تكفوووووون ياخبيرات ماليزيا

[لاتكابر غلطتي]

السلام عليكم
حبيباتي تكفون انقذوني

احنا اول مره بنروح لدول شرق اسيا وخصوصا مالزيا
ابي فندق سكوير وطريقة حجزه شلون بليز ساعدوني
وابي الفنادق القريبه اللي تكون قريبه من شارع العررررررررب بلييييييييز ..
ووااهم شي اسعار الفنادق جم ..
ولكم دعوه بظهر الغييييييييييييييييب وحتى لما انا طايره بالجووو :d
وشنو تنصحوني فيه ياخبيرات ماليزيااا
لان احنا كلنا ماشالله 9 ااشخاااص يعني عايله كامله

 

[*وردة نرجيسية*]

انا متأكدة من الاسعار الي بقولها لان حاجزة من السفريات قبل 3ايام
فندق سكوير الغرفة العادية 36دينار اهو 4نجوم
و
فندق الماريوت وفندق جراند ملينيوم وفندق الاحصنة الدهبية كلهم 5نجوم الغرفة العادية ب46دينار
وسلامتج ادعيلي اسافر ماليزيا لان سفرتنا المفروض اليوم وتاجلت بسبب ظروف صحية

 

[um 3li]

حبيبتي انا حاجزة في برجايا تايم سكوير

وقعدت فيه من قبل واااايد حلو و قريب من شارع العرب مشي

وفيه سوق من 10 طوابق وملاهي وسينما ومطاعم

المره الي طافت كنت حاجزة الغرفة العادية ب 36 دينار بس غرفتهم العادية كبيرة فيها حمامين وانتي بكرامه وصاله يعني الغرفة وااايد كبيرة

هالمرة حاجزين بروكلين سويت غرفتين وصاله لأني ماخذه عيالي وخدامتي وهم امي معانا

البروكلين سويت ب 90 دينار

 

[sweetkoko]

اسعار الفنادق تتراوح من 18 الي 36 اذا اكثر شوي والان يعتبر سيزون السياحه عند الاجانب لان الشتا لدول الاوروبيه والاجنبيه تكون وجهة سياحها لهذه الدول المهم الفنادق بشارع العرب متنوعه وحسب مااذكر( فيدرال: موقع ممتاز والسعر جيد بس الغرف والفندق بسيط جدا) (فندقتايمز سكوير مجمع فيه ووايد حلو الفندق مررتب ونظيف الموقع ممتاز) (فندق وستن وماريوت وريجنت الملينيوم وكلهم نفس الموقع والمستوي جدا راقي ) فندق استانا جيد بس مشي ليشارع العرب 10 دقايق .
المجمعات كلها بنفس الشارع والمطاعم والكافيهات والمساج بلااااااش حده البرجين وسوق سيريا فيهم راقي ومطاعمه حلوه ونظيفه عندج مجمع اوتومان شوي بعيد بالتكسي او المونوريل القطار المعلق وصج حلو وفيه سوغو اغلبه اوت لت بس حلو ورخيص بعد ميجامول هم تكسي تشاينا تاون شعبي وبدائي بس لو لج خلق التنبش فيه شغلات ونيسه ولقطه ماتتطوف بس تحملي الحر والنصب والريحه وهلا هلا بالمكاسر لانكم عايله انصحج خلي اقامتكم بكوالا وروحوا المنتجعات والاماكن السياحة بدون تنقلات وحجز تري كلهم بنفس كوالا ومسافة ساعه واقل (افاموزا مدينه رياضيه مائيه سفاري انشطه عروض وكرنفال وتمشي بحيره ولرمي طيران وتجديف وركوب خيل .........., صن واي لاجون مدينة العاب ةاكوابارك وسوق بيراميد فيه عججججيب ,غولدن هورس الاحصنه الذهبيه نفس الشي مجمع بفندق بس المكان والاجواء حلوه بالمركب وخاصه الليل زياره تكفي ,جنتغ ملاهي وفنادق بس الجو بررررررد,هاي لاند ومزارع الفراوله والشاي حليوه ,حديقة الفراشات والطيور والزهور , عندج مطعم الي برج الاتنصالات بوفيه راااقي وحلو ماليزيا ونيسه وحيويه مجمعاتها منوعه ومميزه عندج مصنع الكاكاو حلو فناتق فيه , ولو تقدرون اوفرلج طلبي من السايق يودونكم مصانع ومحلات الجمله في ملابس واكسسوارات وجواتي رخص التراب وجوده وعليييييكم بالعافيه