تكفووون الله يخليكم راح تنتهي حياتي وانفضح ساعدوني ورفعو موضوعي باسرع وقت

[Petite]

الله يستر عليج

 

[Aboosah]

نو كومنت

 

[بوسطـن سيتي]

رد : تكفووون الله يخليكم راح تنتهي حياتي وانفضح ساعدوني ورفعو موضوعي باسرع وقت

علمي المباحث اهم يتعاملون معاج بسرية قالها محمد او نبيل العوضي ماذكر

 

[الشيخه11]

الله يستر عليج حبيبتي

 

[نونه111]

كان انا مره سمعت محمد العوضي حاط رقم للبنات الي يتعرضون لتهديد


الله يستر عليك

 

[خالده الفارس]

حبيبتي ...

ما عليج فيه ..ز أصلا لو يبي جان من البداية وصلها حق أبوج ...
أذا اتصل فيج أول ما تسمعين صوته قولي ..
خيرك بين عينيك ، وشرك تحت قدميك ، واستعنت بالله عليك

ونصيحة أخت / ديري بالج تعطينه ويه ولا تردين عليه ولا تطلعين معاه .... صدقيني ساعتها صج بتعرفين شنو معنى أن حياتج انتهت ...
ولو درى أبوج ... في ألف عذ وعذر ...
ولو ميقولج انا بدوانية أبوج وتعالي عطيني وعطيني ... سواء فلوس أو حتى .... (أنتي فاهمه)
قوليله ... اللي ما تطوله بايدك واصله بريوك ...
نصيحة أخت ,,, والله أعرف بنات ,,,, اخسروا بسبب هالتهديدات ...
لا تضعفين .. تكفين ... خلي ثقتج بالله ... وصدقيني ... ما راح يخيب ظنج ....
استعيني بالصبر والصلاة ....
أهم شي تكونين قوية ... وغذا كلمج لا تساحلينه أبداً أبداً أبداً
أنا نصيحتج وغذا صارلج شي بعده .... ترى من ايدج ولا تبيجين على الأطلال وتقولين ما لقيت اللي ينصحني ...

 

[هيبة ملك]

الله يستر عليج

ماظنتي يقدر يسوي شئ

حسبي الله ونعم الوكيل فيه

 

[أمانيQ8]

كلام خالده صح
بس خليج قويه وخل يولي هذي اشكال تخاف ماتستحي تلقينه بس حجي ووقت الصجيه يخق

شوفي قوليله ان كلمج انا ببيعها وبعلم ابوي بكل شي ماني خايفه منك لا اتبينين له انج خايفه وقتها اهو بيخاف والله وهدديه بعمامج بخوالج بالمباحث اللي يصير صدقيني يخاف
وهذا درس لج

 

[مرمووور]

رد : تكفووون الله يخليكم راح تنتهي حياتي وانفضح ساعدوني ورفعو موضوعي باسرع وقت

الله يستر عليج دنيآ وآخره

 

[امي الحنونه]

رد : تكفووون الله يخليكم راح تنتهي حياتي وانفضح ساعدوني ورفعو موضوعي باسرع وقت

حياتو انتي تعرفين شسمه شصله كم عمره انا اقووول احسن شي تروحين المخفر بدون اي احد يدري وتطلبين منهم انهم مايعلمون احد ويسجونه هاذي قضايه انسانيه قصدي خلاث انسانيه حرام
وحل ثاني انج تعرفين شسمه كامل وتدقين على بدله تقولين لهم ابي رقم تقول اسم ابوه وجده وكامل الي عبده و يعطيج ايه

بعدين عاد اتصلي وقولي لامه تقابلينها واكيد بتسنع ولدها صار هالموقف وحده من جماعتنا على فكره اي مساعده على خاص وشكرا

 

[امي الحنونه]

رد : تكفووون الله يخليكم راح تنتهي حياتي وانفضح ساعدوني ورفعو موضوعي باسرع وقت

ورقم بدله 101

 

[** باربي **]

اول شي تاكدي انه الخط بأسمة سبحان الله لو سواها

لانه اغلب الي يسون هالسوالف الخبيثة يكون الخط الي يكلم البنت فية مو بأسمة
او بالاخص بدون بيانات عشان يختفي مهما سوى ولا تلقينه ووايد بنات اغلطوا مع شباب ويوم خلص اختفى
ويوم قالت لاحد وخذوا الرقم بيطلعونا اسمة طلع بدون بيانات ديري بالج ولازم تعرفين له خيط
مثل رقم سيارته علاقل والتاريخ يمكن تكون مأجرة واهم يسجلون منو مأجرها باليوم الفلاني
اسم اهله من بطاقته اذا قدرتي رقم رفيجه باختصار صيري اذكى منه واخذي منه خيط بدون لا يحس لا تسألينه لانه راح يجذب
ولا تبينين له نقطه ضعفج وانج خايفه ابدا خلج قوية ومو هامج راح ينصدم
الله يدمر حياته انشالله قبل لا يدمرج ويستر عليج ويستجيب دعائج يا قلبي

 

[** باربي **]

واذا تبينه بعد ينصاد وتثبت علية التهمه لانج مثل سالفه رفيجتي قبل جم سنه
وصيتها تسجل صوته واهوا يهدد ولو خفتي يحس ولاتلفونج يبين سجلي بمسجله صغيرة وحطيه سبيكر بمكان ما فيه احد
ولا بالابتوب
وسمعت كلامي ويوم زاد تهديده حق رفيجتي قالت لاهلها وراحو المخفر وسحبوة بس تدرين شسوى؟؟


نكرر كل شي وقعد يطلع سوالف تشيب الراس عليها واخوانه يقولون بنتكم تبي تورط اخونا فيها
وما يعرفها

ومتفقين النكران الشديد جنه صج
جان الظابط يشغل التسجيل واهوا يهدد ويسب ويقول عبالج بخاف من الشرطه و و و وطبعن ياب طاري الصور انا موصيتها اتييب الطاري عشان يهدد فيهم ويسمعوون

تدرين شصار فيهم
انهااار وطقوة الشرطه طق جدامها وسحبوة قاعد يصارخ
واخوانه ويهم صار ربع دينار وامه يات تبجي اترجى
شفتي اشوة انها سمعت كلامي جان قلب السالفه عليها وفضحها تالي ويقول مو انا اهي بتنفضح وبتورط اي واحد
عشان يتزوجها

رفيجتي لي الحين تشكر فيني اني قتلها سويي جذيي والله قبل كانت تدق علي صوتها يرجف بالتلفون حاسه فيج

شفتي ابهالمواقف صيري ذكية لا تخترعين ربج اكبر منه والي يحفر حفره يطيح فيها صدقيني

 

[eastfem]

خل يولي زين لاتبينين خوفج له و انتي دقي على اي احد من هالرقم مال المباحث واهما قالو بيتعاملون بسريه تامه مع هالموضوع وهما لمن يهددونه لو بالحجي والله بيخاف شعبالج الدنيا فوضه والله يستر عليج ويهديكم

 

[منو انا]

الله يستر علييج

 

[kndora]

الله يستر علينا كلنا يا رب

انا اعتقد ان المباحث ماراح يدخلون اهلج ولا راح يدرون

وانا جني سامعه ان الشيخ نبيل العوضي عنده مثل جذي عشان مثلا اذا واحد هددها او شي مادري اذا فهمتيني

بس ترى الانسان الي يهدد ما عنده شي ولا تخافين

وحسبي الله ونعم الوكيل علييه وعسا الله لا يوفقه وانشالله لو يبي يسوي شي الله يورييه وياخذ حقج منه

لا تنسين ربج بالدعاء (( اللهم استرني فوق الارض وتحت الارض ويوم العرض ))

 

[kndora]

او شوفي لبسي عبايه ونقاب وروحي المخفر ودقي عليه وسمعي الضابط

وخربطي عليه قولي له تبي فلوس انا مستعده اعطييك فلوس بس تكفه لا تفضحني وسوي نفسج تبجين

وصج لا تخاافييين انا اعرف وحده صارت معاها نفس السالفه تقريبااا بس ما صار شي .. الحمدلله

الله يستر ع الجميع

 

[طرف دمعه]

يالله ياحبيبي
استر علينا من هل الذيابه
دايم قوولي
اللهم استرني فوق الارض وتحت الارض ويوم العرض يالله ياكريم
لاتنسينها
وربج مابينساج

 

[باربية الكوووويت]

طمنينا عليج حبوبه دقيتي على المباحث ؟؟
وعساه مايذوق النوم هلخسيس

 

[قطوطه حلوه]

رد : رد: تكفووون الله يخليكم راح تنتهي حياتي وانفضح ساعدوني ورفعو موضوعي باسرع وقت

ابشركم الحمد لله بفضل الله ودعواتكم ماصار شي حقرته ومارديت على تهديده واتصالاته تعب مني وشكله يأ س مني تكفووووون بنات والله استفيدو من المشكله مابي احد يطيح ويجرب الي جربته ومشكوورين حبيباتي على تفاعلكم فديييتكم وربي والله يسعد كل من ردت علي سواء بدعوه او عتااب او نصيحه اشكركم من كل قلبي