تكفووون ساعدونى بسرعة ؟؟؟؟؟؟؟

[a.alshly]

هاى بنات
امانة اللى تعرف ترد او نفس حالتى ترد
انا نويت هالشهر اسوى طفل انابيب عند الدكتور باتريك وفعلا رحت وبديت العلاج عنده من تاريخ 21 من الدورة سويت فحوصات لى ولزوجى و طلعت سليمة والسبب فى انى لجات لطفل الانابيب لان الانابيب مسدوده و بعدها سوالى منظار رحمى و شاف بطانة الرحم زينة المشكلة عاد


ان دورتى تصادف بكرة الجمعة لكن هو اخرنى ل7 /1 استغربت وسالتة ليش ماخرنى مو المفروض ابدا بابر التنشيط من ثانى يوم الدورة قال انى عندى اجازة بالعيد وماراح اوصل الى بتاريخ 5/1 وعطانى ابرة قيمتها 97 دينار يقول انها عشان المبيض ما ينشط .

منو اللى مرت بنفس حالتى او تقدر تفيدنى بهالموضوع او عن هالابرة تكفووووووووون ساعدونى

 

[*me*]

كان ودي افيدج يا عمري بس للأسف ماعرف
إن شاءالله باجي البنت يفيدونج

 

[Amory]

اختي آنا اعالج عند باترك

عادي لا تخافين ولا اتحاتين لأن اهو شاطر ابهالامور.

في وحده قالتلي ان هالابره علشان اتوقف عمل المبيض علشان يكون مثل راحه للمبيض علشان بعدها راح يعطيج تنشيط قوي وراح يطلع وايد بويضات بعدين يسويلج سونار ويشوف البويضات اذا وصلت للحجم المطلوب يعطيج ابرة تفجير البويضات وبعدها باذن الله يقولج تعالي عقب باجر علشان عملية سحب البويضات.

اختي نصيحة لوجه الله:

اقري سورة البقرة يوميا لأن فيها الفايده وان شاء الله تفتح لكم باب الرزق، ونامي بالمستشفى بعد ترجيع الأجنة ولا اتحركين الا للحمام و صلي وانتي قاعده وبعد ترجيع الأجنة علطول شربي وايد ماي وكثري من الاستغفار والدعاء ولما تطلعين واتروحين البيت هم لا اتحركين الى موعد التحليل.

لأني ابصراحه عن تجربه شخصيه لما سويتها وما تحركت حملت والمره اللي تحركت فيها ما نجحت العمليه. ان شاء الله يا رب الله يعوضني ويرزقج ابتوم حلوين.

اللهم آمين

 

[a.alshly]

مشكورين على الرد
بس ابي اسال عادى يعطينى ابر التنشيط بغير موعد الدورة لانة يقول عندى اجازة وانا دورتى باجر و هو مواعدنى 7/ا عشان يبدا ابر التنشيط ؟؟
وبغيت اعرف انت ليش مسوية طفل انابيب؟؟

 

[Amory]

الابر اللي ابغير موعد الدوره هاذي مو أبر تنشيط ( اهي الابر الجاهزه ) صح؟؟

بعدين لما اتييلج الدوره راح يعطيج ابر غير هالابر ( خلط 2 بودر 1 ماي ) واتقزينهم مع بعض كل يوم ابرتين ( آنا قمت اقزهم ابروحي اتصدقين اسهل وما يعور نفس لما اهمه يقزوني )

آنا سويت طفل انابيب الله يسلمج لأن زوجي عنده ضعف.

 

[a.alshly]

انا الابرة اللى غزيتها يقول الدكتور انها عشان المبيض وانا دورتى باجر و راح يبدا معاى ابر التنشيط بتاريخ 7/1 وهذا التاريخ ماتكون الدورة على و سالت الدكتور ان شلون يعطينى ابر التنشيط و انا الدورة مو على تو الناس على موعدها قال انا عندى اجازة بالعيد يعنى بالوقت اللى على الدورة و مطر ياخرنى ليما يرد من السفر بتاريخ 7/1 و مافهمت مقصدة و خايفة ما تنجح العملية بهالطريقة ... تعرفين احد صارلة مثلى

 

[Amory]

حبيبتي اهو اكيد راح يسويلج طريقة

اكيد لما يرجع راح يعطيج دوى ينزل الدوره.وبعدين لا اتخافين انتي عند واحد خبره ماشاء الله عليه.

انا المره اللي فاتت كان عندي اجنة مجمده وكنت برجعها وصادف العيد يعني اجازه واهو ماراح يداوم فعطاني احبوب وابره اتوقف الدوره لين الموعد.

اهو اهم شي بالسالفه ان تكون عندج مجموعه من البويضات بالحجم المطلوب وجاهزه للتلقيح وراح اتشوفينهم بالسونار قبل سحب البويضات.