تكميم المعدة أو sleeve

[دلوول 2006]

صباح الورد على كل المنتدى :eh_s(8):

أحلى منتدى

اللي ما تصورون شكثر أسعد حياتي

وخلاني ما أحس بالوحده مثل قبل

ترى أكسر الخاطر صج والله :0bee2e8d89: ما عندي رفايج

ما أدري ليش

المهم يا حلوين

يا ليت كل وحده مسوية تكميم تساعدنا في الاختيار الصح

وتكلمنا عن تجربتها وأهم شي منو الدكتور وجم التكلفه والمستشفى وشكثر نزلت

الله يخليكم بالتفصيل الممل

عشان الكل يستفيد

والأهم ... بكل صراحة ووضوح وضمير

لأن هذي أرواح ناس

وجزاكم الله كل خير وما قصرتوا مقدما :tek:

 

[tooonaaa]

التكميم أو السلييف أو القص الطولي للمعده أو تصغيير المعده
عملت العملية ب 2 /12 /2009 عند الدكتور باسل السميط بمستشفى السلام واراجع في عيادته بالجابريه
ظليت بالمستشفى 3 أيام وطلعت بالرابع
نزلت بشهر واحد 10 كيلو , طبعا هذا اول شهر والاشهر القادمه راح يكون النزول ابطأ
اول 10 أيامسوائل شفافه , الثانية سوائل اسمك, الثالثة مهروس
الشهر الثاني نبدأ بالاكل
ناخذ فيتامينات لأن الشعر يتأثر بنزول الوزن مثل الريجيم
المشي والحركه ضرورية
خلال ال 8 أشهر يستمر النزول ولكن يقل بشده بعدها فلازم نستغل هالفترة
ان شاء الله اكون وفيت وكفيت

 

[دلوول 2006]

ما قصرتي حبيبتي ويارب تضعفين بصحة وعافية

بس ما قلتي جم كلفت العملية

 

[Kuwaitigirl1973]

الله يوفق كل اللي سووا عمليات السليف ان شالله بس آنا لأني سويت تحويل أبقول هالكلمة كل مريضة لازم توازن بين العمليتين بعد ما تسمع من الدكاترة لأن كل عملية لها ميزات وسلبيات
أنا حيل فرحانة إني ما سويت سليف وسويت تحويل لأني أشوف الفرق بيني وبين اللي سووا سليف بالنزول وما عندي مشاكل بالشعر للحين مثل ما خوفوني
نزلت ٢٠ كيلو بشهرين وبديت ١١٧ برويال حياة عند الصانع ب٣٣٠٠
الله يوفق الكل

 

[دلوول 2006]

وياج يالغالية

وعسى الله يتمم عليج بصحة وعافية

ورشاقه دائمة يارب

ومشكوره ياروحي على الرد السنع

 

[دلوول 2006]

اشدعوه بنات محد بالمنتدى مسوي تكميم

وليش محد بيساعد

ترى الفزعه زينه

 

[tooonaaa]

ما قصرتي حبيبتي ويارب تضعفين بصحة وعافية

بس ما قلتي جم كلفت العملية

كلفتني العملية 3000 د.ك من غير التحاليل والسونار والمنظار سويتهم بالاميري

 

[om_e5dood]

هااااااااااااااااااااي بنات انا مسويه تكميم تاريخ 31-1-2010 سويتها العصر الساعه اربع لوووووووووووووووول بالتفصيل بعد مو اتقولون سويتها بالسلام عند الدكتووووور الرائع محمد براك الهيفي وكان سعرها 2800 وقعدت 3 ايام بالمستشفى والعملية اهي 5 فتحات كل فتحة نص سانتي الا فتحة وحدة سانتي ونص بس الحمد الله العواااار بس اول يوم بس في الايام الباجي الي اهمة اليوم الثاني واليوم الثالث البربيش يعور اشوي ولمن يشيلونه يعور وااااااااااايد لوووووووووووووووووووووووووول بس كلها ثواني واتعدي الحمد الله اليحين سهالات امس كانت مراجعتي عند الدكتور وشال الخياط وكلش ما حسيت فيه امممممممممممممم شنو اقول بعد انا من سويت العملية لي اليوم صارلي اسبوع ونازلة 5 كيلوات ادري اشوي بس شسوي يالحمد الله على كل حال واي شي انا حاضر

 

[عيالي...حياتي...]

اب اب اب

 

[cramela]

هلا يا روحي انا اجدد وحده فيكم يوم ١٤-٦-٢٠١٢ سويتها عند الدكتور الرائع الجارالله يا حليله عسل ماشاء الله التكلفه من اول فحص لما طلعتي من المستشفي تقريبا ٤٠٠٠ سويتها بالسلام طبعا في فتح بالسره وفتح علي جنب الحمدلله والشكر ما حسيت بالم وايد وانا الحين الحمدلله زينه وحالتي مستقره وقاعده اكل اكل مهروس يعني اذا مجبوس مطحون وسوائل وشوربات الحمدلله والشكر فضل من عند رب العالمين وان شاء الله خاطري البس لارج وباذن الله راح اوصل والله يسهل

 

[أأأميرة الورد]

اااااب