تكلفة السفر لماليزيا

[G6waa]

السلام


بنات انا وريلي انشالله بنروح ماليزيا بعد رمضان


بس طرا ببالي شكثر بتكلف سفرتنا اذا كنا شخصين ومدة الاقامه 13 يوم


ابي احسب حساااابي


ومشكورين مقدما بناااااااااات

 

[ندوش الشوش]

والله حتي انا نفسج
ان شالله بسافر انا وزوجي بعد رمضان وابي اعرف جم تكلف

 

[G6waa]

بنات وييييييييينكم

اب


اب

 

[دلوعه غناتي]

مرحبا

حبيبتي ماليزيا ماتكلف ورخيصه

بس اللي يكلفج التذاكر والفنادق انا وزجي لمده 11 يوم 900 دينارهاذا من غير التمشيه والهدايا والمطاعم

لأن حنا ماخذين فنادق خمس نجوم وكنا بوقت الصيف يعني الاسعار طايره اما ورا رمضان مادري شلون راح تكون الاسعار

وسفره موفقه مقدما

 

[كارلوفي فاري]

ان شالله رجعتنا ٢٤ /٧ بااحاول افيدكم ان شالله

 

[*الهنوف*]

٢٠٠٠ دينار
شامله التذاكر والاقامه والمصروفات

 

[نياره]

اب اب

 

[اخت خالتهم]

بين 1700 الى 2000
رخيصة ماليزيا

 

[غلاي انا]

وقتج حلووووو


لان موسمهم يخلص ٣١ /٧



انا رحت قبل موسهم شهر ٥ لان الموسم بدا ٦/١


قعدت ٢٠ يوووم وكنت ساكنه ب٥نجووم ورحت لجزيره وحده ورحت لجنتنغ


كنت انا وزووجي اللي كلفي كل شي تذاكر سكن مصرووف وتكاااسي تقريبا ٣٠٠٠ وشي بس بدوون هدايا



بس نصيحه احجزووو من هناك ارخص حييييل


حنا كنا متعاملين مع مغربي اهو اللي يحجزلنا كل شي ولهم خصم بعد لان تبع مكتب سياحي

 

[رهف2]

http://www.m-arabi.com

 

[كوكا كولا]

انا توني راده من ماليزيا قبل أسبوع

شوفي التذاكر والسكن في 3 فنادق مع الطيران الداخلي لجزيرة لنكاوي كله كلفنا 910 دنانير
كوالالمبور مرتين حجزنا فيه بالروحه والرده في فندق سويس جاردن هوتيل وايد حلو 4 نجوم بس مستواه بصراحة 5 نجوم حبيته حيل
وفي لنكاوي قعدنا في منتجع بيلانقي بيتش 5 نجوم كان اكثر من روعه

910 التذاكر والسكن في 3 فنادق + الطيران الداخلي
انا معاي 750 دينار للتسوق طبعاً حرقتها كلها هناك وكان ودي عندي فلوس اكثر
وزوجي معاه 1000 دينار طبعا منها الأكل والتكاسي وهم تسوقنا منها للعيال والهدايا ولنا يعني فيها بركه
بس نصيحة حاولي توفرين هناك يعني لا تآكلون غدا وعشا بمطاعم غالية يعني حاولي تغيرين
يعني مره ماكدونالدز ومره كنتاكي وجذي راح تشوفين شلون الفلوس راح تكفي
وماكدونالدز هناك لذيذ بس ماعندهم نفس وجباتنا الي هني بالكويت شوي غير
وحده رخيص تخيلي قيمة وجبه وحده بالكويت هناك تآخذ لج وجبتين كبار

في مطعم وايد حلو وحبيته حيل في جنتنق هايلاند وصورته وراح انزله ان شاء الله بتقريري المصور بس اضبط الصور لأنهم وايد
مطعم صيني بس لذييييييييييييذ حيل ومو غالي طلبنا نوعين ربيان كبار مع خضار مثل الخس صغار بالصلصة مشوية وبيبسي طلع اقل من 10 دنانير واهو على مستوى توقعته صلخ ونار بس طلعت أسعاره حلوة
احنا هني بالكويت حسابج يطوف ال 20 وال 30 هناك وايد ارخص

لوووووووول انا شكلي قرقت وايد وخذيت راحتي هههههههههههههههه
واي شي تبينه انا موجودة فديتج

 

[أم سيف وسلطان]

2000دينار تكفي

 

[كارلوفي فاري]

زين اذا احنا ه اشخاص من غير السكن والتذاكر كم بيكفي. شكلي توهقت ..........يعني كم يكفي مصرف شكله ١٠٠٠ ماتسوي شي وانا باقعد ١٦ يوم وباروح ٤ مناطق.

 

[خوووخه w]

انا السنه اللي طافت رحت لها ورا رمضان كلفتي السفره 2500 تقريبا مع تذاكر والسكن

رحت على طياران القطريه تذاكرنا 500 تقريبا والحجز كلفنا بحدود 1100 ولا اصلن احنا قدمنا الحجز وردينا الكويت لانه صار عندنا حالت وفاه والحمدالله انه ردينا لانها كانت غاليه مورخيصه قعدنا اسبوع بس وكنا ناوين نقعد اسبوعين الفلوس اللي معانا خلصت اصلن لحد يقول رخيص صايره غاليه اول بشهر العسل لمار حت لها كانت ارخص بس كل سنه قاعد تزيد اسعارها اللي بيقعد اسبوعين ياخذ معاه 1500 اقل شي عن تجربه


وان شاءالله ناويه اروح لها بعد هذي السنه باذن الله شهر 10 هذي 3 مره اروح لها هههههههه كل ماافكر مكان ثاني استخسر واغير رايي واروح ماليزيا ههههه

 

[G6waa]

مشكووووووووووووووورين بنات ماقصرتوووو



اب


اب

 

[احلى من الحلى]

حبيبتى أنتى قسمى المصرف على الايام اللى بتقعدينها حطى ١٠٠ كل يوم وإقلمى نفسح انا اسوى جذيه والحمد الله نستانس انا رحت ٢٠٠٨ كنت انا وريلى ولدى قعدنا ١٢يووم صرفت ١٢٠٠ وتسوقت وشريت صوغه واستانسنا وماكانت غاليه وكنا ناكل بالمطاعم العربيه واتروحون واتردون بالسلامه حبيبتى

 

[نياره]

ماليزيا صارت غاااليه حيييل روحي اوربا احسن

 

[G6waa]

جد ماقصرتو بنات مشكوووووووووووورين

 

[رهف2]

شركة المحيط للسياحة للخدمات السياحية في ماليزيا
حجز فنادق - جوالات سياحية - مواصلات - طيران داخلي
للحجز والتواصل عبر الواتس اب WhatsApp– فايبر Viber– فيس تايم FaceTime – تانقو Tango – فوكسير Voxer– لاين Line– جي في GeeVee علي الجوالات ادناة
ت: 0060166881924
ت : 0060132350933
للتواصل عبر البلاك بيري علي – 22f21025
تلفون ثابت : 006038575556
فاكس : 0060389572733
البريد الالكتروني : [email protected]

 

[Mrs.Q]

شوفي انا رحت شهر العسل ماليزيا صج ديرة كاملة مكملة كل شي فيها وناسة تسوق جزر اماكن رومانسية لعب رياضات مائية سفاري كللللل شي فيها
قعدنا فيها يا ١٧ او ١٨ يوم ماذكر جم بالضبط
حجزنا ببلانقي بيتش بجزيرة لنكاوي حلو موقعه وغرفه عادية بس تونس والمكان حلو وكل شي ريب منه
لاتطوفج اعلى قمة بلنكاوي حدها براد
وحج زنا بريناسينسبكوالالمبور اهو تابع ماريوت ماحجزنا غرفة عادية حجزنا كلاب او نادي موووووطبيعي حتى بوفيهنا غير عن باجي الغرف
وحجزنا طيران داخلي لي لنكاوي
كل هذا مع التسوق ماكلفنا الا ٢٣٠٠
وانا ماخليت شي بخاطري وكنت غالبا آكل من الفندق وكان عندنا سايق خاص لنا بلنكاوي بس رحنا كوالالمبور اعتمدنا عالتكاسي حيل ارخص
اذا تبون بس تصرفون ٢٠٠٠ تقدرون بس يكون تسوق عالخفيف وتاكلون من الوجبات السريعة و روحوا بتكاسي اللي فيها عدادات
الله يوفقكم وعليكم بالعافية