تكفيــــــن تعاااالي وعطيني من خبـــرتج مو عاارفه شلوون

[عين السيح]

انا والله ماعندي دهاء الحريم كلش
الدهاء شرق وانا غرب
بس الحمدلله ياربي الله مسخره لي ومايبي يقصر معي بشي
ولا مع اولادي

اول كنت نفسج عطني وكل شهر على هالحاله بس الحمدلله مايقصر
لين مااقترحت عليه يمشي لي مصروف شهري <<طبعا كلن وعلى قدرته الماديه>>
عشان مااقعد اقوله كل شهر عطني
صار خلاص دايركت شهريا اهوا يعطيني من غير مااقول
واذا نقص اطلب منه زياده
واذا عطاني مااقوله مشكور واسكت
اعطيه من هالدعوات اللي اخليه تفرحه
عشان تعطيه دافع للمصروف اللي وراه

والله لو يعطيني دينارين
اقعد ادعي له الله يخليك لي ولعيالك
ومايحرمنا منك ومن هالكلام
عشان مايتحسفها وهو يقطها علينا




واذا رفض سالفة المصروف مالج الا تحنيييييييييييين عليه
فيه مثل يقول كثر الدق ع الحديد يلينه على مااظن جذي
المهم حني لين ماتاخذين حقك مو تسكتين
ولا اخذيه معك للسوق عشان يشوف الاسعار ويقتنع

وارجع واقول استخيري
الاستخاره يابنات عجيييييبه
انا بالنسبه لي مفيده جدا

 

[القوارير]

رد : تكفيــــــن تعاااالي وعطيني من خبـــرتج مو عاارفه شلوون

الله يهديه ويسخره لج

 

[A7la KatkoOota]

رد : تكفيــــــن تعاااالي وعطيني من خبـــرتج مو عاارفه شلوون

مع اني منزرعه بالمنتدى صارلي شكثر توني اشوف موضوعج

شوفي حبيبتي خويتج على قولتج ماا ادبته وربته لا ترى في رياييل طبعهم جذي ..

يعني بختصار يشتري طلباته بطلباتها بتقولين شلون؟

اقولج يعني مثلا اذا يبي ايسافر مع ربعه شيسوي؟

يشتري حق زوجته جنطه غاليه تقول ابي مثلا 50 يعطيها ال 50 وزياده واهوا يبتسم بس يبي شي من ورا هلتقديم ...

وفي رياييل نوعهم لا .. مايحب ان مرته تعيش عنده اقل من العيشه الي عاشتها عند اهلها فا يحاول كثر مايقدر ايوفر لها كل الي تبيه .. علشان ما ايي اليوم الي تقول يا فلان والله انت مقصر بحقي والعيشه معاك بصراحه فقر ... فا يحاول كثر مايقدر يقدم لها ..

وفي رياييل من النووع الي يبي ايعود زوجته " مثل ريلج تقريبا " يبي ايعودها ان ماتضغطه فا متبرمج من قبل لا يتزوج " اي المرا ماراح اخليها تركبني ديون ولا راح اخليها تضغط علي وتعيش بلي عندي وانا مو ملزووم تتفقق علي وانا وانا وانا " هلافكار انزرعت فيه من قبل لا يتزوج فا تشوفين طريقته مبالغ فيها بالمصرف .. بس على بو ان يبي ايعودج ...

بس الحل مو انج تفكرين انج شلون تربينه وان شلون اتضبطينه لا

الحل انج تسايرينه ... انا قبل شوي رديت على وحده تقريبا تقريبا نفس حالتج
فا اذا انتي عندج خوات متزوجين قولي ليش تخليني اقل منهم وجني انا الفقيره بينهم كل وحده تشتري الي بخاطرها وانا والله ما اخذ شي بخاطري الا عقب زنه ورنه وساعات اخذه واغلب الاوقات ما اخذه ... انا مابي منك شي بس ابيك تمشيلي مصرف معين كل شهر .. يكفيني ولو احتجت مافيها شي لو ارجعلك انتا زوجي ومكفول فيني .. وانا لي صار ماعندك اقدر بس على طلعة المعاشات تقولي ماعندك فا انا اسكت مو لاني مصدقه بس لاني احس انك قاعد تذلني .. وانا بنت لا حول ولا قوه شلون تبيني اييب فلوس !!!

بهدووء فهميه هلكلام ... وبعدين لو يقولج تبين شي الفلاني قولي مابي

تبين الشي الفلاني لا خلاص مابي

خلي ايحس انه كسحج ...

وبعدين طلبي الطلبات بالحزه الي تحسين ان اكيد 100% عنده والوقت الي ماعنده لاتطلبين .. علشان لايتعود يردج واذا ماعنده قولي ويي عاد تدري في شي ايبيعونه " اي منتج" قولي امبيييييه حددددددده عجييب .. انشالله مو الحين الشهر الياي اشتريه .. << علشان تبينين انج مقدره ظروفه

معاها والله يهديه ويسخره لج

 

[(رنين)]

رد : تكفيــــــن تعاااالي وعطيني من خبـــرتج مو عاارفه شلوون

الله يعينج ما ابي أحبطج
أنا تعبت ليما يأست منه بكل وقت ماعندي ماعندي و إهوا يشتري الاكو و الماكو احتريت منه بس الله يعوضني بصبري اللي صبرته
الله يهدي زوجج و يسخره لج
يا رب آميين

 

[ليالى الحنين]

ششششوفى اذا عنده فلوس ويبخل عليج ازعلى عليه لين يعطيج اما اذا ماعنده لازم تصبرين

 

[مادري ليه]

رد : تكفيــــــن تعاااالي وعطيني من خبـــرتج مو عاارفه شلوون

اه يااحر قلبي زعلت وطنقرت

حقييير اذا شاافني زعلت زعل مثلي

ذبحني ذبحني جني ورب البيت تقول متزوج سبع حريم قبلي على هالتصرفاات الجهنميه الي يسويها

عسى الله يقدرني عليه يااارب ويسخرره لي

 

[مادري ليه]

رد : تكفيــــــن تعاااالي وعطيني من خبـــرتج مو عاارفه شلوون

وعلى فكرره عنده خييير بس بيعودني على البخل وانا لازم احط له حد ومو عاارفه شلووون هذا سبب سؤالي

 

[هيراس]

تعالي له من ناحيه دينيه قولي له الرسول يقول خيركم خيركم لاهله - وعن مصعب بن سعد بن أبي وقاص رَضِيَ اللَّهُ عَنْهُ قال: رأى سعد أن له فضلاً على من دونه فقال النبي صَلَّى اللَّهُ عَلَيْهِ وَسَلَّم: (هل تنصرون وترزقون إلا بضعفائكم) رَوَاهُ الْبُخَارِيُّ هكذا مرسلاً، فإن مصعب بن سعد تابعي، ورواه الحافظ أبو بكر البرقاني في صحيحه متصلاً عن مصعب عن أبيه رَضِيّ اللّهُ عَنْهُ-: (ابغوني الضعفاء؛ فإنما تنصرون، وترزقون بضعفائكم)-وعن أبي شريح خويلد بن عمرو الخزاعي رَضِيَ اللَّهُ عَنْهُ قال، قال النبي صَلَّى اللَّهُ عَلَيْهِ وَسَلَّم: (اللهم إني أحرج حق الضعيفين: اليتيم والمرأة) حديث حسن رواه النسائي بإسناد جيد.

ومعنى (أحرج): ألحق الحرج وهو الإثم بمن ضيع حقهما، وأحذر من ذلك تحذيراً بليغاً، وأزجر عنه زجراً أكيداً.هذا كلام الرسول



شلون الله يرزقك وانت مقصر علي والله ماراح ينقص من فلوسك شي اذا عطيتني والله يبارك لك بس اذا انت كذا راح تشوف ان معاشك ماراح يكفيك حتي نهايه الشهر الله مايبارك لك فيك لانك ماديت واجباتك حاولي تتهربين من حقه الشرعي انت فاهمتني وقولي له مابي واذا اصر قولي له انت تبي حقك عطني فلوس يعني انت تبي كل حقوقك وانا لا مش منطق هذايمكن يعاند بس بعدين بيخضع لك

 

[هيراس]

زوجة البخيل

الزوج البخيل هو الزوج االذي يشعر بعدم الأمان بسبب حرمانه من حنان أبويه منذ الصغر ويكره العطاء والإنفاق على أهل بيته , لذلك وجب عليك أن تعوديه على العطاء بأن تعطي أبنائك مثلا والجيران بدون مقابل حتى يتعلم منك، زيدي جرعة الحنان معه حتى يشعر بالأمان وطمئنيه على مستقبله الباهر وذكريه بأن الله لم يخلق في الأرض كائنا حيا إلا وقد كتب رزقها فجمع المال والتقتير والتضييق لن يزيدها بل إن الصدقة تنمي المال وتزيده وخير النفقة النفقة على أهل البيت

لطلب المال من الزوج يوجد عدة طرق تجعله يعطيك وهو راغب

1. حبيبي أنا محتاجة مبلغ… ليه … أحتاج أغراض حريمي… مثل شو … سوالف حريم وخلاص … ماعندي .. مثل ماتحب وانسحبي وتجنبي النكد

اليوم الثاني عيدي نفس الأسطوانة واذا انتهت بماعندي ادعي الله أمامه ان يغنيه “اللهم ارزق زوجي فلانا مالا كثيرا يسد حاجته وحاجتي وأغننا بحلالك عن حرامك وبفضلك عمن سواك”

اليوم الثالث عيدي نفس الأسطوانه وحتى لو ألح عليك في معرفة الأغراض أخبريه أنها امور حريمي ومع التكرار اليومي سوف يعطيكي حتى يتخلص من الحنة وتنتهي الأسطوانة

أعيدي الأسطوانة كل شهر حتى يعطيكي المصروف بشكل شهري وبدون حنة

2. قومي بعمل جلسة مساج او تدليك وركزي على الأكتاف والأطراف وبعد إنتهاء الجلسة قدمي طلبك , جلسة التدليك هذه تنشط هرمون الكرم فلا تترددي عن تقديم الطلب

3. بعد جلسة ضحك وفرفشة قدمي طلبك لأن الضحك والفرح يحفز هرمون الكرم

4.قصي عليه قبل النوم قصة الأميرة التي أحبت الأمير وأختارته من بين رجال العالم زوجا لها وزاد إعجابها به مع العشرة لأنها اكتشفت فيه صفات الرجولة والشهامة والتي هي (قدمي له صفاته الحسنة ومواقفه الإيجابية) لكن الأميرة كانت عندها مشكلة صغيرة , فهي خجولة وتعودت أن تأخذ من أهلها المال بدون أن تطلب , فوقعت في ورطة جهلها بالطريقة الصحيحة التي تطلب فيها المال من الأمير , خصوصا انها ترغب في الذهاب للسوق مع صديقاتها الأخريات وتريد ان تتباهى بينهم وتقول لهم ان زوجها الأمير اعطها مبلغ يفوق ما يعطيهن لهن أزواجهن فكيف ينبغي لهذه الأميرة أن تتصرف

5. أسعديه في الجنس كثيرا حتى تشعري بأنه شبع جدا ثم أطلبي لأن الجنس المشبع يساعد على إفراز هرمون الكرم

6. إجعليه يشرب قهوته او الشاي في وجودك وكوني أثناء شرب القهوة سعيدة جدا ومرحة وعندما تشعري أن عدوى المرح انتقلت إليه قدمي طلبك

7. إمتنعي عن طلباتك أثناء غضبه ولا تصفيه بالبخل مهما كلف الأمر وإن كنت فعلت ذلك سابقا فأعيدي برمجته على حب الكرم والشهامة كما برمجتيه على البخل

8. أكتبي طلباتك في ورقة (كاملة بدون نقصان) ثم أعطيه الورقة ليشتري لك متطلباتك وإن أحضرها إسأليه كم كلفتك الطلبات سيقول مثلا 500 في الشهر الثاني أطلبيه 500 وإذا سألك لماذا أخبريه انك بحاجة إلى نفس أغراض الشهر السابق

في حال تم رفض طلبك إياك والنكد حتى لا يصر على عناده انما توقفي فقط عن الكلام بنفس حزينة وبإبتسامة خيبة الأمل وأخبريه بأنك تعلمين أن ظروفه لا تسمح وتعلمين جيدا انه لو كان يملك سوف يعطيك لأنه رجل كريم وشهم كما أخبرك أهلك

Tags: