تكفون يا خبيرات لندن ساعدووووني الله يرضى عليكم ساعدوني

[brettey]

اشلونكم يا حلوات
الي عندها خبره بلندن انا لي نيه انشاء الله اروح لها الصيف الياي وبقعد اسبوع او بالكثير 10 ايام انا وزوجي وعيالي اثنين صغار بالابتدائي والروضه ابي اعرف جم اخذ معاي مصرف حق اكل ومشترى جم يكفيني بالضبط وانا نوعا ما شرايه وبنيتي اشتري جنطه وحده ماركه يعني شكثر يكفيني وشنو المحلات الي مو موجوده بالكويت وابي مكياج وعطور مو موجوده بالكويت
واشلون اسعار مجمع السلفردج نفس الصالحيه ولا ارخص ؟ طبعا بروح هارودز اتطمش ممكن اخذ داخلي منهم يمدحون حمالات الصدر ملوتهم بس الجناط باخذ من السلفردج عموما ياريت توافوني بكل شي اهم شي جم اخذ معاي طبعا راح اكون دافعه الفندق والتذاكر مسبقا بالكويت
والي تساعدني عسى ربي مايرد لها دعوه امين

 

[BaiTotia]

هلا بريتي

أخذوا معاكم 3 آلاف دينار مصروف أو ألفين

وسعر الجناط والله ماأنصحج تكودين إلا إذا الماركة مو موجوة عندنا أو موديل يديد مو نازل بالكويت

لأن نفس الأسعار بس فرق الvat و طبعا بيردونه لج بالمطار

وبالنسبة للمكياج والعطور و الملابس اللي مو موجدة أنا يوم رحت هالصيف حسيت كلشي موجود عندنا خخخخخخخخخ لأن مو رايحة الأفينيوز إلا مرة وحده فكل المحلات أتوقع بطلت عندنا إنتي لا شفتي اسم ماركة غريبة وعجبتج أخذي منها وإن شاالله البنات يفيدونج أكثر بهالموضوع

و في شغلة لا بغيتي تاخذين جناط ماركة أو شيلات وهالسوالف من المطار أحسن لأن ماعليهم ضريبة أحسنلج

وروحي الoutlet بالقطار

 

[فراولة^فوشيا]

لندن اخذي معاج ثروه خخخخخخخخخخخ

لا والله بس اهيه وايد غاليه حتى مطاعمها

وبالنسبه للمشترى ماتتشوقين وايد لأن كل شي موجود بالكويت بس الجناط والله يسوى تاخذين من بره أضمن وخاصه اذا موديل يديد بس اسعار الماركات ماتفرق تره

والعطور والمكياج مايبيله هارودز عجيب حتى سيلفرج ينزلون مثلا عطر اكسكلوسف مخصوص بس لهارودز او مخصوص بس لسلفرج وتلقينه ماينزل الا عقب سنه في الكويت او اي مكان ثاني

اذا تحبين كريمات للجسم وسنفرة في ماركه عجيييييييييييبه اسمها Bliss تلقينها موجوده في هارودز

انشالله تستانسون يارب واستمتعوا بالكافيهات

اموت على كافيه لادوريه في هارودز قمة الرفاهيه

 

[brettey]

يابعد عمري الهي ينولكم كل الي في بالكم

 

[NaJwAn]

لنــدن غاليـة
والبنـات كفوا و وفوا
بس صدقيني ساعات تلقين اشياء بالدواعيس و بره لندن روعه

تروحين وتردين بالسلامة و have FUN
:eh_s(8):

 

[brettey]

بعد عمري ماقصرتوا انزين شنو الماركات الي بلندن مو بالكويت جناط ومكياج لا تقولون dkny لان عندي منها اصليه ماخذتها من دبي
وعندي ال في وديور بعد اصليين ابي ماركه غير وتكون مو موجوده بالكويت

 

[سيدة الكويت]

اى والله شنو ماركات جناط فى لندن ابى وحده سعرها ما يزيد عن 100 دينار بس دكنىلالالا

 

[brettey]

مشكوره يا قلبي الهي ينولج كل الي في بالج

 

[أم صالح]

انا توني يايه والله مالقيت شي غريب كل شي موجود عندنا واله نفس البضاعه ونفس الاسعار كنت مستانسه على قمصان شريتهم من محل بالاكسفورد واول مالبسته ورت الافنيوز قالت لي الموظفه بالمحل شو هالقميص الحلو وطباعا تشققت قتلها من لندن جان تقولي مومن عدنا هون قلت ل قالت ليكو معلق شوفي الا نفس المحل فاتح بالكويت لا وتنزيلات ومالقيت صناعه انجليزيه بمحلاتهم كله صيني ومصري وبنغلادش والله الانجليزي بسوق السبت حصلت جاكيتات حلوه وبعد بره لندن بسوق برايتون انا معاي عيالي 2 وزوجي وسكنا بشقه عاديه الاسبوع 200 دينار قعدنا اسبوعين ورحت 3رحلات بره لندن وشريت كل اللي ببالي وحق اعيالي كلفنا 2000 دينار مع السكن والمطاعم بس تذاكر من الكويت بس قزرتها باصات ومشي والمترو لان التاكسي غاليه وفيه محل رخيص وحلو ومو موجود بالخليج يشبه لاند مارك بس والله بضاعنه حلوه وقمصان النوم تهبل وهدوم اليهال روعه اسمه بريمارك بشارع اكسفورد مقابل الكنتاكي

 

[brettey]

مشكوووووووووووره يا قلبي ام صالح عسى ربي ينولج كل الي في بالج

 

[فلوه]

حبيبتي البنات كفوا ووفوا يعطيهم العافية بس أبأكد علي بيستر فيلج رووعه لازم تروحيلها بتلقين معظم الماركات بأسعار أقل مثل ديور وسلفاتوري فيرغامو وفرساتشي وسيلين وبيربري .. تروحين من مالبورن ستيشن .

وفيه محل طحت فيه من سنتين مررره حلو ماركات ليس:tongue22: المحل بالوايت ليز فوق بالجهه اليسار تلقين فيه ديور , برادا , جوسي كوتور , فيرغامو , كفالي , ميسوني .

وفيه شارع بآخر أكسفورد تقاطع الريجنت علي اليسار سوق جمله حليووو تلقين كم محل يبيعلك بالمفرد
وبالأكسفور بعد بودي شوب يسار فيه مجموعة محلات مررره حلوة وكذا مطعم لايفوتك :rerrerek:

طبعاً لازم تمرين علي البوند ستريت لاحظت أن محلات الماركات فيه أكثر تشكيلة من غيرها .


وأي خدمة أنا حاضرة

 

[brettey]

مشكووووووووووووره يا قلبي فلوه عسى ربي ينولج كل الي في بالج

 

[أم منصـ 85 ـور]

أنا أحتمال شهر 3 أروح لها وياليت تفيدونا أكثر بنات واذا مافيها كلافه الي تعرف شي عن باريس وسويسرا تقولنا لان بنروح 15 يوم لندن باريس سويسرا اذا الله كتب

 

[malak 7ayati]

ياحلو لندن والله اللي يروحلها مرة ما يقاوم الا ويردلها ثاني اختيار موفق بالنسبة للمصروف ماانصحج تاخذين اقل من 2000 لان اهي اسعاارها ناااااار وخاصا المعيشة بس السوووووووق لا مو غالي تقريبا مثل الكويت مايفرق وانا انصحج بجاب هناك بضاعته روعة وصج تقريبا كل المحلات بطلوها هني بس هناك غير ماراح تلاقين نفس البضاعة وراح تشوفين وتقولين اصدقت ملاك اللي هني ويع وجنهم يايبين الستوكات انا شارية حق بنتي مخمطتلها من اش اند ام قبل 3 سنوات ولما بطلوة شفت نفس البضاعة اووووووووولة المفروضة قديمة وهم منزلينها عندنا مساكين والله

المهم لا يطوفج بري مارك هذا روعة ووايد رخيص حق ملابس اليهال والملابس الداخلية والبجامااااااااااات وااااي يهبلون وشرخصهم الوحدة على 2ونص تخيليلي وهني بلاسنزا على 16 وعندج دورثي وايد روعة ملابسة حقج وعلى العموم انتي بس دشي اكسفورد راح تشوفين كل شي قبالج بس انا انصحج لا تقولين تعبت وماني مكملة اذا تعبتني خلي التاكسي يقطج اخر اكسفور وامشي بالعكس لان وايد في محلات ورا والناس يتعبون ولا يكملون .... امممممممم اكمل
وتقاطع اكسفورد راح تلاقين ريجنت ستريت هذا روعة كلا ماركااااااات وبنايات تحف انا حبيتة واخره راح توصلين البكدلي انتي راح تعرفين انج عند الريجنت راح تشوفين تقاطع مثل الاكس يكون في بعد تحت نف طبعا انتي فوق شوفي يمين اذا كنتي على اليسار راح تلاقين شارع ماله اخر هذا اهو ريجنت ستريت .... بس انتي قبل لا تروحين كملي سيدة ولا يطوفج مس سلفرج وايد حلو واذا تبين اي معلومة لا يردج الا ايديج) اي صج ولا تنسين بوند ستريت و نيوبوند ستريت هذا كلا ماركات ومجوهرات بعد )))) و جود لك حبيبتي ))

 

[brettey]

مشكوره مشكوره مشكوره ملاك حياتي وعسى ربي يحقق لج كل الي في بالج

 

[Yasmain]

عاشوا خبيرات لندن ,,,,,,:eh_s(15):
كفيتوا ووفيتوا,,,,,,,,,,

بعد بنات نبي مشاركات أكثر ,,,, أنا ناويه أروح لندن عن قريب :eh_s(9):

 

[brettey]

اي والله بعد لا يوقف بعد الي راحت والخبيره فيها تفيدنا

 

[Maneena Manaana]

http://www.streetsensation.co.uk/

دشوا واخذوولكم فرة بشوارع لندن شوفوا شنو اكو وماكو

اول ما اتدشون السايت بتشوفون اسامي الشوارع بالازرق oxford و bond وكل الربع ... كلك على الشارع اللي تبونه
وبعدين كلك على رقم واحد... لما يطلع لكم السوق وتوصلون اخر الشارع اقصد اخر الصفحة مو ترجعون وترعصون 2 ... بس رعصوا كونتينيو ( السهم ) واهو يكمل فيكم (عسى بس فهمتوا شرحي الخربوطة)

 

[brettey]

بعد عمري ما قصرتي يا عسل ونكج عجييييب maneena manaana
ذكرتيني بولدي العود يوم كان صغير بنت اختي اسمها مريم احنا نقولها مريومه واهو يسميها مانينا لووووووووووووووووول

 

[Yasmain]

خووووش موقع يا مانينا مانانا........