تكفوون ياخبيرات لندن ردو بسرعه❔

[دنيــا الـــوله]

مرحبا حبيباتي انا اتمنى شي اسمه لندن وعقب ظغوطات علا زوجي بالموت اقتنع وقالي مدة السفرا 4 ايام بـْ•ـٌْسً قلت مو مشكله حبيت اعرف جم تكلف السفرا والاقامه تكون بفندق رخيص ومن غير مشتريات يعني بـْ•ـٌْسً نتمشا بليز قولولي جم تكلف وسوري لاني طولت??

 

[ملكية قدساوية]

انا شهر 9 الي فات رحت لندن وصراحه وآيد غاليه احنى 4 اشخاص بس
وكانت كل سفرتنا تقريبا 8000 دينار ، لندن فنادقها وايد غاليه وهم المعيشه
اذا 4 ايام بتروحين شوفي فندق ماربل آرش عجيب هالفندق وتحته بضبط شارع كمبرلاند
هالشارع في كل المحلات السنعه عندج محل مشهور بلندن اسمه بري مارك هذا آيينن
وعندج هم مجمع العطورات بالشارع اسمه جنه سلفرج هذا في العطوارت والمكياج والساعات
وبعدين كل الشارع يمين ويسار في محلات عجيبه ، دام انتي 4 ايام بتكفي تلفينه كله
واذا انتي وريلج بس اتوقع يبيلج 3000 او 4000 دينار ، وحجزي من الحين خصوصا الفنادق
لانها وآآآآآآآآآآآيد غاليه ..

 

[ALTaf.m]

عسا ربي يكتبلج سفره للندن

حبيبتي دام اربع ايام الميزانيه بتكون حلوه

الفندق ممكن بحدود ال٤٠٠
التذاكر دقي على مكتب سفريات شوفي جم اعتقد ب٣٠٠ يعني انتي وزوجج ب٦٠٠ دينار ويمكن اقل بشوي

المصرف حطو ١٠٠٠ دينار ( اكل ومواصلات ومشتروات خفيفه )

يعني كله ب ٢٠٠٠ دينار ان شاء الله *

 

[دنيــا الـــوله]

تسلمون ع الردود ماقصرتو بـْ•ـٌْسً ١٥٠٠ ماتكفي انا رايحه اتمشا مو اتسوق

 

[ALTaf.m]

ياعمري مردج بيزوغ قلبج وبتشترين حتا لو شي خفيف ورخيص خصوصا التذكار

وعلى حسب انتو جم وجبه تاكلون باليوم عشان بالضبط تحددين الميزانيه والتكاسي غاليه وهل تقعدون بكافيهات

حاولي تزيدين عال١٥٠٠ ٢٠٠ عالاقل *

 

[لندنية]

مممم عندي اقتراح ليش ماتاخذين فندق ارخص وبهالطريقة توفرين للتسوق وحتى السياحة بلندن يبيلها فلوس غير الاكل والتكسي لاتنسون اي مكان تبي ادش يبيلها تذاكر دخولية ,,, اربع ايام ماتسوى فندق غالي
هذا رأيي وخاصة انتي تبين تستغلين كل يومج بلندن والفندق بس للنوم

 

[دنيــا الـــوله]

٣٢ مشاهده ومافيهم اللي ردت ع العموم ماقصرو حبيباتي اللي ردو علي وبغيت اسألج لندنيه وين الفنادق الرخيصه ابي ارخص فندق ويكون قريب من السوق والفندق ابيه بـْ•ـٌْسً للنوم لان طول النهار بتمشا واطلع

 

[لندنية]

32 مشاهده ومافيهم اللي ردت ع العموم ماقصرو حبيباتي اللي ردو علي وبغيت اسألج لندنيه وين الفنادق الرخيصه ابي ارخص فندق ويكون قريب من السوق والفندق ابيه بـْ•ـٌْسً للنوم لان طول النهار بتمشا واطلع

بالضبط هذا قصدي الفندق للنوم
اسعار الفنادق تعتمد انتي متى تبين الحجز يكون ......
عشان اشوفلج فندق قريب ورخيص

 

[كويتيه cool]

انا انصحج بكمبرلاند او تيستل ماربل ارتش

لان الاسواق اللي يمهم من غير تكاسي فيوفر لج الفلوس

واذا بغيتي تروحين ويست فيلد واماكن تحتاج لتاكسي اخذي بطاقه الايوستر

 

[لندنية]

كويتيه صح كلامج حبيبتي الفندق هذا قريب ع اكسفورد اتوقع غالي عليها شوي ... المهم حبيبتي القرار الاول والاخير
لاختنا دنيا الوله انا شفت فندق ماربلاج تقريبا 290 باون لليلة الوحده يعني يبيلها اكثر من 1000 باوند بس فندق

بس لو كنت بمكانها بسوي كالأتي

1 احجز فندق مو وايد بعيد عن السنتر ورخيص بالكثير الليلة بتكون 100 باوند او 120 واتوقع اكو فندق هذا سعره بمنطقة ايلنك خط واحد بالاندر قرواند لسنتر لندن تقريبا 20 دقيقة
اشتري تكت للقطارات ونفسه للباصات يستعمل لمدة اربع ايام لج ولريلج يكلفكم يمكن 60 باوند لمدة اربع ايام شاملة القطارات والباصات


2 اول يوم يكون لاشهر مناطق لندن ولاتنسين النهار طويل ساعة 9 الشمس موجوده

Madame Tussauds + London Eye + River Cruise
the London Dungeon,
SEA LIFE London Aquarium and the
او انتي اختاري الاماكن الي تفضليها بامكانج تشترين تذكره شاملة الكل او اي 3 منهم
سعرها اذا بتاخذينها نفس اليوم 42.50 £
او اون لاين 38.25 £

ثاني يوم اروح مثلا ريجنس بارك او الهايد بارك اتوقع بيت الاميرة ديانا موجود شوفي القصور بلندن باكنهام بلس ههه مادري شلون اكتبه بالعربي
باختصار الحدايق والمتاحف والقصور

ثالث يوم اكسفورد وبيكادلي وهارودز وشارع النايس برج كله يعني الاسواق المعروفة يوم خاص للتسوق بس

ورابع يوم يكون اختياري لج ولزوجج او طلعي مناطق ابعد مثلا قلعة باطراف لندن وقريبه ع المطار اسمها ونزا windsor castle فيها قلعة حلوة
دشي هناك وتمشي بهالمنطقة وااكو مطاعم عربية هناك

طبعا خلال هالايام تسهرين باجورود عشاكم يكون هناك الجو حلو والكعدة بتكون احلا

ومثل ماقالو البنات تقريبا 1500 بتكفي اذا ماتبين تشترين اشياء غالية

وبنات اذا نسيت شي ضيفوا انتو يمكن تستفاد من اختنا من افكاركم

 

[دنيــا الـــوله]

ياحياتي يا لندنيه تسلمين والله علا اهتمامج للموضوع وكلج ذوق صراحه فدتيني بأشياء ماكنت عارفتها ويعطيج الف عافيه

 

[لندنية]

حبيبتي بالعكس حبيت افيدج ولو بشي بسيط عالعموم اي سؤال او اي شي يصعب عليج بموضوع لندن مايردج الا الكيبورد
سلامي
وانشالله باقرب وقت تنورين لندن