تكلفة السفر لدبي؟؟؟

[بدون اسم]

السلا عليكم



بنات انا ودي اروح دبي باجازة راس السنه يعني 3 ايام

بس ودي اعرف جم تكلف السفره تقريباااا انا من زماااااااان عن دبي ومادري شلون الاسعار عندهم الحين

وجم تذكرة دبي عالجزيره واشرايكم بطيران الجزيره عمري ما جربته

 

[ام بنتها]

تروحون و تردون بالسلامه
احنا بعد انشالله بنروح و قااعده اخذلي جوله
الجزيره شخصين تكلفج تقريبا شي و ثمانين قولي 90 دينار لأن مسوين عرض الحين

و الفنادق خذيتلي فره
تلقين الغالي والرخيص
في ليله ب 30 و في ليله ب 100
انتي والي تبينه دشي سايتاات الفنادق و تلقين الاسعار و صور حق الفندق
و توتال السفره احنا حاطين 650 دينار حق اربع ليالي لان بنقعد بفندق بو 27 دينار بالليله
انشالله اكون فدتج

 

[نــوره]

انا رحت باجازة العيد اربع ايام .. انا وزوجي وبنتي الصغيره

كلفتنا التذاكر عالاماراتيه مع السكن بشقق فلورا الفندقية 380 دينار بس

وبالنسبة لطيران الجزيره انا سامعه اذا كنسلتي السفره تروح عليج كل الفلوس اللي دفعتيها !!

 

[القلب الصافي]

اخت نوره شلووون شقق فلورا زينه ؟؟؟؟؟