عشان تنزل الدوره ونزلت الحمدالله

واخر مراجعه قالتلي ان في علاج يديد حق حالات تكيس المبايض واهو انهم يعطونهم علاج السكر (حبوب اسمهم جلوكوفاج glucophage)

انا متردده وخايفه........اذا في وحده مرت بهل تجربه لاتبخل على بالمساعده او اذا وحده عندها تكيس بالمبايض خل تقولي شلون عالجته

مشكورين ​

:eh_s(1):

 

[$غــ(ز)ــل$]

الله يشفيج ان شاءالله
اسم الحبوب دايم اقرا عنها بالمنتديات بس والله ماعرف عنها شي

انا مره طلعتلي اكياس صغيره وسألت الدكتوره قالت بسبب زيادة الوزن..لان وقتها زاد وزني
قالتلي ضعفي واهم ينزلون من كيفهم مع الدوره
بس كل حالة تختلف عن الثانيه
انا اختي طلع فيها بس كان حجمه كبير وسوت عمليه وشالته

وخليج على كلام الدكتوره واستخدمي الحبوب وان شاءالله مامنها ضرر باذن الله

 

[أمونة الحلوة]

انا جربتهم وايد زينين ونزلون الوزن بعد

دام الدكتورة واصفتهم لج مامنهم خطورة بس ترى اول ماتاكلينهم اول اسبوعين راح تحسين بلوعه وتكرمين اسهال ترى عادي لا تحاتين بعدين بتعود جسمج وكل هالاعراض راح تروح

وربي يرزقج ان شاء الله يالذريه الصالحه اللهم امين

 

[moorjan]

هلا اختي ما تشوفين شر ..
طيب دكتورتج ما قالتلج من شنو طلع فيج؟؟انا هم فيني ومو عارفه من شنو سبحان الله وكل ما رحت لطبيبي يقولي علاجة يا الحمل يا حبوب منع الحمل عاد قلتله والجلوكوفاج ينفع ؟؟ جان يقولي خلاص اخذيهم عاد انا خفت بصراحة الصيدلانية تقولي هذيل حق مرضى السكر واحنا هالمرض وراثه فينا فخفت يلخبطلي الدنيا وعلى الله ...

 

[pink-rose]

انا دكتورتي اوصفت لي حبوب للسكر بس اسمهم غير glustin
وقاعده استخدمهم للتكيس ---> توني باديه فيهم ماصار لي شهر

 

[Pissy Missy]

مشكورين على الردود

 

[زنوبة الحلوة]

الله يشفيج انشالله

وانا الحمدالله ما مريت بهالتجربة

بس مادام الدكتورة واصفتلج هالدوا لا تخافين ولا تحاتين

وما عليج الا العافية والتكيس سهالة انشالله بالادوية اللي يعطونج وينزل يروح

وانتي لا تخافين خلج على كلام دكتورتج وايد احسن

 

[um-naser]

أنا كان فيني تكيس وضعف بالمبايض لما أخذت حبوب اللقاح والعسل مدة كم شهر الحمدلله تعدلت هرموناتي و حملت حبوب اللقاح وايد زينين حق التبويض ملعقه وسط وتشربين فوقه ماي كل يوم لما تحملين باذن الله

 

[كندوش]

حبيبتي انا نفس مشكلتج صارلي 10 سنين ما حملت والسبه التكيس الحين قاعده اخذ حبوب مانع
واذا الدكتوره قايلتلج عن الحبوب توكلي على الله واخذيهم وانشالله اتشافين والله يرزقج الذريه يارب

 

[القطانيه]

حبيبتي حبوب كلوكوفاج ممتازه لتكيس للعلم انهم حبووب لمرضى السكر الانهم يخففون من نسبة الانسولين بدم وهذا يسبب التكيساات توكلي على الله وخذيهم وربي يرزقج ويرزق كل من يبي يارب

 

[يمّه مني]

مي تو عندي تكيس بس الفرق اني بنت
ياني التكيس لانه وزني وايد زاد بالفتره الاخيره والحين الدكتوره خليتها تعطيني ديان وعطتني معاهم الغلوكوفاج وقالتي ظروري اتنزلين وزنج بس اذا كلش كلش ماكو فايده راح تلجا حق الكي بس مو الحين لمه ايي عريس الغفله

وامي بعد قالتلي كان فيها تكيس لمه شالتهم احملت فيني فانتي دام انها معطيتج علاج توكلي على الله وسويه بالاضافه الي تجارب البنات

وماتشوفين شر حبوبه

 

[كويتيه مذهله 87]

لا تحاتين بالعكس هالحبوب وايد زينه لتكيسات وعن تجربتي

 

[Pissy Missy]

ماتقصرون يا بنات على الردود طمنتوني شوي