تكفون رايحه تايلند,,,وشفت الرد هذا ونصدمت,,,

[شمس.الحب]

بنات انا ناويه اروح تايلند من مدح الكل لها


ولي فوق الشهر اسوي بحث عنها في النت


وانجلطت من الرد هذا تكفوووون اللي راحوا يعطوني رايهم

المستشفي زينه كخدمة ورعايه بس لازم شغل النصب شويه كاهتمام زااايد وراي الشخصي ومن وجهة نظري بالديره وصخخخخخخخخخخخخخخخخخخخه من قلب ماشافت شي اسمه نظافة وخاصة شارع العرب نانا الي فيه المستشفي يعني صكي خشمج من الريحة والزباله بكل مكان جياس الزباله تكرمين و مافيها تحضر وسنع وريحة الاكل تبط الراس والشعب وصخ ومايفهم انجليزي والبوذا كله ذبان ونمل والاكل الله يزيد النعمه وخصوصا المطاعم العربيه وصخه صراحه بانكوك مأساة بكل شي فرق السما عن الارض بينها وبين ماليزيا وهونغ كونغ وكوريا وااااي ببجي لما اذكر منظر العربانات والمجاري الي طافحة والتكتوك والديزل والجسور الرماديه المعلقة ولا الريحه صراحه مابي اضيق خلقج بس ياريت توقعينها اسوء من جذي عشان ماتنصدمين بالواقع المرير مثلي والمستشفي جيدة وعلي فكره انا سكنت بعيد عنها بسيام سكوير وهم مايازتلي المنطقة الفنادق جيدة كخدمه ونظافه بس كلش مو نفس فخامة دول شرق اسيا المتحضره وماتشوفون شر

 

[ام الدرر]

حبوبة انتي بتدورين بالشوارع
انت رايحة سياحة
بتزورين معالم ومنتزهات واماكن وناسة
الشارع اللي ذكرته الاخت منطقة قديمة ومتروسة عرب لان فيها محلات التقليد والبخور والعطور العربية
انا رحت تايلند مرتين ومادخلته الا مرة وحده اشتري بخور بالجملة
حياتي المستوى المعيشي لدول شرق اسيا متدني فاكيد ما في خدمات جيدة
زيارتج اكيد بتكون للجزر وبانكوك خليها محطة اخيرة للتسوق

 

[نياره]

معروف عن تايلند انها وصخخه مو شي جديد

 

[ω ــردوه Qtr]

بالعكس تايلند حلووه هي صح وصخه بس مو لهدرجه يعني
مااقولج شارع العرب صج ووصخ وربيحته خايسه
والمنطقه الي سكنه فيها اخر مره بعيده عن نانا ستريت نظيفه وهدوووء بس واايد بعيده
انا رايحتها 3 مرات وبعد ابي ارووح
وانتي كيفج

 

[al6aylaaa]

اااب
للفائده

 

[روح مغليها]

رحت لهااا





وووووووووووووع



روحي تركيا اشرف واونس

 

[الهنوف24]

انا مارحت لها بس خواتي راحو لها يقولون اسلوبهم ومعاملتهم مو حلوه بس انتي جربي الدنيا تجارب بلكي تضبط معاج

 

[شمس.الحب]

مشكورين بنات


كملوا



الباقين يكتبون تجاربهم

 

[بنوت بنوت]

والله يازينها ويازين سوقها وكل شي فيها حلو
لا تسكنين في نانا سكني بسيام وخلي بانكوك بس شوبنق الرحلات والوناسه بالجزر

 

[الأنسة ناعمة MA]

أمممم أغلب يروحون تايلند بضاعة وودولة رخيصة حق السفر ووتقزيرة ووحق خراب بعدين عيب شرق اسيا جوها رطوبة فتطلع خياس ماكو نظافة شي طبيعي ناس فقراء
أذا نيتج سياحة روحي تركيا أو لبنان وايد يمدحونها أو لندن أو دولة أوربية زيلامسي أو فرنسا

 

[' #sǎrǎh . . ']

اب اب

 

[سندس 90]

مممم ماادري اختي راحت لها تقول حليوه بس فرق عن ماليزيا واندونيسيا تقول هذيلا احلا بويييين

 

[حـلا و ذوق]

كل الي قالته واكتبته لج صح لووووووووعة و قذارة و وساخه .. ومسخرة والخياس بكل مكان ماتدرين الفندق الا السواد ينزل منج وانتي تتسبحين طبعا هذا بس فـ بانكوك ..

لكن الجزر .. لا اتينن وتهبل وتشوف وراح تستانسين .. وانظف منها ..

مثل بوكيت روووعه روحي وانتي مغمضة ​

 

[سفييره الكويت]

انا ماعجبتني شرق اسيا مو شي وصخين لكن اذا بروح لها يوم من الايام تأكدي لانها افضل الموجود مو اكثر

انا افضل دولتين زرتهم وفيها سياحه ووناسه لندن وتركيا

 

[بحةة آلشۈق]

Up
Up

 

[خلطات المذهله]

تايلند وصخه هالشي معروف لكن كسياحه الجزر والتسوق بسسسسسسسسسسسس

 

[جروح ودموع]

وااااي عاد بنروح لها ان شالله بس سويتولي احباااااااااااااااااااط

 

[شمس.الحب]

لا حبيبتي توكلي علي الله

انا بعد البحث اللي سويته تقريبا شهر كامل وانا مقابله النت وادق التفاصيل عرفتها عنها


الشي الوحيد الوصخ فيها هو شارع العرب

قد ماتقدرين لاتروحين له

واهم شي السكن بعيد عنه

لدرجة ان اكثر الناس ماتسميه شارع العرب لا تسميه شارع المجاري وانت بكرامه

 

[ام خوووخه]

بنات انا هالشي متوقعته من تايلند مع اني ولامره زرتها رحت ماليزيا بس موحيل عجبتني اجواء شرق اسيا مومثل اوروبا بس انا ولادتي بالشتا وحيل تعبت من نساتي وودي بطلعتي اسافر والكل يمدح بتايلند شكلي بروح دبي واخش فلوسي حق الصيف شرايكم

 

[yaamye]

بالعكس أنا كل صيف ف تايلند ماشفت شي وصخ ومعاملتهم وايد زينه ولا يغشونج وانا عن تجربه لأي استفسار أنا حاضره