تكفوون ردوا علي ربي يرزقكم

[لشبونة]

مساكم الله بالخير ...
الله يرزقكم الذرية الصالحه ولايحرمكم

بسألكم سؤال ...

سويت تحليل يوم 21-5-2009

هرمون حليب وغده وتبويض

اخذت نتيجة التحليل بتاريخ 27 _5_2009

طلع عندي هرمون حليب مرتفع بقدر 5 درجات يعني مرتفع فوق 24 اللي هو الطبيعي الى 29 عطتني 4 حبات

من يوم الاربعاء 27 اخذت حبه نص الصبح بعد ماطلعت من عندها ونص الليل وبعدها السبت نفس الشي

بعدين الاربعاء بتاريخ 3-6-2009 وبعده الجرعة الاخيره اللي هي السبت 6-6-2009 اليوم تعبت شووي

ونزل علي شي بني رحت المستشفى وعلمت تحليل دم وطلعت حامل شلون اكل حبوب واحمل انا بدال لاافرح جلست ابكي

علمآ ان دورتي 29-5-2009 ماجاتي يعني بعد اول جرعه بيومين

تكفون ردووا علي كيف احمل وتأثير الحبوب ابي الصبح يطلع واطير لدكتوره

الله لايحرمكم اجري ولا الذرية

 

[دمـوع الشـموع]

عزيزتي
لا يضيق خاطرك وهذا رزق من ربي ليه ضايق خلقك

 

[لشبونة]

ابي اعرف الحبوب هذي تأثر علي لاني مااعرف متى حملت اخر فحص لي زي ماذكرت يوم 20-5

والحمدلله على كل حال بس اخاف يصير للجنين شي وانا كنت اكلها وماادري

 

[روعة الالوان]

ان شاء اللة البنات يفيدونج اللة يثبت حملك باذن اللة يرزق كل محروم​

 

[bnt_kwt]

لا تحاتين حبيبتي ان شاء الله هالحبوب ما منهم مضره
وايد ناس اعرفهم كانوا ياخذون حبوب منع الحمل واحملوا واهما ياخذون الحبوب
وفي ناس كانوا ياخذون علاجات ثانيه وصار لهم حمل من غير ما يدرون

ربج الحافظ ان شاء الله لا تحاتين والله يتمم عليج على خير

 

[_ظل الياسمين _]

توكلى على الله ..مافيج الا العافيه افرحى برزق بربك...

ياما حريم كلوا حبوب..انا عن نفسى سويت اشعتين وانا حامل..

وخرعونى وخوفونى وتوكلت الله والحمدلله ماكو الا الخير بفضل الله.

 

[لشبونة]

الله يجزاكم خير ومالي الا الصبر لي سنة من تزوجت ومصدع راسي شلون ماتشووف الحمل بتاريخ 20-5 لما سوت لي السونار
تصبحون على خير وراحة بال ...

والله يرزقكم ويرزقني الذرية السليمة المتعافية ..

 

[ورود الودود]

حبيبتي إن شاء الله إنها ما تأثر ياعمري إذا حبوبج هي الديونتيكس فهي أساسا تساعد على الحمل لإنها تزيد الإخصاب لا تضايقين ....

ألف مبروك والله يتمم عليج يارب ..

بس راجعي الدكتوره أحسن عشان تطمنين أكثر ..

 

[mosta7eel]

حبيبتي لا تحاتين ان شاءالله ماكو الا العافيه
وانتي احسن تطمني من الدكتورة وعسى ربي
يثبت حملج ويتمم لج على خير

 

[فتكات بنت كيداهم]

عادى لاتخافين شى عادى

 

[ترووفه]

الف مبرووووك ياقلبي وعسى الله يثبت حملك يارب

ولاتحاتين توكلي على الله واستودعيه جنينج والله والحاااااااااافظ

 

[لشبونة]

قووه يالغاليات ...

شاكره وداعيه لكل من تكرمت علي بالرد ...

رحت الصبح حق الدكتوره طبعآ وحده ثانيه هذيك من زين الحض استقالت المهم

رحت لها وشرحت لها السالفه .. قالت اول شي بإذن الله ماتأثر ثاني شي نعملك سونار

رحت عملت السونار قالوا مافيه كيس جنين ولا شي

قلت الدم وطلع فيه حمل شلون هذا لا

رجعنا للمختبر وتأكدوا من التحليل ثاني مره وقالوا حامل

انفك راسي من هالحوسه واعصابي تلفت

رجعت للدكتوره قلت هذا التقرير قالت ممكن للحين بالبدايه وتحليل الدم مايخطي ... قلت خير ان شاء الله

عطتني حامض الفوليك ... وقالت بعد اسبوعين تعالي ولو نزل عليك دم ممكن نعطيك مثبتات حمل !!!

حبيت اطرح هالحكي عشان استفيد وفيد لو وحده صار لها مثلي ...

وربي كريم بااصبر لين اشووف اخرتها هل هو لسه بالبداية ولا شلوون الدم يكذب ؟؟

الله يرزقني وياكم الذريه الصالحه المعافاة ...

 

[ايمانو حلوة]

انشالله ماكو الاا لعافية


بس اشصار عليج وقف الدم؟؟؟

 

[لميس000]

حبيبتي إذا من تحليل الدم طلعت نتيجة الحمل
مبرووووووووووك انتي حامل
الجنين صغير للحين مو مبين بالسونار
وعسى الله يثبت حمالج ويرزقج بالولد الصالح