تكفون عطوني حل معاه

[مـي]

سلام عليكم يابنات

انا مو كثيره مواضيعي هنا

بس متابعه لكم بشده


بنات انا من السعوديه


وعندي ولد عمتي عمره 13 سنه ..

هما في ديره مافيها تقدم ولا تطور .. وبسبب الاحوال الماديه لاهله ..

ماعالجوه من البدايه

اء نظره قليل جدا

وبعدين قالوا يبي له تربيه خاصخ مايدرس مع الاطفال العادين
يعني ماكان فيه تشخيص لحالته

وجلس الين عمره 9 سنوات
ماتكلم


بس هو الولد متعلق فيني يشوفني كل سنه شهرين او 3 بس في الاجازات بس بصراحه يابنات

انا الوحيده اللي نطق معي وتكلم يوم صار عمر9 سنوات


وكلهم انهبلوا لما تكلم معايا .. عمتي جابته الكبير ووراه ماشا ءالله 6 اطفال ..

يعني مو فاضيه تجلس معه وكانت تفكر انه ماتكلم تأخر نطق لا أكثر



انا وقتها كانا عندي قطوة بالبيت وكنت مره اهتم فيها وهو يحب يشوفني وانا اغلسها وااكلها

وكنت اي حركه اسويها اقو له الحين تتسبح والحين كذا يلا نعطيها الاكل

وربي اول كلمه نطقها كانت اسم القطو (( لا لا )) ..

وهو حتى ماما وبابا مايقولها ..

وصار يطلع كل يوم عندي لانهم اذا جو من ديرتهم يسكنون تحت عندنا



ومايتكلم الا ااذا صرت انا وهو لحالنا ويناديني باسمي
وطلع عنده كميه هائله من الكلمات بس مايحب بتكلم

قال لي اسم امه وابوه واخوانه والشغاله حقتهم ..

والسياره صدمت ومن هالكلام

ادري طولت عليكم
بس قبل سنه رحنا لهم وجاب لي الجريده
وجلس يوريني صوره صوره

سياره - رجال = بيت

وهو العام عمره 12 سنه بس يتكلم كانو بيبي
والان له شهرين او 3 امه تقول صار بس يبكي ع طول

والمدرسه اطردوه يقولون يدخل ويطلع وهو يبكي

طبعا لايعرف يكتب ولا يقرا ولا شي


وعرضوه على طبيب
قالوا عنده نسبة تخلف بسيطه :eh_s(1):

ابي اسالكم يابنات .. احد مر عليه حد بها الحاله وكيف الواحد يتأقلم معها

وهل ممكن يدرسوا ويتخرجوا ويتوظفوا او لا ..


والشي التاني انا فكرت اعمل له دفتر فيه سيارات وبيوت واطقال وبلونات يعني تعريفيه له ..

من تساعدني بالافكار اش ممكن احط فيها

وبايش اغلفها عشان لايتلفها

تكفون ردوا علي والله انا بحاجتكم​

 

[الصابرة المحتسبة]

رد: تكفون حلوني معه

هلا أختي والحمدلله حالته أحسن من غيره,,, بس يبله إهتمام ومتابعة ومادام يتقبل منج ويكلمج ومعناه ان الأمل موجود ولاتحاتين ترى بالمتابعة وتسجيله بمدارس خاصة حتى لو يزوره مدرس خصوصي للنطق راح يتعلم ويتوظف إن شاءالله .
وانتي كثر ماتقدرين حاولي تساعدينه لأنه يرتاح معاج وهذا أول العلاج ووفريله الألعاب التعليمية والصور والله ياجرج على حرصج وتعبج.

 

[HearT ChocolaTe]

حبوبه طولي بالج .. كل شي حله بالصبر .. والله أختارج له عشان تأخذين أجره
سبحانه علام الغيوب يعلم مافي الصدور
حبيبتي انتي عندج انترنت والعلم الحين وصل لكل بيت من خلاله
حنا موجودين معاج والأفكار وضحيها وحنا حاضرين لج

كلنا خواتج ... لكن في نسبه ذكاء تقاس للأطفال تفرق عن التخلف ؟
انتي تقولين فيه نسبة تخلف ؟ هل سوا اختبار وإلا الدكتور ما سوا له ؟

وبعدين ليش ما دخل مدرسة خاصه ؟

 

[مـي]

يالبيكم يابنات والله ماتقصرون

وبالنسبه للاخت اللي سالتني عن الاختبار اي الدكتور عمل له

وقال نسبة قليله


ياربي يسعدكم

انا اقصد مااعرف اش هيا التعليميه ..

يعني زي ايش
انا ودي والله افرحه حبيبي لاني بجد احبه

وانا وامه والله مانتطايق اكبر اعداء بس ربي نزل حب هالولد في قلبي


ياربي ييسعدكم و يجزاكم خير

 

[HearT ChocolaTe]

حبوبه انا سألتج بصراحه لأن مرة قالت لي الدكتورة ان في إختلاف بين التخلف والتأخر
التأخر محتاج لتأهيل ومع الوقت يتحسن بأمر الله .. أما التخلف ما عندي فكره عنه

وبالنسبه للوحات التعليميه انتي واللي تلتمسينه في شخصيته واللي يحبه
وأتصور أن الواحد يعلمه الأمور الحياتيه وايد أحسن ..
لأنه هي الي بتنفعه بحياته .. رسمي له صورة الساعه وعليها الأرفام
وأشتري له ساعه حق يده عليها ارقام وربطي بينهم لما يعرف المعنى الحقيقي للوقت
وبجذي ابدي معاه اوقات اليوم مثلا :

الساعه 8 الصبح نقوم ونروح الحمام و.....
وعقبها نبدل ونروح نآكل الفطور .... وانتي واهتماماتج معاه

بصراحه هذا اللي حاضرني اللحين ... علميه اوقات اليوم وشنو يقدر ينفع نفسه من خلالها
أتمنى أني فدتج لو بالقليل .. وعسى الله يكثر من أمثالج الصالحه فديتج

 

[مـي]

بعد قلبي ام عزوزي ماقصرتي حبيبتي

الله يسعد لي ايامك يارب

 

[توت وتين]

حبيبتي الله يبارك فيك على هالروح الانسانية الطيبة


انصحك تعرضين حالته في منتدى اطفال الخليج كله متخصصين

وممكن جدا يساعدونك

موفقة

 

[الصابرة المحتسبة]

خوش فكرة ياتوت لأن هالمنتدى سعودي ويقدر يساعدها أكثر

 

[نونا العتيبى]

بعد قلبي يا مي والله قطعتي قلبي ,,والله يآجرج علي اللي ودج تسوينه وياه ,,,شوفي أنا مدرس بنتي الله يشافيها ويحفظها سوالي صور كثيره

وغلفها بالبلاستيك عشان ما تتلف وهالصور عباره عن الأنشطه اليوميه اللي بنتي تسويها ومنها نسختين مثلا صورة ولد يآكل ,,وولد يشرب

وولد ينام وصورة الحمام ,ولزق نسخه من مثلا صورة اللي ينام جنب الفراش والنسخه الثانيه تكون عندي بمكان تشوفه

بنتي وأذا كان فيها النوم أعلمها أنها تأشر علي النسخه الثانيه وتحطها علي النسخ اللي بجنب السرير طبعا مع التكرار

ونفس الشي بالنسبه للأكل أحط الصوره وأخليها تآخذ صورة الأكل وتحطها علي اللي عندي طبعا هذا كله أسويه مع

الكلام مرات ومرات وبعدين عنج الميكرفون ,,وسيله تساعد كثير علي الكلام أنج تسمين شغله وتخلينه يرددها وراج

بس بصراحه آنا حاسه أن حالة الولد موسيئه لهالدرجه لكن المحيط اللي عايش فيه ما يساعده وأولهم أمه ,,,وبعد

أخوانه وبيئته فأكيد الولد يصير فيه حاله نفسيه تأثر فيه ,,,والدليل أنج مهتمه فيه فتكلم معاج بس ,,,ياريت يا مي

تكلمين أهله علي الأقل يدخلونه مدرسة أحتياجات خاصه والله حرام عليهم ,,,,,,آآآخ يا قلبي

 

[مشاعل الشمري]

بنات انا باخذ رايكم بشي انا الحين صارلي 3,5ساكنه بيتي و لله الحمد
ماتعرفت على وايد جيران الا الاربع بيوت الي يمي .......... يعني الي جدامي للحين مو عن شي بس ما يت فرصه؟
الزبده ما طول عليكم
في ياهل تقريبا عمره خمس سنوات كله يدور بالشوارع وبين البيوت الله حافظه كنت اشوفه بس ما دري ان في شي
لمه عيالي قالو لي لا يما الولد هذا في شي دايما يدور في الشارع وكلامه في شي مو عدل
وبعد السايق مالي يقول انه دايما يوقف يدام السييارات وما يخاف ايي دايما عند بيتنا ويسأل عن اسامي يقولون له موبيت فلان يقول امبلا وبنتي اتقولي لمه اطلع الصبح كله واقف عند السياره ويبي يسولف وكل ما تشوفه تقول احقد على اهله حراااااااااااااام
ماله شغل باحد يعني بس يلعب مو شري ما يطق مسالم بس يبي يلعب
:0bee2e8d89:من دريت وانا قلبي ماكلني وما اعرف اهله
يعني ما ادري شنو طبيعة فكرهم؟يرضون احد يدخل ولا ما يتقبلون؟شنو اسوي خواتي

 

[نونا العتيبى]

والله يا مشاعل الناس قلوب الناس ما عاد فيها رحمه ,,,والله ولد بهالعمر مهيتينه بالشارع ما يخافون أحد يبوقه من هالسواق ,,,لكن
الله بيحاسب أهله أذا صار فيه شي ونصيحتي أنج تآخذين رقمهم وتتعرفين علي الأم اللي قلبها ميت ,,,وتنصحينها ,,ولا خلي زوجج
يكلم أبو الولد ,,,,حرام عليهم أحنا عيالنا صاحين ما نهيتهم ,,,,بعد ومو طبيعي ,,,,

 

[الصابرة المحتسبة]

أختي مشاعل إذا قدرتي وانتي بأسلوبج دقي أو مري على أهله وكلمي الأم بطريقة حلوة ولاتحسسينها إنج قاعدة تنقدين أو تشكين من ولدها.

 

[مشاعل الشمري]

السلام عليكم ورحمة الله وبركاته
شاكره لكم ردودكم وتفاعلكم معاي وانشاءالله ببذل جهد اني اروح لهم البيت
وادعو لي ان الله يفتح علي واقدر افيد هالطفل:eh_s(21):