تكفووون اللي عندها نفس الفوضى اللي عندي ولقتلها حل تدخل لان بمووت (بالصور)

[تخيل اعطيك وجه]

اب اب اب

 

[معالي الملكة]

طيب انا عندي لج حل ممتاز جدا هم اثنين وممكن تنفذين اي واحد فيهم لانهم الاثنين ينصبون فيهم الفائده اوكي


اول واحد تكلمي مع اولادج بكل صراحه وقوليلهم يختارون عشر العاب مفضله من العابهم الي عندهم


وحطيهم بدارهم


اما الباجي انا بقولج اذا كانوا للحين بنفس شكلهم يعني مو مكسرين ولا شي انا اقولج قولي لعيالج يبوعونها بسعر مضمون عشان يستفيدون بفلوسها اما بالحصاله ولا تاليها ان يحطونها صدقه

او عندي لج حل احلى واحلى واحلى خلي عيالج يحطونها بكرتونه ووديهم اهم بنفسهم يتصدقون فيها باحد اللجان الخيريه


وشوفي النتيجه ما تطلع اليوم لا بعدين لين يكبرون

انا اذكر امي عودتنا ع حب الصدقه

وصرنا عادي تعودنا ع الايثار ان حتى لو شي يديد عندنا وخطر في بالنا احد محتاجها والله نشيلها مثل ما اهي بيدتها ونهديها

ندور الاجر من الله

 

[أم نوره المنوره]

روحي سوق دايسو فيه اكياس للديباجات وكراتين للالعاب اللي بتعدل بيتها تروحله حل لكل المشاكل اسمه دايسو الياباني بالشويخ

 

[زلابيا]

دايسو اللي بالشويخ تسكر من زمان ...

 

[ملاك-77]

اشتري كراتين ايكيا او صناديق بلاستيك وحطيهم بزاوية غرفتهم وعوديهم بعد مايلعبون يردون العابهم بالصناديق

وحددي لكل واحد فيهم مثلا صندوق لألعابه واهو المسؤؤل عن ترجيعهم بالصندوق لما يخلص من اللعب

وبجذيه ضربتي عصفورين بحجر الاول ان غرفتهم تصير مرتبه علطوووووول والثاني ان كل واحد بعيالج

عرف وتعلم ان يرتب ويشيل العابه ويحطها بصندوقه الخاص ويحافظ على العابه وممتلكاته

وبين فترة وفترة سوي عليهم جرد والتالف منهم قطيه وسلامتج

 

[كرستال 2008]

الحل انج تسوين جرد للالعاب المتكسره ومالها داعي وراح تنصدمين باللي بتطلعينه

 

[جوزائيه مغروره]

خشي نص الالعاب اللي مو مستعملينهم وكل شهر عطيهم شي يديد وقطي القديم

وفهمي امج انه لا تشتري لهم هالكثر العاب او انه تسوي لهم غرفه عندها حق الالعاب اللي تشتريهم لهم

 

[manarah]

والله نفس الحاله بس باختصار الحل بالصناديق والسلال بمختلف اشكالها وانواعها والالعاب اليديده اللي حصلوها بعيد ميلادهم ماله داعي يبطلونها كلها الحين ماراح يستانسون فيها يعني خلي هالالعاب مكافأه لهم على شي زين يسوونه ... والله يعينج ويعينا على الضيج

 

[ام دودو المزيونه]

نفس المعانات الحل الوحيد تصفيه كل فتره والثانيه والألعاب الي تيي معاهم العاب اصغار سيده بالزباله ( انا عندي بنت فالعابها مطبخ مكياج باربي وادواتها من اكسسوارات ) هذا الي اقصده بالألعاب الصغيره كله بالزباله ما اخلي غير الكبار وكل فتره تصفيه سوا للجان او الزباله وابصراحه انا نوعي ما اكود العاب شوفوا الأجانب حق كل ياهل كم لعبه وبس ويحافظ عليها احنا اعيالنا ما عندهم تقدير للمتوفر عندهم
وانا من رائي ابيت امج اذا فيه غرفه فاضيه خليها للألعاب افضل وارتب وعندج بعد صناديق ايكيا الكبار الشفافه اذا في مكان فوق الكبت حطيهم والله شكلهم حلو انا مستعملتهم للملابس افضل من الجناط

 

[ام دودو المزيونه]

نفس المعانات الحل الوحيد تصفيه كل فتره والثانيه والألعاب الي تيي معاهم العاب اصغار سيده بالزباله ( انا عندي بنت فالعابها مطبخ مكياج باربي وادواتها من اكسسوارات ) هذا الي اقصده بالألعاب الصغيره كله بالزباله ما اخلي غير الكبار وكل فتره تصفيه سوا للجان او الزباله وابصراحه انا نوعي ما اكود العاب شوفوا الأجانب حق كل ياهل كم لعبه وبس ويحافظ عليها احنا اعيالنا ما عندهم تقدير للمتوفر عندهم
وانا من رائي ابيت امج اذا فيه غرفه فاضيه خليها للألعاب افضل وارتب وعندج بعد صناديق ايكيا الكبار الشفافه اذا في مكان فوق الكبت حطيهم والله شكلهم حلو انا مستعملتهم للملابس افضل من الجناط

 

[غلاي غير]

يووووووووووووووووه عندي وعندج خير

 

[اغفرلي يارب]

ماشاء الله البنات كلهم ماقصرو انا عندي فكره استغنيت عنها واستفدت من افكاركم بس والله دثره الاعاب وايد الله يخلي لج اعيالج يارب ويبلغج فيهم ويطول بعمر يدتهم آآآآآآآآآآآآمين فصلي كبت للالعاب بس نظام ارفف كله

 

[الفنانه79]

للرفع

 

[ام خليلوه]

مشكلتك مره سهله انا عندي حلها :klhfl:

اولا= اجلسي مع عيالك :gathering:وشوفي وش الالعاب اللي يبغونها واذا كثرو احصريها بعدد

ثانيا= اذا كان عندك غرفه زايده بالبيت حتى لو كانت صغيره حطي فيها العاب العيال

ثالثا= جيبي صناديق وخليهم يزينونها بطريقتهم

وعلميني وش رايك بفكرتي:aha:​

 

[Bnt.Azmer]

نفس حالتج ماكو يبت والله جيسين زبالة مكرمين وقطيت نص الالعاب بالزبالة بس لاعت جبدي

 

[mooomooo]

السلام عليكم

اولا خلوووووني اشرح لكم الوضع اللي في بيتي

بيتي يتكون من ثلاث غرف

انا زياده غرفتين

غرفة ماستر مالتي


وغرفة اعيالي الصبيان

انا الصبيان والبنت كلهم بغرفه

وغرفة تبديل كلللللللللللللللللها كبتااااات

هذي لي بروحي وغرفه خدامه وغرفة العاااااااااااااااااااااااااااااااب

وصاله كبيره ومطبخ وحمامين تكرمووووون

المهم

العدد انا وريلي واعيالي ولدين وبنت اصغيرونه وخدامتين

المهم

ان عندي دثررررررررررررررررررررررره العاب اعيالي شي لايطاااااااااااااااااااااااااااااااااااااااااااااااااااااااااااااااااق

زييييييييييييييييييييك بالضببببببببببببببببببببببببببببببببببببببببط <--- الباء للتأكيد

اقولكم ليش ببساطه انهم يشترون العاااب وبالاصح امي الله يخليها لي ماتبي يقولون آآآه الا اهو الشي عندهم

يعني يروحون ينامون عندها واتروح اتوديهم فانتسي ووورد او ستي سنتر او سنتر بوينت وتشتريلهم العاااااااااااااااااااب بالهبل شي مووووووووووووووووووووطبيعي

واذا قتلها يايمه مايصير تزعل بعد قلبي وتبجي واتقولي انا ماابي احرمهم من شي انا الله ماعطاني الا انتي ماتبين ادلل اعيالج بعد

اسكت بعد شقووول الله يطول بعمرها بس

انا امي وابوي الله يخليهم لي نفس الساااالفه واخر سفره لاخوي مسكين رد يايبلهم بس تيشيرتات ماعجبهم الوضع عشتو :krkrkr:

المهم

واللي زااااااااااااااااااد الطين بله توني امسويتلهم عيد ميلاد في بروي

وطلعنا من يوم المبلاد ورانا (4 عربانات العاااااااااااااب ) ياويح قلبي شسوي بعمري والله سيااارتين شالوا الابعااااااااااب

عارفه الوضع لان عيد ميلاد الصغير كان في بروي شهر 11 اللي طاف ونفس القصه مع العربانات:dddds:

وخليتهم يفتحوونهم وشلت ثلالث ارباااعهم

بس المشكله مااااااااااااااااعندي مكان

وكل شهر اسوي تصفيه واقط 3 اجيااااااااااااااااس زباله او اوديهم حق لجنه

وهم بعد دثره وانا بموووووووووووووووت احس ودي اقط البيت كله بره خخخخخخخخخخخخخخخخخ

شنو الحل وماعندي مكان تخزين

والمشكله الاكبر انهم يحبون العابهم ويلعبون فيها على طوووووووووووووووول يعني موتقولون مايلهبون فيهم عادي ينقطون لا لا على طول يلعبون فيهاااا

لا والله انا ليما شفت انهم مايلعبون فيهم قمت اقط من اشوف لعبه اقطها خلاااااااااص تعبت نفسين من الالعاب وخصوووووووووووووووووووصن العاب ماكدونالدز ولا برجر كنج هدول على طوووول بالزباله ( تكرمين )

بوريكم الصور


انتوا حكموا وابي منكم حل تكفووووووووووووووووووووووووووووووووووووووون

[/url][/IMG]

[/url][/IMG]

[/url][/IMG]


واهني غرفة التبديل وهداااايا يوم ميلاااادهم

[/url][/IMG]

نفس الصناديق نفس الحاله حاسه فيج :0bee2e8d89:

الحلللللللللللللللللللللللللل ؟؟؟؟

ياويح قلبي ​

لا تشووووووووفين بنتي : (

اسم الله عليها هذي بروحها حووووووووووووووووووووووووووسه من قلب

تدرين ان دارهم توني مسويتها وفارشتها من ايكيا ومستانسه

مره ياتني تقولي يممممممه نمل في فراشي

قتلها انتي بقى شي ماحطيتيه بفراااااااشج ؟؟؟؟؟ اهو نفانيف اهي تيجان العاب .. كل خمجوره عندها حاطتها طبعن غير الاكل الكاكاو والبطاط يكون الجيس مفتوح وحاطته
هذا وانا حاطتلهم بدارهم ارفف ايكيا الملونه فاااااضيه هذا غير دار الالعاب فيها كبتتاهم والعابهم


اقولج شي



اذا طلعت من بيت اهلي ورديت البيت وفقدوا شي تدق امي تقول جيكي على جنطه بنتج :eh_s(1):

<--- قلبه متروسه





ماقول الا الله كريم

 

[بتبوتااا]

صح كلام الغاليه نونو كنت بقول نفسها

 

[اطباق ماي ورد]

الله يعينج على الدثره

البنات ماشاءالله عليهم عطوج خوش افكار والله طبقى منهم وان شاءالله بترتاحين

والله يخليلكم الوالده يارب .

 

[شوق@ذوق]

يعطيكم العافيه استفدت من ردودكم

 

[الدانة النادرة]

انا اقول اخذي جم لعبة قديمة وخشيها لين ينسونها واذا نسو بالزباااااله على طووول

اذا الغرفة ماتكفي كبتات في الارفف اللي تتثبت عالطوفة حطي لج رفين عالين شوي
ثبتيهم بنفس عرض الطوفة وارفعي الالعاب اللي نادر مايلعبون فيها

والالعاب اللي ماتبطلت وزعيها على دور الرعاية مثل ماقالت اختي ريان