تكفووون بنات شجعوني وقولوا لي تجاربكم بالطبخ

[زهور المحبة]

السلام عليكم :eh_s(16):

بنات بلييييز منو فيكم كانت فاشله او بمعنى اخر اتطقطق بالطبخ وبعدين صارت
احسن واحلى شيف :eh_s(15):

انا الحين عمري 21 وعلمتني امي بعمر 15 سنه وصج كنت اعرف بعدين خلييييييييييت كل شي ونسيت فقدت الذاكره الحين مو عارفه اسوي شي
والله حاسه الطبخ اكبر همومي وخصوصا ان امي وخالاتي وجدتي حااااطين علي ويتحلطمون فوق راسي وراج عرس و وراج عرس
متى بتتعلمين يا بنيه :eh_s(10):

انا مو فاااااااااشله لا يعني اطقطق شوي بس العيوش والاطباق الفنتق مع الاسف اخاف اسويها احس برعب من حتى اسمها


الحين والله العظيييم صار المطبخ بالنسبه لي رعب وصار افبالي ان كل شي بسويه ماراح يضبط :eh_s(11):

الحين اشتريت كتاب النخبه ولما اقرا احس المقادير اشكثثثثر واحس صعبه مع ان شكله بسيط

بنات تكفون طلبتكم لا تقرون وتمشون ابي تجاربكم وبعمر جم ضبطتوا الطباخ
فيني بجيه :eh_s(11):

والله محتاجتكم :eh_s(22):

 

[شندوخه]

ليش متعقده ومخوفه نفسج بالعكس الطباخ متعه والله
ابتدىى بالخفايف والمعكرونيات وشوى شوى المجابيس
وترى كلنا نسوي الشي مره مرتين ثلاث يالله نظبطه
انا كانت عقده حياتي الكيك ماينفش معاي لي ماتعلمت وجربت كذا مره والحمدالله صار ظابط معاي
اهم شي لاتخافين ترى بتطبخين ماراح تكتشفين الذره

 

[زهور المحبة]

شندوخه بعد قلبي والله انتي الوحيده اللي شديتي من ازري
تسلمين بالغاليه والله يسخر لج زوجج ويصلح ذريتج

ابشرج اليوم دشيت المطبخ وطبخت مقلوبة بيديان اللي بكتاب النخبه
الحمدالله طلعت حلوه والله حسيت براااااحه مو طبيعيه


يالله بنات وينكم ووين تجاربكم الحلوه ؟

 

[*سكون*]

انا تزوجت ما اعرف اسوي شي واول تجربة حق المرق احترق الجدر هههههههه
يعني كنت مأساة الحين ولله الحمد بفضله ثم بفضل اللي جربت فيهم ههههههههه صرت تمام ولله الحمد والكل يمدح اللي اسويه

يعني لا تخافين جدامج مستقبل أهم شي لا تيئسين وحاولي جم مرة وصدقيني بتنجحين .. موفقة حبيبتي

 

[الوردة المكنونة]

انا تزوجت ماعرف اسوي اي شي والحين الحمدالله تعلمت وااايد شغلات
وبالنسبه للعيوش بس تضبطين كمية الماي راح تضبط معاج كل انواع العيوش ويالله شدي حيلج

 

[نملة حوله]

والله حبيبتي انا اذكر من عمري 10 سنين كنت احب ادش مع امي المطبخ ..

ولما صار عمري 12 سنه اول مره سويت فيها البشميل ومشالله كانت روعه ..

شوفي اذا حبيتي الشي صدقيني راح تبدعين فيه ..

حطي ابالج ان الطبخ عباره عن رسمه حلوة بس تحتاج الوان ولمسات مميزة ..

ترى ماكو اسهل منه ..

بس اهم شي البهارات السنعه مو بو طقه ..

ثاني شي اديرين بالج ان الاكل مايكون زفر .. اذا تبيني اعطيج معلومات او اشياء توخر الزفر قوليلي

والعيش سهل وايد سويه مشخول

المرق احلى شي تحطين بالخلاط 4طماطات .. كزبر .. زنجيل .. معجونين طماط .. بصلة وحده وسط او صغيره .. فصين ثوم .. ملح فلفل ..مكعب ماجي وعصير ليمونتين .. فلفل بارد حبه وحده .. حطيهم بالخلاط وهذي الخلطه انصحج فيها لكل انواع المرق

اهم شي تكون المرقه خاثره وثقيله .. ونكهتها مميزة الزنجبيل وايد يعطي للاكل طعم مميز وانا حطه بكل الاكل تقريبا ..

لاتحاتينوالله مع الوقت بتصيرين اوكي .. اذا عندج اي سؤال او اي طبخه تبين تعرفينها قوليلي ومن عيووووني الثنتين ​

 

[جارة القمر]

هلا حبيبتي

عندج هالموضوع

حطي اي استفسار وما راح أنقصر معاج بأي رد:eh_s(7):

موضوع خاص للاستفساراتكم المطبخيه


|--*¨®¨*--|دليل قسم الأطباق الرئيسية / متجدد|--*¨®¨*--|

وتري كلنا بالبداية ما كنا نعرف شي

وبعدين تعلمنا شوي شوي:eh_s(7)::eh_s(18):

 

[زهور المحبة]

يالله والله ما تتصورون شكثر قمت احس بثقه بالنفس

الورده المكنونه يزاج الله الف خير

نمله حوله بعد قلبي ما نستغنى عن خبرتج عطيني كل شي

جارة القمر تسلمين يالغاليه

 

[شندوخه]

بعد قلبي كلنا خوات وحاظرين للطيبين بس ترى انا مو متزوجه لوووول

 

[زهور المحبة]

شندوخه الله يرزقج بالزوج الصالح اللي يحفظج ويصونج ويعرف قيمته

 

[atooma]

ماكو احسن واسهل من الطباااخ بس اذا حبيتي هالشغله راح يضبط كل شي معاج