"الزين كله"
New member
- إنضم
- 16 أبريل 2010
- المشاركات
- 256
- مستوى التفاعل
- 1
- النقاط
- 0
وهذه التكمله يالغلا
((البآرت الثالث))
لجين بغرفتها وحالتها سئآآت اكثر وأكثر.. مو عارفة تتحرك ..
مسكت الجوال ودقت على أمها .. أمها ماردت عليهآ
وحاولت تدق على أحدى أخوانها ..
لجين بصوت يعور القلب : آآه ياربي .. بموووت.. ماني قادرة اتحمل ياربي رجيتك تساعدني..
حاولت تدق على بدر اكثر مرة ..ومارد الا بالمرة الراابعه ...
بدر : الو ..
لجين بصوتها المبحوح من التعب : بدر تكفى الحق علي .. بمووت ..
بدر بانفعال : شنوو .؟... خلاص خلاص انا جاي الحين ..
بدر وصل البيت وفتح الباب وعلى طول ركض لغرفة اخته وشآآفهآآ العرق يتصبب منها وحالتها يرثى عليها من التعب .. خذهآ وحملها بين يدينه وودآها عالمستشفى على طول بعد ماغطآها بشرشف.. وخذ عبايتها وغطآها وحطهم بسيارة
((بدر رغم عصبيته وجدي مع اخته واخوه الا ان حنون ويحبهم تاخذه الغيره عليهم))
بالمستشفى بدر نزل اخته من السيارة ودخلها الطوارئ على طول وجاء لعندها الدكتور وسووى الازم .. وحس الدكتور انو حالها تحسن .. طلع الدكتور وبدر ينتظره برآآ
بدر بخوف: بشر دكتور ..طمني..
الدكتور: انت تقرب لها ..؟
بدر : انا اخوهآ
الدكتور: ممكن تجي معي ..
بدر ويحس جوارحه انشلت خايف انو فيها شي كايد: طيب طيب.
الدكتور: أخ بدر انت قلت لي انك اخوها وهالشي سهل علي الامر انو افاتحك واقولك اختك تعاني من شنو ..
بدر : ايه دكتور كمل ..
الدكتور : يابدر اختك مو بس تعاني من انفلونزا وبس .,.
بدر عقد حواجبه : ............
الدكتور: اختك بعد التحاليل الي عملناها لها اكتشفنا ان فيها سكر .. يمكن صعبه عليهآآ وهي لساتها بعمر الزهور بس الحمدلله.. على كل حال هذا الي اقدر اقوله لك..
بدر منصدم وبزفره : آآيه تسلم دكتور ماقصرت .. زين جات على السكر ولا الاعظم منه ..طيب يادكتور المطلوب؟
الدكتور : راح اكتب لك على ابر راح تستخدمهآآ اختك عشان تحافظ على نسبة الانسولين عندها ..
بدر باستغراب : ابر..؟
الدكتور : للأسف حالتها تستدعي الأبر .. والسكر ترى نازل عندها الحين بس عطيتها انسولين ..
بدر بتنهيده : لاحول الله
الدكتور : اذكر الله يابدر .. وان شاء الله خير ..
بدر وايدينه على راسه ومنحي راسه : والنعم بالله ..
بدر راح لأخته بعد ماجاب عبايتها وغطآها من السيارة خذ أخته وطلعوا من المستشفى وجالس يفكر في حآلها وساعه يناظرها وساعه يناظر للطريق ولجين مآكلة هواء من التعب .. نامت بطريق لحد ماوصلوا البيت بدر ماحب يصحيهآ شالها بين يدينه لغرفتهآ .. وبعدهآ راح غرفته وعقله يودي ويجيب من التفكير ... وبعدها نااااام .
وصــــــــــــــــــآرت الساعه 2 ونص بالليل .. وسارة مازالت بغرفة فارس وهي تجهش ببكائها وفارس مارد ولا كلمة على كلامها بس يحاول يهديهآ عشآن يقدر يتناقش معاها.. ويضبط الوضع ..
فارس بحنيه : سارة خلاص .. أهدي عشآن اعرف اتناقش معاك ..كذا ماعرف اتكلم معاك انتي شليتي تفكيري بدموعك..دموعك غاليه علي..
سارة تبكي وتشهق ببكائها : ماقدر يافارس انا سنيتن وعاهدت نفسي ان ماحد يدري الا ربي .. بس مدري اشلون تجرأت وقلت لك واخاف تفهمني شي ثاني برغم ثقتي يفهمك لي وثقتك فيني ..
فارس وهو يمسح على شعرها : ياسارة ياحبيبتي والله مافهمتك غلط انتي اهدي وتركي الصياح الحين عشان نتكلم بهدوء..
سارة مسحت دموعهآ وهدت .. فارس :هآ خلاص اقدر اتكلم الحين ..
سارة بصوت مبحوح : ايه ..
فارس : انا ماستغربت كنت حآس بس كنت انتظر تجين بنفسك تخبريني ..
سارة رفعت راسها باستغراب وتناظر فارس : من متى حـــــــــــــــــاس بهالشي .؟!!
فارس ببتسامة : لاتخافين من يوم أمس اكون عندك بالغرفة .. وتصرفاتك وتعابير وجهك كل ماجبت طاري علي اثبتت لي هالشي ..
سارة : ...................
فارس بسلوب استفهام : طيب ..؟!
سارة : شنو طيب ..؟!
فارس : انتي قلتي لي تحبينه ..
سارة :...............
فارس :سارة بكون واضح معاك وصريح .. بالعكس علي رجل ويعتمد عليه والنعم فيه وحبك له مو غلط ..بالعكس حب طاهر خاصة انك ماخبرتي احد ومايعلم به الا الله سبحانه وتعالى .. بس .......
سارة وعقدت حواجبهآ : ايه ... بس .. وشو .؟!
فارس : مابغاك تأملين نفسك وبنهاية مايصير من نصيبك .. صدمة ياسارة تفهمين شلون صدمة ..!!
سارة ودموعها مجمعه بعيونهآ : طيب قولي شنو اسوي .؟
فارس : انسي انك بيوم حبيتيه ..
سارة شهقت : أنســــــــــــــــــــــــــــــــــى..!... بعد هالايام الطويلة الي مرت تقولي انسي ..!
فارس : طيب بسئلك ..
سارة بصوت مرتفع اشوي : اسئل ..
فارس : شنو الي خلاك تحبينه ..!
سارة وقلبها يدق : مدري .. حسيته ينحب .. يعتمد عليه.. رجولته .. تعامله..غيرته على خواته وحنيته .. شكله ..اخلاقه ..مدري احسه ينحب ..
فارس وهو هآيم بحركآت اخته وتعابير وجهه وهي تجاوبه : .............
سارة بخوف : أنا غلطت بكلامي ..
فارس تو ينتبه : هآآ ...لالا .. بس انا بحآول اسلك وضعك .. واشوف .. اذا حسيت ان بباله أحد اوشي ..اوبالأحرى بجش نبضه..
سارة :لالا .. خلى هو يحس ..
فارس:اشلون يحس وهو مايدري عنك او عن حبك .؟
سارة :انت قلتها ..بس يمكن الله يجمع بينآآ مو شرط يدري عني ولا عن مشاعري..
فارس : لاتفهميني غلط انا بجس نبضه اوبفآآتحه بموضوع خطبة او شي بشوف منو حآب يرتبط فيهآ ..
ساره :اوكي .. انت ابصر بمصلحتي وابصر به .. طيب سووري ازعجتك
فارس : هآآ ...بدينآآ بالهبال اشدعوة قلت لك انا لك بأي وقت تبيني ..
سارة بتسامة : تسلم يالغالي من دونك اضيع انا .. تصبح على خير ..
فارس ابتسم لها:تلاقين خير ..ونامي ولاتفكرين باي حآجة ..
سارة: خير ان شاء الله ..
بعد مرور شهر...
سامي بالمكتب الا ويدخل عليه شخص غريب حنطي ولابس شماغ وعريض وطويل وعرضه مناسب على طوله .. وأسمه ((ابراهيم))
ابراهيم : السلام عليكم ..
سامي مشغول بأوراقه :وعليكم السـ........ ويرفع راسه ومايكمل ويناظر له بنظرة غريبه من الصدمة..
ابراهيم : والله وتغيرت يااستاذ سامي ..
سامي ووقف ومثبت ايدينه على الطاولة : أنــــــــــت .!
ابراهيم جلس على الكرسي وحط رجل على رجل : ليه .. مستغرب .؟
سامي بعصبيه يرص على اسنانه: شلي ذكرك فينآآ ..
ابراهيم بتريقه : أفآآ .. أنت ولد أخوي ولا مالي حق اسئل عنكم ..موانت واختك فاطمة اعيال اخوي الوحيد ..
سامي ودار ظهره على عمه وتكتف : انا ماعندي عم .. ابوي انولد وحيد من غير اخو ولا اخت ..
ابراهيم باستهزاء : الله الله الله .. انا ازعل ياولد اخوي من هالكلام.. الا ماتزوجت ..
سامي ويحس ان الدنيا ضاقت بحآله ويحس روحه مخنوقة ومكبوته .. : لوسمحت مكتبي يتعذرك ..
ابراهيم ببتسامة خبيثة : ههه ..انا طآلع بس حبيت اقولك صدمتني يوم ادق واخذ عنوان مكتبك .. ولاتذكرت صوتي ..حزت بخاطري صراحة ..
سامي انصدم ماتوقع يكون عمه ونسى الموضوع لان مضآ عليه شهر..
سامي بعصبيه : برة لو سمحت ..
ابراهيم باستهزاء : اعصابك اعصابك انت محامي مو زينة لك العصبية .. ينشل تفكيرك بعدين .. انا طالع بس الايام بينآآ .. ولازم اسوي الي ببالي .. مع السلامة..
سامي جلس وهو منهار على مكتبه استغرب اشلون بعد هاالسنين الي هجرهم عمهم فيها يطلع له من جديد.. ويحس من نبرات صوته واستهزائته بتهديد وكأن راح يرمي على راسه مصيبه هو بغنى عنها ..
سامي بينه وبين نفسه : الله يكون بعوني ويفكني من شره .. ماعلى طلته وله ..
بدر : يمة .. اخذت لجين ابرة السكر ..
ام بدر : ايه لانها مساعه شفتها بيدهآ ..
بدر: انتبهي لها .. واذا احتاجت شي خبريني .. واذا حست بشي قولي لي عشان نراجع الدكتور ..
بوبدر : هالله هالله في اختك يابدر ماوصيك ..
بدر: ولو يبه توصيني على عرضي ..
ام بدر بفرحة : الله يخليك ياولدي وافرح في فيك
بدر يبوس يد أمه : تسلمين يالغاليه .. عسآني ماخلا منك ..
في بريطآآنيآآ في االطائرة حيث يتواجد بها عدد من الركآب ومن بينهم تركـــــــــي ..
الكل رربط الأحزمة بما ان الطيارة راح تقلع من بريطانيا للخليج ..
تركي وهو بطيارة بينه وبين نفسه : ياترى راح يتفجئون اهلي بجيتي ولا متوقعين ان انا راح اجي خليني وصل على خير ان شاء الله واقول لعلي يجيني المطار..
الي بجنب تركي اسمه طلال مو معاه احد ومن كثر ماهو طفشآن تكلم مع تركي ..
طلال : السلام عليكم..
تركي: وعليكم السلام والرحمة ..
طلال : دراسة ولا سياحة ..
تركي ببتسامة :والله دراسة وخلصت .. الحمدلله وراجع لاهلي ..
طلال : يالله حظك ياخوي انا باقي علي سنتين ..
تركي : الله .. الله يعينك والله.. الا كم عمرك انت .؟
طلال : 26
تركي : يعني فرق بيني وبينك سنة انا 27
طلال ببتسامة : شي طييب..
وضلوا طلال وتركي يتكلمون ويسولفون لحد ماوصلت الطيارة المطار وكل واحد منهم نزل وسلم على الثاني وتبادلوا الارقام ..بين بعض ..
طلال : عاد خلنا نشووفك ..
تركي : ان شاء الله ..
طلال : يالله مع السلامة ..تشرفت بمعرفتك ..
تركي :وانا اكثر .. يالله سلااام >>>هو واخوه ماعندهم غير سلااام هههه
تركي مسك جواله ودق على اخوه استغرب علي هذا رقم اخوه تركي شريحة سعودية ..
تركي مبتسم : اهلين بالأخو بالعضيد بلي يسئل ..
علي منحرج من أخوه ومستغرب من الرقم : قبل كل شي اعترف اني قاطع بس انت بالسعودية ولا شسالفة .؟؟
تركي : تعال اخذني من المطار اصرف لك ..
علي بفرحة :بذمتـــــــــــــــــك .؟
تركي : بذمتي وبصلاتي .. بعد
علي : اشوي وانا عندك
تركي : بس هآآ مابي احد يعرف.. بفجائهم ..
علي : تآآمر .. سلااام
تركي ابتسم : سلااام
بالمطــــــآر علي يدور على تركي ويدق عليه : يامعود وينك ادورك مالقيتك..؟
تركي بخبث وهو يمشي وراء علي من بعيد لبعيد من غير لايحس : وانا ماشفتك..
علي : شوف انا بنتظرك برة المطار اجل..
تركي ويتصنع نبرة الحزن :افآآ ياخوي الحين سنة بعيد عنك وتعاملني كذآ وهذا انا اخوك الكبير ..
علي متأثر بأخوه : لا والله موقصدي بس المطار زحمة وانا مالقيتك .. وعلي مايحس الا يد تمسكه من وراه وتفره لقدام الا ويتفجآآ ويشوف ان اخوه لاشعوريا طاح الجوال من يده وحضن اخوه بشوق ولهفه وحنين ..
وظل حاااضنه بين الملا وهالناس .. وكل واحد منهم يعبر عن شوقه لثاني ..
علي وهو حاضن اخوه ومغمض عيونه : آآه ياتركي والله البيت من دونك ظلام ..
تركي متأثر : البركه بالوالد ياخوي ..بس ابجد ابجد مشتاق لكم .. الغربة صعبة ياخوي ..
علي وبعد عن تركي لكن ماسكة من يدينه بخبث : والله وحلوويت ..اعترف شنو مسوي ..؟
تركي ببتسامة : اقول بلا لعاانه ولاتفهم شي ثاني انا مو مسوي شي . بس يمكن الغربة تخلي الواحد يحلو هههههه
علي :أأؤما عاد تحلي الواحد قووية ياخوي ..
تركي : اقول بلا هرج وكلام فاضي يالله ابي اروح البيت مشتاق لابوي اروى وحور ..
علي :يالله يالله مشينآ
تركي وعلي بسيارة ويسلفون وعلي يعلم تركي عن اخباره والمستشفى وعن آروى وابوه وحور وضلوا يسولفون لحد ماوصلوا عند البيت .. نزلوا علي وتركي وبيدخلون .. بس علي مارضآ لتركي يدخل خلاه ينتظر بالحديقة عشآن يفاجئهم عدل..علي اتصل على حور وقالها تعالي تعشي عندنا اليلة والف عليها قصة كذب بكذب بس عشان يخليها تجي وتحضر معاهم هالحظات الحلوة ..حور وصلت ودخلت على طول وجلست تسولف معاها ومع آروى تركي طفش وهو ينتظر برى لان باقي الوالد يجي وتتم المفجائة تركي دق على علي
تركي متنرفز : يرحم أمك علي ماصارت ..
علي يسوي روحه يكلم احد زملائه بالمستشفى : أقولك ماقدر اطلع لان الحين 5 دقايق بالكثير والوالد يجي البيت فــ ماقدر اطلع ..
حور وتمسح على شعر اختها : الا شخبارك مع الدراسه ..؟
آروى مبتسمه: تمام الحمدلله .. عآل العآآل..
تركي : شووف 5 دقايق بالكثير وبدخل جا الوالد ولا ماجآآ تصرقعت بالبرد برآآ .. لآآ ووراء الحديقة بعد كأني حرامي
علي : دقيقه اشووي..وطلع برى بالحديقة وكلمه على اساس تركي ..:تركي يرحم أهلك يعني الحين ناوي تفضحني يم خواتك انطر ابوي اشووي ويطلع منن الشركة
تركي رافع حآجبه : بشوف آخرتها وياك والله مو سوربرايز هذآ ..زواج وانا ماعندي خبر..
علي بعجل : يالله جا الوالد .. علي سكر من تركي .. : هلا وغلا بالوالد ..وباس راسه
عبد العزيز : شعندك برى برد ادخل داخل
علي بينه وبين نفسه : والله اشلون حآل تركي المسكين من نص ساعه وهو برى ..
عبدالعزيز وهو يناظر علي : علي معاي انت .؟
علي بصوت متقطع : هآآ ..ايه ايه وياك يالله ندخل
دخلوا وجلسوا يسولفون البنات مع ابوهم بعد ماباسوا راس ابوهم طبعا ..
طبعا علي نغم على تركي اشارة له ان يدخل .. تركي فتح الباب بشويش عشان لاحد يحس
واسمعوا صوت كأن احد يمشي والتفتوا لعند الباب وشافوا تركي والكل قام من مكانه وحضنوا تركي وباسوه ويعبرون له عن شوقهم له .. وآروى الي حضنت اخوهآ ولاناوية تتركه وهي تعبر له عن مدى غربتهآآ وتبكي وتقوله : انا الي بالغربة بعدك ياتركي مو انت..
تركي بينه وبينهآ : آششش هدي لايسمعك الوالد ويحط بخاطره .. وبعدهآ عنه ومسح دموعهآ ولف يده على كتفهآ وجلسهآ جنبه ..
علي ببتسامة وغمز وهز راسه على جنب : هآآ اشرايكم بسوربرايز ..؟
آروى والفرحة باينه على وجههآآ : أحلى سوربرايز شفته بحياتي ..
حور : ابصراحه ماتوقعت ابد .. وبعدين ليه ماتعطينآ خبر انك راح تجي .؟
تركي :والله علي استغرب يوم دقيت وقلت له ان انا بالمطار .. استغرب بقوة مسكين ..
عبدالعزيز : يالله اهم شي وصلت لنا سالم .. وان شاء الله آخر غيبة ولابعدهآ غيبة..
تركي : تسلم يالغالي .. اكيد آخر غيبة ماصدقت اخلص دراسة واجيب الشهادة .. والغربة صعبة يايبه ذقت الويل .
علي : أفآآآ تذوق الويل وانا اخوك .. يخسى الويل ياخوي ..
تركي : الويل من فرااقكم ..
الكل فرح برجعة تركي وقاموا ياخذون ويعطون مع تركي بالحكي والسوالف وكل واحد يخبر تركي باشياء صارت اثناء غيابه وتركي حآس براحه كبيرة .. وهو بين ابوه وخواته واخوه يحس براحه مامثلها رااحه ..
وتعشوا وخلصوا عشآآ وجلسوا يتقهوون ..
حور : والله ياخوي تستاهل حفله كبيرة بعودتك لنا..
عبد العزيز : أكيد مايبي لها كلام ..
وضلوا يسولفون لحد ماقال تركي انه بينام .. وطبعا حور راح تمشي على بيت عمهآ محمد ولملمت عبياتها وشيلتهآ وشنطتها بس فقدت جوالها .. دورت عليه مالقته وقالت لاخوها علي يدق عليه عشآن تلقاه
واثناء ماهي تدور سمعته بالمطبخ اثاريها نسته بالمطبخ وانصدمت يوم شافت مسجات ومكالمات
10 مكالمات من يوسف تعب وهو يدق عليهآ ومسجين من يوسف المسج الأول ( حور والي يرحم والديك ردي تعبت وانا ادق اربع مرات وانا ادق وانتي مو معطتني أي غايه)
المسج الثاني ( يصير خير ياحور10 مرات الي ادق ولامعبرتني .. يعني جوالك حاطته ديكور .. بس اشوفك ويصير خيير..!!)) كعادة يوسف يتسرع بأحكامة من دون لايفكر ..>>العصبية وماتسوي ..الله يعينك ياحور
طبعا دقت حور على يوسف لكن مايرد .. ماحبت تصر على ان يرد..
حور بزفره بينها وبين نفسهآ : آآه آآه آآه من عصبيتك يايوسف هذا انت مثل ماانت تتسرع بأحكامك .. ماتفكر تقول يمكن نست جوالها او مو جنبها الله يعيني على عصبيتك الحين ..
علي يخرع حور : هوووووو ..
حور انتفضت : بسم الله .. الله يهداك ياعلي .. هذا وقتك..
علي : اكيد لا مو وقتي وقت يوسف هالحزة ..
حور ابتسمت لاشعوريا : سخيـــــــــــف,..
علي : ههههههههه اشفيك سرحآآنه ..
حور :لا ولا شي بس ممكن توديني بيت عمي ..؟
علي : اوكي انتظرك بسيارة ..
حور : يعطيك العافيه ماتقصر ..
علي : ولو .. احنا لبعض ..يالله بانتظارك .
حور ركبت السيارة ووصلها علي على بيت عمها ..
حور :يعطيك العافيه ..تعبتك معاي ..
علي : قلت لك انتي اختي وانا ملزوم فيك انا ماسويت شي .. سلمي على يوسف ..
حور : يالله مع السلامة ..
علي : سلاااااام ..
دخلت حور عالبيت والساعه 10 ونص وشافت خالتها جالسة بصاله ونور ونوار وعبدالله وسلمت عليهم وخبرتهم بأن تركي جاء من بريطانيا وفرحوا وتحمدوا لها بسلامة اخوهآ وعلمتهم على كل شي طبعا باختصار لانها راح تصعد ليوسف ماتبيه يعصب اكثر مما هو معصب .. صعدت حور شآفت حطت المفتاح بالباب بس شافته مفتوح مو مقفل .. ودخلت وشالت شيلتها من على راسهآ .. وشافت يوسف جالس بصآآله على الكنبه ومنزل راسه وحآط ايدينه فوق راسه وكان لابس بيجامته طبعا مارفع راسه برغم انتبه بخطوات تتقرب لعند الصاله ..
حور بصوت متقطع وبخوف : يو...يوسف ..
يوسف مارد عليهآ .. وطبعا هي خايفة من ردة فعله والي يخوفها اكثر ان هو مارد عليها عرفت ان بتصير لها كارثة الليلة من وراء الي صار انها ماردت على الجوال برغم ماكان قصدهآ .. عم الهدوء بينهم .. لدقااايق ..
بعدها حور راحت لعنده ونزلت لمستواه ومسكته من ذراعه : يوسف حبيبي ..والله ماكان قصدي .. بس الجوال مـ ........
قاطعها يوسف ماخلاها تكمل وتبرر موقفهآ وهو مثل ماهو على وضع جلسته : انتي عندك أحساس .. !!>>ياالله يايوسف ضربت على الوتر الحساس خصوصا ان حور حســـــــــــــــــــآسه ..
حور دمعت عيونها على طول وهو طبعا مارفع راسه وضعه مثل ماهو عليه ..
وكمل تجريح : جاوبيني عندك احساس .. تحسين بالمسؤليه.. ؟؟!!
حور بدون ماتتكلم صاحت وهي تشاهق .. ويوسف مو معطيها أي اهمية
يوسف : ماجاوبتيني ..؟!
حور بصوت مبحوح ومنخفض : قلت لك يايوسف والله مو قصدي بس نسيت جوالي بالمطبخ ولا حسيت اني فاقدته الا يوم بمشي ودقيت عليك ومارديت .. انا شنو بيدي .. ياخي تكفى ارحمني .. انا انجرح من اسلوبك يارجل اموت قهر حس فيني ..
يوسف :...................
حور برجآ : تكفى قول أي شي بس لاتسكت ..
يوسف بحرقة اعصاب من داخل بس مو مبين لحور رفع راسه وناظرهآ : ممكن انام .. !
حور باستغراب حنت راسها على جنب ودموعهآ على خدهآ وشالت يدها من على ذراع يوسف : ................!!
يوسف : لاتناظريني كذآ ..انا بنآم بصاله وانتي نامي وين ماتحبين ..
قام يوسف وراح لغرفة النوم خذ له ديباج ومخده .. ونسدح عالكنب ولا معبر أي تعبير لوجود حور ..
حور بقهر وبدموع وبقلب مكسور قامت على طول لغرفة النوم وبدلت ونسدحت على سريرهآ وهي تفكر بقهر وتذكرت الحنية الي كانت تحصلها من امها .. حتى لو كانت هي غلطانة وي امها الا ان امها تروح لها لغرفتها وترااضيها قبل لاتتزوج .. انفجرت حور من البكآ ونامت وهي مقهورة ..
نور تثاوب : يالله عن اذنكم بنآآم تعبآنه حدي ..
ام يوسف : اذنك معآك وبكرآ اصحي مبكر لدوامك يمكن انشغل وانسى اصحيك ..
نور : لا ان شاء الله بصحى قبل بوقت .. لان بكرآ دوامي 10 ونص
عبدالله بنرفزة : ؤؤمآآ عاد ..!
نور وهي تهز راسهآ : اشفيك قلت شي غلط ..؟
عبدالله : لا بس حطي ببالك بكرآ خلي احد يوديك لان بكرى مشغول حدي ..
ام يوسف : منو بيوديهآ يعني وبعدين اختك اولى من هالشغل ..
عبدالله يوقف ويحط ايدينه على خصره ويهز راسه : يمة والي يرحم والديك قلت انا مشغول شدخل اختي وأولى ومدري وشو ..
نوار : خلاص هدوووا خلي آروى تمر عليك ..
نور : صح جبتيهآ .. خليني ارسل لها رسالة ..
عبدالله بيطلع من البيت الا تتكلم ام يوسف بعصبيه : على وين ان شاء الله .؟
عبدالله ماسك الباب ومعطي امه ظهره : نواف يبيني ضروري .. فــ بروح اشووفه شنو يبي ولا شنو فايدة الربع اذا ماوقفوا مع بعض ..
ام يوسف : حق المشاكل ربع .. هآآ .! بس ان سئلني ابوك راح اقوله ماراح اخبي عنه خبيت عنه مرة مرتين مو كل مرة
عبدالله يطلع من البيت بدون مايرد على امه أي كلمة ..
نوار بببرائه : يمة ..!
ام يوسف : نعم ..
نوار : بكرآ انا اووف ماعندي جامعة ..اشرايك الصبح نطلع الممشى..
ام يوسف: والله فاضية يابنتي .. خليها وقت الثاني..
نور :ههههههههههههه افحموهــــــــآ ..
نوار : سلامات انتي .. ليه تحشرين نفسك ..
نور وترفع يدهآ وبدلع : اقول سيآآ بنــــــــــآم .. واذا دخلتي الغرفة لاتسوين لي ضجة ..
نوار باستهزاء : ان شـــــــــــــــــاء الله عمتي .. انتي تأمرين كم عمة عندي ..
نور تستهبل : يآآي ماقدر احرجتيني ياعوومري ..
نوار ترمي عليها الخدادية : ضفــــــــــي يادبة ..
نور : مالت اقول ..
وضلت نوار تسوولف مع امها لحد ماصعدت غرفتها وقامت نوار وصعدت بعد ماتفرجت على التلفزيون ..
الكل نآآم عدا عبدالله الي مارجع البيت الا وجه الفجر ..
صحى يوسف من النوم وصلى الفجر .. وضل يناظر حور واحتار يراضيها ويضمد الجرح الي تسبب في نزفه بقلبها ولا يرجع يكمل نومه ولا يطلع .. احتار بين اشياء كثيرة في نفسه .. آخر شي قرر ان ينزل تحت ويجلس بصاله بدون مايتكلم او يسوي أي شي تجاه حور .. نزل يوسف بصاله ومانتبه بـ عبدالله الا ساعة صعدته الدرج قام من على الكنبه ونادى بصوت عالي: مين ..؟
عبدالله تراجع اشووي ونزل وطل على اخوه من الدرج: أنـآ..
يوسف تكتف ونحى راسه جهة كتفه : ماعندك اليوم جامعة الى الآن مانمت.؟
عبدالله نزل من الدرج ووقف مقابل اخوه وتكتف اهو الثاني وكآن يتحدى اخوه : الا عندي بس ماني بحآآضر ولا محاضره ..
يوسف رفع حاجبه : انت متى بتكبر .. متى بتعقل ..؟
عبدالله باستهزاء : لما اصير كبرك..
يوسف تنرفز ووصل حده من اخوه ومسكه من تي شرته وقربه منه : انت تتحداني ولا تستفزني ولا شنو.؟
عبدالله مغمض عيونه ورفع راسه فوق ومن بين اسنانه : اقول تركني انا مو رايق لحركاتك ولا لعصبيتك..
يوسف بعصبيه وعقد حواجبه: شنـــــــــــو..؟
عبدالله بصوت مرتفع وفلت روحه من اخوه : يرحم أأمك اتركني .. ماعاد اتحمل من يومي صغير بتدخل في طلعاتي ودخلاتي ولبسي وربعي ومنو اماشي ومدري شنو .. مللتني طفشتني عيشتي ..صرت اكره اجلس البيت الي انت فيه خلا.....
يوسف تنرفز وقاطع عبدالله بحركته لفه لقدام وخلاه مقابله وعطآه كف ..
عبدالله انصدم وتنرفز ..كل شي فيه عبدالله الا انو يمد يده على اخوانه او خواته حط يده على خده وتحسس من خده وهو يلامسه ويناضر يوسف بكره .. الا وبنزلة بويوسف وأم يوسف ..
عبدالله ودموعه مجمعه فيها الدموع : أنت أحقر انسان شفته بحيآتي .. يوسف مارد عليه مقدر موقفه >>اقصد الكف المحترم الي عطآه اخوه
ام يوسف بويوسف بصدمة : خير شصاير ..
بويوسف بعصبية وبحده : شنو صاير تكلم انت وياه ..؟
عبدالله يناظر ابوه وعيونه بتدمع : اسئل ولدك ..اسئل الكبير .. اسئل المحترم
يوسف رفع يده مرة ثانيه من حرقة الكلام الي نرفزه الا ويمسكها عبدالله وييرمييها على تحت ورفع صبعه السبابه بوجه اخوه : سكت لك كثير ..لهنآآ وبس..دام ابوي عايش مالك أي حق علي .. وطلع عبدالله على غرفته وغفلها ..
بويوسف ويهز راسه من الي شافه وبصوت مرتفع : والنعم بعيالي والنعم فيكم وفي تربيتكم والله مو هذا العشم فيكم ,.. لالا بيضتوا راسي ورفعتوه ..
الا وبنزلة سارة .. واستغربت من كلام ابوها : ياترى شصاير وخلى ابوي يقول هالكلام ..
يوسف منحرج من موقفه قدام ابوه : يبه تآمر شي انا بروح لجناحي ..
بويوسف يستهزاء : لا مشكور ماقصرت كفيت ووفيت ..
أم يوسف مقهورة من حآل اعيالها ماتوقعت توصل بين اعيالها كذا ..
يوسف بقهر وبحرقة بقلبه باستهزاء : مشكور يايبه انت بعد كلامك يشرح الصدر ماقصرت ..
سارة مسكت كتف امها الي جالسة مقهورة : يمة فيه شي .؟
ام يوسف : لا يمه لاتهمين حالك .. روحي فطري عشان جامعتك ..
سارة : لا يمة مايهون علي اروح الجامعه وانتي بهالحال ..؟
ام يوسف : آآه يايمة شقولك .. اخوانك وصلت بينهم للضرب ..
سارة شهقت : ضرب ..؟؟؟؟
ام يوسف : مو ضرب يعني .. يوسف ضرب عبدالله ..
سارة بينها وبين نفسهآ : وهذا انت يايوسف ماتغيرت من يوم كنآ صغار تحب تفرض شخصيتك على الي اصغر منك .. ولأمها وهي ماسكته من كتفها وحطت راسها على كتفهآ: ..يمة لاتهمين حالك ولاراح افطر الا وانتي معاي ..
ام يوسف ببتسامه : ان شاء الله..
سارة راحت جنب ابوهآ : يبه قوم افطر معاي ..
بويوسف ببتسامة مصطنعه: لا لا يابوك روحي انتي فطري انا مو مشتهي ..
سارة : واذا قلت لك مافطر الا وانت معي انت وامي ..؟
بويوسف وحضن بنته سارة :الله يرضآ عليك ياسارة .. ويبلغني فيك .. سارة ابتسمت وهي بحضن ابوها وبنفسها تقول : الله يخليك يايبة وجعل يومي قبل يومك .. عشان لانصيرتحت سيطرة يوسف ..
وقاموا وفطروا وببيت شريفة .. أريام تجهز حالها للجامعه لبست ملابسها وتجهزت وانزلت لامها وباست راسها
وفطرت وي امها وبعدها طلعت للجامعه ..
وعالساعه 10 ونص راحت نور للجامعة بعد مامرتها آروى .. وجلسوا يسولفون على ماوصلوا الجامعه
ودخلوا الجامعه وراحوا بوجه المرايا وهم يعدلون شعرهم ويعدلون روحهم أثناء مايمشون طلعت بوجه نور وجود ..
وجود ببتسامة: اهليييين
نور : هلآآآآت
وجود :آروى ياهووو وين رحتي
آروى جالسة تدور بشنطتها جوالهآ : هلا هلا معاك .. بس ادور جوالي ..
وجود: نور شصار على الي ذاك اليوم ..؟
نور اعرفت قصد وجود وتحاول ترقع السالفة وهي تغمز لوجود : آيه لا والله ماصار شي بس عادي طيحة وعدت الحمدلله ماصار لي شي ..
آروى مو معاهم كلش لانها تدق بجوالها تبي اريام وماردت عليهآ : ياربي شفيه اريام ماترد ..؟
نور : اكيد عندها محاضرة اليوم هي وسارة نفس المحاضرة الي الساعه 9 ونص
وجود : يالله تعالوا نجلس كل البنات جالسين
نور باستغراب ورفعت حاجبها : منو كل البنات .. احنا كلنا 4 والخامسة اروى ..!!
وجود : نسيتي لجين .؟
نور : ايييييييييه والله نسيت .. لانها من اسبوعين ضلت اسبوع ماتجي الكلية .. ذاك الاسبوع ماتجلس معنا كثير
وراحوا وجلسوا وضلوا يسولفون .. وي بعض لحد ماجا وقت محاضرتهم ..
اثناء ماهم يمشون شافوا سارة سلموا عليها .. ونور تعدل شعر اختها سارة
سارة : نوير خلي شعر ..
نور ببراائه : أفآآآ هذا جزااني اعدله لك
سارة بدلع : ميرسي .. يالله سيآآ انا طالعه وانتوا عندكم محاضرات هههآآي
البنات : حظـــــــــــــــك..
لجين لآروى : الا الحمدلله على سلامة تركي..
آروى الله يسلمك ..
ونور : صج الحمدلله على سلامته تونا درينا من حور البارح ..
سارة عقدت حواجبها باستغراب : شنو ..؟
آروى بصوتها الناعم : تركي البارح سوى لنا سوربرايز ودخل علينا طبعا كل من خطط مسيو علي
سارة اسم علي يحرك مشاعرها بشكل : آآآه الحمدلله على سلامته .. وزين الي رجع خلاص مافي غيبه بعدهآ
آروى ونحت راسها جهة كتفهآ بدلع :أفكوورس ..
سارة ابتسمت وكآنهآ تناظر لعلي لان آروى تشابه علي : يالله سيآآ انا بطلع
ودخلوآ الكلاس .. ووجود بلا شك جلست جنب نور عشآن تسولف معآها ولان نور اقرب واحدة لها من القرووب..
وجود بلهفة : تكفين لاتقولين لسآتك ماسويتي شي بموضوعي ..!
نور : للأسف ايه .. انتي صبري علي .. الاقي الوقت المناسب واعطيك خبر البارح كان متنرفز اشوي ولاكان له خلق ..
وجود بتنهيده : آآآآآه نشووف احنا آخرتهآآ .. وبتحذير لنور : بس هآ لاتجيبين طاري لي .!
نوربثقة : افآ عليك ..اعتمدي
ودخلت الدكتورة وبدت المحاضرة وجلسوا يتابعون معهآ .. ويستجوبون مع المحاضرة ..
الساعه 2 ونص ببيت مريم ..
ناصر : هآ .. لجين بعدها بالجامعه .؟
مريم: لا بطريق توني داقه عليها ..
خالد توى جاي من الجامعه : اهلين..
مريم وناصر : اهلين..
مريم بخوف : اختك مو معاك..؟
خالد: الا دقت علي بس انا حولتها على بدر .. ماكان لي خلق انتظرها ربع ساعه على ماتخلص..
مريم باطمئنان: زين طمنتني .. لاني فكرتها معاك..
خالد بخبث ويغمز: الله .. لوانا كآن عادي صح ام بدوور ..؟ ايه ياخلوود لك الله ..
ناصر يضحك على ولده : والله أنت ياشينك بس الي محليك مزحك ..
خالد يسوي روحه مسكين : آفآآآآآآآآآ .. ماهقيتها منك يانصوور
ناصر بحدة : انهبلت أنت .. التزم حدودك بمزحك ..
مريم كاتمة ضحكتها : عيب عليك
خالد فهم حركة أمه قام وباس راس ابوه : والله يايبه امزح انت الغالي مانقدر على زعلك ..
بدر ولجين : اهلييييين ..
الكل : هلا
بدر ويحك عيونه بيده : يمه بصعد انام .. صحيني المغرب.. اوقبل المغرب بربع ساعه ..
مريم: ماتبي غداء ..
بدر : لا سلامتك اذا صحيت ااكل لي أي شي .. لجين لاتنسين موعد ابرتك بعد الغداء ..
لجين ببتسامة واول مرة تحس بهتمام وحب اخوها بدر لها : ان شاء الله ..
خالد: ياخي جوعآآن .. بتغدونآ ولا ننآآم
الكل :ههههههههههه ..
بدر: ابد يموت عالأكل ومع ذلك مو مبين عليه ..
لجين : يالله ببدل انا
مريم: نزلي على طول عشان تتغدين
لجين ان شاء الله ..
ببيت محمد سارة بغرفة نور ونوار .. وجالسين يسوولفون ويحكون ويلعبون بالورق يرسمون ورد وغارب ومدري شنو .. الا ويدخل عليهم فارس : هوووووووووو ..
البنات كلهم : آآآآآآآآآآآآه ..
فارس يضحك : لهدرجة ارعبتكم .؟
نور ونوار : مزحك كل ترعيب ...
سارة : مزحك عسل ..
فارس : تعلموا اللباقة من سارة ... جلس فارس معهم .. وجلسوا يسلفون وي بعض .. الا رن جوال نور وشافت اسم وجود .. بينها وبين نفسهآ : يؤؤ وقتك ياوجود الحين ..!
واستئذنت منهم انها راح تكلم جوال .. وردت عليهآ : آلوو
وجود بنرفزة : سنة على ماتردين ..
نور : والله بكلمه اليوم خلاص مخططه انآ شنو راح اسوي ..
وجود : بليييييييز حبيبتي خبريني على طول
نور : ان شاء الله ..
وجود: سي يوو
نور : سي يوهآآت ..
ورجعت نور لغرفتهآ وكملت سوالف معاهم ..
فارس بحمآس وشبك ايدينه : اقولكم شي ..؟
سارة ونور ونوار متحمسين : نسممعك...
فارس: الليلة عندكم شي ..؟
سارة: انا عن نفسي لا ماعندي شي والليلة الخميس اساسا
نورفكرت بموضوع وجود ووعدتها اليوم تخلص موضوعها بس بنفسها ..لالا خلاص قبل المغرب اخلص عليه ان شاء الله ..
نوار : انا بعد ماعندي شي واليوم أووف ونآآآآسه
نور بعد تفكير :آمممممم وانا بعد اضم صوتي لسارة ولنوار..
فارس : خلاص خليكم جاهزين الليلة الساعه 8 ونص ..
سارة ونور ونوار بصوت واحد : ماقلت لنا وين ...؟؟
فارس : راح اعزم بــ اعيال العم والعمة .. بس العمة شريفة واحدة منكم تكلم اريام وتقولها ونمر ناخذها احنا ولا احد من اعيال عمي او عمتي طيب ..؟
سارة بفرحة مو سايعتها انها متأملة بشوفة علي : طيب ماقلت لنا وين ....؟؟
فارس : اووووب نسيت والله .. الراشد .. بس هآآ لاكحل ولا مرطب ولا مدري شنو ولا ترى مافي رووحة ..
سارة تبتسم بخبث : والله ياخوي يعرفون روحهم الي تتكلم عنهم ..
نور ونوار قاموا يرمون المخدات على سارة وسارة ماتت ضحك على هبالهم وفارس ضحك على هبالتهم وقبل لايطلع : صج خبــــــــــال ..
على المغرب .. وبعد الصلاة نور راحت ضربت باب الغرفة ..
عبدالله نفسه بخشمه : مييين ..؟
نور وقلبها يدق وبيطلع من مكانه : آآ ...آأنا.. نور
عبدالله : شبغيتي ..؟
نور : ابغاك بموضوع اذا ممكن .!
عبدالله قام وفتح باب الغرفة وقالها : دخلي ..
ودخلت نور وجلست على الكرسي حق الطاولة الي عليه لاب توب عبدالله
عبدالله : آآمري .. قولي موضوعك ..
نور بأدب ومنزلة راسها : عبدالله انا ابغا استفسر او استجوب معاك بخصوص شي ..
بس لاتعصب تكفى..
عبدالله رخى اعصابه هدوء اخته الي اول مرة يشوفها بهالهدآآوة وخاف من كلامها او ارتبك بمعنى اصح ..
عبدالله وهو منشد للموضوع : طيب قولي .. اسمعك انا
نور بخوف : بس يضل سر بيني وبينك مهما تكون الظروف ..
عبدالله : قسمآ بالله اوعدك ..
نور : اذا جات لك واحدة وقالت لك انها ......
عبدالله ومسك نور من كتفها بهداوة : وشنو كملي ..؟
نور : تحبك ..
عبدالله متعجب من كلامها :.................
نور ببرائه : اشفيك سكتت ..؟
عبدالله : مدري .. شليتي تفكيري.. هو في الاساس في أحد ..
نور ببتسامة :لااااااااا مافي أحد بس انا احس ان واحدة مشاعرها كذا تجاه شخص .. وقلت مافي الا عبود استفسر منه..
عبدالله : منو هالوحدة
نور : والله ماقدر اقولك لاني مو متأكدة ..
عبدالله : انا احترم الخصوصيات تجاه هالموضوع سوى انتي تعرفينها ولا حآسه فيها
نور :طيب ماقلت لي شنو بتقول لها .. او ارسلت لك شخص ووكلته يقولك انها تحبك ..؟
عبدالله بحيرة وهو يفكر : الحين ماعندي أي جواب على موضوعك .. خليني افكر واشووف ..
نور : الله ..يبي لها تفكير..
عبدالله: كل الي اقدر اقوله لك حاليا ان مهما كانت البنت تحبني وانا ماحس باي مشاعر بقلبي لها .. اكييد بتكون زي اختي وبس ..
نور بينها وبين حالها : ويلي على حالك ياوجود..
عبدالله : وين رحتي .؟
نور : افكر بكلامك بس ..
عبدالعزيز بعد ماخبر الكل بعودة تركي من بريطانيا والكل سمع بالخبر وفرحوا لان تركي محبوب عند الكل راح للمطبعه يسوي بطاقات دعوة لحفل تركي للعايلة ولمعارفه بمناسبة رجوعه من بريطانيا .. ويسوي الالتزمات بنفسه بتخطيط منه ومن حور طبعا مايبون تركي يدري يبون يفاجئونه .. وحجز المنتجع وكل شي جهزه .. بس باقي يوزع بطاقات الدعوة للحفله..
جناح حور ويوسف يوسف عالكنبة وحاط رجل على رجل ويطالع التلفزيون وحور جالسة بغرفتها على السرير ومددة رجولها وكانت لابسة بنطلون جينز وبلوزة اكمام وجيب دائرة واااسعه ونحر حور وااضح وفاتحه شعرها وحاطته على جهة واحدة تقرأ بكتاب ..
جوال يوسف يرن استغرب يوسف من هالرقم اول مرة يدق عليه ..
يوسف : نعم ..
المتصل : يوسف محمد ..؟
يوسف : عفوا ..منو معاي ..؟
انتهى البارت الثالث
وانتظروني مع البارت الرابع
((البآرت الثالث))
لجين بغرفتها وحالتها سئآآت اكثر وأكثر.. مو عارفة تتحرك ..
مسكت الجوال ودقت على أمها .. أمها ماردت عليهآ
وحاولت تدق على أحدى أخوانها ..
لجين بصوت يعور القلب : آآه ياربي .. بموووت.. ماني قادرة اتحمل ياربي رجيتك تساعدني..
حاولت تدق على بدر اكثر مرة ..ومارد الا بالمرة الراابعه ...
بدر : الو ..
لجين بصوتها المبحوح من التعب : بدر تكفى الحق علي .. بمووت ..
بدر بانفعال : شنوو .؟... خلاص خلاص انا جاي الحين ..
بدر وصل البيت وفتح الباب وعلى طول ركض لغرفة اخته وشآآفهآآ العرق يتصبب منها وحالتها يرثى عليها من التعب .. خذهآ وحملها بين يدينه وودآها عالمستشفى على طول بعد ماغطآها بشرشف.. وخذ عبايتها وغطآها وحطهم بسيارة
((بدر رغم عصبيته وجدي مع اخته واخوه الا ان حنون ويحبهم تاخذه الغيره عليهم))
بالمستشفى بدر نزل اخته من السيارة ودخلها الطوارئ على طول وجاء لعندها الدكتور وسووى الازم .. وحس الدكتور انو حالها تحسن .. طلع الدكتور وبدر ينتظره برآآ
بدر بخوف: بشر دكتور ..طمني..
الدكتور: انت تقرب لها ..؟
بدر : انا اخوهآ
الدكتور: ممكن تجي معي ..
بدر ويحس جوارحه انشلت خايف انو فيها شي كايد: طيب طيب.
الدكتور: أخ بدر انت قلت لي انك اخوها وهالشي سهل علي الامر انو افاتحك واقولك اختك تعاني من شنو ..
بدر : ايه دكتور كمل ..
الدكتور : يابدر اختك مو بس تعاني من انفلونزا وبس .,.
بدر عقد حواجبه : ............
الدكتور: اختك بعد التحاليل الي عملناها لها اكتشفنا ان فيها سكر .. يمكن صعبه عليهآآ وهي لساتها بعمر الزهور بس الحمدلله.. على كل حال هذا الي اقدر اقوله لك..
بدر منصدم وبزفره : آآيه تسلم دكتور ماقصرت .. زين جات على السكر ولا الاعظم منه ..طيب يادكتور المطلوب؟
الدكتور : راح اكتب لك على ابر راح تستخدمهآآ اختك عشان تحافظ على نسبة الانسولين عندها ..
بدر باستغراب : ابر..؟
الدكتور : للأسف حالتها تستدعي الأبر .. والسكر ترى نازل عندها الحين بس عطيتها انسولين ..
بدر بتنهيده : لاحول الله
الدكتور : اذكر الله يابدر .. وان شاء الله خير ..
بدر وايدينه على راسه ومنحي راسه : والنعم بالله ..
بدر راح لأخته بعد ماجاب عبايتها وغطآها من السيارة خذ أخته وطلعوا من المستشفى وجالس يفكر في حآلها وساعه يناظرها وساعه يناظر للطريق ولجين مآكلة هواء من التعب .. نامت بطريق لحد ماوصلوا البيت بدر ماحب يصحيهآ شالها بين يدينه لغرفتهآ .. وبعدهآ راح غرفته وعقله يودي ويجيب من التفكير ... وبعدها نااااام .
وصــــــــــــــــــآرت الساعه 2 ونص بالليل .. وسارة مازالت بغرفة فارس وهي تجهش ببكائها وفارس مارد ولا كلمة على كلامها بس يحاول يهديهآ عشآن يقدر يتناقش معاها.. ويضبط الوضع ..
فارس بحنيه : سارة خلاص .. أهدي عشآن اعرف اتناقش معاك ..كذا ماعرف اتكلم معاك انتي شليتي تفكيري بدموعك..دموعك غاليه علي..
سارة تبكي وتشهق ببكائها : ماقدر يافارس انا سنيتن وعاهدت نفسي ان ماحد يدري الا ربي .. بس مدري اشلون تجرأت وقلت لك واخاف تفهمني شي ثاني برغم ثقتي يفهمك لي وثقتك فيني ..
فارس وهو يمسح على شعرها : ياسارة ياحبيبتي والله مافهمتك غلط انتي اهدي وتركي الصياح الحين عشان نتكلم بهدوء..
سارة مسحت دموعهآ وهدت .. فارس :هآ خلاص اقدر اتكلم الحين ..
سارة بصوت مبحوح : ايه ..
فارس : انا ماستغربت كنت حآس بس كنت انتظر تجين بنفسك تخبريني ..
سارة رفعت راسها باستغراب وتناظر فارس : من متى حـــــــــــــــــاس بهالشي .؟!!
فارس ببتسامة : لاتخافين من يوم أمس اكون عندك بالغرفة .. وتصرفاتك وتعابير وجهك كل ماجبت طاري علي اثبتت لي هالشي ..
سارة : ...................
فارس بسلوب استفهام : طيب ..؟!
سارة : شنو طيب ..؟!
فارس : انتي قلتي لي تحبينه ..
سارة :...............
فارس :سارة بكون واضح معاك وصريح .. بالعكس علي رجل ويعتمد عليه والنعم فيه وحبك له مو غلط ..بالعكس حب طاهر خاصة انك ماخبرتي احد ومايعلم به الا الله سبحانه وتعالى .. بس .......
سارة وعقدت حواجبهآ : ايه ... بس .. وشو .؟!
فارس : مابغاك تأملين نفسك وبنهاية مايصير من نصيبك .. صدمة ياسارة تفهمين شلون صدمة ..!!
سارة ودموعها مجمعه بعيونهآ : طيب قولي شنو اسوي .؟
فارس : انسي انك بيوم حبيتيه ..
سارة شهقت : أنســــــــــــــــــــــــــــــــــى..!... بعد هالايام الطويلة الي مرت تقولي انسي ..!
فارس : طيب بسئلك ..
سارة بصوت مرتفع اشوي : اسئل ..
فارس : شنو الي خلاك تحبينه ..!
سارة وقلبها يدق : مدري .. حسيته ينحب .. يعتمد عليه.. رجولته .. تعامله..غيرته على خواته وحنيته .. شكله ..اخلاقه ..مدري احسه ينحب ..
فارس وهو هآيم بحركآت اخته وتعابير وجهه وهي تجاوبه : .............
سارة بخوف : أنا غلطت بكلامي ..
فارس تو ينتبه : هآآ ...لالا .. بس انا بحآول اسلك وضعك .. واشوف .. اذا حسيت ان بباله أحد اوشي ..اوبالأحرى بجش نبضه..
سارة :لالا .. خلى هو يحس ..
فارس:اشلون يحس وهو مايدري عنك او عن حبك .؟
سارة :انت قلتها ..بس يمكن الله يجمع بينآآ مو شرط يدري عني ولا عن مشاعري..
فارس : لاتفهميني غلط انا بجس نبضه اوبفآآتحه بموضوع خطبة او شي بشوف منو حآب يرتبط فيهآ ..
ساره :اوكي .. انت ابصر بمصلحتي وابصر به .. طيب سووري ازعجتك
فارس : هآآ ...بدينآآ بالهبال اشدعوة قلت لك انا لك بأي وقت تبيني ..
سارة بتسامة : تسلم يالغالي من دونك اضيع انا .. تصبح على خير ..
فارس ابتسم لها:تلاقين خير ..ونامي ولاتفكرين باي حآجة ..
سارة: خير ان شاء الله ..
بعد مرور شهر...
سامي بالمكتب الا ويدخل عليه شخص غريب حنطي ولابس شماغ وعريض وطويل وعرضه مناسب على طوله .. وأسمه ((ابراهيم))
ابراهيم : السلام عليكم ..
سامي مشغول بأوراقه :وعليكم السـ........ ويرفع راسه ومايكمل ويناظر له بنظرة غريبه من الصدمة..
ابراهيم : والله وتغيرت يااستاذ سامي ..
سامي ووقف ومثبت ايدينه على الطاولة : أنــــــــــت .!
ابراهيم جلس على الكرسي وحط رجل على رجل : ليه .. مستغرب .؟
سامي بعصبيه يرص على اسنانه: شلي ذكرك فينآآ ..
ابراهيم بتريقه : أفآآ .. أنت ولد أخوي ولا مالي حق اسئل عنكم ..موانت واختك فاطمة اعيال اخوي الوحيد ..
سامي ودار ظهره على عمه وتكتف : انا ماعندي عم .. ابوي انولد وحيد من غير اخو ولا اخت ..
ابراهيم باستهزاء : الله الله الله .. انا ازعل ياولد اخوي من هالكلام.. الا ماتزوجت ..
سامي ويحس ان الدنيا ضاقت بحآله ويحس روحه مخنوقة ومكبوته .. : لوسمحت مكتبي يتعذرك ..
ابراهيم ببتسامة خبيثة : ههه ..انا طآلع بس حبيت اقولك صدمتني يوم ادق واخذ عنوان مكتبك .. ولاتذكرت صوتي ..حزت بخاطري صراحة ..
سامي انصدم ماتوقع يكون عمه ونسى الموضوع لان مضآ عليه شهر..
سامي بعصبيه : برة لو سمحت ..
ابراهيم باستهزاء : اعصابك اعصابك انت محامي مو زينة لك العصبية .. ينشل تفكيرك بعدين .. انا طالع بس الايام بينآآ .. ولازم اسوي الي ببالي .. مع السلامة..
سامي جلس وهو منهار على مكتبه استغرب اشلون بعد هاالسنين الي هجرهم عمهم فيها يطلع له من جديد.. ويحس من نبرات صوته واستهزائته بتهديد وكأن راح يرمي على راسه مصيبه هو بغنى عنها ..
سامي بينه وبين نفسه : الله يكون بعوني ويفكني من شره .. ماعلى طلته وله ..
بدر : يمة .. اخذت لجين ابرة السكر ..
ام بدر : ايه لانها مساعه شفتها بيدهآ ..
بدر: انتبهي لها .. واذا احتاجت شي خبريني .. واذا حست بشي قولي لي عشان نراجع الدكتور ..
بوبدر : هالله هالله في اختك يابدر ماوصيك ..
بدر: ولو يبه توصيني على عرضي ..
ام بدر بفرحة : الله يخليك ياولدي وافرح في فيك
بدر يبوس يد أمه : تسلمين يالغاليه .. عسآني ماخلا منك ..
في بريطآآنيآآ في االطائرة حيث يتواجد بها عدد من الركآب ومن بينهم تركـــــــــي ..
الكل رربط الأحزمة بما ان الطيارة راح تقلع من بريطانيا للخليج ..
تركي وهو بطيارة بينه وبين نفسه : ياترى راح يتفجئون اهلي بجيتي ولا متوقعين ان انا راح اجي خليني وصل على خير ان شاء الله واقول لعلي يجيني المطار..
الي بجنب تركي اسمه طلال مو معاه احد ومن كثر ماهو طفشآن تكلم مع تركي ..
طلال : السلام عليكم..
تركي: وعليكم السلام والرحمة ..
طلال : دراسة ولا سياحة ..
تركي ببتسامة :والله دراسة وخلصت .. الحمدلله وراجع لاهلي ..
طلال : يالله حظك ياخوي انا باقي علي سنتين ..
تركي : الله .. الله يعينك والله.. الا كم عمرك انت .؟
طلال : 26
تركي : يعني فرق بيني وبينك سنة انا 27
طلال ببتسامة : شي طييب..
وضلوا طلال وتركي يتكلمون ويسولفون لحد ماوصلت الطيارة المطار وكل واحد منهم نزل وسلم على الثاني وتبادلوا الارقام ..بين بعض ..
طلال : عاد خلنا نشووفك ..
تركي : ان شاء الله ..
طلال : يالله مع السلامة ..تشرفت بمعرفتك ..
تركي :وانا اكثر .. يالله سلااام >>>هو واخوه ماعندهم غير سلااام هههه
تركي مسك جواله ودق على اخوه استغرب علي هذا رقم اخوه تركي شريحة سعودية ..
تركي مبتسم : اهلين بالأخو بالعضيد بلي يسئل ..
علي منحرج من أخوه ومستغرب من الرقم : قبل كل شي اعترف اني قاطع بس انت بالسعودية ولا شسالفة .؟؟
تركي : تعال اخذني من المطار اصرف لك ..
علي بفرحة :بذمتـــــــــــــــــك .؟
تركي : بذمتي وبصلاتي .. بعد
علي : اشوي وانا عندك
تركي : بس هآآ مابي احد يعرف.. بفجائهم ..
علي : تآآمر .. سلااام
تركي ابتسم : سلااام
بالمطــــــآر علي يدور على تركي ويدق عليه : يامعود وينك ادورك مالقيتك..؟
تركي بخبث وهو يمشي وراء علي من بعيد لبعيد من غير لايحس : وانا ماشفتك..
علي : شوف انا بنتظرك برة المطار اجل..
تركي ويتصنع نبرة الحزن :افآآ ياخوي الحين سنة بعيد عنك وتعاملني كذآ وهذا انا اخوك الكبير ..
علي متأثر بأخوه : لا والله موقصدي بس المطار زحمة وانا مالقيتك .. وعلي مايحس الا يد تمسكه من وراه وتفره لقدام الا ويتفجآآ ويشوف ان اخوه لاشعوريا طاح الجوال من يده وحضن اخوه بشوق ولهفه وحنين ..
وظل حاااضنه بين الملا وهالناس .. وكل واحد منهم يعبر عن شوقه لثاني ..
علي وهو حاضن اخوه ومغمض عيونه : آآه ياتركي والله البيت من دونك ظلام ..
تركي متأثر : البركه بالوالد ياخوي ..بس ابجد ابجد مشتاق لكم .. الغربة صعبة ياخوي ..
علي وبعد عن تركي لكن ماسكة من يدينه بخبث : والله وحلوويت ..اعترف شنو مسوي ..؟
تركي ببتسامة : اقول بلا لعاانه ولاتفهم شي ثاني انا مو مسوي شي . بس يمكن الغربة تخلي الواحد يحلو هههههه
علي :أأؤما عاد تحلي الواحد قووية ياخوي ..
تركي : اقول بلا هرج وكلام فاضي يالله ابي اروح البيت مشتاق لابوي اروى وحور ..
علي :يالله يالله مشينآ
تركي وعلي بسيارة ويسلفون وعلي يعلم تركي عن اخباره والمستشفى وعن آروى وابوه وحور وضلوا يسولفون لحد ماوصلوا عند البيت .. نزلوا علي وتركي وبيدخلون .. بس علي مارضآ لتركي يدخل خلاه ينتظر بالحديقة عشآن يفاجئهم عدل..علي اتصل على حور وقالها تعالي تعشي عندنا اليلة والف عليها قصة كذب بكذب بس عشان يخليها تجي وتحضر معاهم هالحظات الحلوة ..حور وصلت ودخلت على طول وجلست تسولف معاها ومع آروى تركي طفش وهو ينتظر برى لان باقي الوالد يجي وتتم المفجائة تركي دق على علي
تركي متنرفز : يرحم أمك علي ماصارت ..
علي يسوي روحه يكلم احد زملائه بالمستشفى : أقولك ماقدر اطلع لان الحين 5 دقايق بالكثير والوالد يجي البيت فــ ماقدر اطلع ..
حور وتمسح على شعر اختها : الا شخبارك مع الدراسه ..؟
آروى مبتسمه: تمام الحمدلله .. عآل العآآل..
تركي : شووف 5 دقايق بالكثير وبدخل جا الوالد ولا ماجآآ تصرقعت بالبرد برآآ .. لآآ ووراء الحديقة بعد كأني حرامي
علي : دقيقه اشووي..وطلع برى بالحديقة وكلمه على اساس تركي ..:تركي يرحم أهلك يعني الحين ناوي تفضحني يم خواتك انطر ابوي اشووي ويطلع منن الشركة
تركي رافع حآجبه : بشوف آخرتها وياك والله مو سوربرايز هذآ ..زواج وانا ماعندي خبر..
علي بعجل : يالله جا الوالد .. علي سكر من تركي .. : هلا وغلا بالوالد ..وباس راسه
عبد العزيز : شعندك برى برد ادخل داخل
علي بينه وبين نفسه : والله اشلون حآل تركي المسكين من نص ساعه وهو برى ..
عبدالعزيز وهو يناظر علي : علي معاي انت .؟
علي بصوت متقطع : هآآ ..ايه ايه وياك يالله ندخل
دخلوا وجلسوا يسولفون البنات مع ابوهم بعد ماباسوا راس ابوهم طبعا ..
طبعا علي نغم على تركي اشارة له ان يدخل .. تركي فتح الباب بشويش عشان لاحد يحس
واسمعوا صوت كأن احد يمشي والتفتوا لعند الباب وشافوا تركي والكل قام من مكانه وحضنوا تركي وباسوه ويعبرون له عن شوقهم له .. وآروى الي حضنت اخوهآ ولاناوية تتركه وهي تعبر له عن مدى غربتهآآ وتبكي وتقوله : انا الي بالغربة بعدك ياتركي مو انت..
تركي بينه وبينهآ : آششش هدي لايسمعك الوالد ويحط بخاطره .. وبعدهآ عنه ومسح دموعهآ ولف يده على كتفهآ وجلسهآ جنبه ..
علي ببتسامة وغمز وهز راسه على جنب : هآآ اشرايكم بسوربرايز ..؟
آروى والفرحة باينه على وجههآآ : أحلى سوربرايز شفته بحياتي ..
حور : ابصراحه ماتوقعت ابد .. وبعدين ليه ماتعطينآ خبر انك راح تجي .؟
تركي :والله علي استغرب يوم دقيت وقلت له ان انا بالمطار .. استغرب بقوة مسكين ..
عبدالعزيز : يالله اهم شي وصلت لنا سالم .. وان شاء الله آخر غيبة ولابعدهآ غيبة..
تركي : تسلم يالغالي .. اكيد آخر غيبة ماصدقت اخلص دراسة واجيب الشهادة .. والغربة صعبة يايبه ذقت الويل .
علي : أفآآآ تذوق الويل وانا اخوك .. يخسى الويل ياخوي ..
تركي : الويل من فرااقكم ..
الكل فرح برجعة تركي وقاموا ياخذون ويعطون مع تركي بالحكي والسوالف وكل واحد يخبر تركي باشياء صارت اثناء غيابه وتركي حآس براحه كبيرة .. وهو بين ابوه وخواته واخوه يحس براحه مامثلها رااحه ..
وتعشوا وخلصوا عشآآ وجلسوا يتقهوون ..
حور : والله ياخوي تستاهل حفله كبيرة بعودتك لنا..
عبد العزيز : أكيد مايبي لها كلام ..
وضلوا يسولفون لحد ماقال تركي انه بينام .. وطبعا حور راح تمشي على بيت عمهآ محمد ولملمت عبياتها وشيلتهآ وشنطتها بس فقدت جوالها .. دورت عليه مالقته وقالت لاخوها علي يدق عليه عشآن تلقاه
واثناء ماهي تدور سمعته بالمطبخ اثاريها نسته بالمطبخ وانصدمت يوم شافت مسجات ومكالمات
10 مكالمات من يوسف تعب وهو يدق عليهآ ومسجين من يوسف المسج الأول ( حور والي يرحم والديك ردي تعبت وانا ادق اربع مرات وانا ادق وانتي مو معطتني أي غايه)
المسج الثاني ( يصير خير ياحور10 مرات الي ادق ولامعبرتني .. يعني جوالك حاطته ديكور .. بس اشوفك ويصير خيير..!!)) كعادة يوسف يتسرع بأحكامة من دون لايفكر ..>>العصبية وماتسوي ..الله يعينك ياحور
طبعا دقت حور على يوسف لكن مايرد .. ماحبت تصر على ان يرد..
حور بزفره بينها وبين نفسهآ : آآه آآه آآه من عصبيتك يايوسف هذا انت مثل ماانت تتسرع بأحكامك .. ماتفكر تقول يمكن نست جوالها او مو جنبها الله يعيني على عصبيتك الحين ..
علي يخرع حور : هوووووو ..
حور انتفضت : بسم الله .. الله يهداك ياعلي .. هذا وقتك..
علي : اكيد لا مو وقتي وقت يوسف هالحزة ..
حور ابتسمت لاشعوريا : سخيـــــــــــف,..
علي : ههههههههه اشفيك سرحآآنه ..
حور :لا ولا شي بس ممكن توديني بيت عمي ..؟
علي : اوكي انتظرك بسيارة ..
حور : يعطيك العافيه ماتقصر ..
علي : ولو .. احنا لبعض ..يالله بانتظارك .
حور ركبت السيارة ووصلها علي على بيت عمها ..
حور :يعطيك العافيه ..تعبتك معاي ..
علي : قلت لك انتي اختي وانا ملزوم فيك انا ماسويت شي .. سلمي على يوسف ..
حور : يالله مع السلامة ..
علي : سلاااااام ..
دخلت حور عالبيت والساعه 10 ونص وشافت خالتها جالسة بصاله ونور ونوار وعبدالله وسلمت عليهم وخبرتهم بأن تركي جاء من بريطانيا وفرحوا وتحمدوا لها بسلامة اخوهآ وعلمتهم على كل شي طبعا باختصار لانها راح تصعد ليوسف ماتبيه يعصب اكثر مما هو معصب .. صعدت حور شآفت حطت المفتاح بالباب بس شافته مفتوح مو مقفل .. ودخلت وشالت شيلتها من على راسهآ .. وشافت يوسف جالس بصآآله على الكنبه ومنزل راسه وحآط ايدينه فوق راسه وكان لابس بيجامته طبعا مارفع راسه برغم انتبه بخطوات تتقرب لعند الصاله ..
حور بصوت متقطع وبخوف : يو...يوسف ..
يوسف مارد عليهآ .. وطبعا هي خايفة من ردة فعله والي يخوفها اكثر ان هو مارد عليها عرفت ان بتصير لها كارثة الليلة من وراء الي صار انها ماردت على الجوال برغم ماكان قصدهآ .. عم الهدوء بينهم .. لدقااايق ..
بعدها حور راحت لعنده ونزلت لمستواه ومسكته من ذراعه : يوسف حبيبي ..والله ماكان قصدي .. بس الجوال مـ ........
قاطعها يوسف ماخلاها تكمل وتبرر موقفهآ وهو مثل ماهو على وضع جلسته : انتي عندك أحساس .. !!>>ياالله يايوسف ضربت على الوتر الحساس خصوصا ان حور حســـــــــــــــــــآسه ..
حور دمعت عيونها على طول وهو طبعا مارفع راسه وضعه مثل ماهو عليه ..
وكمل تجريح : جاوبيني عندك احساس .. تحسين بالمسؤليه.. ؟؟!!
حور بدون ماتتكلم صاحت وهي تشاهق .. ويوسف مو معطيها أي اهمية
يوسف : ماجاوبتيني ..؟!
حور بصوت مبحوح ومنخفض : قلت لك يايوسف والله مو قصدي بس نسيت جوالي بالمطبخ ولا حسيت اني فاقدته الا يوم بمشي ودقيت عليك ومارديت .. انا شنو بيدي .. ياخي تكفى ارحمني .. انا انجرح من اسلوبك يارجل اموت قهر حس فيني ..
يوسف :...................
حور برجآ : تكفى قول أي شي بس لاتسكت ..
يوسف بحرقة اعصاب من داخل بس مو مبين لحور رفع راسه وناظرهآ : ممكن انام .. !
حور باستغراب حنت راسها على جنب ودموعهآ على خدهآ وشالت يدها من على ذراع يوسف : ................!!
يوسف : لاتناظريني كذآ ..انا بنآم بصاله وانتي نامي وين ماتحبين ..
قام يوسف وراح لغرفة النوم خذ له ديباج ومخده .. ونسدح عالكنب ولا معبر أي تعبير لوجود حور ..
حور بقهر وبدموع وبقلب مكسور قامت على طول لغرفة النوم وبدلت ونسدحت على سريرهآ وهي تفكر بقهر وتذكرت الحنية الي كانت تحصلها من امها .. حتى لو كانت هي غلطانة وي امها الا ان امها تروح لها لغرفتها وترااضيها قبل لاتتزوج .. انفجرت حور من البكآ ونامت وهي مقهورة ..
نور تثاوب : يالله عن اذنكم بنآآم تعبآنه حدي ..
ام يوسف : اذنك معآك وبكرآ اصحي مبكر لدوامك يمكن انشغل وانسى اصحيك ..
نور : لا ان شاء الله بصحى قبل بوقت .. لان بكرآ دوامي 10 ونص
عبدالله بنرفزة : ؤؤمآآ عاد ..!
نور وهي تهز راسهآ : اشفيك قلت شي غلط ..؟
عبدالله : لا بس حطي ببالك بكرآ خلي احد يوديك لان بكرى مشغول حدي ..
ام يوسف : منو بيوديهآ يعني وبعدين اختك اولى من هالشغل ..
عبدالله يوقف ويحط ايدينه على خصره ويهز راسه : يمة والي يرحم والديك قلت انا مشغول شدخل اختي وأولى ومدري وشو ..
نوار : خلاص هدوووا خلي آروى تمر عليك ..
نور : صح جبتيهآ .. خليني ارسل لها رسالة ..
عبدالله بيطلع من البيت الا تتكلم ام يوسف بعصبيه : على وين ان شاء الله .؟
عبدالله ماسك الباب ومعطي امه ظهره : نواف يبيني ضروري .. فــ بروح اشووفه شنو يبي ولا شنو فايدة الربع اذا ماوقفوا مع بعض ..
ام يوسف : حق المشاكل ربع .. هآآ .! بس ان سئلني ابوك راح اقوله ماراح اخبي عنه خبيت عنه مرة مرتين مو كل مرة
عبدالله يطلع من البيت بدون مايرد على امه أي كلمة ..
نوار بببرائه : يمة ..!
ام يوسف : نعم ..
نوار : بكرآ انا اووف ماعندي جامعة ..اشرايك الصبح نطلع الممشى..
ام يوسف: والله فاضية يابنتي .. خليها وقت الثاني..
نور :ههههههههههههه افحموهــــــــآ ..
نوار : سلامات انتي .. ليه تحشرين نفسك ..
نور وترفع يدهآ وبدلع : اقول سيآآ بنــــــــــآم .. واذا دخلتي الغرفة لاتسوين لي ضجة ..
نوار باستهزاء : ان شـــــــــــــــــاء الله عمتي .. انتي تأمرين كم عمة عندي ..
نور تستهبل : يآآي ماقدر احرجتيني ياعوومري ..
نوار ترمي عليها الخدادية : ضفــــــــــي يادبة ..
نور : مالت اقول ..
وضلت نوار تسوولف مع امها لحد ماصعدت غرفتها وقامت نوار وصعدت بعد ماتفرجت على التلفزيون ..
الكل نآآم عدا عبدالله الي مارجع البيت الا وجه الفجر ..
صحى يوسف من النوم وصلى الفجر .. وضل يناظر حور واحتار يراضيها ويضمد الجرح الي تسبب في نزفه بقلبها ولا يرجع يكمل نومه ولا يطلع .. احتار بين اشياء كثيرة في نفسه .. آخر شي قرر ان ينزل تحت ويجلس بصاله بدون مايتكلم او يسوي أي شي تجاه حور .. نزل يوسف بصاله ومانتبه بـ عبدالله الا ساعة صعدته الدرج قام من على الكنبه ونادى بصوت عالي: مين ..؟
عبدالله تراجع اشووي ونزل وطل على اخوه من الدرج: أنـآ..
يوسف تكتف ونحى راسه جهة كتفه : ماعندك اليوم جامعة الى الآن مانمت.؟
عبدالله نزل من الدرج ووقف مقابل اخوه وتكتف اهو الثاني وكآن يتحدى اخوه : الا عندي بس ماني بحآآضر ولا محاضره ..
يوسف رفع حاجبه : انت متى بتكبر .. متى بتعقل ..؟
عبدالله باستهزاء : لما اصير كبرك..
يوسف تنرفز ووصل حده من اخوه ومسكه من تي شرته وقربه منه : انت تتحداني ولا تستفزني ولا شنو.؟
عبدالله مغمض عيونه ورفع راسه فوق ومن بين اسنانه : اقول تركني انا مو رايق لحركاتك ولا لعصبيتك..
يوسف بعصبيه وعقد حواجبه: شنـــــــــــو..؟
عبدالله بصوت مرتفع وفلت روحه من اخوه : يرحم أأمك اتركني .. ماعاد اتحمل من يومي صغير بتدخل في طلعاتي ودخلاتي ولبسي وربعي ومنو اماشي ومدري شنو .. مللتني طفشتني عيشتي ..صرت اكره اجلس البيت الي انت فيه خلا.....
يوسف تنرفز وقاطع عبدالله بحركته لفه لقدام وخلاه مقابله وعطآه كف ..
عبدالله انصدم وتنرفز ..كل شي فيه عبدالله الا انو يمد يده على اخوانه او خواته حط يده على خده وتحسس من خده وهو يلامسه ويناضر يوسف بكره .. الا وبنزلة بويوسف وأم يوسف ..
عبدالله ودموعه مجمعه فيها الدموع : أنت أحقر انسان شفته بحيآتي .. يوسف مارد عليه مقدر موقفه >>اقصد الكف المحترم الي عطآه اخوه
ام يوسف بويوسف بصدمة : خير شصاير ..
بويوسف بعصبية وبحده : شنو صاير تكلم انت وياه ..؟
عبدالله يناظر ابوه وعيونه بتدمع : اسئل ولدك ..اسئل الكبير .. اسئل المحترم
يوسف رفع يده مرة ثانيه من حرقة الكلام الي نرفزه الا ويمسكها عبدالله وييرمييها على تحت ورفع صبعه السبابه بوجه اخوه : سكت لك كثير ..لهنآآ وبس..دام ابوي عايش مالك أي حق علي .. وطلع عبدالله على غرفته وغفلها ..
بويوسف ويهز راسه من الي شافه وبصوت مرتفع : والنعم بعيالي والنعم فيكم وفي تربيتكم والله مو هذا العشم فيكم ,.. لالا بيضتوا راسي ورفعتوه ..
الا وبنزلة سارة .. واستغربت من كلام ابوها : ياترى شصاير وخلى ابوي يقول هالكلام ..
يوسف منحرج من موقفه قدام ابوه : يبه تآمر شي انا بروح لجناحي ..
بويوسف يستهزاء : لا مشكور ماقصرت كفيت ووفيت ..
أم يوسف مقهورة من حآل اعيالها ماتوقعت توصل بين اعيالها كذا ..
يوسف بقهر وبحرقة بقلبه باستهزاء : مشكور يايبه انت بعد كلامك يشرح الصدر ماقصرت ..
سارة مسكت كتف امها الي جالسة مقهورة : يمة فيه شي .؟
ام يوسف : لا يمه لاتهمين حالك .. روحي فطري عشان جامعتك ..
سارة : لا يمة مايهون علي اروح الجامعه وانتي بهالحال ..؟
ام يوسف : آآه يايمة شقولك .. اخوانك وصلت بينهم للضرب ..
سارة شهقت : ضرب ..؟؟؟؟
ام يوسف : مو ضرب يعني .. يوسف ضرب عبدالله ..
سارة بينها وبين نفسهآ : وهذا انت يايوسف ماتغيرت من يوم كنآ صغار تحب تفرض شخصيتك على الي اصغر منك .. ولأمها وهي ماسكته من كتفها وحطت راسها على كتفهآ: ..يمة لاتهمين حالك ولاراح افطر الا وانتي معاي ..
ام يوسف ببتسامه : ان شاء الله..
سارة راحت جنب ابوهآ : يبه قوم افطر معاي ..
بويوسف ببتسامة مصطنعه: لا لا يابوك روحي انتي فطري انا مو مشتهي ..
سارة : واذا قلت لك مافطر الا وانت معي انت وامي ..؟
بويوسف وحضن بنته سارة :الله يرضآ عليك ياسارة .. ويبلغني فيك .. سارة ابتسمت وهي بحضن ابوها وبنفسها تقول : الله يخليك يايبة وجعل يومي قبل يومك .. عشان لانصيرتحت سيطرة يوسف ..
وقاموا وفطروا وببيت شريفة .. أريام تجهز حالها للجامعه لبست ملابسها وتجهزت وانزلت لامها وباست راسها
وفطرت وي امها وبعدها طلعت للجامعه ..
وعالساعه 10 ونص راحت نور للجامعة بعد مامرتها آروى .. وجلسوا يسولفون على ماوصلوا الجامعه
ودخلوا الجامعه وراحوا بوجه المرايا وهم يعدلون شعرهم ويعدلون روحهم أثناء مايمشون طلعت بوجه نور وجود ..
وجود ببتسامة: اهليييين
نور : هلآآآآت
وجود :آروى ياهووو وين رحتي
آروى جالسة تدور بشنطتها جوالهآ : هلا هلا معاك .. بس ادور جوالي ..
وجود: نور شصار على الي ذاك اليوم ..؟
نور اعرفت قصد وجود وتحاول ترقع السالفة وهي تغمز لوجود : آيه لا والله ماصار شي بس عادي طيحة وعدت الحمدلله ماصار لي شي ..
آروى مو معاهم كلش لانها تدق بجوالها تبي اريام وماردت عليهآ : ياربي شفيه اريام ماترد ..؟
نور : اكيد عندها محاضرة اليوم هي وسارة نفس المحاضرة الي الساعه 9 ونص
وجود : يالله تعالوا نجلس كل البنات جالسين
نور باستغراب ورفعت حاجبها : منو كل البنات .. احنا كلنا 4 والخامسة اروى ..!!
وجود : نسيتي لجين .؟
نور : ايييييييييه والله نسيت .. لانها من اسبوعين ضلت اسبوع ماتجي الكلية .. ذاك الاسبوع ماتجلس معنا كثير
وراحوا وجلسوا وضلوا يسولفون .. وي بعض لحد ماجا وقت محاضرتهم ..
اثناء ماهم يمشون شافوا سارة سلموا عليها .. ونور تعدل شعر اختها سارة
سارة : نوير خلي شعر ..
نور ببراائه : أفآآآ هذا جزااني اعدله لك
سارة بدلع : ميرسي .. يالله سيآآ انا طالعه وانتوا عندكم محاضرات هههآآي
البنات : حظـــــــــــــــك..
لجين لآروى : الا الحمدلله على سلامة تركي..
آروى الله يسلمك ..
ونور : صج الحمدلله على سلامته تونا درينا من حور البارح ..
سارة عقدت حواجبها باستغراب : شنو ..؟
آروى بصوتها الناعم : تركي البارح سوى لنا سوربرايز ودخل علينا طبعا كل من خطط مسيو علي
سارة اسم علي يحرك مشاعرها بشكل : آآآه الحمدلله على سلامته .. وزين الي رجع خلاص مافي غيبه بعدهآ
آروى ونحت راسها جهة كتفهآ بدلع :أفكوورس ..
سارة ابتسمت وكآنهآ تناظر لعلي لان آروى تشابه علي : يالله سيآآ انا بطلع
ودخلوآ الكلاس .. ووجود بلا شك جلست جنب نور عشآن تسولف معآها ولان نور اقرب واحدة لها من القرووب..
وجود بلهفة : تكفين لاتقولين لسآتك ماسويتي شي بموضوعي ..!
نور : للأسف ايه .. انتي صبري علي .. الاقي الوقت المناسب واعطيك خبر البارح كان متنرفز اشوي ولاكان له خلق ..
وجود بتنهيده : آآآآآه نشووف احنا آخرتهآآ .. وبتحذير لنور : بس هآ لاتجيبين طاري لي .!
نوربثقة : افآ عليك ..اعتمدي
ودخلت الدكتورة وبدت المحاضرة وجلسوا يتابعون معهآ .. ويستجوبون مع المحاضرة ..
الساعه 2 ونص ببيت مريم ..
ناصر : هآ .. لجين بعدها بالجامعه .؟
مريم: لا بطريق توني داقه عليها ..
خالد توى جاي من الجامعه : اهلين..
مريم وناصر : اهلين..
مريم بخوف : اختك مو معاك..؟
خالد: الا دقت علي بس انا حولتها على بدر .. ماكان لي خلق انتظرها ربع ساعه على ماتخلص..
مريم باطمئنان: زين طمنتني .. لاني فكرتها معاك..
خالد بخبث ويغمز: الله .. لوانا كآن عادي صح ام بدوور ..؟ ايه ياخلوود لك الله ..
ناصر يضحك على ولده : والله أنت ياشينك بس الي محليك مزحك ..
خالد يسوي روحه مسكين : آفآآآآآآآآآ .. ماهقيتها منك يانصوور
ناصر بحدة : انهبلت أنت .. التزم حدودك بمزحك ..
مريم كاتمة ضحكتها : عيب عليك
خالد فهم حركة أمه قام وباس راس ابوه : والله يايبه امزح انت الغالي مانقدر على زعلك ..
بدر ولجين : اهلييييين ..
الكل : هلا
بدر ويحك عيونه بيده : يمه بصعد انام .. صحيني المغرب.. اوقبل المغرب بربع ساعه ..
مريم: ماتبي غداء ..
بدر : لا سلامتك اذا صحيت ااكل لي أي شي .. لجين لاتنسين موعد ابرتك بعد الغداء ..
لجين ببتسامة واول مرة تحس بهتمام وحب اخوها بدر لها : ان شاء الله ..
خالد: ياخي جوعآآن .. بتغدونآ ولا ننآآم
الكل :ههههههههههه ..
بدر: ابد يموت عالأكل ومع ذلك مو مبين عليه ..
لجين : يالله ببدل انا
مريم: نزلي على طول عشان تتغدين
لجين ان شاء الله ..
ببيت محمد سارة بغرفة نور ونوار .. وجالسين يسوولفون ويحكون ويلعبون بالورق يرسمون ورد وغارب ومدري شنو .. الا ويدخل عليهم فارس : هوووووووووو ..
البنات كلهم : آآآآآآآآآآآآه ..
فارس يضحك : لهدرجة ارعبتكم .؟
نور ونوار : مزحك كل ترعيب ...
سارة : مزحك عسل ..
فارس : تعلموا اللباقة من سارة ... جلس فارس معهم .. وجلسوا يسلفون وي بعض .. الا رن جوال نور وشافت اسم وجود .. بينها وبين نفسهآ : يؤؤ وقتك ياوجود الحين ..!
واستئذنت منهم انها راح تكلم جوال .. وردت عليهآ : آلوو
وجود بنرفزة : سنة على ماتردين ..
نور : والله بكلمه اليوم خلاص مخططه انآ شنو راح اسوي ..
وجود : بليييييييز حبيبتي خبريني على طول
نور : ان شاء الله ..
وجود: سي يوو
نور : سي يوهآآت ..
ورجعت نور لغرفتهآ وكملت سوالف معاهم ..
فارس بحمآس وشبك ايدينه : اقولكم شي ..؟
سارة ونور ونوار متحمسين : نسممعك...
فارس: الليلة عندكم شي ..؟
سارة: انا عن نفسي لا ماعندي شي والليلة الخميس اساسا
نورفكرت بموضوع وجود ووعدتها اليوم تخلص موضوعها بس بنفسها ..لالا خلاص قبل المغرب اخلص عليه ان شاء الله ..
نوار : انا بعد ماعندي شي واليوم أووف ونآآآآسه
نور بعد تفكير :آمممممم وانا بعد اضم صوتي لسارة ولنوار..
فارس : خلاص خليكم جاهزين الليلة الساعه 8 ونص ..
سارة ونور ونوار بصوت واحد : ماقلت لنا وين ...؟؟
فارس : راح اعزم بــ اعيال العم والعمة .. بس العمة شريفة واحدة منكم تكلم اريام وتقولها ونمر ناخذها احنا ولا احد من اعيال عمي او عمتي طيب ..؟
سارة بفرحة مو سايعتها انها متأملة بشوفة علي : طيب ماقلت لنا وين ....؟؟
فارس : اووووب نسيت والله .. الراشد .. بس هآآ لاكحل ولا مرطب ولا مدري شنو ولا ترى مافي رووحة ..
سارة تبتسم بخبث : والله ياخوي يعرفون روحهم الي تتكلم عنهم ..
نور ونوار قاموا يرمون المخدات على سارة وسارة ماتت ضحك على هبالهم وفارس ضحك على هبالتهم وقبل لايطلع : صج خبــــــــــال ..
على المغرب .. وبعد الصلاة نور راحت ضربت باب الغرفة ..
عبدالله نفسه بخشمه : مييين ..؟
نور وقلبها يدق وبيطلع من مكانه : آآ ...آأنا.. نور
عبدالله : شبغيتي ..؟
نور : ابغاك بموضوع اذا ممكن .!
عبدالله قام وفتح باب الغرفة وقالها : دخلي ..
ودخلت نور وجلست على الكرسي حق الطاولة الي عليه لاب توب عبدالله
عبدالله : آآمري .. قولي موضوعك ..
نور بأدب ومنزلة راسها : عبدالله انا ابغا استفسر او استجوب معاك بخصوص شي ..
بس لاتعصب تكفى..
عبدالله رخى اعصابه هدوء اخته الي اول مرة يشوفها بهالهدآآوة وخاف من كلامها او ارتبك بمعنى اصح ..
عبدالله وهو منشد للموضوع : طيب قولي .. اسمعك انا
نور بخوف : بس يضل سر بيني وبينك مهما تكون الظروف ..
عبدالله : قسمآ بالله اوعدك ..
نور : اذا جات لك واحدة وقالت لك انها ......
عبدالله ومسك نور من كتفها بهداوة : وشنو كملي ..؟
نور : تحبك ..
عبدالله متعجب من كلامها :.................
نور ببرائه : اشفيك سكتت ..؟
عبدالله : مدري .. شليتي تفكيري.. هو في الاساس في أحد ..
نور ببتسامة :لااااااااا مافي أحد بس انا احس ان واحدة مشاعرها كذا تجاه شخص .. وقلت مافي الا عبود استفسر منه..
عبدالله : منو هالوحدة
نور : والله ماقدر اقولك لاني مو متأكدة ..
عبدالله : انا احترم الخصوصيات تجاه هالموضوع سوى انتي تعرفينها ولا حآسه فيها
نور :طيب ماقلت لي شنو بتقول لها .. او ارسلت لك شخص ووكلته يقولك انها تحبك ..؟
عبدالله بحيرة وهو يفكر : الحين ماعندي أي جواب على موضوعك .. خليني افكر واشووف ..
نور : الله ..يبي لها تفكير..
عبدالله: كل الي اقدر اقوله لك حاليا ان مهما كانت البنت تحبني وانا ماحس باي مشاعر بقلبي لها .. اكييد بتكون زي اختي وبس ..
نور بينها وبين حالها : ويلي على حالك ياوجود..
عبدالله : وين رحتي .؟
نور : افكر بكلامك بس ..
عبدالعزيز بعد ماخبر الكل بعودة تركي من بريطانيا والكل سمع بالخبر وفرحوا لان تركي محبوب عند الكل راح للمطبعه يسوي بطاقات دعوة لحفل تركي للعايلة ولمعارفه بمناسبة رجوعه من بريطانيا .. ويسوي الالتزمات بنفسه بتخطيط منه ومن حور طبعا مايبون تركي يدري يبون يفاجئونه .. وحجز المنتجع وكل شي جهزه .. بس باقي يوزع بطاقات الدعوة للحفله..
جناح حور ويوسف يوسف عالكنبة وحاط رجل على رجل ويطالع التلفزيون وحور جالسة بغرفتها على السرير ومددة رجولها وكانت لابسة بنطلون جينز وبلوزة اكمام وجيب دائرة واااسعه ونحر حور وااضح وفاتحه شعرها وحاطته على جهة واحدة تقرأ بكتاب ..
جوال يوسف يرن استغرب يوسف من هالرقم اول مرة يدق عليه ..
يوسف : نعم ..
المتصل : يوسف محمد ..؟
يوسف : عفوا ..منو معاي ..؟
انتهى البارت الثالث
وانتظروني مع البارت الرابع
