بنات صلوا على النبي
خوفتوا البنت
وشتتوها
حبيبتي هذا الامر يصير كثير لكن لازم تصبرين وتحكمين عقلج قبل التصرف
واللي تقول كلميه وواجهيه انا ما انصحج بذلك اذا كنتي تبينه وتقعدين على ذمته
اولا:عليج بالقرب من الله والدعاء ثم الدعاء وكفري ذنوبج
وعليج بهذا الدعاء اذا كنتي شايفه الامر نصيبه
انا لله وانا اليه راجعون اللهم اجرني في مصيبتي واخلف لي لي خيرا منها
وهذا الدعاء:
اللهم اجعل لنا في ازواجنا وذراياتنا قرة اعين واجعل للمتقين اماما
وعليج بسورة البقره يمكن يكون الامر روحاني وعموما اخذها بركه وتركها حسره
ثانيا من ناحية التصرف:فالبدايه التزمي الصمت لين تكتشفين الاسباب:
وعندي اسئله عشان اساعدج:
هل من بداية زواجكم جذي؟
ولاتغير فجأه؟
شنو نوع زواجكم رغبه منه ولا اسباب اخرى؟
هل سوا جذي بعد تصرف او مشكله بينكم لان الرجل غالبا يضغط على زوجته اذا يبي يغير سلوك كارهه؟
وعمونا لا تحاتين الله يسخره لج استغلي الفتره اللي يجيج فيها قد يكون الوضع مؤقت لان زوجته الاولى شارطه عليه او تبكي عنده لذلك سوا جذي لكن مع الوقت قد يتعود على ادموعها ويشتاق لج ويضبط اموره لذلك عليج بالصبر ولاتخلينه ينفر منج انسي الحنه والتشراه مبدئيا*
