تكفون ياامهات والله شايله هم

[العطر 87]

السلام عليكم ابي مساعدتكم ورايكم انا عندي ولدي عمره ثلاث سنين ونص يعني ماتجي السنه الجايه الا اهو داش الروضه ومحتاره وين ادخله خاصه ولا حكومي اهو حيييييل متعلق فيني والمدارس الخاصه كلها بعيده يعني اخاف يخترع من الطريق انه بعيد والروضه قريبه من البيت ادري بتقولون تو الناس بس والله شايله همه من الحين ولا المدرسه اكيد بدخله خاص شتشورون علي لاتطنشوني بليز

 

[ريماا]

الحكومة ماعادت مثل اول المناهج تتغير وكل مالها تزيد سوء
وشوفى لازم من السنة الجاية تقررين الان اذا دخلتية حكومة وهونتى ماراح تقدرين تحولينة للخاصة الا اذا كان شاطر بالانجليزى عكس اذا دخلتية من البداية يسون لة اختبار بسيط وياسسونة لج طبعا انتى معاهم خطوة بخطوة
اختارى المدارس القربية منج ومريها وسألى عنها وبعدها اختارى اللى يناسب ظروفج

 

[العطر 87]

فديتج باريما

 

[بنت البحرين]

انا كلامي مثل ريما لاتصيرين مثلي بنتي البجر دخلتها حكومه لكن تحسفت قد شعر راس خبل ماكنت ادر شسالفه
لكن عوضت في ولد الثاني والحمد لله
وروضات الحكومه طاااااااااااااااااااااااااااااااالق بثلاث

 

[أم عبووووود]

شوفي حبيبتي انا ولدي البجر دخل الروضة حكومة بس احس ما استفاد شي عكس اخوه واخته دخلتهم خاصة بس ماشالله فرق شاسع يوم دشوا اولى ابتدائي تحسين يعرفون الاحرف وبعض الكلمات القصيرة والارقام و يعرفون يمسكون القلم عدل فأسوأ مدرسة خاصة أحسن من أحسن روضة حكومة (من ناحية ان يصير عند الياهل خلفية وفكرة عن الدراسة لكن باللعب )

عقب الروضة حطيه بحكومة يصارع الزمن مع المناهج اليديدة

 

[* قلبــ أنا ــك *]

اختي ..المدارس الخاصة اهتمام وتأسيس مافيه احلى منه ..عيالنا بالروضة الحكومية يطلعونهم ما شاء الله
خبررررة وتمكن من الرقص والغناوي ..هذا اللي ماخذينه منهم ..

عقب الروضة حطيه بحكومة يصارع الزمن مع المناهج اليديدة

ام عبوووود حلوووة يصارع الزمن هذي :ggdw:

 

[أم عبووووود]

عجبتج صح :dddds:

اي والله اشرايج مو عيالنا قاموا يصارعون الزمن بالمناهج اليديدة ؟

مساكين الله يوفقهم

 

[ReeMaN]

هههههههههههههههههههههه حلللللللللللوه صارع الزمن :>:>:>
ام غازي انا ولدي كان مثل ولدج حيل لزقه فينى وماعندي الا هالولد واخاف عليه وايد بس لما صار عمره سنتين كنت مضطره ان اخليه يفج عني اشوي كان مايبي احد يجيسه لا من لبس ولا اكل ولا انتو بكرامه حمام والا سبوح وماكنت اقدر اطلع مكان بروحي لان كان يصيح اذا خليته وان طلعت دقو علي ولدج يصيح وولدج مو راضي وانتو بكرامه يدش الحمام سوري طولت عليكم بالرد زبدة الموضوع اضطريت ادخله حضانه عشان اشوي يتعود على ان يفج عنى اشوي والعصر كنت اوديه بداية بيوت خواتى وبيوت عماته وامشي عنه بس ماطول عليه بداية ساعه وارد اخذه قبل لا يحس انى مو موجوده وبالتدريج وصارت العطله وحبسته معاي بالبيت اسبوع الين زهق من قعدة البيت والحين اى احد يزورنا ولدي يترجاه ان يطلع معاه بالسياره حتى لو بدونى :> والحمدالله لما صار بالروضه ماتغربلت معاه بيتنا بالمناطق الداخليه واهو باقصى السالميه :>:>

 

[ReeMaN]

واذا على المدرسة حسب سكنكم اذا بالمناطق النموذجيه اتوقع ماكو احسن من روضات الحكومه بس اذا انتى مفكره مستقبلا الابتدائي اتدخلينهم مدارس الخاصه لازم من الروضه اتدخلينه مدارس خاصه والا راح تتعبين معاه واتعبين ولدج معاج ومع المدرسه

 

[ريمااس]

انا كنت محتاره في بنتي ويوم جيت ادخلها ريااض اطفال خاصه قالوا لازم عندها خلفيها
كنت بسوي لها اختبار بس قالوا تسكر التسجيل
انصحج من هالسنه دخليه حضانه تابعه لمدرسه
عشان السنه الجايه اولى روضه وثانيه والمدرسه حكومه عادي
تعالي شوفي بنتي فررق كبير بينها وبين رفيجاتها ومتعذبه وياها

 

[برونزية رشيقة]

المدارس الخاصة افضل حق مستقبل الولد ... وثانيا دخليه هالكم شهر حضانة علشان يفج عنج اشووووي والا باجر راح تتأذين إذا دش الروضة وهااااااات يا صيااااااااااااااح وبجي ودمووووووووووع كل ما تودينه

وبالنسبة حق يصارع الزمن .... حلووووووووووووووووة منكم ههههههههههههههههههههههههههههههههههههههههههه