تكفون واسوني........حدي متضايقه

[* أوفى الخلق *]

السلام عليكم

شلونكم خواتي ان شاءالله تمام

والله لوما اعزكم واعتبركم خواتي ماكتبت هالموضوع ولاني واثقه ميه بالميه انكم بتبردون جبدي و تريحوني شوي بعد الله ما كتبت وعذبت عمري

و الله اني محتره وبقلبي نار نار وحدي منقهره وعيوني ماوقفت بجي :eh_s(2): من رجعت من الدوام
تخيلوا ياجماعه انا مدرسه والكل يمدح فيني وبشغلي و بشرحي حتى حاطين اسمي على لوحة التميز بس اليوم انصدمت اليوم الناظره كرمت المعلمات المتميزات تخيلوا حتى المدرسات الي معاي كل شوي يقولون الحين اسمج يطلع لانهم واثقين اني مميزه والحمدلله بس تخيلوا ماكرمتني وانا متعوده على التكريم والله مو مدح بنفسي بس هذا الصج انا ادري انها شايله علي حيل مو شويه تدرون ليش خطبتني قبل فتره حق ولد اختها بس رفضت >>>> عاد توني قبل اسبوعين ملجت تلقونها ماتت من القهر
المشكله قبل فتره حضرتلي درس والله من كثر مامدحت فيني بغيت ابوسها على راسها ياربي ليش هالتناغض والله اليوم لما كرمت الابلات وماتكرمت حسيت انقص وجهي قدام البنات و المعلمات حتى الفراشات كرمتهم ليش أنا:eh_s(14): لأ
يابنات انا مقهوره مقهوره منها عساكم ماتحسون باحساسي حاسه كارهه المدرسه وماودي اداوم:eh_s(2):
حسبي الله عليها و نعم الوكيل
الظلم شين يابنات

لا تظلمن اذا كنت مقتدرا
فالظلم اخره يأتيك بالندم
تنام عينك و المظلوم منتبه
يدعو عليك و عين الله لم تنم

ادري كلامي مخربط من القهر والله سامحوني:eh_s(16):قولولي خواتي معاي حق ازعل و لا لأ؟

المايك لكم​

 

[ندى العبير]

حبيبتي لا تزعلين نفسج

ماقالت اسمج اليوم كيفهااا المهم انتي واثقه من نفسج ومن شغلج وكله اسم لاتشلي بخاطرج

 

[* أوفى الخلق *]

مشكوره حبيبتي ندى
بس والله يحز بخاطري لما اكون احق من بعض المدرسات واهم يتكرمون وانا لأ بس علاقل تحسين احد يقدر تعبج لو بكلمه طيبه

 

[ام الدرر]

حبوبة ليش زعلانة
انتي تشتغلين عشان التكريم ولا عشان هذي وظيفتج ومطلوب منج
ياقلبي سوي الشي مرضاة لله بالاول والاخير ولاتنطرين مقابل بترتاحين
وهي اذا ماكرمتج يمكن بتعطي فرصة لغيرج
احسني الظن ولا تخلين ابليس ينكد عليج
ونصيحة
اشتري هديه وعطي الناظرة عشان تبينين انج مو متضايقة ​

 

[روانتي 12]

عاد تصدقين اليووم كرموو بناات و انا ماكرمووني و امي ويااهم بالمدرسه لكن ماخذه اجازه لترم هذا

و تخيلي كرمو بناات مو متفوقات ولا هم يحزنون صراحه حييييييييل تفشلت الكل قاعد يطالعني يقولون بنت فلانه ماتكرمت

ليش ووو الي الاخير صج صج شلت بخااطري انغثيت ليش يسون جذي

و الله انا حاسه فيج ...بس صج اقهرووني ..و اظلمووو نص البنااات

 

[* أوفى الخلق *]

حبوبة ليش زعلانة

انتي تشتغلين عشان التكريم ولا عشان هذي وظيفتج ومطلوب منج
ياقلبي سوي الشي مرضاة لله بالاول والاخير ولاتنطرين مقابل بترتاحين
وهي اذا ماكرمتج يمكن بتعطي فرصة لغيرج
احسني الظن ولا تخلين ابليس ينكد عليج
ونصيحة

اشتري هديه وعطي الناظرة عشان تبينين انج مو متضايقة ​

لا لا لا لا انتي فاهمتني غلط انا ماهمني التكريم بمعنى التكريم انا الي رافع ضغطي اني اتحمل فوق شغلي شغل مولي مو مثل بعضهم الي لاعطوها حصة احتياط قومت الدنيا وماقعدتها ومع هذا كرموها ليش النفاق ليش الظلم يعني منو احق بالتكريم ومنو احق انه يرفعون معنوياته ويقولوله ماقصرت يعني لاصار لسانج طويل اخذتي حقج هذي سياسة ناظرتنا

 

[* أوفى الخلق *]

روانتي
حسبي الله عليهم انا اعرف بعض الابلات يكرمون البنات حسب مزاجهم الله يبعدج عنهم

 

[ToOoTi]

حبيبتي خليها

حسابها عند رب العالمين


يعني الحين انتي مو متميزة عشانج رفضتي ولد اختها استغفر الله


يا بعد قلبي نسوي لج تكريم بالمنتدى وبالطقاق بناظرتج


انا اكره الناس اللي تخلي امورها الشخصية تتدخل بوظيفتها او مركزها

 

[قلبي القرآن]

لا تضايقين ولا تزعلين عشان تكريم
واذا هي عقلها جذي كيفها ربي فوقها وبيحاسبها
انا جذي نفس سالفتج خطبتني بنت عمي لولدها وانا
ما وافقت وعقب فتره ملجت وتخيلي لاهي تسلم علي ولا بناتها
شدعوه الحمدلله والشكر صج يحز بخاطري ولما اكون بعزيمه
ولا مناسبه يقعدون مايقومون للسلام وحتى الناس حسو
بس بعدين قلت ميته على سلامهم وصرت اسوي نفسهم اقعد ما اقوم لهم
و عطيتهم اكبر طاااااااااااااف
فأنتي سوي اللي عليج جدام ربج لأن هذا شغلج ولج الأجر بإذن الله
واكيد الأجر اهم من التكريم​

 

[* أوفى الخلق *]

توتي ...... اي والله هذا الي كنت خايفه منه ان يكون عقلها صغير وتدخل الامور الشخصيه بالشغل

قلبي القران ........ الله يجزاج الجنه

 

[* أوفى الخلق *]

ياربي الله يستر من التقييم اذا على شهادة بخلت فيها علي شلون التقييم الله يستر

 

[malte]

حبيبتي ولا يهمج أنتي سوي الي عليج ولاتقصرين بس هم لاتضغطين على روحج بش انتي مو مطالبه فيه
نفس النشاطات الجماعيه وجذي(ناسيه اسمهاا)loool
يعني قومي بالواجب ولاتسوين شي فوق طاقتج دامهم مايقدرون التعب والتضحيه
ولاتضيقين خلقج فديتج ولاتكدرين خاطرج ترى الدنيا ماتستاهل القهر اليوم انتي متعاونه وياهم
وباجر بتنشغلين بالزوج واليهال إنشاء الله

 

[Uniqueness]

وعسى أن تكرهوا شيئاً وهو خيرٌ لكم ..
أختي .. إن ما كرمتج الناظرة .. يكفي إن الله مطلع على عملج ويعلم مقدار الجهد اللي تبذلينه ..
وأجر الدنيا وتكريمها زايل .. لكن أجر الآخرة دايم ومحفوظ بإذن الله تعالى ..

لا تحرين قلبج ولا تتضايقين .. خلي الأمر عادي .. ولا تبينين هالشي أبد .. حتى ما تشمتين أحد فيج ..
وعسى الله يوفقج ويكتب لج الخير آمين ..

​

 

[* أوفى الخلق *]

حبيبتي ولا يهمج أنتي سوي الي عليج ولاتقصرين بس هم لاتضغطين على روحج بش انتي مو مطالبه فيه
نفس النشاطات الجماعيه وجذي(ناسيه اسمهاا)loool
يعني قومي بالواجب ولاتسوين شي فوق طاقتج دامهم مايقدرون التعب والتضحيه
ولاتضيقين خلقج فديتج ولاتكدرين خاطرج ترى الدنيا ماتستاهل القهر اليوم انتي متعاونه وياهم
وباجر بتنشغلين بالزوج واليهال إنشاء الله

شرايج حبيبتي اني ماسكه نشاط وانا اكثر وحده بالقسم نصاب بالحصص وفوق هذا اخذ احتياط وما عمري تنرفزت عليهم كله اقول ان شاءالله وحاضر يالله ربي حسيبهم

مشكوره عالدعوه الحلوه:eh_s(22):

 

[DALA3.RA8EY]

مــأ علييج منههـأ هـأّذا قههر العــذآأل يـآقلبي خلييج قــويه وخلييج وآثقه من نفسسج ..

وبعدييــن النـآظره هـأذي متناقضضه المفرووض اتكرمج وهاذا قهههههههههر .. يسمونه

والله يعيينج ~

 

[* أوفى الخلق *]

وعسى أن تكرهوا شيئاً وهو خيرٌ لكم ..
أختي .. إن ما كرمتج الناظرة .. يكفي إن الله مطلع على عملج ويعلم مقدار الجهد اللي تبذلينه ..
وأجر الدنيا وتكريمها زايل .. لكن أجر الآخرة دايم ومحفوظ بإذن الله تعالى ..​

لا تحرين قلبج ولا تتضايقين .. خلي الأمر عادي .. ولا تبينين هالشي أبد .. حتى ما تشمتين أحد فيج ..
وعسى الله يوفقج ويكتب لج الخير آمين ..​

ماشاءالله عليج كلامج يثلج الصدر ربي يسعدج ويوفقج امين:eh_s(2):

 

[* أوفى الخلق *]

عيون المها الله يوفقج ويبعدج عن هالاشكال الي ابتلينا فيها الي ماتعرف العدل

 

[" ام حمود "]

حسبيء الله عليهم

 

[عالمي انا غير]

الله يعينج بس حاولي تتفهمينها بعد اكيد تضايقت منج واكيد هل الحركة اللي سوتها طلعت الحرة اللي بقلبها عليج الله يعينج بس المفروض تكون اعقل من هشكل

 

[* أوفى الخلق *]

ام حمود ً & عايشه باحلامي

الله يجزاكم الجنه ويوفقكم دنيا ودين