تكفوووون نخيتكم ما نخيت رخوم تكفوون ساعدونى بسرعة

[a.alshly]

هاى بنات انا عضوة جديدة فى المنتدى وعندى مشكلة ابي منكم الفزعة.......ترى نفسيتى حيل تعبانة ........


الموضوع ومافية انى متزوجة ومن اول ما تزوجت حملت وجبت بنت عمرها الحين سنة وثمان شهور ماخذيت بهالفترة اى مانع للحمل ولما سويت فحوصات قالو ان هناك انسداد فى الانابيب مع العلم ان الولادة كانت طبيعية وسويت اشعة صبغة ومانفع وهم المنظار ما نفع ونويت اسوى اطفال انابيب عند الدكتور باتريك .....

تكفون بنات منو مرت بنفس حالتى اوتعرف احد مر فيها وحملت ونجح معاها طفل الانابيب وودى اسال عن الدكتور باتريك زين ولا لا ؟؟؟؟؟؟ تكفون بسرعة لان عن قريب بسوى العملية .........



اللة يوفق اللى ترد على

 

[++The DuchesS++]

هلا وغلا فيج
دكتور باتريك وايد ممتاز والكل يمدحه
يقولون نسبه نجاح طفل الانابيب عنده وايد مرتفعه
بس مو جنه تو الماس على طفل انبوب
ليش ما تجربين التلقيح الصناعي بالاول ؟

 

[& ودي ابـــكي &]

استخدمي علاج شعبي اختي عند حرمه تعرف تمسد الارحام ... نصيحه لج كثير جربوها وراح السدد ...

 

[a.alshly]

هلا خواتى .
انا شايلة بخاطرى عليكم بس ثنتين ردو على ....... ماهقيتها منكم .....

ومع هاذا الف شكر للى ردوا ........ز
طبعا انا رحت لمره و قالتلى تبخرى من تحت بفلفل اسود وسكر ومانفع بس اللى ابية منكم اذا فى احد نفسى يعنى انسداد بالانابيب وحملت عن طريق طفل الانابيب ونجحت هالشغلة معاها ........
تكفوون طمنونى؟؟؟؟؟؟؟؟؟؟؟؟؟؟؟

 

[كويتيه مذهله 87]

حبيبتي شوفي انا اختي فيهاا انسداد بالانابيب سوت تلقيح صناعي بس ما حملت بس اطفال انابيب بجرب هالشهر

وهي علي حسب جسم الوحده ليش ما يعالجونج منه بالول بعدين تسوين اطفال انابيب

 

[ام فوفو]

والله ودي افيييدج بس للاسف ماعندي اي فكره
الله يفرج همج ويرزقج ويرزقنا الذريه الصالحه يارب

 

[عروبه]

هاى بنات انا عضوة جديدة فى المنتدى وعندى مشكلة ابي منكم الفزعة.......ترى نفسيتى حيل تعبانة ........


الموضوع ومافية انى متزوجة ومن اول ما تزوجت حملت وجبت بنت عمرها الحين سنة وثمان شهور ماخذيت بهالفترة اى مانع للحمل ولما سويت فحوصات قالو ان هناك انسداد فى الانابيب مع العلم ان الولادة كانت طبيعية وسويت اشعة صبغة ومانفع .........شلون ما نفع اشعة الصبغة تبين اذا عندج الانابيب مسكره او مفتوحة وتساعد على فتح الانسداد ؟؟؟وهم المنظار ما نفع ونويت اسوى اطفال انابيب عند الدكتور باتريك .....

تكفون بنات منو مرت بنفس حالتى اوتعرف احد مر فيها وحملت ونجح معاها طفل الانابيب وودى اسال عن الدكتور باتريك زين ولا لا ؟؟؟؟؟؟ تكفون بسرعة لان عن قريب بسوى العملية .........



اللة يوفق اللى ترد على

انتظر ردج ؟

 

[أثير الورد]

اختى الغاليه

اتمنى ان الله يرزقج عن قريب
بس اذا الانابيب مسكره لازم تسوين اشعه بالصبغه
وانصحج تروحين عند الدكتوره هدى الزكرى والله تهبل تهبل واخلاقهاا حلوه
وتنصحج وهى من النوع اللى بس تاخذ فلوس على حساب عيادتها
مثل بعض الدكتورات وانتوا طبعا عارفينهم
ما ابى اذكر اسمهم فى هذى الايام المباركه
ولا تنسين الدعاء

 

[foozia_87]

حبيبت قلبي انا سويت كل التحاليل عند مستشفى لندن وبالخصوص عند باتيك ومنى الشرهان وسويت العمليه 3مرات اللي اهيا سحب البويضات واعادة الاجنه 7مرات ولا مره ثبت بس والله كان تعامله موزين معاي ولا يهمه غير الافلوس وبس ما تهمه نفسيتج ولا شيصير فيج وروحي مستشفى الصباح وسالي عنه ليش اطردوه من اهناك وشنو مسوي
انا فيني حره عليه من كثر ما عورني واذاني

 

[اضوى]

حبيبت قلبي انا سويت كل التحاليل عند مستشفى لندن وبالخصوص عند باتيك ومنى الشرهان وسويت العمليه 3مرات اللي اهيا سحب البويضات واعادة الاجنه 7مرات ولا مره ثبت بس والله كان تعامله موزين معاي ولا يهمه غير الافلوس وبس ما تهمه نفسيتج ولا شيصير فيج وروحي مستشفى الصباح وسالي عنه ليش اطردوه من اهناك وشنو مسوي
انا فيني حره عليه من كثر ما عورني واذاني

حبيبتي منو زين بالصباح لان وايد ناس امدحو باتريك:0bee2e8d89: وجم تكلف العمليه عنده......؟؟؟

 

[لوزوجوز]

حبيبتي تو الناس على الانانيب ما دام انج ولدتي وكل شي عادي

جربي الطب الشعبي حتى لو طول لان الانابيب متعب ومكلف واعرف وحده بالدوام سوته جم مرة بس ما ضبط وعلى فكرو مو بالكويت


الله يرزقج الذرية الصالحة0

 

[@ نجمة العطااا @]

في مرة ممتازة تعالج اسمها ام مشعل بالضاحية انا لما طولت بعد حمالي الاول رحت لها والحمدلله فضل من ربي ثم هي حملت

الله يرزقج الذرية الصالحة دون الم ولا تعب يارب ياكريم

 

[الحور]

انا بعد ماجبت بنتي الاخيره كان ييني عوار في بطني صوب الارحام من جهة اليسار كنت اراجع عند دكاتره علشان تحديد جنس الجنين لمدة سنه ولا احد قالي ان فيني انسداد انابيب (كنت اسوي سونار داخلي) المهم زاد علي العوار قلت خلني اروح حق حرمه والبنات ماقصرو عطوني رقم ام محمد بالفردوس يوم رحتلها ماقلتلها ارحامي تعورني قلت انا الدوره علي وبشوف ارحامي اول مامسكت ارحامي امسكت صوب عوار بطني وقالت فيج سداد .. وعطتني علاج شاي اعشاب ولهوم والحين بجربهم علما بان قبل راجعت عن الحمل وقالولي فيني قرحه وسويت كي والحين بجرب ادويتها وان شاء الله خير روحي وجربيها اذا تبين رقمها دزيلي مسج عالخاص لان اخاف ما ارد اقرا الموضوع مره ثانيه .. الله يرزقج بالذريه الصالحه ..

 

[سوسو الأموره]

الله يفرج همج ويرزقج ويرزقنا الذريه الصالحه يارب

والله ماعندي أي خبره بس ماحبيت أدش وما أرد

 

[روحـ روحه]

انا خالتي مثل حالتج ونصحها منصور الصليلي بالتلقيح الصناعي وبعد التلقيح واحد من الانانبيب فتح وعندها فرصه بالحمل

وبتجرب هالشهر

 

[nice-girl]

الله يرزقج الذرية الصالحة ويرزق كل محرومة بصراحة انا سويت اطفال انابيب عند باتريك ومنى الشرهان والحمدالله ظبطت من اول مرة بس كانو معاي زينين ونفسيتهم حلوة اهما صج غالين بس الحمدالله يبت بنت بس لاتستعجلين على الانابيب شوي راي جم دكتور شاطر احسن والله يرزقج ويرزقني معاج