تكفوووووووون ساعدوووووووني

[الــريــان]

السلام عليكم
اخواتي العزيزات
حابه أسافر لــ 0ماليزيا 0
وااول مره اروح شرق آسيا
والصراحه ما اعرف شي فيها
ابي اروح مناطق فيها سوق بتسوق وابي طبيعه اماكن تونس
بس مو عارفه وين حتى بحجز بسفريات عطاني وايد مناطق قلت اسألكم واتوكل واحجز
وانا بهالمنتدى دائما القى المراد تكفون المساعده ثم المساعده

وسؤال اخير ماليزيا السوق غالي فيها ابي اتسوق واشتري هدايا

يعني جم الميزاينه
لــ 3مسافرين

 

[ذهـبـيـة ~]

احنا رحنا ماليزيا قبل جم سنة

الجو استوائي مثل ما انتي عارفة يعني رطوووووبة حر موت لوووول

بس الدولة وااايد حلوة

و الحلو انها دولة اسلامية يعني ما تحاتين الاكل مطاعمهم حلال ماعدا المطاعم الصينية :rerrerek:

بالنسبة للمناطق .. انصحج بكوالالمبور + بينانغ + جنتنغ + الاحصنة الذهبية

كوالالمبور العاصمة كل شي فيهاا مجمعاتهم تهبل مثل مجمع بي بي وتايمز سكوير < فوق ال 12 طابق

هالمجمع كل شي فيه

وروحو حديقة الفراشات هذي تلقين فيها فراشات انواع واشكال يطيرون جدامج

و حديقة الطيور وايد حلوة و روحو الابراج twins tower فيها مجمع كشخة متروس ماركات

و عندج السوق الصيني china town هذي تلقين فيها جناط و ملابس تقليد ماركات بس ديرو بالكم وايد

يبوقون هناك

و عندج حديقة الفواكه وناسة كلها اشجار وخضرة و يودونكم بوفيه فواكه

بينانغ هذي جزيرة عجييييبة

نصيحة حجزو فندق هوليدي ان يكون جبال البحر علطول وناسة جت سكي وبرشوت و هالاشياء

وعندهم سوق يفتح بالليل يكون نفس بسطات اشياء حلوة ورخيصة

وفيه مطعم ناسية اسمه بس معروف هناك سالي عنه عنده اكلات بحرية لذييييذ :rerrerek:

و جنتنغ هذي منطقة باااااااردة حلوة فيها مدينة العاب كبيرة ومجمع

و الاحصنة هذي منطقة فيها فندق غالي وايد ينزلون فيه امراء و ملوك

طبعاً الليلة ب 50 دينار جنه

حلو الفندق فخم حيييييييل يونس و فيه مجمع وايد حلو تروحون له بالتاكسي المائي

عموماً التسوق بماليزيا حلو عندهم الرخيص وعندهم الغالي بس بشكل عام بضاعتهم حلوة

ملابسهم تهبل و جناط اشكال والوان وتكرمين الجواتي عندهم رووعة راح تستانسين على سوالفهم

و موفقين ان شاء الله تستانسون بالسفرة :eh_s(7)::eh_s(7):

 

[المتوحشه]

استغفرالله

 

[الــريــان]

فديتج الذهبيه والله ما قصرتي يالغاليه بميزان اعمالج واشكرج على مرورج
واشكر البقيه على المرور

 

[الــريــان]

بس جم الميزانيه 3 مسافرين

 

[NOoOf 305]

ان شاء الله البنات يفيدونج بدور لي رجعة لموضوعج

 

[أم سيف وسلطان]

اعتقد الميزانية ما تزيد عن 2500دينار ل 12 يوم شامل كل شي

 

[الــريــان]

يعافيج الرحمن مشكوووووووووووره

 

[فراشهf]

حيااااااااااتي بصراحه انا دايما اروح لها وبصراحه اتعامل مع سفريات المستقبل صج روعه وانصحج تروحين لهم
واذا حابه تروحين قروبات نصيحه من اخت روحي مع القايد على الحافظ صراحه منظم رحلاتنا وعجييييييييب

واذا حابه تروحين بروحج ...
انصحج تحجزين فنادقج وطيران الداخلي من الكويت من سفريات المستقبل
والاماكن الحلوه جنتنق ضروري تروحين لها مدينه العاب روعه بس بارده

وبنق لاطوووفج حيل روعه سكني فندق شنقرلا قولد وااااو روعه روحي لها 3 او 4 ليالي لاطولين فيها وروحي لنكاوي فندق برجايه بس نصيحه لاتاخذين مطل على الغابه او الجبال ابتعدي عنهم واخذي مطل ع البحر منظر خيااااال

الكمرون لاتروحين لها تلوع الجبد طريج ولويه وماتسوى

اهم شي بنق ولنكاوي وجنتق

والاسوق انصحج بفندق ستانا علشان بليل مايكون زعاااااااج وترتاحين
وقريب عند شاع العرب ...
والسوق ::::::::::::::::: ( لايطوفج مجمع تايم سكوير روعه كبيييير ____ مجمع بيبي بلازا ___ واذا انتي من نوع الي يشتري خام روحي شارع عبدالرحمن طايحين في خام ابو ريحه بريحه الورد
وعندج سوق الليل يبطل ساعه 6 المغرب وعندج بليل ساعه 7 روحي تمشي بشارع العربي تلقين بسطات يبيعون ساعات لازم تكاسرينهم يقولون لج ساعه عاى 50 او 70 رنجت انتي قولي 20 رنجت بيقولج لا بس من تمشين يناديج يقولج اوكي
وان شاءالله تستانسين وتروحين وتردين بسلامه

 

[الــريــان]

الله حافظج فديتج ومشكوره ع مشاركتج

والشكر لجميع اللي فادني بهالموضوع جزاكم الله خير