تكفون يا خبيرات لندن ساعدووووني الله يرضى عليكم ساعدوني

[albootot]

والله لندن وايد غاليه من كل النواحي
عندج محل اسمه house of frase موجود في اكسفورد عنده جناط ماراكات ومكياج وعندج محل اسمه بريمارك بضاعته وايد حلوة ورخيص وعندج سوق السبت وايد يونس تحصلين اشياء تنباع بمحلات اكسفورد واقل من نصف السعر

 

[شندوخه]

اذا تبين جنطه حلوه ومو بالكويت
عندج ماركه ميو ميو

 

[Maneena Manaana]

شندوخة خبرج عتيج... ميو ميو اكو بالكويت...لول ماكو شي ماكو بالكويت

 

[شندوخه]

صج ؟ مادري والله انا مندثره هني

 

[الداعية]

نصيحتي خمي كثر ما تقدرين من بجامات العيال وللبيت من بري مارك primark

لا طوفج وراح تدعيلي كلمت عجيب شوي عليه وحدا رخيص وكويس:icon30::icon30::icon30::icon30:

 

[brettey]

يا قلبي الداعيه عسى ربي ينولج كل الي في بالج

 

[عروس الدنيا]

شوفي حبيبتي لا تيبين شي غير الماركات لج و لعيالج و الباجي كللللللللللللللللللللللله موجود بالكويت و بنفس السعر ...
ما تسوى عليج تشنقلين اغراض و تدفعين وزن حق شوية بجامات .... اخذيلج السوالف الرزه احسن لج

 

[brettey]

مشكوره يا قلبي

 

[adool70]

انا زرت لندن عدة مرات و اظل فيها بالشهرين و الثلاثة في كل زياره

لكني ما شفت شي مميز في مولاتهم الحمدلله كل شي متوفر

اهني بالكويت خصوصا بعد ما انفتح الافنيوز كنا نتعنى انا و ريلي نركب القطار بالساعة و الساعتين نسمع عن

اسواق يديده عندهم و بس نوصل نلقى فروع نفس المحلات باكسفورد ستريت بس جو المجمع اهو اللي غير

لندن مو حق الشوبنج بس مايمنع حق اللي يزورها اول مره ان يروح الهارودز و سيلفريج و

باجي المجمعات عادي نفس ستايل دبنهامز مافي شي وااااااااااااو

اذا حبيتوا تتسوقون من سوبر ماركت حلو اسمه ويت روز بالمارلبون هاي ستريت

وايد راح تستانسون على اسعاره و نصيحة استخدموا الباصات وايد اونس و ارخص واشتروا التذاكر الاسبوعية اوفر

لندن وقت الصيف ما تنطاق بسبت الحر و الشمس واسعار الشقق غالية تبدا من 700 باوند بالاسبو ع

اذا كنتوا محظوظين لاو بدون تكييف !

بس بالليل تقدرون تبطلون الدريشه و ساعات الناس يشترون مراوح صغيره

في اماكن بره لندن بيوت في مزارع للايجارو السعر طبعا وايد ارخص هناك تشوفون الطبيعة الحلوه و

تستمتعون بالمناظر و تقدرون تدخلون عيالكم نادي بعد و اذا حبيتوا تنزلون لندن تاخذون القطار

و لندن اكثر من اسبوعين مملة جدا جدا

 

[brettey]

مشكوره يا قلبي
عسى ربي ينولج كل الي في بالج

 

[cacaw_q8]

شوقتونى متى الله يكتب لنا ونزورها

 

[سجى 2000]

ابي اسئل عن الشالات الحلوه بلندن وين احصلهم ؟